Тод мэдээ
Ерөнхий сайдыг багаар нь дугуйлж, АРД ТҮМНИЙ СОНГОЛТ хийнэ гэв
УИХ-ын ээлжит сонгуулийн VI тойрогт Монгол Ардын намаас нэр дэвшигчид сонгуулийн сурталчилгаагаа Дорнод аймгийн Баян-Уул, Баяндун, Дашбалбар суманд үргэлжүүлж, иргэд, сонгогчидтой уулзан зүүн бүс нутгаа хөгжүүлэх мөрийн хөтөлбөрөө танилцууллаа.
Баян-Уул суманд төсвийн хөрөнгө оруулалтаар Өндөрхаанаас Ульхан боомт хүртэлх хатуу хучилттай автозам тавих, боомтын өргөтгөл, Ульхан боомтыг дотоодын эрчим хүч, өндөр хурдны шилэн кабелаар хангах ажил үргэлжилж байна. Мөн Дорнод аймгийн төсвийн хөрөнгө оруулалтаар нэн шаардлагатай төрийн албан хаагчдад зориулсан найман айлын орон сууц барьж, эрүүл эко хүнсээр өрх, нутгаа хангах зорилгоор ногоочдын дунд “10000 хүлэмж” хөтөлбөр хэрэгжүүлж, ЕБС-ийн багш, сурагчдын ширээ сандлыг бүрэн шинэчилж, бүх багш нарыг компьютержуулжээ.
Баяндун сумын иргэд мал аж ахуй, төмс, хүнсний ногооны тариалалт хослон эрхэлдэг. 2023 оны жилийн эцсийн байдлаар 275 мянган тоо толгой мал бүртгүүлсэн ч өвөлжилт, хаваржилтын хүндрэлийн улмаас 3400 гаруй нь хорогджээ. “Шинэ хоршоо” хөдөлгөөний хүрээнд 11 хоршоо байгуулагдсанаас "Бая ганга бая" хоршоо 407 сая төгрөгийн санхүүжилт авчээ.
Ардчилсан хөдөлгөөнийг үндэслэгч, төр, нийгмийн нэрт зүтгэлтэн Санжаасүрэнгийн Зориг агсны төрсөн нутаг Дашбалбар суманд улсын төсвийн хөрөнгө оруулалтаар нэгдсэн халаалт хийж, бохир усны системийн ажил үргэлжилж байна. Мөн 35 кВт-ын агаарын шугам тавьжээ. Сумын эдийн засгийн тэргүүлэх чиглэл нь мал аж ахуй. Малын тоогоор сүүлийн 10 гаруй жил Дорнод аймагтаа тэргүүлж байгаа аж. Хонин сүргээр баян нутаг. 2023 оны байдлаар 369 мянга гаруй тоо толгой мал тоолуулснаас 224 мянга гаруй нь хонин сүрэг байна. Өвөлжилт, хаваржилт хүндэрч, цөөнгүй мал хорогджээ. Малчид “Шинэ хоршоо” хөдөлгөөнийг дэмжиж байна. Одоогоор 16 хоршоо шинээр байгуулагджээ.
Эдгээр сумдын иргэд мал аж ахуй, газар тариалан, хилийн боомтын хөгжилд бүсчилсэн хөгжлийн бодлого, МАН-ын мөрийн хөтөлбөр дэх зорилтууд нийцэж байгаа. Ульхан боомтын үйл ажиллагаа өргөжвөл ойр хавийн сумдын хөгжилд ч нөлөөлнө. Ирэх жилүүдэд зүүн бүс нутаг энэ эрчээ алдалгүй, нэгдсэн бодлогоор эрчимтэй хөгжинө гэдэгт итгэлтэй байгаагаа иргэд, орон нутгийн удирдлагууд илэрхийлж байсан юм.
Тухайлбал, иргэн Ц.Фиана “Ахмадууд голцуу амьдардаг буйдхан суурин маань маш эрчимтэй хөгжиж байна. Энэ бүхнийг эхлүүлсэн Ерөнхий сайдыгаа бид багаар сонгоно”, иргэн Б.Баярхишиг “Би сонголтоо хийчихсэн. Залуу хүний хувьд МАН-аас нэр дэвшигчдийг багаар нь сонгоно. Багаар нь сонгож байж үр дүн гарна”, иргэн Х.Цолмон “Ерөнхий сайдаа багаар нь сонгоно. Өнгөрсөн дөрвөн жилд Л.Оюун-Эрдэнэ УИХ-ын гишүүний хувиар Хэнтийд үнэхээр их юм хийсэн гэж хөрш залгаа Хэнтийн иргэд, малчид үнэхээр ам сайтай байдаг юм билээ. Улс орны хэмжээнд ч Засгийн газрын үйл ажиллага, бодлого, тэмцэл заавал үр дүнд хүрэх ёстой. Л.Оюун-Эрдэнэ сайд ажлаа үргэлжлүүлэх ёстой” хэмээн ярилаа.
