Бидэнтэй нэгдэх

Чөлөөт бүс

Сонирхогчдын улсын аварга шалгаруулах тэмцээнд тэргүүлсэн шатарчдад дэд мастер цол олголоо

Огноо:

,

Сэтгүүлч:

Монгол Улсын Үндсэн хууль батлагдсаны 28 жилийн ойд зориулан Улсын Их Хурлын даргын ивээл дор Улсын Их Хурлын Тамгын газраас Монголын шатрын холбоотой хамтран уламжлал болгон зохион байгуулдаг шатар сонирхогчдын улсын аварга шалгаруулах тэмцээний шувтаргын тоглолт өнөөдөр /2020.01.12/ өндөрлөв.

Төрийн ордонд хоёр өдөр болсон энэхүү тэмцээнд эрэгтэй 102, эмэгтэй 36, нийт 138 шатарчин швейцарь системээр долоон өрөг тоглосон.

Эрэгтэйчүүдээс Дорнод аймгаас оролцсон Д.Дүүрэнжаргал түрүүлж, нийслэлийн Баянгол дүүргээс оролцсон А.Аръяабадрал хоёр дугаар байр, Өвөрхангай аймгаас оролцсон М.Баатар гуравдугаар байранд шалгарлаа. Шагнал байрт Сүхбаатар аймгаас оролцсон Б.Очирсүх, Дархан-Уул аймгаас оролцсон Д.Сүх-Очир, Хэнтий аймгаас оролцсон Г.Баяраа, нийслэлийн Сонгинохайрхан дүүргээс оролцсон Б.Цоггэрэл нар орлоо.  

Эмэгтэйчүүдээс Нийслэлийн шатрын холбооны нэр дээр оролцсон Б.Халиун түрүүлж, хоёрдугаар байранд Баян-Өлгий аймгаас оролцсон К.Жаннур, гуравдугаар байранд нийслэлийн Баянзүрх дүүргээс оролцсон Д.Мөнхсайхан шалгарсан бол шагналт байранд нийслэлээс оролцсон Б.Батцэнд, Хэнтий аймгаас оролцсон Э.Батсувд, Увс аймгаас оролцсон Ж.Алтанцэцэг нар орлоо.  

Тэмцээнд амжилттай оролцож, шагналт байрт шалгарсан шатарчдад шагналыг нь Улсын Их Хурлын Тамгын газрын Хууль эрх зүйн асуудал хариуцсан нарийн бичгийн дарга Н.Цогтсайхан, Монголын шатрын холбооны Ерөнхий нарийн бичгийн дарга Г.Даваахүү болон Удирдах зөвлөлийн гишүүн Б.Наранбаатар, тэмцээний ерөнхий шүүгч, олон улсын шилэгдмэл шүүгч, УИХ-ын Тамгын газрын референт Г.Алтан-Оч нар Төрийн ордонд гардуулж, баяр хүргэлээ.

Харин тэмцээний аваргуудад буюу эхний гурван байранд шалгарсан эрэгтэй, эмэгтэй шатарчдын шагнал болон Монгол Улсын спортын дэд мастерийн цол, тэмдгийг Улсын Их Хурлын дарга Г.Занданшатар, Улсын Их Хурлын дэд дарга, Монголын шатрын холбооны ерөнхийлөгч Я.Санжмятав, дэд ерөнхийлөгч Ц.Эрдэнэбат, Монголын шатрын холбооны гүйцэтгэх захирал М.Ганбаатар нар Монгол бөхийн өргөөнд болж байгаа Үндсэн хуулийн өдөрт зориулсан үндэсний бөхийн барилдааны үеэр гардуулж, баяр хүргэсэн юм.

Мөн тус тэмцээнээс “Оюунлаг түшээ”-гээр тодорсон Улсын Их Хурлын гишүүн Б.Пүрэвдорж, шилдэг ахмад эрэгтэй тоглогчоор шалгарсан Ардын Их Хурлын депутат Ж.Лхагва нарт Улсын Их Хурлын дэд дарга, Монголын шатрын холбооны ерөнхийлөгч Я.Санжмятав өргөмжлөл гардуулж, баяр хүргэв.  

Тэмцээнд түрүүлсэн эрэгтэй, эмэгтэй хоёр шатарчинд уламжлал ёсоор насанд хүрэгчдийн ази тив болон дэлхийн сонирхогчдын аварга шалгаруулах тэмцээнд оролцох эрх олгосон юм.

