Бидэнтэй нэгдэх

Тод мэдээ

Тавантолгой түлшийн үйлдвэрийг зүүн бүс дэх сайжруулсан түлшний үйлдвэр рүү нүүлгэн шилжүүлнэ

Огноо:

,

Сэтгүүлч:

Монгол Улсын Шадар сайд, УОК-ын дарга С.Амарсайхан, Эрчим хүчний сайд Н.Тавинбэх, Ерөнхий сайдын зөвлөх Л.Алтангэрэл нар /2021.02.07/ “Тавантолгой түлш” компанийн үйлдвэрт ажиллалаа.
 
Энэ үеэр “Тавантолгой түлш” компанийн гүйцэтгэх захирал М.Ганбаатар үйлдвэрийн үйл ажиллагаа болон өнгөрсөн оны мөн энэ үетэй харьцуулсан агаарын чанарын харьцуулсан үзүүлэлтүүдэд дүгнэлт хийсэн талаар мэдээллийг өгөв.
 
Жайко олон улсын байгууллагаас Улаанбаатар хотын агаарын чанарт судалгаа хийж, хүхэрлэг хийн ялгаралын асуудлаар олон улсын стандарттай харьцуулсан дүгнэлт гаргасан байна. Судалгаагаар Улаанбаатар хотын хүхэрлэг хийн үзүүлэлт нь олон улсад зөвшөөрөгдөх хэмжээнээс бага байгааг тогтоожээ. Нийслэлийн агаарын чанар дахь хүхэрлэг хийн хэмжээний 70 хувийг цахилгаан болон бага дунд оврын станц, 22.3 хувийг 10 жилээс илүү насжилттай автомашинуудаас гарах хорт утаа, 8.7 хувийг сайжруулсан түлшнээс ялгарах утаа эзэлж байна.
 
Шадар сайд С.Амарсайхан хэлсэн үгэндээ 2018 онд Улаанбаатар хотын агаарын бохирдлыг бууруулах Засгийн газрын 62 дугаар тогтоол гарч, тус тогтоолыг хэрэгжүүлэх зорилгоор сайжруулсан түлшийг үйлдвэрлэх анхны үйлдвэр ашиглалтад орсноор агаарын бохирдол 50 хувиар буурч чадсан гэдгийг онцлон тэмдэглэв. Агаарын бохирдлыг бууруулах зорилтын хүрээнд 2018 онд бэлэн дэд бүтэцтэй газраа ашиглаж Толгойт дах энэ сайжруулсан түлшний үйлдвэрийг барьж, явцын дунд шийдэл гаргах төлөвлөгөөтэй ажилласан, тодорхой үр дүнд ч хүрсэн. Цаашдаа бид нийслэлийн агаарын бохирдлыг 80 хувиар бууруулах зорилтын хүрээнд сүүлийн үеийн технологит суурилсан зүүн бүсийн үйлдвэрийг өнгөрсөн онд Налайх дүүрэгт байгуулсан хэмээлээ.
 
Тэрбээр “Агаарын бохирдол буурсан боловч, хүхрийн хийн хэмжээ ихэссэн гэх мэдээлэл олон нийтэд дунд тархаж байгаад санаа зовниж байгаа. Гэтэл судалгаагаар хүхэрлэг хийн хэмжээ аюулгүй гэдэг дүгнэлт гарсан байна. Мэргэжлийн байгууллагуудын дүгнэлтийг үндэслэж иргэдэд үнэн зөв мэдээллээр хангах хэрэгтэй. Агаарын бохирдлыг бууруулах зорилтын хүрээнд 2018 онд бэлэн дэд бүтэцтэй газраа ашиглаж Толгойт дах энэ сайжруулсан түлшний үйлдвэрийг барьж, явцын дунд шийдэл гаргах төлөвлөгөөтэй ажилласан.
 
