Бидэнтэй нэгдэх

Тод мэдээ

Үйлдвэржилтийн бодлогын байнгын хорооны дарга Т.Энхтүвшин БНСУ-ын судлаачдыг хүлээн авч уулзлаа

Огноо:

,

Улсын Их Хурлын Үйлдвэржилтийн бодлогын Байнгын хорооны дарга Т.Энхтүвшин 2023 оны долоодугаар сарын 25-ны өдөр Эрдэнэтийн Үйлдвэрлэл, технологийн паркыг хөгжүүлэх стратеги, судалгааг хийж, Уул уурхай, хүнд үйлдвэрийн яаманд хүлээлгэн өгөөд байгаа БНСУ-ын Хөгжлийн хүрээлэн (KDI)-гээс томилогдсон, Олон улсын Эдийн засгийн хамтын ажиллагааны байгууллагын Солонгос дахь төлөөлөгчийн газрын дарга, Номхон далайн хуулийн фирмийн ахлах зөвлөх Хур Кюнг Вүүк тэргүүтэй судлаачдыг хүлээн авч уулзлаа. “Монгол улсад үйлдвэрлэл, технологийн паркийг хөгжүүлэх стратеги /хүнд үйлдвэрт анхаарах/” судалгааны төслийг БНСУ-ын Засгийн газрын “Мэдлэг хуваалцах хөтөлбөр (KSP)”-ийн хүрээнд хэрэгжүүлсэн бөгөөд тус улсын Хөгжлийн хүрээлэн (KDI)-гийн Олон улсын хөгжлийн төв (CID), Жижиг, дунд үйлдвэрийн хөгжлийн бодлогын хүрээлэн (KISME)-гийн судлаачид оролцжээ.

Монгол Улсын эдийн засаг уул уурхайн салбараас ихээхэн хамааралтай байгаа талаар Байнгын хорооны дарга Т.Энхтүвшин дурдаад, уул уурхайн болон бусад төрлийн түүхий эдийг боловсруулж, түүхийгээр нь бус баялаг болгож экспортлох бодлогыг Улсын Их Хурал, Засгийн газраас баримталж байна гэв. Тэрбээр, үйлдвэрлэл, технологийн парк болон эдийн засгийн чөлөөт бүс, мөн гадаадын хөрөнгө оруулалтыг хамгаалах эрх зүйн орчин, тэдгээрийн өөрчлөлт, шинэчлэлтийн талаар танилцуулж, эдгээр асуудлаар аж үйлдвэр өндөр хөгжсөн БНСУ-аас суралцах зүйл их бийг онцлон тэмдэглэв. Хамгийн сүүлд энэ сарын эхээр энэ сарын эхээр Дорноговь аймгийн Алтанширээ, Өргөн, Хөвсгөл сумдын нутагт ажиллах ‘’Алтан ширээт’’ ‘’Гэрэлт говь’’ Үйлдвэрлэл технологийн паркуудын үйл ажиллагаа эрхлэх тусгай зөвшөөрлийг олгоод байгааг дурдан, Эрдэнэт үйлдвэрийг түшиглэсэн Үйлдвэрлэл, технологийн паркын талаарх судалгааг амжилттай хийж дуусгаж байгаад талархал илэрхийллээ.

