Дэлхий нийтээр..
САЙХАН МЭДЭЭ: “Синдерелла клиник” Эрдэнэт хотод салбараа нээлээ
Монгол эмэгтэйчүүд өөгүй арьс, төгс, гоо үзэсгэлэнтэй арьстай байхад нэлээд асуудал тулгардаг билээ. Хамгийн үнэтэй, чанартай гоо сайхны бүтээгдэхүүн хэрэглэсэн ч хэт хурц нарны туяа, ширүүн салхи, өвлийн хүйтнийг тэсвэрлэж гарахад тун бэрх. Харин энэ асуудлыг арьс, гоо заслын эмнэлгүүд шийдэн, бүсгүйчүүдийн үзэсгэлэнт аврагч болон ажилласаар байна. Тэр дундаа “Синдерелла клиник” эмнэлгийг мэдэхгүй охид бүсгүйчүүд ховор билээ. 2014 оноос хойш тасралтгүй үйл ажиллагаа явуулж, бүсгүйчүүдийн дунд “төгс үнсгэлжин бүтээгч” гэсэн өндөр үнэлгээ аваад буй тус хамт олон өдгөө долоо дахь салбараа нээн ажиллаж байна.
Гоо сайхны салбар бол гэр бүл, нийгэм, сэтгэл зүйн эмчилгээ юм аа гэж Синдерелла клиник өөрсдийн тодорхойлолтоноо дурсдсан байдаг. Гоо сайхны эмнэлгүүд, арьс, гоо заслын салонуудын үйлчилгээ, бүтээгдэхүүний чанар, үйлчлүүлэгчдийнхээ үнэлэлэмжийг шинэ түвшинд аваачсанаараа “Синдерелла клиник” салбараа манлайлан ажиллаж байна.
Тус эмнэлэг одоогоос гурван жилийн өмнөөс манай улсын хоёр дахь том дагуул хот болох Орхон аймагт салбараа нээхээр судалж эхэлсэн бөгөөд яг одоо биеллээ олжээ. Хэдийгээр цар тахлын хүнд хэцүү нөхцөл байдалтай, бизнес эрхлэгч байгууллагуудын эдийн засаг сүүлийн хоёр жил зогсонги байсан ч тус эмнэлгийн хамт олон зогсолтгүй зүтгэсээр Эрдэнэт хотод ийнхүү долоо дахь салбараа амжилттай нээжээ. Манай улс шиг цөөн хүн амтай, нийслэл хотоос бусад суурин газруудынх нь өрхийн амьжиргаа, хүн амын дундаж орлого тааруу нөхцөл байдалд шинээр бизнес эрхлэх, тэр дундаа арьс гоо заслын эмнэлэг үйл ажиллагаагаа явуулна гэдэг амаргүй. Гэвч олон жилийн туршлага, тасралтгүй хөдөлмөрийн үр дүнд “Синдерелла клиник” орон нутагт хоёр дахь салбараа нээж чадсан нь бахархууштай билээ. Тиймээс Эрдэнэт хотод оршин суудаг бүх бүсгүйчүүдийн өмнөөс талархлаа илэрхийлэх нь зүй.
Мөн тэдний бизнесийн гол зарчим нь ёс зүй бөгөөд тухайн орон нутагт үйл ажиллагаа явуулдаг гоо сайхны салонуудтай ижил төст үйл ажиллагаа явуулалгүй, зөвхөн эмчилгээтэй хавсран хийгддэг арьс арчилгаа хийдгээрээ онцлогтой. Мөн тус эмнэлэг шинэхэн салбараа нээгээд удаагүйн дээр нийгмийн хариуцлагынхаа хүрээнд хүзүүний гилжгий засах мэс заслыг үнэ төлбөргүй хийхээр болсныг дуулгахад таатай байна. Энэ бол тус эмнэлгийн тогтмол хэрэгжүүлдэг нийгмийн хариуцлагын хүрээн дэх сайн дурын ажлын ердөө л нэг хэсэг нь билээ. Ингээд тус эмнэлгийн хамт олны шинэ ажилд амжилт хүсье.
- 1
- 2
- 3
- 4
- 5
Дэлхий нийтээр..
НҮБ дайн үргэлжилбэл дэлхийд өлсгөлөн нэмэгдэх эрсдэлтэйг анхааруулав
НҮБ-ын Дэлхийн хүнсний хөтөлбөр (WFP)-өөс 2026 оны дөрөвдүгээр сарын 16-ны өдөр гаргасан мэдэгдэлд дурдсанаар, Ойрхи Дорнодын бүс нутагт үүсээд буй хурцадмал байдал, ялангуяа Ирантай холбоотой зөрчил үргэлжилбэл дэлхийн хэмжээнд нэмэлт 45 сая хүн хурц өлсгөлөнд нэрвэгдэх эрсдэлтэй байгааг анхааруулжээ.
Энэ талаар НҮБ-ын Дэлхийн хүнсний хөтөлбөрийн Гүйцэтгэх захирал Синди Маккейн анхааруулахдаа, геополитикийн хурцадмал байдал нь дэлхийн хүнсний аюулгүй байдалд ноцтой дарамт учруулж байгааг онцолсон байна.
Тус байгууллагын мэдээлснээр, дайн, зөрчил нь зөвхөн тухайн бүс нутагт төдийгүй дэлхийн хүнсний хангамж, тээвэр логистик, эрчим хүчний зах зээлд шууд болон дам нөлөө үзүүлж байгаа аж. Үүний улмаас хүнсний бүтээгдэхүүний үнэ өсөх, нийлүүлэлт тасалдах, эмзэг эдийн засагтай орнуудын худалдан авах чадвар буурах зэрэг сөрөг үр дагавар нэмэгдэх төлөвтэй байна.
