Чөлөөт бүс
Жилд дунджаар сая гаруй эмэгтэй хөхөндөө силикон шахуулдаг
Хүүхнүүд хөхөө сайхан хэлбэртэй, том байлгахын төлөө бүхнийг хийхэд бэлэн байдаг. Гэтэл зарим нь хэтэрхий том хөхнөөсөө болоод хүзүү, сээр нь байнга өвдөх, мөн таарах хөхөвч олдохгүй “ихэр хүүхдийн малгай” адил юм хайх хэрэг гардаг. Тиймээс тэдний зарим нь хэт том хөхөө багасгах, унжсан бол сойлгох мэс засал хийлгэдэг.
Хөхний хэлбэр болон хэмжээгээ голсноос болж эмэгтэйчүүд өөртөө сэтгэл хангалуун байж чаддаггүйгээс сексийн амьдралдаа ч тааруу ханддаг болох нь энүүхэнд. Сайхан хөхтэй байснаа хүүхэд төрүүлээд унжсанаас үүдэн уур уцаартай нэгэн болох бөгөөд энэ нь гэр бүлийн хэвийн уур амьсгалд ч сөргөөр нөлөөлж эхэлдэг. Гэхдээ өнөөдөр том хөхгүй, хөх муутай байх нь толгой гашилгаад байх асуудал биш болсон. Энэ тал дээрх судалгааны ажлууд хөгжингүй улс оронд их хийгддэг болсон. Тэдгээр оронд хөхний гоо сайхны мэс заслын эрэлт хэрэгцээ ч их байдаг.
Ер нь бол хөх томруулахад механик арга буюу иллэг, гормон эмчилгээ, тосон түрхлэг, эм, тариа хэрэглэх, гель тарих, имплант суулгах зэрэг хэд хэдэн арга байдаг.
Гэхдээ аппаратын тусламжтай иллэг хийх болон гормон эмчилгээ зэрэг нь эмчилгээний явцад л хөхийг бага зэрэг томруулахаас биш эмчилгээ зогсонгуут хэлбэр хэмжээ нь хуучин байдалдаа орчихдог. Эдгээр эмчилгээ нь хөхний эд эсэд шууд нөлөөлж зарим тохиолдолд булчирхайг ч гэмтээж болох талтай.
Харин хөхний булчирхайг огт хөндөлгүйгээр томруулдаг, хамгийн найдвартай, урт хугацааны үр дүнтэй, олон хүүхнүүдийн хүслийг биелүүлж чаддаг арга бол имплант суулгах юм.
Имплант нь силикон ба физиологийн уусмалаар дүүргэсэн гэж хоёр янз байдаг. Силиконоор дүүргэсэн имплантыг 1992 онд АНУ-д хуулиар хорьсон ч Европын зарим улсад болон өмнөд хөршид өнөөг хүртэл мэр сэр суулгасаар байна. Харин физиологийн уусмалаар дүүргэгдсэн имплант нь аль ч улсын хуулиар хүлээн зөвшөөрөгдсөн байдаг бөгөөд дэлхий дээр жилд дунджаар сая гаруй эмэгтэйчүүд ийм хөх суулгуулдаг.
Физиологийн уусмалаар дүүргэдэг имплантыг суга, хөхний нөсөөт хэсэг мөн түүний доогуур аль нэг хэсэгт 1.5-2 см урттай зүслэг хийж тавьдаг. Мэс засал нь 30-40 минут үргэлжилнэ. Анхааруулж хэлэхэд имплант нь гэмтэл болон бусад гадны нөлөөнөөс болж хэдхэн сар цаашлаад тав, арван жилийн дараа ч хагарч болно. Гэхдээ энэ нь зургаан мянгад нэг тохиолдох бөгөөд имплантын доторх нь хүний биед хоргүй физиологийн уусмалаар дүүргэгддэг учраас дуслын тариа адил биед уусч ямар ч сөрөг нөлөө үзүүлдэггүй. Түүнчлэн “хөх” нь хагарсан тохиолдолд үнэгүй солих ёстой.
