Тод мэдээ
БГД-ийн удирдлагууд тус дүүрэг дэх цагдаагийн газрын 2-р хэлтэст ажиллалаа
Энэ үеэр ИТХ-ын дарга Б.Сэмжидмаа “Эрхэм та бүхэнд дүүргийн ИТХ-ын төлөөлөгчид, тэргүүлэгчид, ГХУСАЗСЗ-ийн гишүүдийнхээ өмнөөс талархал илэрхийлье. Дүүргийн ГХУСАЗСЗ-ийг тэргүүлэн ажиллах үүргийн хүрээнд 2021 оноос Баянгол дүүрэгт гарсан гэмт хэрэг, зөрчил нэг бүр хуулийн хүрээнд шийдвэрлэгддэг байх. Энэ чиглэлд хяналтыг өндөржүүлэх. Аливаа хэрэг зөрчилд холбогдсон этгээд танил тал, албан тушаалаар түрий барьж цагдаа, шүүхийн байгууллагын хууль ёсны шийдвэрт нөлөө үзүүлэхээс сэргийлэх чиглэл өгч ажиллаж байна. Цагдаагийн байгууллагын нийт бие бүрэлдэхүүн өндөр зохион байгуулалттай ажиллаж, өмнө тогтсон муу жишгүүдийг халах, эерэг үр дүнд хүрэхийн төлөө хичээж ажиллаж байгааг бодитоор харж байна. Ард иргэдийнхээ амар тайван амьдралын төлөө өргөсөн тангарагтаа үнэнчээр зүтгэн, бүхий л цаг үед хариуцлагатай ажилладаг та бүгддээ ажлын амжилт хүсье. Танай хамт олны ажлын арга барил, амжилтууд улсын хэмжээнд сайн жишиг болон дурдагдаж байгаад бахархаж байна. Бүхий л цаг мөчид ар гэр, үр хүүхэд, үнэтэй бүхнээ хойш тавьж өргөсөн тангарагтаа үнэнч зүтгэдэг та бүхэндээ баярлалаа” хэмээн хэлсэн юм.
Цагдаагийн 2-р хэлтсийн дарга, Цагдаагийн хурандаа Н.Сумъяа байгууллагын дотоод зохион байгуулалт, хүн амд үзүүлж буй цагдаагийн байгууллагын үйлчилгээ, алба хаагчдын ажлын үндсэн болон, нэмэлт чиг үүрэг, нийгмийн асуудлыг дэлгэрэнгүй танилцуулсан юм.
Тус хэлтэст 176 цагдаагийн албан хаагч харьяалагдаж, дүүргийн 4, 5, 6, 7, 8, 9, 10, 11, 20, 21, 25-р хорооны нутаг дэвсгэрт 113 мянга гаруй хүн амын аюулгүй, амар тайван амьдрах нөхцөлийг хангаж ажилладаг.
2018 оны байдлаар нийслэлийн 17 цагдаагийн хэлтсээс 17 дугаар байрт жагсаж байсан бол 2021 оны байдлаар улсын хэмжээнд 1 дүгээр байрт явж байна гэв.
Түүнчлэн дүүргийн удирдлагуудад дараах зүйлд анхаарч, дэмжлэг үзүүлэхийг хүсч байлаа.
Үүнд: 10-р хороололд байршдаг цагдаагийн хэсгийн байрны засвар үйлчилгээг сайжруулахад шаардагдах төсөвт дэмжлэг үзүүлэх, олон нийтийн цагдаагийн орон тоог нэмэгдүүлэх, хороодын цагдаа нарын ажиллах өрөө тасалгааны хүртээмжийг нэмэгдүүлэх шаардлагатай байгаа талаар мэдээлсэн юм.
Уулзалтад ИТХ-ын Дэд дарга, Төлөөлөгч Г.Мөнхсайхан, Дэд дарга, Тэргүүлэгч Н.Болдбаатар, Төлөөлөгч, Тэргүүлэгч Г.Өлзийнаран, Төлөөлөгч, Тэргүүлэгч Н.Энхчимэг, Төлөөлөгч, Тэргүүлэгч, Дэд бүтэц, ногоон хөгжлийн хорооны дарга Ө.Ууганжаргал, Төлөөлөгч, Хүний хөгжил, нийгмийн бодлогын хорооны дарга Ц.Гантулга, Төлөөлөгч, Хууль, эрх зүй, Цахим бодлогын хорооны дарга Б.Ууганцэцэг, Төлөөлөгч, Нийгмийн бодлогын хороон дарга Ц.Түмэндэмбэрэл, төлөөлөгч С.Мягмарсүрэн, Ажлын албаны дарга А.Даваажаргал нар оролцлоо.