Ерөнхий сайд тойргоо сольж, эсвэл МАН-ын дарга гээд жагсаалтын эхэнд нэрээ дэвшүүлэлгүйгээр харин ч маш сайн мэргэжлийн баг бүрдүүлээд өөрөө ахлаад зүүн бүсээ өөрчилнө гээд зориод ирж байгаад нь иргэд талархаж буйгаа хэлж байсан. Засгийн газрын бүсчилсэн хөгжлийн бодлого, МАН-ын мөрийн хөтөлбөр, намын жагсаалт нь маш чамбай болсныг олон хүн хэлсэн. Тиймээс улс орон, бүс, орон нутгийнхаа эрчимтэй хөгжлийн төлөө УИХ-ын VI тойрогт Ерөнхий сайд Л.Оюун-Эрдэнэтэй хамт нэр дэвшиж байгаа Лхагвасүрэнгийн Соронзонболд, Пүрэв-Очирын Анужин, Мягмарсүрэнгийн Бадамсүрэн, Мөнгөнцогийн Ганхүлэг, Ухнаагийн Отгонбаяр, Цагаанхүүгийн Идэрбат нарын долоон хүнийг багаар нь бүтэн дугуйлж АРД ТҮМНИЙ СОНГОЛТ хийнэ хэмээж байлаа.
Тод мэдээ
Улаанбаатарт шөнөдөө 24 хэм хүйтэн
Малчид иргэдэд зориулсан мэдээ: 2026 оны нэгдүгээр сарын 1-3-ныг хүртэл ихэнх нутгаар цаг агаар тогтуун байна.
2025 оны 12-р сарын 31-ний 20 цагаас 2026 оны нэгдүгээр сарын 01-ний 20 цаг хүртэлх
цаг агаарын урьдчилсан мэдээ
Хур тунадас, салхи: Ихэнх нутгаар цэлмэг, зөөлөн салхитай.
Агаарын температур: Шөнөдөө Дархадын хотгор, Завхан, Заг-Байдраг голын эх, Идэр, Тэс голын хөндийгөөр 35-40 хэм, Увс нуурын хотгор, Алтай, Хангай, Хөвсгөлийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Хэрлэн, Улз, Халх голын хөндийгөөр 29-34 хэм, Хэнтийн уулархаг нутаг, Тэрэлж голын хөндийгөөр 26-31 хэм, говийн бүс нутгийн баруун өмнөд хэсэг, Хангайн нурууны өвөр бэлээр 12-17 хэм, бусад нутгаар 20-25 хэм хүйтэн, өдөртөө Дархадын хотгор, Завхан, Заг-Байдраг голын эх, Тэс, Ерөө голын хөндийгөөр 23-28 хэм, Увс нуурын хотгор, Монгол-Алтай, Хангай, Хөвсгөл, Хэнтийн уулархаг нутаг, Идэр, Эг, Үүр, Орхон, Сэлэнгэ, Хараа, Хэрлэн, Улз, Халх голын хөндийгөөр 17-22 хэм, Хангайн нурууны өвөр бэл, говийн бүс нутгийн баруун өмнөд хэсгээр 0-5 хэм, Говь-Алтайн уулархаг нутаг, говийн бүс нутгийн хойд хэсгээр 5-10 хэм, бусад нутгаар 10-15 хэм хүйтэн байна.
УЛААНБААТАР ХОТ ОРЧМООР: Цэлмэг. Зөөлөн салхитай. Шөнөдөө Яармаг-Сонгины орчмоор 31-33 хэм, бусад хэсгээр 22-24 хэм, өдөртөө 10-12 хэм хүйтэн байна.
БАГАНУУР ОРЧМООР: Цэлмэг. Зөөлөн салхитай. Шөнөдөө 32- 34 хэм, өдөртөө 13-15 хэм хүйтэн байна.
ТЭРЭЛЖ ОРЧМООР: Цэлмэг. Зөөлөн салхитай.. Шөнөдөө 29-31 хэм, өдөртөө 12-14 хэм хүйтэн байна.
2026 оны нэгдүгээр сарын 2-6-ныг хүртэлх
цаг агаарын урьдчилсан төлөв
Нэгдүгээр сарын 3-нд төвийн аймгуудын нутгийн зүүн хойд хэсэг, зүүн аймгуудын нутгийн зарим газраар цас орно. Бусад хугацаанд нийт нутгаар цас орохгүй. Салхи ихэнх хугацаанд секундэд 4-9 метр, 1-р сарын 3-нд зүүн аймгуудын нутгийн зарим газраар секундэд 12-14 метр хүрч ширүүснэ. Дархадын хотгор, Завхан, голын эх, Хүрэнбэлчир орчим, Идэр, Тэс голын хөндийгөөр шөнөдөө 33-38 хэм, өдөртөө 22-27 хэм, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 27-32 хэм, өдөртөө 15-20 хэм, Хангайн нурууны өвөр бэл, говийн бүс нутгийн өмнөд хэсгээр шөнөдөө 11-16 хэм, өдөртөө 0-5 хэм, бусад нутгаар шөнөдөө 20-25 хэм, өдөртөө 7-12 хэм хүйтэн байна.