Орчны аюулгүй байдлыг хангах хүрээнд баруун бүсийн үйлдвэрийг нүүлгэн шилжүүлэх ажлыг энэ оны хоёр, гурав дугаар улиралд багтааж дуусгах төлөвлөгөө гаргаж ажиллаж байгаа. Зүүн бүсэд баригдсан орчиндоо сөрөг нөлөө үзүүлдэггүй, байгальд ээлтэй сайжруулсан түлшний үйлдвэрийг түшиглэн шинэ технологийг нэвтрүүлсэн цогц үйлдвэр барьж ашиглалтад оруулахаар төлөвлөсөн. Гэвч цар тахлын нөхцөл байдлаас хамаарч төлөвлөсөн ажлууд хугацаа хоцорч байна. Гэхдээ богино хугацаанд Толгойт дах Таван толгой түлш компанийн сайжруулсан түлшний үйлдвэрийг нүүлгэн шилжүүлэх ажлыг анхаарч ажиллана” гэв.
 
Нүүлгэн шилжүүлэлт хийгдсний дараагаар ойр орчмын тоосжилтыг арилгах, нөхөн сэргээлт хийж, орчны аюулгүй байдлыг хангах арга хэмжээ авсны дараагаар энэ орчмын газрыг түлш борлуулах цэг болгож ашиглах зураг төсөл, төлөвлөгөөг гаргахыг Эрчим хүчний сайд Н.Тавихбэх болон Тавантолгой түлш компанийн гүйцэтгэх захирал М.Ганбаатар нарт даалгав.
Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод мэдээ

Цаг агаарын аюултай үзэгдлээс сэрэмжлүүлж байна!

Огноо:

,

Дохио!!! Цаг агаарын аюултай үзэгдлээс сэрэмжлүүлэх мэдээ: Өнөө шөнө Өвөрхангай, Дундговийн хойд, Төв, Хэнтийн өмнөд, Говь-Сүмбэрийн нутгаар, маргааш өдөр Дорноговь, Сүхбаатарын нутаг, Дорнодын өмнөд хэсгээр цасан шуурга шуурна.

Өнөө шөнө Баянхонгор, Өвөрхангайн өмнөд, Өмнөговь, Дундговийн нутаг, Дорноговийн хойд хэсгээр, маргааш өдөр Хөвсгөлийн өмнөд, Өвөрхангайн нутаг, Архангай, Дундговийн зүүн хэсгээр салхи секундэд 18-20 метр, зарим үед секундэд 24 метрийг давж ширүүсэж, шороон шуурга шуурна.

Малч­ид, иргэд, тээвэрчдийн анхааралд: Өнөө шөнө төвийн аймгуудын нутгийн өмнөд, говь, зүүн аймгуудын ихэнх нутгаар, маргааш өдөр нутгийн зүүн хэсгээр цас орж, цасан шуурга шуурч, говь, тал хээрийн нутгаар хүчтэй салхи, шороон шуургатай байхыг анхааруулж байна.

2021 оны 04 дүгээр сарын 14-ний 20 цагаас 04 дүгээр сарын 15-ны 20 цаг
хүртэлх цаг агаарын урьдчилсан мэдээ

Хур тунадас: Ихэнх нутгаар үүлшинэ. Шөнөдөө баруун аймгуудын нутгийн зүүн, төвийн аймгуудын нутгийн өмнөд, говь болон зүүн аймгуудын нутгийн хойд хэсгээр, өдөртөө баруун аймгуудын нутгийн хойд хэсэг, төв болон говийн аймгуудын нутгийн зарим газраар, зүүн аймгуудын ихэнх нутгаар хур тунадас, цас орж, цасан шуурга шуурна.

Салхи: Нутгийн зүүн хэсгээр баруун өмнөөс хойш эргэж, бусад нутгаар баруун хойноос секундэд 7-12 метр, баруун аймгуудын нутгийн зарим газар, төв болон говийн аймгуудын нутгаар секундэд 18-20 метр, зарим үед секундэд 24 метрийг давж ширүүсэж, шороон шуурга шуурна.

Агаарын температур: Хөвсгөл, Хангайн уулархаг нутаг, Завхан голын эхээр шөнөдөө 11-16 хэм, өдөртөө 0-5 хэм, Алтай, Хэнтийн уулархаг нутаг, Орхон-Сэлэнгэ, Эг, Үүр, Туул, Тэрэлж, Хэрлэн голын хөндийгөөр шөнөдөө 8-13 хэм хүйтэн, өдөртөө 4 хэм дулаанаас 1 хэм хүйтэн, говийн бүс нутгийн өмнөд хэсгээр шөнөдөө 0-5 хэм хүйтэн, өдөртөө 4-9 хэм дулаан, бусад нутгаар шөнөдөө 4-9 хэм хүйтэн, өдөртөө 1-6 хэм дулаан байна.