Судлаачдын багийн ахлагч, ахлах зөвлөх Кюнг Вүүк Хур, Монгол Улс эдийн засгаа сэргээх, гадаадын хөрөнгө оруулалтыг татах чин хүсэлтэй байгааг Байнгын хорооны даргын ярианаас ойлгож авснаа дурдаад, өргөн уудам, ирээдүйтэй Монгол Улстай хамтран ажиллахдаа баяртай байна гэлээ. Өнөөдрийн байдлаар БНСУ-д улсын өмчийн 47, орон нутгийн болон хувийн хэвшлийн зэрэг нийт 1300 орчин Үйлдвэрлэл, технологийн парк үйл ажиллагаа явуулж буйг тэрбээр танилцуулаад, 1960-аад оноос явуулсан аж үйлдвэрийн бодлогын хэрэгжилтэд алдаа, оноо багагүй байсныг дурдан, тэр бүх сургамж, туршлагыг Монгол Улстай хуваалцахад бэлэн байна гэв. Мөн тэрбээр, БНСУ-ын аж үйлдвэрлэлийг хөгжүүлэхэд тус улсын парламент дахь үйлдвэрлэлийн асуудал эрхэлсэн Байнгын хорооны бодлогын дэмжлэг ихээхэн чухал үүрэг гүйцэтгэснийг онцлов.

Эрдэнэт үйлдвэрийг түшиглэсэн Үйлдвэрлэл, технологийн паркын судалгааны ажлын хүрээнд төслийн багаас БНСУ-ын хөрөнгө оруулагчдад танилцуулах үйл ажиллагаа зохион байгуулсан байна. Үүнд тус улсын 12 хөрөнгө оруулагч оролцсон бөгөөд эхнээсээ хөрөнгө оруулж, хамтран ажиллахаар яриа хэлэлцээ хийж эхлээд байгааг судлаачид уулзалтын үеэр танилцууллаа гэж Улсын Их Хурлын Хэвлэл мэдээлэл, олон нийттэй харилцах газраас мэдээлэв.

Дэлгэрэнгүй унших

Сэтгэгдэл

Тод мэдээ

Малын хорогдол 6 хувь хүрсэн тохиолдолд малын индексжүүлсэн даатгал газар дээр нь ажиллана

Огноо:

,

Шуурхай бүлгийн 3-р бүлэг Хөвсгөл аймгийн Төмөрбулаг, Шинэ-Идэр сумдад ажиллаж, Сумдын онцгой комиссыг хурлыг зохион байгуулсан.

Мөн тус сумдын 26 өрхийн 50 гаруй малчидтай уулзан хүн эмнэлэг болон мал эмнэлэгийн үйлчилгээ, хүнсний багцын тусламж үзүүлсэн бол одоо Галт, Шинэ Идэр сумдад ажиллаж байна.

Сумдын шуурхай штабтай хийсэн өргөтгөсөн хурлаар Засгийн газрын 2024 оны 62 дугаар тогтоолоор 2 дугаар сарын 15-аас 5 дугаар сарын 15-ны өдрийг хүртэл өндөржүүлсэн бэлэн байдлын зэрэгт шилжүүлсэн. Гамшгаас хамгаалах тухай хуулийн 10.4 дэх хэсгийг хэрэгжүүлж ажиллахыг бүх шатны Засаг дарга нарт даалгалаа.

Шуурхай багаас Зэвсэгт хүчин, Хилийн цэргийн анги нэгтгэлүүдээс Хөвсгөл аймагт туулах чадвартай 8 машин дайчилснаас Галт, Шинэ Идэр сумдад тус тус хуваарилжээ.

Айл бүрийг чиглэсэн зам гаргах хүндрэлтэй учир нэн яаралтай чиглэлийн замыг машин техникийг дайчлан нээж байна. Мөн сургуулийн 60 гаруй хүүхдийг сургуульд нь татан авчирч байрлуулах арга хэмжээ авах юм байна.

Шинэ Идэр сумын малын хорогдол 5.3 хувь хүрсэн. Хэрвээ 6 хувь хүрсэн тохиолдолд малын индексжүүлсэн даатгалыг судлах, даатгалын багийг газар дээр нь ажиллуулж, үнэлгээ яаралтай хийлгэнэ.

Галт суманд 50 хувийн хөнгөлөлттэй 30 тонн тэжээл аймгийн нөөцөөс өгсөн бол Шуурхай бүлэг 5 тонн тэжээл шийдвэрлэв.