Тод мэдээ
А.Амартүвшин: 2026 онд 50 мянган өрх, 2027 онд 65 мянган өрхийг хийн түлшний хэрэглээнд шилжүүлнэ
Галлагааны улирал эхэлж буйтай холбоотойгоор шахмал түлш, хагас коксон шамхал түлш болон хийн түлш, дулаалгын талаар нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогч А.Амартүвшин мэдээлэл өглөө.
Тэрбээр “Есдүгээр сарын 15-ны өдрөөс эхлэн 400 орчим цэгт шахмал түлш борлуулж эхэлсэн. Харин аравдугаар сарын 1-ний өдрөөс эхлэн сайжруулсан түлш болон хагас коксон түлшийг хамтад нь борлуулж эхлэх бөгөөд иргэд өөрсдийн сонголтоор худалдан авах боломжтой. Ингэснээр иргэд харьцуулж хэрэглэн, дүгнэлтээ хийх боломжийг олгож байна. Энэ жилийн тухайд иргэд туршилтын гурван сарын хугацаанд “HOTULA” аппликейшн болон “Сайн” карт ашиглан түлш худалдан авна. “HOTULA” аппликейшн нь хэрэглэгч өөрийн худалдан авсан түлш, зарцуулалт, үлдэгдлээ шууд хянах боломжийг олгож, өрхийн хэрэглээг ил тод, хэмнэлттэй болгох давуу талтай. Харин арванхоёрдугаар сарын 15-аас эхлэн “Сайн” картын системийг бүрэн халж, зөвхөн аппликейшны систем рүү шилжинэ. Энэхүү аппликейшныг ашиглах боломжгүй айл өрх, хэрэглэгчид иргэний үнэмлэхийнхээ QR кодоор түлшээ худалдан авч болох юм. Нийслэлийн Түлш хэрэглэгчдэд үйлчлэх төв 24 цагийн турш үйл ажиллагаа явуулж, угаарын хийн болзошгүй эрсдэлээс урьдчилан сэргийлэх ажлыг эрчимжүүлсэн. Нийслэлийн хэмжээнд түлш хэрэглэгч бүх өрхийг энэ онд багтаан нэгдсэн удирдлагын системд холбож дуусгах бөгөөд угаарын аюул бүртгэгдсэн өрхөд 5-7 минутын хугацаанд очиж, нөхцөл байдлаас шалтгаалан эмнэлгийн тусламж зэрэг арга хэмжээг авна.
Мөн энэ жил 306 мянган тонн хагас коксон түлшийг хэрэглээнд нийлүүлэхээр төлөвлөсөн бөгөөд энэ нь агаарын бохирдлыг 45-50 хувиар бууруулах тооцоо гараад байна. Үүнээс гадна Гандан, Телевиз, Дэнжийн 1000 орчмын буюу Баянгол, Чингэлтэй дүүргийн 5000 өрхийг бүрэн дулаалж, хийн түлшний хэрэглээнд шилжүүлнэ. Эдгээр хийн түлшний хэрэглээнд шилжиж буй 5000 өрх нь 22 цэгт хийн түлшээ цэнэглүүлэх байдлаар ашиглана. Аюулгүй байдал болон чанарын хүрээнд дэлхийн брэндүүд болох “Haier”, “Hisense” компаниудтай хамтран хийн түлшний инженерчлэлийг шийдэж байна. Ирэх жилд 50 мянган өрх, дараагийн жилд нь 65 мянган өрхийг хийн түлшний хэрэглээнд шилжүүлэх төлөвлөгөөг гаргаад байна” гэлээ.
Өнөөдрийн байдлаар нийслэлийн хэмжээнд 172 мянган өрх галлагаа хийж байгаа бөгөөд 2028 он гэхэд 100 гаруй мянган өрхийг хийн түлшинд бүрэн шилжүүлэх юм. НҮБ-ын Хүүхдийн сан, нийслэл, дүүрэг, хороодын албан хаагчид болон цагдаа, онцгой байдлын албан хаагчид хийн түлшний аюулгүй ашиглалтын сургалтыг явуулна. Хийн түлшийг сурталчлах, хэрэглээнд нэвтрүүлэх үүднээс галлагааны улирлын есөн сарын хугацаанд 900 мянган төгрөгийн хөнгөлөлтийг олгох зэрэг төлөвлөлт хийгдэх аж.