УЛААНБААТАР ХОТ ОРЧМООР: Үүлшинэ. Цас орж, цасан шуурга шуурна. Салхи баруун хойноос секундэд 5-10 метр, зарим үед секундэд 13-15 метр хүртэл ширүүсэж, шороон шуурга шуурна. Шөнөдөө Яармаг-Сонгины орчмоор 11-13 хэм, бусад хэсгээр 6-8 хэм хүйтэн, өдөртөө 0 хэм орчим байна.

БАГАНУУР ОРЧМООР: Үүлшинэ. Цас орж, цасан шуурга шуурна. Салхи баруун хойноос секундэд 5-10 метр, зарим үед секундэд 15-17 метр хүртэл ширүүсэж, шороон шуурга шуурна. Шөнөдөө 8-10 хэм хүйтэн, өдөртөө 0 хэм орчим байна.

ТЭРЭЛЖ ОРЧМООР: Үүлшинэ. Цас орж, цасан шуурга шуурна. Салхи баруун хойноос секундэд 5-10 метр, зарим үед секундэд 12-14 метр хүртэл ширүүсэж, шороон шуурга шуурна. Шөнөдөө 8-10 хэм хүйтэн, өдөртөө 0 хэм орчим байна.

2021 оны 04 дүгээр сарын 16-наас 04 дүгээр сарын 20-ныг
хүртэлх цаг агаарын урьдчилсан төлөв

16-нд нутгийн зүүн хэсгээр цас орж, зөөлөн цасан шуурга шуурна. Бусад хугацаанд хур тунадас орохгүй. Салхи 16-нд говь, тал, хээрийн нутгаар, 18, 19-нд Алтайн салбар уулсаар түр зуур секундэд 16-18 метр хүртэл ширүүсэж, шороон шуурга шуурна. 16-нд нутгийн зүүн хэсгээр сэрүүхэн байх боловч бусад хугацаанд ихэнх нутгаар дулаарч Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Туул, Тэрэлж голын хөндийгөөр шөнөдөө 5-10 хэм  хүйтэн, өдөртөө 7-12 хэм, говийн бүс нутгийн өмнөд хэсгээр шөнөдөө 0-5 хэм, өдөртөө 16-21 хэм дулаан, бусад нутгаар шөнөдөө 1 хэм хүйтнээс 4 хэм дулаан, өдөртөө 10-15 хэм дулаан байна.
Дэлгэрэнгүй унших

Тод мэдээ

Н.Баярсайхан нарт холбогдох хэргийг хянан хэлэлцлээ

Огноо:

,

Улсын Дээд шүүхийн хяналтын шатны эрүүгийн хэргийн шүүх хуралдаанаар Н.Баярсайхан нарын 6 хүнд холбогдох хэргийг шүүгдэгч нар, тэдний өмгөөлөгчдийн гаргасан гомдлын дагуу 2021 оны 4 дүгээр сарын 14-ний өдөр хянан хэлэлцэв.

Чингэлтэй дүүргийн Эрүүгийн хэргийн анхан шатны шүүх дээрх хэргийг 2020 оны 9 дүгээр сарын 21-ний өдөр хянан хэлэлцээд Н.Баярсайхан, Э. Аззаяа нарыг  хахууль авсан гэмт хэргийг бүлэглэж үйлдсэн гэм буруутайд тооцож, Эрүүгийн хуулийн 22.4 дүгээр зүйлийн 5 дахь хэсэгт зааснаар Н.Баярсайханд нийтийн албанд томилогдох эрхийг 5 жилийн хугацаагаар хасаж, 2 жил 8 сар хорих, Э.Аззаяад нийтийн албанд томилогдох эрхийг 5 жилийн хугацаагаар хасаж, 40 сая төгрөгөөр торгох ял оногдуулжээ.  Харин Г.Элдэв-Очир, С.Бүрэнтөгс нарыг хахууль авсан гэмт хэрэгт хамжигчаар оролцсон гэм буруутайд тооцож, Эрүүгийн хуулийн 22.4 дүгээр зүйлийн 5 дахь хэсэгт зааснаар Г.Элдэв-Очирт нийтийн албанд томилогдох эрхийг 5 жилийн хугацаагаар хасаж, 13 сая төгрөгөөр торгох, С.Бүрэнтөгст нийтийн албанд томилогдох эрхийг 5 жилийн хугацаагаар хасаж, 15 сая төгрөгөөр торгох ял тус тус оногдуулсан байна. Ш.Тэгванданг хахууль өгөх гэмт хэрэгт хамжигчаар оролцсон, Д.Төмөрбаатарыг хахууль өгсөн гэмт хэрэг үйлдсэн гэм буруутайд тус тус тооцож, Эрүүгийн хуулийн 22.5 дугаар зүйлийн 1 дэх хэсэгт зааснаар Ш.Тэгванданг нийтийн албанд томилогдох эрхийг 3 жилийн хугацаагаар хасаж, 2 сая 700 000 төгрөгөөр торгох, Д.Төмөрбаатарыг нийтийн албанд томилогдох эрхийг 2 жилийн хугацаагаар хасаж, 9 сая төгрөгөөр торгох ялаар тус тус шийтгэжээ.