АНУ, Герман, Япон зэрэг орны компанийн имплантууд тусгай тэмдэг дугаартай байдаг. Өөрөөр хэлбэл, та өөртөө ямар үйлдвэрийн ямар дугаартай имплант тавиулснаа мэдэж байх хэрэгтэй. Гэвч эргүүлээд энэ гелийг биенээс авахдаа зөвхөн хөхтэй нь хамт тайрах л арга байдгийг анхаараарай. Ийм төрлийн имплантыг хүүхэд төрүүлээгүй тэр ч байтугай Европын зарим улсуудад насанд хүрээгүй хүний биед ч тавихыг зөвшөөрдөг.
Мөн янз бүрийн өвчин эмгэг, тэр тусмаа хорт хавдрын улмаас хөхөө тайруулсан эмэгтэйчүүдэд ч суулгуулдаг юм байна. Гадны биет суулгуулахаас татгалзсан нэг хэсэгт нь өөрийнх нь өөхийг сороод хөхөнд нь тарьж болох боловч аяндаа хэмжээ нь багасдаг учраас нэг их сайхан үр дүнтэй болдоггүй. Яагаад гэвэл хэдийгээр өөрийнх нь өөх ч гэсэн хөхний булчирхайн цоргыг бөглөж улмаар өөр өвчин эмгэг үүсгэж болох юм. Харин хэдий ийм “хиймэл хөхтэй” ч гэсэн хүүхдээ хөхүүлж болдог нь сайн мэдээ. Гэсэн ч энэ бүх арга нь тийм ч их хүсүүштэй зүйл биш дээ.
Чөлөөт бүс
БНХАУ-д зорчихоор төлөвлөж буй иргэдэд хэрэгтэй аппууд
БНХАУ-д зорчихоор төлөвлөж буй иргэд аяллаа илүү хялбар, аюулгүй болгохын тулд гар утсандаа дараах аппликэйшнүүдийг урьдчилан суулгахыг зөвлөж байна.
WeChat – Харилцаа холбоо, төлбөр, үйлчилгээ
Хятадад хамгийн өргөн хэрэглэгддэг аппликэйшн бөгөөд мессеж, дуудлага хийхээс гадна QR кодоор төлбөр төлөх, такси дуудах, хоол захиалах, төрийн болон бусад үйлчилгээ авах боломжтой.
Alipay – Төлбөр тооцоо
Дэлгүүр, ресторан, нийтийн тээвэр зэрэгт QR кодоор төлбөр хийхэд өргөн ашиглагддаг. Олон улсын банкны картыг холбож ашиглах боломжтой бөгөөд "Tour Pass" үйлчилгээгээр жуулчдад зориулсан төлбөрийн шийдлийг санал болгодог.
DiDi – Такси дуудах
Хятадын хамгийн түгээмэл такси дуудлагын аппликэйшн. Англи хэлний горимтой тул ашиглахад хялбар бөгөөд зорчих үнийг урьдчилан харах, WeChat эсвэл Alipay-аар төлбөр хийх боломжтой.
Baidu Maps – Газрын зураг, чиглэл
Метро, автобус, автомашин болон явган зорчих чиглэлийг нарийвчлан заадаг. Мөн бодит цагийн замын хөдөлгөөний мэдээлэл, ойр орчмын үйлчилгээний байршлыг харуулдаг.
12306 – Галт тэрэгний тасалбар
БНХАУ-ын төмөр замын албан ёсны аппликэйшн бөгөөд хурдны болон энгийн галт тэрэгний тасалбар хайх, захиалах, захиалгаа удирдах боломжтой. БНХАУ-д зорчихоосоо өмнө эдгээр аппликэйшнийг суулгаж, шаардлагатай тохиолдолд бүртгэлээ урьдчилан баталгаажуулснаар төлбөр тооцоо хийх, тээврийн хэрэгсэл ашиглах, замаа олох зэрэг өдөр тутмын үйлчилгээг илүү хялбар авах боломжтой.
Чөлөөт бүс
Дэлхийн хамгийн үнэтэй муурнуудыг танилцуулж байна
Муур нь зөвхөн өхөөрдөм төрхөөрөө бус, үүлдэр, ховор байдал, гарал үүсэл, үржүүлгийн онцлогоосоо шалтгаалан маш өндөр үнэд хүрдэг амьтан юм. Дэлхийд хамгийн үнэтэйд тооцогддог муурны үүлдрүүдийг танилцуулж байна.