Шинэ Идэр сум өмнө нь 50 тонн тэжээл шийдвэрлэсэн бол шуурхай бүлэг нэмж 5 тонныг шийдвэрлэжээ. Сум, аймгийн нөөц дууссан тул санхүүгийн эх үүсвэрийг аймгийн Онцгой комисс дээр ярьж шийдвэрлэхээр тогтов.

Эх сурвалж: ХХААХҮЯ

Дэлгэрэнгүй унших

Тод мэдээ

С.Амарсайхан: Малчид чадлынхаа хэрээр хичээж байгаа ч байгалийн давагдашгүй хүндрэлийн өмнө хүчгүйдэж байна

Огноо:

,

Засгийн газраас хоёрдугаар сарын 14-нөөс эхлэн гамшгийн үеийн өндөржүүлсэн бэлэн байдал зарлан, зудын хүндрэлтэй нөхцөл байдлыг хохирол багатай даван туулахаар ажиллаж байна.

Тиймээс авч хэрэгжүүлж байгаа ажлын явц, үр дүн цаашид хэрэгжүүлэх бодлогын талаар Монгол Улсын Шадар сайд С.Амарсайхан, Улсын онцгой комисс, ХХААХҮЯ, Цаг уур орчны шинжилгээний байгууллагын төлөөллийн хамт олон нийтэд мэдээлэл өглөө.

Шадар сайд С.Амарсайхан, нийт нутгийн 80 хувь цасан бүрхүүлтэй. Зургаан аймгийн 23 суманд төмөр буюу шилэн зудтай, 90 сум цагаан зудтай, 84 сум зудархуу төлөв байдалтай байна. Нийт 23.6 мянган малчин өрхөд ямар нэг байдлаар хүндрэл тулгарсан. Мөн малын хорогдол сүүлийн өдрүүдэд эрс нэмэгдсэн. Зам даваа хаагдсан газраар 54 мянган км зам гаргаад байгаа тухай мэдээлэл өгөв.

Малчин өрхүүд арилжааны банкуудад 1.2 их наяд төгрөгийн зээлийн үлдэгдэлтэй. Малчид чадлынхаа хэрээр хичээж байгаа ч байгалийн давагдашгүй хүндрэлийн өмнө хүчгүйдэж байгаа тул зээл төлөлтөө хойшлуулах санал илэрхийлж байсан. Энэ талаар Засгийн газар, Монголбанктай хэлэлцэн зээл төлөлтийг хойшлууллаа. Малчин өрхүүд олноор малгүй болж байгаа нь зөвхөн малчдын асуудал биш Монгол Улсын эдийн засагтай шууд холбоотой учраас цаашид ажилгүйдэл, ядуурлыг нэмэгдүүлэхгүйн тулд хэрхэн малжуулах, үр дүнг нь тооцох зэрэг ажлыг тооцоо судалгаанд суурилан авч хэрэгжүүлэх шаардлагатайг ч мөн онцоллоо.

Цаашид хаваржилт, зудын нөхцөл байдлын талаар өдөр бүр албаны эх сурвалжууд мэдээлэл өгч байхаар тогтов.

Эх сурвалж: ОБЕГ

Дэлгэрэнгүй унших

Тод мэдээ

Шинэ Яармаг цогцолбор хорооллын үл хөдлөх хөрөнгийг худалдан борлуулж байна

Огноо:

,

Монгол Улсын Хөгжлийн банк нь зээлийн эргэн төлөлтийг бэлэн мөнгөөр, өмчлөх бусад үл хөдлөх хөрөнгөөр, үнэт цаасаар барагдуулах хүрээнд зарим зээлийг шүүхийн шийдвэрийн дагуу барьцаа хөрөнгөөр хангуулж, банкны өмчлөл, эзэмшилд үл хөдлөх хөрөнгө шилжүүлэн авах замаар зээлийн эргэн төлөлтийг хангуулан ажиллаж байна. Энэ хүрээнд Хөгжлийн банкны өмчлөх бусад үл хөдлөх хөрөнгөд бүртгэлтэй Шинэ яармаг цогцолбор хорооллын орон сууц, үйлчилгээний талбай, авто зогсоолын зориулалттай үл хөдлөх хөрөнгүүдийг олон нийтэд нээлттэй, ил тод, шилэн байдлаар худалдан борлуулах үйл ажиллагаа үргэлжлэн хийгдэж байна.