Нийслэлийн Эрүүгийн хэргийн давж заалдах шатны шүүх хэргийг 2021 оны 1 дүгээр сарын 13-ны өдөр хянан хэлэлцээд анхан шатны шүүхийн шийтгэх тогтоолын Э.Аззаяад холбогдох заалт, хэсгүүдийг бүхэлд нь хүчингүй болгож, түүнд холбогдох хэргийг тусгаарлаж, анхан шатны шүүхээр дахин хэлэлцүүлэхээр буцааж, шийтгэх тогтоолын бусад заалтыг хэвээр үлдээж шийдвэрлэсэн юм.

Улсын Дээд шүүхийн хяналтын шатны эрүүгийн хэргийн шүүх хуралдаанаар хэргийг хянан хэлэлцээд давж заалдах шатны шүүхийн магадлалыг хэвээр үлдээж шийдвэрлэлээ.

Дэлгэрэнгүй унших

Тод мэдээ

Ерөнхийлөгчийн хувийн улс төр хэтийдэж, төрийн институтын өмнөөс шүүхэд ханджээ

Огноо:

,

Монгол Улсын  Ерөнхийлөгч Х.Баттулга нэр төрөө сэргээлгэхээр  Сүхбаатар дүүргийн анхан шатны хэргийн шүүхэд  гурав хоногийн өмнө нэхэмжлэл гаргасан. Гэтэл энэ нь хуулийн зөрчил үүсгэсэн гэдгийг зарим хуульч хэлж байна. Өөрөөр хэлбэл, Төрийн тэргүүн ба  шүүхэд нэхэмжлэл гаргасан шүүгч А.Эрдэнэцогт  нар хуулиа судлалгүйгээр  сүрийг бадруулсан бололтой юм.   Ерөнхийлөгчийн дэргэдэх Хууль зүйн бодлогын зөвлөлийн гишүүн, хуульч А.Эрдэнэцогт  Ерөнхийлөгчийг төлөөлөн Сүхбаатар дүүргийн анхан шатны хэргийн шүүхэд хандахдаа “Ерөнхий сайд асан У.Хүрэлсүх Монгол Улсын Ерөнхийлөгчийн нэр хүнд, ажил хэргийн нэр хүндийг илтэд гутаасан мэдээллийг тараасан. Талбай дээр болсон тайван жагсаалыг Ерөнхийлөгч  өдөөн турхирч, санхүүжүүлсэн зүйл байхгүй.   Иймд Ерөнхийлөгч Х.Баттулга дээрх үйл ажиллагааг явуулаагүй гэдгээ нотолж, нэр төрөө сэргээлгэх шаардлагатай гэж үзэн УИХ-ын гишүүн У.Хүрэлсүхийн нэр дээр нэхэмжлэл гаргасан” гэсэн юм.  