Одоогийн байдлаар дэлхий даяар хэдийнэ олон сая хүн хүнсний хомсдолд өртөөд байгаа бөгөөд дээрх нөхцөл байдал үргэлжилбэл энэ тоо цаашид огцом нэмэгдэх эрсдэлтэйг НҮБ онцолсон байна. Иймд олон улсын хамтын нийгэмлэгийг зөрчлийг намжаах, хүмүүнлэгийн тусламжийг нэмэгдүүлэх, хүнсний хангамжийг тогтвортой байлгахад анхаарахыг уриалжээ.
Шинжээчдийн үзэж буйгаар, геополитикийн тогтворгүй байдал нь дэлхийн эдийн засаг, ялангуяа хүнсний аюулгүй байдалд мэдэгдэхүйц нөлөө үзүүлж байгаа бөгөөд ойрын хугацаанд энэ чиг хандлага үргэлжлэх төлөвтэй байна.
Дэлхий нийтээр..
Хиймэл оюунд суурилсан технологийн хөгжил хурдасч, дэлхийн өрсөлдөөн шинэ шатанд хүрэв
Сүүлийн жилүүдэд хиймэл оюунд суурилсан технологийн хөгжил эрчимжиж, дэлхийн томоохон компаниудын өрсөлдөөн шинэ шатанд хүрлээ. Үйлдвэрлэл, тээвэр, мэдээллийн технологийн салбарт автоматжуулалт, ухаалаг системийн хэрэглээ эрс нэмэгдэж, хүний оролцоог багасгах чиг хандлага давамгайлж байна.
Хиймэл оюуны шинэ үеийн загварууд илүү нарийвчлалтай, хурдтай ажиллах чадвартай болж, их хэмжээний өгөгдлийг богино хугацаанд боловсруулах боломжийг өргөжүүлэв. Энэ нь бизнесийн шийдвэр гаргалтад шууд нөлөөлөх хэмжээнд хүрчээ. Жолоочгүй тээврийн хэрэгсэл, роботжуулсан үйлдвэрлэл бодит хэрэглээнд улам ойртож, туршилтаас хэрэглээ рүү шилжих үе шат идэвхжив.
Нөгөө талаас дата төвүүдийн хүчин чадал нэмэгдэхийн хэрээр эрчим хүчний хэрэглээ өсөж, байгаль орчинд үзүүлэх нөлөөллийн асуудал олон улсын анхаарлын төвд орж байна.
Мөн технологийн энэ хурдац хөдөлмөрийн зах зээлд өөрчлөлт авчирч, зарим ажлын байр буурч, шинэ ур чадварын эрэлт нэмэгдэх нөхцөл бүрдэв.
Иймээс улс орнууд технологийн бодлогоо шинэчилж, инновац, хүний нөөцийн бэлтгэлийг чухалчлах шаардлага улам тодорч байна.
Дэлхий нийтээр..
“Al Jazeera”-гийн сэтгүүлч амь үрэгдсэнд эмгэнэл илэрхийллээ
Газын зурваст ажиллаж байсан Al Jazeera телевизийн сэтгүүлч Вишах Израилын цохилтын үеэр амь үрэгдсэн талаар олон улсын хэвлэлүүд мэдээлж байна. Мэдээллээр, сэтгүүлч Вишах Газын зурваст болж буй үйл явдлыг сурвалжилж байх үед цохилтод өртсөн бөгөөд хамт ажиллаж байсан хэвлэл мэдээллийн ажилтнууд түүнийг эмгэнэн хүндэтгэл үзүүлжээ.
Газын сэтгүүлчид болон хэвлэл мэдээллийн байгууллагууд:
- Сэтгүүлчдийн аюулгүй байдлыг хангахыг
- Сурвалжлагчдыг онилохгүй байхыг
- Олон улсын байгууллагууд анхаарал хандуулахыг уриалсан байна.
Al Jazeera телевизийн зүгээс сэтгүүлчийн амь үрэгдсэнд эмгэнэл илэрхийлж, мөргөлдөөний бүсэд ажиллаж буй сэтгүүлчдийн аюулгүй байдлын асуудал улам ноцтой болж байгааг онцолжээ.
Сүүлийн саруудад Газын зурваст хэд хэдэн сэтгүүлч амь үрэгдсэн талаар олон улсын байгууллагууд анхааруулж байгаа бөгөөд хэвлэл мэдээллийн ажилтнууд мөргөлдөөний бүсэд хамгийн өндөр эрсдэлтэй нөхцөлд ажиллаж буйг тэмдэглэж байна.
Ойрхи Дорнодын нөхцөл байдал хурц хэвээр байгаа бөгөөд Газын зурваст агаарын цохилт, хуурай замын ажиллагаа үргэлжилсээр байна.
-
Дэлхий нийтээр..2021/12/20
АТГ: Эрүүгийн 27 хэргийг шүүхэд шилжүүлэх саналтай шилжүүлэв
-
Үйл явдал2022/02/17
Та өөрт ойр вакцины аль ч цэгт очиж дархлаажуулалтад хамрагдах боломжтой
-
Дэлхий нийтээр..2020/04/16
Эх, хүүхдийн эрүүл мэндийн нэгдсэн төвийг иргэдийг тусгаарлах зориулалтаар ашигл...
-
Дэлхий нийтээр..2021/05/24
Улаанбаатарт өнөөдөр дархлаажуултын суурин 57, явуулын 5 цэг ажиллана