Тод мэдээ
Нийгмийн халамжийн тэтгэвэр, тэтгэмжийн хэмжээг шинэчлэн тогтоолоо
Нийгмийн даатгалын сангаас бүрэн болон хувь тэнцүүлэн тогтоосон тэтгэвэр авах эрх үүсээгүй ахмад настан, хөгжлийн бэрхшээлтэй иргэн, тэжээгч нь нас барсан 18 хүртэлх насны хүүхдэд нийгмийн халамжийн сангаас тэтгэвэр олгодог.
Монгол Улсын 2026 оны төсвийн тухай хуульд хөгжлийн бэрхшээлтэй хүний тэтгэвэр, тэтгэмжийг 20 хувиар, бусад тэтгэвэр, тэтгэмжийг 8.6 хувиар нэмэгдүүлэхээр тусгасан.
Нийгмийн халамжийн тухай хуульд “Тэтгэвэр, тэтгэмжийн хэмжээг тухайн үед мөрдөж байгаа хүн амын амьжиргааны доод түвшингийн хэмжээг үндэслэн Засгийн газар тогтооно” гэж заасныг үндэслэн 2026 оны батлагдсан төсөвт багтаан нийгмийн халамжийн тэтгэвэр, асаргааны тэтгэмжийн хэмжээг 2026 оны нэгдүгээр сарын 01-нээс дараах байдлаар олгохоор шийдвэрлэлээ.
Хөдөлмөрийн чадвараа 50 ба түүнээс дээш хувиар алдсан 16 насанд хүрсэн хөгжлийн бэрхшээлтэй иргэн, 16 насанд хүрсэн одой иргэнд олгох нийгмийн халамжийн тэтгэвэр, байнгын асаргаа шаардлагатай 16 хүртэл насны хөгжлийн бэрхшээлтэй хүүхдэд олгох амьжиргааг дэмжих мөнгөн тэтгэмжийн хэмжээг сард 478000 төгрөгөөр, 65 насанд хүрсэн иргэн, тэжээгч нь нас барсан 18 хүртэлх насны хүүхэд, 18 хүртэлх насны 4 ба түүнээс дээш хүүхэдтэй өрх толгойлсон эх, эцэгт олгох нийгмийн халамжийн бусад тэтгэврийн хэмжээг 432000 төгрөгөөр, асаргааны тэтгэмжийн хэмжээг сард 330000 төгрөгөөр, байнгын асаргаа шаардлагатай хүнд хэлбэрийн хөгжлийн бэрхшээлтэй хүүхдийг асарч байгаа иргэнд олгох асаргааны тэтгэмжийн хэмжээг сард 484000 төгрөгөөр тогтоолоо.
Тод мэдээ
Инженерийн олон улсын сургууль байгуулна
Засгийн газрын ээлжит хуралдаан 2025 оны арванхоёрдугаар сарын 31-нд болов.
Шинжлэх ухаан, технологийн их сургууль болон БНХАУ-ын Өвөр Монголын Аж үйлдвэрийн их сургууль хамтран Шинжлэх ухаан, технологийн их сургуулийн салбар-Инженерийн олон улсын сургуулийг Хүннү хотод байгуулна.
Хүннү хотын хөгжлийн ерөнхий төлөвлөгөөний Оюутны хотхон, сургалт, эрдэм шинжилгээ, үйлдвэрлэлийн цогцолборын бүсэд байгуулах Шинжлэх ухаан, технологийн их сургуулийн салбар- Инженерийн олон улсын сургуулийн цогцолборын хэсэгчилсэн ерөнхий төлөвлөгөө, эхний ээлжийн барилгажилтын төсөл болон инженерийн дэд бүтцийн зураг төслийг боловсруулж, бүтээн байгуулалтын ажлыг 2026 эхлүүлнэ.
-
Тод мэдээ2025/04/01
Эрхтэн, эд эс шилжүүлэн суулгах тухай хуулийн төсөл өргөн мэдүүллээ
-
Тод мэдээ2021/07/22
БСШУСБХ: Хаврын чуулганы хугацаанд эрхлэх асуудлын хүрээний 16 хуулийн төслийг х...
-
Тод мэдээ2020/09/17
Хилчин тамирчдад хүндэтгэл үзүүллээ
-
Тод мэдээ2025/05/02
Хүннү хотын тээвэр логистикийн талаарх мэргэжлийн холбоод, компаниудын саналыг с...