Мөн хагас коксон нүүрсний үйлдвэр байгуулах судалгааны ажил үргэлжилж байгаа бөгөөд гэрээ байгуулагдсанаас хойш 14-16 сарын хугацаанд үйлдвэрийг ашиглалтад оруулах боломжтой гэв. Тодруулбал, хоёр жилийн хугацаанд иргэдийн түлшний хэрэглээг багасгасны дараа хагас коксон түлшийг дулааны болон цахилгаан станцууд ашиглах юм.
Тод мэдээ
Хүннү хотын дэд бүтцийн бүтээн байгуулалтын ажлууд үргэлжилж байна
Улаанбаатар хотын 2040 оны хөгжлийн ерөнхий төлөвлөгөөний дагуу нийслэлийн төвлөрлийг сааруулах, бүс нутгийн тэнцвэртэй хөгжлийг хангах зорилгоор Төв аймгийн Сэргэлэн сумын 31 мянган га газарт Хүннү хотыг байгуулахаар төлөвлөсөн.
Тус хотод 150 мянган хүн оршин суух бөгөөд 80 мянган ажлын байр бий болно гэж тооцоолж буй.
Мөн их, дээд сургууль, оюутны хотхон, төр захиргаа болон тээвэр логистикийн нэгдсэн цогцолбор байгуулж, эдийн засгийн чөлөөт бүс байхаар төлөвлөж байна.
Хүннү хотын дэд бүтцийн барилга угсралтын ажил өнөөдрийн байдлаар дараах байдлаар үргэлжилж байна. Тодруулбал,
- Цахилгаан хангамжийн ажил 86 хувь;
- Ус хангамжийн ажил 80 хувь;
- Үерийн хамгаалалтын сувгийн ажил 75 хувь;
- Мэдээлэл холбооны сүлжээний ажил 65 хувь;
- Ариутгах татуургын ажил 10 хувь;
- Дулаан хангамжийн ажил 10 хувийн гүйцэтгэлтэй байна.
Тод мэдээ
АТГ: Мөрдөн шалгах ажиллагаанд 941 хэрэг шалгагдаж байна
Авлигатай тэмцэх газрын Мөрдөн шалгах хэлтэс 2025 оны есдүгээр сарын 8-14-ний өдрүүдэд гэмт хэргийн шинжтэй 95 гомдол, мэдээллийг шалгав.
Үүнээс 9 гомдол, мэдээлэлд хэрэг бүртгэлтийн хэрэг нээх, 13 гомдол, мэдээлэлд хэрэг бүртгэлтийн хэрэг нээхээс татгалзах, 2 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 71 гомдол, мэдээллийг хянан шалгаж байна.
Түүнчлэн эрүүгийн 969 хэрэгт мөрдөн байцаалтын ажиллагаа явуулснаас 11 хэргийг шүүхэд шилжүүлэх, 14 хэргийг хаах, 2 хэргийг харьяаллын дагуу шилжүүлэх саналтай прокурорт хүргүүлж, 2 хэргийг нэгтгэн шалгаж байна. Мөрдөн шалгах ажиллагаанд одоогоор 941 хэрэг шалгагдаж байна.
Эрүүгийн болон хэрэг бүртгэлтийн 3 хэрэгт нийт 13 объектод нэгжлэгийн ажиллагаа явуулж, хэрэгт ач холбогдол бүхий нотлох баримтуудыг хураан авлаа гэж АТГ-аас мэдээллээ.
-
Өнөөдөр2022/12/23
Үс шинээр үргээлгэх буюу засуулахад тохиромжгүй
-
Өнөөдөр2021/03/22
Улаанбаатарт өдөртөө 10 хэм дулаан
-
Тод индэр2021/10/21
Д.Сумъяабазар: Сургууль, цэцэрлэг, ногоон байгууламж төлөвлөөгүй нэг ч хотхоныг ...
-
Тод мэдээ2023/11/08
Азийн хөгжлийн банк Монгол Улстай хамтран хэрэгжүүлэх түншлэлийн стратегид санал...