Шинэ Яармаг цогцолбор хороолол нь Нийслэлийн Хан-Уул дүүргийн 8 дугаар хорооны нутаг дэвсгэрт байршилтай бөгөөд Улаанбаатар хотын шинэ суурьшлын бүсэд Цэвэр агаарт хүүхэд залуучуудын чөлөөт цагаа зөв боловсон өнгөрүүлэх үйлчилгээний газрууд болох мөсөн өргөө болон спорт цогцолбор, хөл бөмбөгийн зориулалтын талбай, усан оргилуур, тээврийн хэрэгслийн хөдөлгөөн үл нэвтрэх хүүхдийн тоглоомын талбай, бүх төрлийн худалдаа үйлчилгээ, сургууль, цэцэрлэг нэг дор төвлөрсөн давуу талтай.

Шинэ Яармаг цогцолбор хорооллын А zone хэсэгт байрлах В1, В2 блок барилгын 1-14 давхарт 119 м.кв, 121 м.кв, 257 м.кв 4 өрөө орон сууц бүхий үл хөдлөх хөрөнгүүдийг худалдан авахаар сонирхож буй иргэн болон хуулийн этгээд нь арилжааны банкны зээл судлуулах замаар эсвэл бэлэн төлөлтөөр худалдан авах боломжтой юм.

Мөн B zone хэсгийн 7 блок орон сууц, 3 блок үйлчилгээ, 1 блок авто зогсоолын зориулалттай 35-80 хувийн гүйцэтгэлтэй дуусаагүй барилгууд бий. Эдгээр дуусаагүй барилгыг худалдаж авахыг сонирхож буй төсөл хэрэгжүүлэгч, барилга угсралтын салбарт үйл ажиллагаа явуулж буй компаниудад нээлттэй бөгөөд уг төслийн талаарх дэлгэрэнгүй мэдээллийг Хөгжлийн банкны цахим хуудас болох https://www.dbm.mn/news/1682 үл хөдлөх хөрөнгийн мэдээлэл цэсээс авч болно.

Үл хөдлөх хөрөнгө худалдан авахаар сонирхож буй хүсэлт гаргагч нь Хөгжлийн банкнаас гаргасан цахимаар санал өгөх зааврын дагуу санал илгээх бөгөөд тухайн сонирхож буй үл хөдлөх хөрөнгийн байрны дугаар, тоотыг зөв сонгох мөн 100 хувь бэлэн төлөлт болон арилжааны банкны зээлд хамрагдах замаар урьдчилгаа байршуулан худалдан авах тохиолдолд дансны хуулга, бусад нотлох баримтын хамт системд хавсаргаж оруулах шаардлагатай.

Монгол Улсын Хөгжлийн банкны өмчлөх бусад үл хөдлөх эд хөрөнгийг банкны өмчлөлд шилжүүлж авсан үнэ дээр тухайн үл хөдлөх эд хөрөнгийг худалдан борлуулахтай холбоотой гарах зардлуудыг нэмж худалдан борлуулах үнийг тогтоосон.

Эх сурвалж: Монгол Улсын Хөгжлийн банк

Дэлгэрэнгүй унших
сурталчилгаа
Тод мэдээ2024/02/23

Малын хорогдол 6 хувь хүрсэн тохиолдолд малын индексжүүлсэн даатгал ...