Үндсэн хуулийн өдөрт зориулсан, УИХ-ын даргын ивээл дор зохион байгуулдаг шатар сонирхогчдын улсын аварга шалгаруулах энэхүү тэмцээн жилээс жилд өргөжин, сонирхогчдын хүсэн хүлээдэг тэмцээн болсон төдийгүй оролцогчид насны хувьд залуужиж, эрэгтэй, эмэгтэй ангилалд хоёуланд нь дээгүүр байр эзэлж буй шатарчин 19-21 насныхан байгаа талаар тэмцээний шүүгчид ярьж байв.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

Севастополь хотын депутатууд криптовалютыг мэдүүлэгтээ бүртгүүлэх шаардлагатай гэж үзэв

Огноо:

,

Севастополь хотын хууль тогтоох хурлаар депутатын статусын тухай орон нутгийн хуульд нэмэлт өөрчлөлт оруулсан байна. Нэмэлт өөрчлөлт нь ард түмний төлөөлөл болсон одоогийн  депутатуудын худалдан авсан цахим хөрөнгө болон цахим валют нь түүний өөрийн болон гэр бүлийн гишүүдийн 3 жилийн орлогоос илүү байх тохиолдолд хөрөнгө, орлогын мэдүүлэгтээ бүртгүүлэх шаардлагатай гэж тусгажээ.

Түүнчлэн депутатын гэр бүлийн гишүүн эхнэр /нөхөр/, насанд хүрээгүй хүүхэд дээр дурдсан худалдан авалтыг хийсэн тохиолдолд мөн хамаарах болно. Гагцхүү уг худалдан авалтын эх үүсвэрийг үнэн зөв тайлбарлах ёстой.

Хуулийн төсөл санаачлагч депутат Алексей Климов “цахим санхүүгийн хөрөнгө, цахим валютын тухай ОХУ-ын хууль 2020 оны 7 дугаар сард батлагдсан. Цахим валютын тухай ойлголт “Авлигын эсрэг хууль”-д орсон. Иймд орон нутгийн хууль тогтоомжийг ОХУ-ын хууль тогтоомжид нийцүүлэх шаардлагын үүднээс төслийг хүлээн авах ёстой” гэж тайлбарласан байна.

Өнөөдөр шударга бус хүмүүсийн үйлдэл нарийн болж цахим валюттай холбоотойгоор орлогоо нууж байна. Үүнтэй уялдан хөрөнгө, орлогын мэдүүлгийг хянан шалгах, давхар хянах, татвар, хяналтын байгууллагууд бий болсон гэж тэрээр мэдэгджээ.

Криптовалютыг мэдүүлэхтэй холбоотой хүндрэлийн талаар холбооны улсын түвшинд ярьж байна. Тодруулбал, Төрийн Думын Санхүүгийн зохицуулах хорооны тэргүүн Анатолий Аксаков үүнийг мэдүүлэгтээ мэдүүлэх шаардлагатай эсэхэд эргэлзэж байна гэдгээ РБК-гийн сэтгүүлчдэд өгсөн ярилцлагадаа илэрхийлжээ. 

Дэлгэрэнгүй унших

Чөлөөт бүс

Ээж хад дуутай боллоо

Огноо:

,

“Ээж хадны домог” монголын уран сайхны бүрэн хэмжээний киноны дуу сонсогчдод хүрч эхэллээ. Уг дууг “Номин талст” хамтлагийн дуучин, Соёлын тэргүүний ажилтан Т.Дэлгэрмөрөн дуулсан бол аялгууг Монгол Улсын Урлагийн гавьяат зүтгэлтэн, хөгжмийн зохиолч Л.Балхжав, шүлгийг Соёлын тэргүүний ажилтан, сэтгүүлч, яруу найрагч У.Баярсайхан бичжээ. Харин хөгжмийн найруулгыг “Чингис хаан” хамтлагийн даралтат хөгжимчин Ц.Байдраг гүйцэтгэсэн байна.

Дээрх киног Төв аймгийн Сэргэлэн сумын газар нутагт тогтож мөнхөрсөн Ээж хадны түүхээс сэдэвлэн бүтээжээ. Уг хайрханыг хүн бүхэн шүтэж, залбирдаг тул киноны дууг олон хүний аманд аялагдсан дуу болох байх хэмээн уран бүтээлчид хэлж байлаа. Мөн дээрх киноны найруулагчаар соёлын тэргүүний ажилтан, жүжигчин Б.Эрдэнэцэцэг ажиллаж, кино зохиолыг Б.Мөнхтуяа бичиж, продюсерлосон юм.