Гэтэл Ерөнхийлөгч Х.Баттулга ба түүний хуулийн багийнхан Төрийн тэргүүний сэнтийг нэг хүнд нааж, өмчлөх гэсэн оролдлого  гаргаж байгаад хуульчдын зүгээс шүүмжлэлтэй хандаж байна. Тухайлбал, Ерөнхийлөгчөөр ажилласан хүмүүс дахин нэр дэвших эрхтэй эсэхийг шийдэх  тухайд  Үндсэн хуулийн Цэцээс маргаан үүсгэсэн бөгөөд шийдвэр гаргахын өмнөхөн Ерөнхийлөгч Х.Баттулга Цэцийн байранд  хоёронтаа биечлэн очсон байдаг. Гэтэл энэ нь Цэцэд нөлөөлөх гэсэн оролдлого болсон  төдийгүй хувь хүний амбийцаа барьж дийлээгүй үйлдэл хэмээн  Д.Үүрцайх тэргүүтэй хуульчид дүгнэсэн. Учир нь “Ерөнхийлөгч бол институт болохоос хувь хүн биш” гэдэг агуулгаар   тэд тайлбарлаж байв.  

Тэгвэл Ерөнхийлөгч хувийн улс төрдөө дийлдсэн алхмыг дахин хийсэн нь МАН-ын дарга У.Хүрэлсүхийн нэр дээр нэхэмжлэл гаргасан үйлдэл болжээ.  Өөрөөр хэлбэл, Ерөнхийлөгчийн албан тушаал нь  Х.Баттулга гэдэг хувь хүний өмч биш бөгөөд нэр төр гэдэг нь хүний тухай ойлголт болохоос төрийн институт, эрх  мэдэлд хамаардаггүй байна. Энэ тухайд Үндсэн хуулийн эрхийг барич Б.Чимид нэгэн цагт дээрхтэй адил агуулгатай тайлбар хийж байсныг Хууль зүйн сайд асан Х.Тэмүүжин өнгөрсөн жил  твиттерт жиргэж байв.

Тодруулбал,  “Нэр төр гэдэг нь хүний   тухай ойлголт болохоос төрийн институт, эрх мэдэлд хамаарахгүй гэх хүний эрх, dignity  тайлбарладаг онолтой Үндсэн хуулийн энэ заалт нийцэхгүй байгаа мэт санагдаад Б.Чимид багшаас асууж байв. Тухайн  үед Б.Чимид багш “Иргэдээс Ерөнхийлөгчийн нэр төрийг хамгаалах гэж биш, Ерөнхийлөгч хийж байгаа тэр хувь хүнээс нь Төрийн тэргүүний нэр төрийг хамгаалах гэж ийм заалтыг оруулсан юм” гэж хариулсан” хэмээж байв. Үүнээс үзэхэд Ерөнхийлөгч Х.Баттулга төрийн институтыг өмчлөх хүсэлдээ дийлдэн,  хувийн улс төр хийж эхэлсэн  нь энэ  болжээ.
Дэлгэрэнгүй унших
сурталчилгаа
Тод мэдээ13 цаг 56 минут

Цаг агаарын аюултай үзэгдлээс сэрэмжлүүлж байна!

Тод мэдээ14 цаг 8 минут

Н.Баярсайхан нарт холбогдох хэргийг хянан хэлэлцлээ

Тод зураг14 цаг 11 минут

Иргэн та гэрээ...Харин бид хотоо

Тод мэдээ15 цагын өмнө

Ерөнхийлөгчийн хувийн улс төр хэтийдэж, төрийн институтын өмнөөс шүү...

Тод мэдээ15 цаг 47 минут

З.Энхболдын 2019.9.7-ны яриа ба “Эрдэнэт”-ээс үндсэн хуу...

Тод мэдээ20 цаг 43 минут

2021 онд төлөгдөх Мазаалай бондын төлбөрийг бүрэн төлж барагдууллаа

Тод мэдээ20 цаг 46 минут

Эрүүл мэндийн салбарын ажилчид хувийн унаагаар дугаарын хязгаарлалтг...

Тод мэдээ20 цаг 49 минут

Хөдөлмөрийн гэрээний 1 жилийн автомат сунгалтад Монгол Улсын 849 ирг...

Тод индэр20 цаг 54 минут

Б.Одсүрэн: Хязгаарлалт тогтоогоогүй салбарын бүх автомашиныг хөдөлгө...

Өнөөдөр21 цаг 9 минут

НОК: Шинжилгээний байнгын болон явуулын цэгийн байршил...

Тод мэдээ21 цаг 11 минут

“Ногоон нуур 1008 айлын орон сууц” төсөл хэрэгжүүлэх бэл...

Тод мэдээ21 цаг 13 минут

Иргэд И баримтад бүртгэлтэй данс, мэдээллээ шалгана уу

Санал болгох