1. Ашера (Ashera)
Дэлхийн хамгийн үнэтэй муурны нэгт тооцогддог Ашера нь Африкийн сервал, Азийн ирвэс муур болон гэрийн муурны эрлийз гэж танилцуулагддаг. Ховор учраас үнэ нь 75,000–125,000 ам.доллар хүрдэг байна.
2. Саванна (Savannah)
Африкийн сервал болон гэрийн муурны эрлийз энэ үүлдэр нь өндөр биетэй, урт хөлтэй, зэрлэг төрхтэйгээрээ алдартай. Үнэ нь гарал, үеэсээ хамааран 10,000–50,000 ам.доллар хүрдэг.
3. Бенгал (Bengal)
Азийн ирвэс муурнаас гаралтай энэхүү үүлдэр нь толбот арьс, идэвхтэй зан араншингаараа онцлог. Үнэ нь 3,000–25,000 ам.доллар байдаг.
4. Сфинкс (Sphynx)
Бараг үсгүй төрхөөрөө танигдсан энэ үүлдэр нь тогтмол арчилгаа шаарддаг. Үнэ нь ихэвчлэн 1,500–6,000 ам.доллар байдаг.
5. Перс (Persian)
,aspect=fit&q=75)
Урт, өтгөн үстэй, тайван ааштай Перс муур нь дэлхий даяар хамгийн түгээмэл тансаг үүлдрийн нэг юм. Үнэ нь гарал үүсэл, үржүүлэгчээсээ хамааран 1,000–5,000 ам.доллар хүрдэг.
Муурны үнэ нь зөвхөн үүлдрээс бус, цусны шугам, үржүүлэгчийн нэр хүнд, эрүүл мэндийн баталгаа, вакцинжуулалт, бүртгэл зэрэг олон хүчин зүйлээс шалтгаалан өөр өөр байдаг. Харин мэргэжилтнүүдийн үзэж буйгаар ямар ч үнэтэй үүлдрийн муур байсан эзний хайр халамж, зөв арчилгаа хамгийн чухал хэвээр байдаг.
Чөлөөт бүс
МҮОНТ "Нохойтой дөрвөн танкчин", "Яношик", "Аминаас чухал үйлс" киног үзэгчдэд хүргэнэ
МҮОНТ-ийн уран бүтээлчид Польшийн үндэсний TVP телевизийн урилгаар Польш улсад ажиллаж байна.
Энэ үеэр Польш улсад суугаа Элчин сайд Н.Оюундарь болон Польшийн Үндэсний телевизийн захирал Павел Яблоньскитай уулзав.
Уулзалтаар Польш болон Монголын өв соёл, ахуй амьдрал, үндэстний онцлогийг харуулсан бүтээлүүдийг солилцохоор боллоо.
МҮОНТ, "Дэлхийн морьтнууд" төслийн хамтран бүтээсэн "Зөн дагасан монгол адуу" баримтат киног долоодугаар сарын 13-нд Дэлхийн адууны өдрөөр Польш улсын үзэгчдийн хүртээл болгоно.
Харин МҮОНТ Монголын үзэгчдийн сэтгэлд хоногшсон Польшийн уран сайхны "Нохойтой дөрвөн танкчин", "Яношик", "Аминаас чухал үйлс" зэрэг кинонуудыг албан ёсны эрхтэй, дуу, дүрсний өндөр чанартайгаар үзэгчдэд хүргэхээр боллоо.
-
Үйл явдал2021/01/26
СБД-ийн зарим хороодод хэсэгчилсэн хязгаарлалт тогтоолоо
-
Дэлхий нийтээр..2020/09/22
Ерөнхийлөгч Х.Баттулга Баян-Өлгий аймгийн иргэдтэй уулзлаа
-
Дэлхий нийтээр..2023/08/09
Илүүдэл жин, таргалалтад эрүүл бус хүнсний зар сурталчилгаа хүчтэй нөлөөлдөг
-
Дэлхий нийтээр..2024/03/28
Замын-Үүд-Эрээн боомтын ачаа тээврийг ирэх сарын 1-нээс 24 цагаар ажиллуулна