Дашрамд дуулгахад, “Ээж хадны домог” киноны нээлтийн арга хэмжээ ирэх хоёрдугаар сарын 11-нд буюу Цагаан сарын битүүнд онлайнаар болох нь ээ.

Дэлгэрэнгүй унших

Чөлөөт бүс

“Gobi challenge-2020” төслийн хүрээнд 650 км тэмээгээр аялжээ

Огноо:

,

“Эрхэт Монгол” медиа групп, “ТВ8” телевиз, “Тэмээн жинчин” сангаас хамтран зохион байгуулсан “Gobi challenge-2020” төслийн  хүрээнд телевизийн 10 цуврал нэвтрүүлэг бэлтгэсэн бөгөөд эхний дугаар 2021.01.09-ний бямба гарагт 20:30 цагаас “ТВ8” телевизээр үзэгчдийн хүртээл болох юм.

Үзэсгэлэнт байгалиараа гайхагддаг Монголын говь, говийн гайхамшиг хэмээгддэг тэмээн соёлыг сурталчлах “Gobi challenge-2020” олон өдрийн тэмээн аяллыг “Чингис” олон улсын мэдээллийн агентлагаар дамжуулан дэлхийн 30 гаруй улсад цацах бөгөөд говийн байгаль, өвлийн тэмээн аяллын тухай аян замын тэмдэглэл бүхий гэрэл зургийн цомог эмхтгэхээр төлөвлөсөн байна.

“Gobi challenge-2020” тэмээн аялалд нийгмийн салбарын бүрийн төлөөлөл 10 оролцогч нэгдэн Толь хад, Сайн сарын хөндий, Ноён уул, Тост, Тосон бумбын нуруу, Хэрмэн цав, Зуунмод, Зулганай, Наран даац, Нэмэгт, Их хонгил, Сэврэй хайрхан, Хонгорын элс зэрэг Өмнөговь аймгийн Ноён, Гурвантэс, Сэврэй сумын нутагт орших байгалийн өвөрмөц тогтоц бүхий газруудаар 18 өдрийн турш 650 км аялжээ.











Дэлгэрэнгүй унших
сурталчилгаа
Тод мэдээ2021/03/07

Маргааш эмэгтэйчүүдийн баярын өдөр биш. Эрх чөлөөгөө эрүү шүүлтээр х...

Тод мэдээ2021/03/07

У.ХҮРЭЛСҮХ: Оюу-Толгойн гэрээг шинэчлэн сайжруулах ажлын хэсэг байгу...

Тод мэдээ2021/03/07

У.Хүрэлсүх: Анхны Үндсэн хууль нь Монголын ард түмний оюун санааны и...

Өнөөдөр2021/03/06

Ерөнхий сайд Төв аймгийн хорих ангид ажиллаж, эрүүдэн шүүлтэнд өртсө...

Өнөөдөр2021/03/06

Л.Оюун-Эрдэнэ: Иш татсан жишээнүүд нийгэмд буруу ойлголт төрүүлсэнд ...

Өнөөдөр2021/03/06

“Сэтгүүлч Батдорж” сангаас оюутнуудад зориулсан тэтгэлэг...

Тод мэдээ2021/03/05

Ирэх 7 хоногоос өдөрт 15-20 мянган хүнийг вакцинжуулна

Тод мэдээ2021/03/05

У.Хүрэлсүх: 100 жилийн өмнө тээвэр хийх автомашингүй, 19-хөн чиглэл...

Тод мэдээ2021/03/05

Эмэгтэйчүүдийн хөдөлмөр эрхлэлтийг дэмжсэн “Хөсөг” төсли...

Тод мэдээ2021/03/05

Монголбанк 2021 оны 2 дугаар сард 643.5 кг үнэт металл худалдан авла...

Тод мэдээ2021/03/05

Шадар сайд С.Амарсайхан "Мартын 8"-ныг хавтгайруулан тэмдэ...

Тод мэдээ2021/03/05

Үйлчлүүлэгчийн аюулгүй байдлыг хангах, сайжруулах чиглэлээр цахим хэ...

Санал болгох