Тод мэдээ2024/02/23

С.Амарсайхан: Малчид чадлынхаа хэрээр хичээж байгаа ч байгалийн дава...

Тод мэдээ2024/02/23

Шинэ Яармаг цогцолбор хорооллын үл хөдлөх хөрөнгийг худалдан борлуул...

Тод мэдээ2024/02/23

Хөдөлмөр, нийгмийн түншлэлийн гурван талт хэлэлцээрийг дүгнэх хамтар...

Тод мэдээ2024/02/23

Халиа тошин үүссэн зургаан байршилд мөс зөөх ажил үргэлжилж байна

Тод мэдээ2024/02/23

“Хүрээ Майдар” дурсгалын зоос гаргалаа

Тод мэдээ2024/02/23

“Халуун сэтгэл" малчдадаа туслах аянд нэгдэхийг уриалж ба...

Өнөөдөр2024/02/23

Гуу жалгандаа нэг метр зузаан цастай байна

Өнөөдөр2024/02/23

Өнөөдөр ихэнх нутгаар цаг агаар тогтуун байна

Өнөөдөр2024/02/23

Үс шинээр үргээлгэх буюу засуулбал эд, мал арвидна

Тод мэдээ2024/02/22

ЗГХЭГ-ын дарга Д.Амарбаясгалангаар ахлуулсан шуурхай бүлэг Говь-Алта...

Тод мэдээ2024/02/22

Сэлбэ голын 16.480 тонн мөсийг тээвэрлээд байна

Тод мэдээ2024/02/22

Дэлхийн банкны Хятад, Монгол болон Солонгос Улс хариуцсан захирлыг х...

Тод мэдээ2024/02/22

Багш нар ганцаарчилсан сургалтын төлөвлөгөө боловсруулах мэдлэгээ ба...

Тод мэдээ2024/02/22

Удаан хугацааны хадгалалтад байсан техникүүдийг засварлаж эхэллээ

Өнөөдөр2024/02/22

Калифорни мужид үер бууж байна

Тод мэдээ2024/02/22

“Алтан төлийн эзэн” шагнал гардуулалт хойшиллоо

Тод мэдээ2024/02/22

УИХ газар олголттой холбоотой асуудлаар тавдугаар сарын 15-ны дотор ...

Өнөөдөр2024/02/22

Улаанбаатарт өдөртөө 15 хэм хүйтэн

Өнөөдөр2024/02/22

Үс шинээр үргээлгэх буюу засуулбал жаргал ирнэ

Тод мэдээ2024/02/21

Малчдын зээлийн эргэн төлөлтийг зургаадугаар сар хүртэл хойшлуулахаа...

Тод мэдээ2024/02/21

Малайз Улсын Авлигын эсрэг хороотой хамтран ажиллах санамж бичиг бай...

Тод мэдээ2024/02/21

Баянзүрх дүүрэгт гарсан галын улмаас 228 иргэн, 15 аж ахуйн нэгж эд ...

Тод мэдээ2024/02/21

Мал эмнэлгийн хүрээлэнгийн эрдэмтэд зудтай бүс нутагт ажиллана

Тод мэдээ2024/02/21

Сургуулийн автобус мөргөсөн осол бүртгэгджээ

Тод мэдээ2024/02/21

Шатахууны хангамжийг тогтвортой байлгах талаар ОХУ, Монгол Улсын Зас...

Өнөөдөр2024/02/21

Согтуугаар тээврийн хэрэгсэл жолоодсон 35 зөрчил бүртгэгдлээ

Өнөөдөр2024/02/21

Өнөө маргаашдаа ихэнх нутгаар хүйтэн жавартай байна

Өнөөдөр2024/02/21

Үс шинээр үргээлгэх буюу засуулахад тохиромжгүй

Тод мэдээ2024/02/20

Өвөлжилт хүндэрсэн аймаг, сумдад өвс, тэжээл хүргэх тусламжийн цуваа...

Санал болгох