Дэлхий нийтээр..
Зам, тээврийн хөгжлийн сайд С.Бямбацорт БНХАУ-ын Жинжөү боомтод очиж ажиллалаа
Ази, Европыг холбосон ложистикийн зангилаа Жинжөү боомт нь Ляонин мужийн баруун хэсэгт, Бөхай тэнгисийн баруун хойд хэсэгт оршдог.
Жилдээ 100 сая тн ачаа боловсруулах хүчин чадалтай Хятадын хамгийн хойд талын боомт бөгөөд нэг жилд 1 сая 100 мянган чингэлэг боловсруулах хүчин чадалтай аж.
Манай улсын хувьд жилдээ 90 мянган ширхэг чингэлэг ачаа импортоор авч 80 мянган чингэлэг буцаадаг.
Манай импортын ачааны ихэнх дамждаг Тяньжин боомт жилд 500 сая тн ачаа боловсруулдаг. Тэгвэл Тяньжинд үүсдэг чингэлгийн бөөгнөрлийг арилгахын тулд Жинжөү боомтыг ашиглах, үүний тулд зүүн босоо тэнхлэгийн төмөр замаа барьж далайн боомттой холбогдсон 2 дахь гарцтай болохыг чухалчилж байна.
Тяньжин боомтын өрсөлдөгч Жинжөү боомт манай улсаас хамгийн ойр буюу ердөө 866 километр. Нийт 3397 мянган метр квадрат агуулах талбайтай, дэлхийн 100 гаруй улс орон, Ази, Америк, Европ, Африк тивийн бүс нутгуудтай навигацийн харилцаатай аж.
Энэ боомтыг бид ашигласнаар чингэлгийн бөөгнөрөл арилж цаашдаа тээврийн үнэ буурч, манай, улсын импортын ачаа маш хурдан ирдэг болох юм. Иймд
-Чойбалсан-Хөөт-Бичигт, Сайншанд-Баруун-Урт-Хөөт чиглэлийн төмөр замын төслүүдээ хурдан хэрэгжүүлэх
-Бичигт хилийн боомтын нэвтрүүлэх хүчин чадлыг нэмэгдүүлэх
-Ачаа тээврийн терминалуудыг байгуулах
-Бичигт хилийн боомтыг хатуу хучилттай авто замаар холбох зэрэг зүүн бүсийн томоохон дэд бүтцийн цогц төслүүдээ Жинжөү хоттой хамтран хэрэгжүүлэх чиглэлээр тус хотын дарга Ван Шиньюй тэргүүтэй төлөөлөгчидтэй уулзаж, хамтран ажиллах ойлголцолд хүрлээ гэж ЗТХЯ-наас мэдээллээ.
Дэлхий нийтээр..
Путин, Саудын Арабын хунтайж нар Ойрхи Дорнодод гал зогсоохыг уриалав
Владимир Путин болон Мухаммед бен Салман нар дөрөвдүгээр сарын 2-нд утсаар ярьж, Ойрхи Дорнодод үргэлжилж буй мөргөлдөөн, бүс нутгийн нөхцөл байдлын талаар хэлэлцжээ. Кремлийн мэдээлснээр хоёр тал гал зогсоох яаралтай шаардлагатай байгааг онцолж, мөргөлдөөнийг дипломат аргаар шийдвэрлэхийг уриалсан байна.
Ярианы үеэр, Ойрхи Дорнодын нөхцөл байдал дордож буй, болон энгийн иргэдийн хохирол нэмэгдэж, стратегийн дэд бүтцэд хохирол учирч байгаа асуудалд ноцтой санаа зовниж байгаагаа илэрхийлжээ.
Мөн бүх талын хууль ёсны ашиг сонирхлыг харгалзан үзэж, улс төр, дипломат хүчин чармайлтыг эрчимжүүлэх шаардлагатайг онцолсон байна. Түүнчлэн мөргөлдөөний улмаас:
- Эрчим хүчний үйлдвэрлэл
- Газрын тосны тээвэрлэлтийн аюулгүй байдал
- Дэлхийн эрчим хүчний зах зээл сөргөөр нөлөөлж болзошгүйг тэмдэглэжээ.
Ийм нөхцөлд ОПЕК+ хүрээнд Орос болон Саудын Араб-ын хамтын ажиллагаа дэлхийн газрын тосны зах зээлийг тогтворжуулахад чухал ач холбогдолтой гэж хоёр тал үзсэн байна. Ийнхүү Орос болон Саудын Арабын удирдагчид Ойрхи Дорнодын хурцадмал байдлыг намжаах, эрчим хүчний зах зээлийг тогтворжуулах чиглэлд хамтран ажиллах байр сууриа илэрхийллээ.
