Тод мэдээ
Дэлхийн аялал жуулчлалын өдөр тохиолоо
Дэлхийн аялал жуулчлалын байгууллагаас жил бүрийн есдүгээр сарын 27-ны өдрийг “Дэлхийн аялал жуулчлалын өдөр” хэмээн тэмдэглэн өнгөрүүлдэг.
Энэ жил “Аялал жуулчлал ба тогтвортой шилжилт” уриан дор тэмдэглэн өнгөрүүллээ.
Дэлхийн аялал жуулчлалын өдрийг тохиолдуулан Соёл, спорт, аялал жуулчлал, залуучуудын яамнаас аялал жуулчлалын салбарын судлаач, эрдэмтэд, хувийн хэвшлийн төлөөллүүд, салбарын ахмадуудаа хүлээн авч, хүндэтгэлийн хурал зохион байгууллаа.
Хүндэтгэлийн хурлын үеэр ССАЖЗЯ-ны Аялал жуулчлалын бодлогын хэрэгжилтийг зохицуулах газрын дарга В.Батчимэг “Монгол Улсын өвлийн аялал жуулчлалын төлөвлөгөө”, Нийслэлийн аялал жуулчлалын газрын дарга Д.Батсүх “Нийслэл Улаанбаатар хотод 2026 онд хэрэгжүүлэх арга хэмжээ”-г тус тус танилцуулж, аялал жуулчлалын салбарын хамтын ажиллагаа чухал болохыг онцлон тэмдэглэлээ.
Мөн салбартаа олон жил үр бүтээлтэй, хичээл зүтгэл гарган ажиллаж, хувь нэмэр оруулсан төлөөллүүдийг Соёл, спорт, аялал жуулчлал, залуучуудын яамны Жуух бичиг, Аялал жуулчлалын салбарын тэргүүний ажилтан цол тэмдгээр шагнав.
Түүнчлэн уламжлал болгон зохион байгуулдаг “Гранд тур” аялал жуулчлалын улсын XXIII олимпиадын нэг төрөл болох “Аялал жуулчлалын үзэсгэлэн”-г Сүхбаатарын талбайд зохион байгуулж, олимпиадын шагналт байруудыг тодрууллаа гэж Соёл, спорт, аялал жуулчлал, залуучуудын яамнаас мэдээллээ.
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Тод мэдээ
“Тархцын хяналт-2025” нэгдсэн арга хэмжээний хүрээнд 21 гэмт хэргийг илрүүллээ
Цагдаагийн байгууллагаас Улаанбаатар хот руу нэвтрүүлж буй мансууруулах үйлчилгээтэй ургамлын урсгалыг таслан зогсоох, илрүүлэх, урьдчилан сэргийлэх зорилгоор “Тархцын хяналт-2025” нэгдсэн арга хэмжээг энэ оны наймдугаар сарын 18-ны өдрөөс есдүгээр сарын 25-ны өдрийн хооронд зохион явууллаа.
Арга хэмжээний хүрээнд орон нутгаас нийслэл хот руу нэвтрэх замын хөдөлгөөний хяналтын 8 цэг, орон нутгийн хяналтын 6 пост, хяналтгүй замуудад шалгалтын ажлыг тасралтгүй зохион явуулж 45 холбогдогчтой 21 гэмт хэргийг илрүүлж эд мөрийн баримтаар хураагдсан бодисыг өмнөх оны мөн үетэй харьцуулахад мансууруулах ургамал (каннабис) 4 дахин, ургамлын гаралтай бодисын хэмжээ 17,5 дахин тус тус өссөн байна. Эд мөрийн баримтаар 156,150 хүний нэг удаагийн хэрэглэх боломжтой бодисыг хураан авч хууль бус үйлдлийг таслан зогсоосон.
Цагдаагийн байгууллагаас нийслэл хот руу нэвтрэх авто зам дээр гэмт хэрэг, зөрчлийг таслан зогсоох, урьдчилан сэргийлэх чиглэлээр хяналт шалгалтын ажлыг үргэлжлүүлэн зохион байгуулж байна.
Тод мэдээ
Монгол Улсын хамгийн өндөр настан 107 настай
Монгол Улсын нийт хүн амын 9.0 хувийг ахмадууд эзэлж байгаагаас 40.2 хувь нь эрэгтэйчүүд бол 59.8 хувь нь эмэгтэйчүүд байна. Улсын хэмжээнд хамгийн өндөр настан 107 настай байна гэж Үндэсний Статистикийн Хорооноос мэдээллээ.
Тод мэдээ
Нийгмийн даатгалын сангийн хөрөнгө 8.6 тэрбум төгрөгөөр дахин арвижлаа
Нийгмийн даатгалын ерөнхий хуулийн 13 дугаар зүйлд Нийгмийн даатгалын сангийн чөлөөт үлдэгдлийг найдвартай, үр өгөөжтэй, хариуцлагатай, ил тод, хараат бус байх зарчмыг баримтлан зөвшөөрөгдсөн санхүүгийн хэрэгсэлд хөрөнгө оруулж болно гэж заасан.
Нийгмийн даатгалын үндэсний зөвлөлийн 2025 оны 7 дугаар тогтоолоор арилжааны банканд мөнгөн хадгаламж хэлбэрээр байршуулах хөрөнгийн дүнг 8 дугаар тогтоолоор хадгаламжийн хүүгийн хэмжээг шинэчлэн тус тус баталсан.
Нийгмийн даатгалын ерөнхий газар арилжааны банканд мөнгөн хадгаламж байршуулах тооцоолол хийж Нийгмийн даатгалын үндэсний зөвлөлийн дэргэдэх орон тооны бус Мэргэжлийн хороо, Олон нийтийн хяналтын зөвлөлөөр хянуулж банкны системд нөлөө бүхий арилжааны 4 банканд нийгмийн даатгалын сангийн чөлөөт үлдэгдэл болох 700 тэрбум төгрөгийг нэг жилийн хугацаатай, жилийн 15 хувийн хүүтэйгээр мөнгөн хадгаламж хэлбэрээр байршуулсан.
Банкуудтай байгуулсан гэрээний дагуу 2025 оны 9 дүгээр сарын ээлжит хүү болох 8.6 тэрбум төгрөгийг санд хүлээн авч нийгмийн даатгалын сангийн хөрөнгийг дахин арвижууллаа. Өмнө нь 5, 6, 7, 8 дугаар сарын хүү болох 35.0 тэрбум төгрөгийг хүлээн авсан ба одоогийн байдлаар нийт 43.6 тэрбум төгрөгийн хүүгийн орлогыг санд хүлээн аваад байна. Энэхүү хадгаламжийн хугацаанд нийт 105.0 тэрбум төгрөгийн хүүгийн орлого олох юм гэж Нийгмийн даатгалын ерөнхий газраас мэдээллээ.
-
Өнөөдөр2020/09/22
Газар хөдлөлтийн чичирхийлэл нийслэлийн иргэдэд хүчтэй мэдрэгджээ
-
Тод мэдээ2022/05/12
ЗГ: Нөөцийн махны өргөтгөсөн худалдаа зохион байгуулна
-
Тод мэдээ2023/09/05
ГИХГ: Наймдугаар сарын өргөдөл гомдлын шийдвэрлэлт 95,9 хувьтай байна
-
Тод индэр2020/04/24
У.Хүрэлсүх: Цугласан хандивын хэмжээнд тохируулан сонгууль явуулах бололцоо улс ...