Дэлхий нийтээр..
ОХУ бензиний экспортын хоригийг өргөтгөсөн нь Монголд нөлөөлж болзошгүй
Оросын Засгийн газар бензиний экспортын хоригийг өргөтгөсөн нь шатахууны импортын хамаарал өндөртэй Монголд тодорхой нөлөө үзүүлэх магадлалтай гэж ажиглагчид үзэж байна.
Монгол Улс шатахууны хэрэглээнийхээ дийлэнх хувийг ОХУ-аас импортолдог. Ялангуяа бензин, дизель түлшний нийлүүлэлтийн ихэнхийг Оросоос авдаг тул экспортын хязгаарлалт нь нийлүүлэлт, үнэ ханшид нөлөөлөх эрсдэл дагуулж болзошгүй.
Өмнө нь:
- 2023 онд ОХУ шатахууны экспортод хязгаарлалт тогтоох үед
- Монголд шатахууны нийлүүлэлт саатах
- Үнэ өсөх дарамт үүсэх
тохиолдол гарч байсан.
Шинжээчдийн үзэж буйгаар:
- Зуны улиралд шатахууны эрэлт нэмэгдэх
- Хөдөө аж ахуйн ажил эхлэх
- Зам тээврийн идэвхжил өсөх
үед нийлүүлэлт саатвал Монголд шууд нөлөөлөх магадлалтай.
Гэхдээ зарим тохиолдолд Орос улс стратегийн түнш орнууддаа нийлүүлэлтийг үргэлжлүүлдэг практик байдаг тул Монгол Улсад нийлүүлэлт бүрэн зогсох магадлал бага гэж үздэг.
Ийнхүү ОХУ бензиний экспортын хоригийг өргөтгөсөн нь Монгол Улсад шатахууны нийлүүлэлт, үнэ ханшийн хувьд болгоомжлох шаардлагатай нөхцөл үүсгэж болзошгүй гэж ажиглагчид үзэж байна.
Дэлхий нийтээр..
Иран барууны технологийн компаниудын байгууламжуудыг онилж болзошгүй гэж анхааруулав
Ираны зэвсэгт хүчний нөлөө бүхий байгууллага болох Хувьсгалт хамгаалагчдын корпус Ойрхи Дорнод дахь АНУ-ын технологийн компаниудыг боломжит бай гэж анхааруулсан талаар олон улсын хэвлэлүүд мэдээлжээ.
Тодруулбал, Ираны тал 18 компанийн жагсаалт гаргасан бөгөөд үүнд Microsoft, Apple, Tesla, мөн Google, Intel, IBM, Boeing зэрэг компаниуд багтсан байна. Эдгээр компанийн бүс нутгийн байгууламжуудыг “боломжит бай” гэж үзэж, халдлага дөрөвдүгээр сарын 1-нээс эхэлж болзошгүй гэж мэдэгдсэн тухай мэдээлжээ.
Мөн Ираны мэдэгдэлд, АНУ болон Израилын ажиллагаанд технологийн компаниудын мэдээлэл, хиймэл оюун, хиймэл дагуулын дэд бүтэц ашиглагдсан гэж буруутгасан бөгөөд бүс нутаг дахь ажилтнуудыг ажлын байраа орхихыг хүртэл анхааруулсан байна.
Энэ нь Ойрхи Дорнодын хурцадмал байдал улам өргөжиж, цэргийн зорилтот бай зөвхөн цэргийн объект бус, эдийн засаг болон технологийн дэд бүтэц рүү чиглэх эрсдэл нэмэгдсэнийг харуулж байна гэж шинжээчид дүгнэжээ.
Хэдий тийм боловч одоогоор бодит халдлага болсон тухай баталгаатай албан ёсны мэдээлэл гараагүй бөгөөд нөхцөл байдал тодорхойгүй хэвээр байна.
-
Дэлхий нийтээр..2024/10/25
Бүгд Найрамдах Казахстан Улсын Ерөнхийлөгч К.Токаев Монгол Улсад төрийн айлчлал ...
-
Дэлхий нийтээр..2025/10/30
Хориглосон бүсээс 130 гаруй адуу, мал гаргажээ
-
Дэлхий нийтээр..2025/06/16
Явган хүний замыг шинэчлэхдээ суурийн үе, холбоос хэсгүүдийг чанаржуулахыг үүрэг...
-
Дэлхий нийтээр..2021/01/11
УИХ-ын чуулганы нэгдсэн хуралдаанаар энэ долоо хоногт...