Үйл явдал
Д. Машбат : “Улирал бүхэн өөрийн өнгөтэй байдаг. Тухайн улирлыг илтгэх өнгөтэй жимс идэх нь хамгийн сайн сонголт юм”
Хамгийн ашиг тустай жимсийг нэрлэж бидэнд мэргэжлийн зөвлөгөө өгнө үү?
Ганцхан үгээр хэлэх боломжгүй ойлголт байна. Монголчуудын хувьд газар нутаг, байгаль цаг уурын онцлогоос шалтгаалан маш цөөн төрлийн жимс, жимсгэнийг дотооддоо тариалж мөн гадны улс орнуудаас импортлон хэрэглэж ирсэн. Ерөнхийдөө алим, мандарин, усан үзэм, гадил гээд л жимсний тоо бараг дуусдаг.
Гэтэл жимсний хэрэглээ нь тухайн бүс нутгийн ард иргэдийн олон мянган жилийн хоолны соёлыг илтгэдэг маш өргөн ойлголт. Өөрөөр хэлбэл байгаль цаг уурын нөхцлөөс шалтгаалан тухайн бүс нутаг улирал бүр өөр өөр жимс ургаж боловсорсноор түүнийгээ дагаад хэрэглээ нь салшгүй холбоотой гэсэн үг юм. Бүх төрлийн жимсийг өдөр тутамдаа байнга хэрэглэж байх нь хүний биед чухал боловч тухайн улиралд боловсорч гүйцсэн жимсийг тухайн цаг үед нь шинээр нь хэрэглэж байх нь хамгийн их ашиг тустай. Жишээ нь зун, намар тарвас, амтат гуа зэрэг жимс боловсорч гүйцдэг ба хэрэглэхэд илүү тохиромжтой. Мөн намар шар өнгийн жимс, зун улаан өнгийн жимс хэрэглэх нь сайн гэсэн сонирхолтой судалгаанууд хүртэл байдаг.
Сонирхолтой юм аа.
Гэхдээ бид энэ соёл, хэрэглээг нь мэдэхгүй гээд зүгээр сууж боломгүй санагддаг. Дэлхий хавтгайрч байна бид бүхэн соёл иргэншил тэр дундаа хэрэглээний соёлыг мэддэг байх нь маш чухал, бас эрүүл мэндэд ашиг тустай. Жил бүр бид “5 өнгө” буюу өнгө өнгийн жимсний талаар болон ач тусыг нь таниулахаар сургуулийн өмнөх насны хүүхдүүдэд сургалт зохион байгуулдаг.
Ямар нэг үнэ төлбөргүй, нийгмийн хариуцлагын ажил гэж хараад хийгээд явдаг юм. Одоогоор 4140 хүүхэд, 80 цэцэрлэгийн хүүхдүүд хамрагдаад байна. Эцэг эхчүүд болон багш нар их баяртай хүлээж авдаг. Хоолныхоо жимс, ногоог ялгаад хаячихдаг байсан хүүхэд сургалтанд сууснаар ач тусыг нь мэдээд идэх хүсэлтэй болдог.
Имартийн жимсний амт нэг л өөр, амттай гэдэг. Яаж ийм байлгаж чадаж байгаа вэ? Бизнесийн нууц биш бол ...
Бид аль болох хэрэглэгч, үйлчлүүлэгчдэд зөв мэдээлэл ойлголт өгөхийг хичээдэг. Жимс жимсгэнүүдээ хүлээн авахдаа хэд хэдэн үзүүлэлт шалгуурыг тавьдаг. Тэр бүх шалгуурт нийцсэн жимс хэрэглэгчдэд илүү таалагддана.
Дэлгэрүүлбэл: жимсний гарал үүсэл, ургацын хугацаа, сорт, болц, хэмжээ, амт гэх мэт.
Амт гэж та хэллээ. Хүн бүрийн амтлах чадвар өөр гэж боддог.
Тэр үнэн. Тийм учраас жимсний амт, чихэрлэгийг хэмждэг брикс гэж багаж, технологийг бид ашигладаг. Олон улсын стандарт шалгуур л даа. Жишээ нь болц нь гүйцсэн алимны брикс нь 15-16 байхад үйлчлүүлэгчдэд хамгийн их таалагдана. Энэ бол стандарт хангасан алим гэх мэт бүх жимс өөрийн стандарттай. Бид яг түүнд нь тохирсон жимсийг авч худалдаална.
Өөр нэг чухал зүйл бол агуулах. Маш сайн жимсийг тээвэрлэж авч ирсний дараа зориулалтын агуулахгүй бол хадгалах явцдаа чанарыг нь муутгах магадлалтай. Бидний хувьд стандартын дагуу хадгалт хийгээд лангуун дээр гаргаж байгаа тул шинэхэнээрээ байж чаддаг. Бас хамтад нь хадгалж болдоггүй жимснүүд ч гэж байдаг.
Алим, усан үзэмийг тарвас, лийр, гадил, авокадо жимстэй, жүржийг усан үзэмтэй хадгалах юм бол чанар алдагддаг. Нэг нь амьсгалдаг жимс, нөгөө нь хурц амт үнэрийг өөртөө шингээх чанартай ч гэдэг ч юм уу. Энэ мэтчилэн нарийн технологийг хангаснаар амт чанартай жимс үйлчлүүлэгчдэд очдог. Үүн дээр нэмээд хэлэхэд жимсийг хэрхэн сонгож хэрэглэх нь бас чухал байдаг.
Жишээ нь бага зэрэг ногоон өнгөтэй гадилыг хөргөгчинд хийлгүй гялгар уутанд хийгээд тасалгааны хэмд тавихад 1 хоногийн дотор шарлан идэхэд бэлэн амттай болдог. Авокадо жимсийг сонгохдоо хэд хоногийн дараа идэх бол хатуу ногоон өнгөтэйг, шууд идэх бол хүрэн бор өнгөтэй орой хэсгийг дарж үзэхэд бага зэрэг зөөлөрсөнг сонгодог. Та бидний байнга хэрэглэх дуртай мандарин нь Африк болон Испани улсын сортыг барьж үзэхэд хатуу илүү исгэлэн амт давамгайлсан байдаг бол Солонгос, Турк улсыг сорт нь барьж үзэхэд зөөлөн, хальслахад маш хялбар, чихэрлэг амт илүү давамгайлсан байдаг онцлогтой.
Хэрэглэгч бүхэн өөрийнхөө юу хүсч байгааг мэддэггүй гэдэгтээ та санал нийлэх үү
Яг үнэн. Би ярианыхаа эхэнд дурдсан, олон төрлийн жимсний хэрэглээг бий болгохын төлөө олон ажлууд зохион байгуулж байгаа гэж. Ингэхийн тулд зөвхөн харилцагчаас жимс аваад энэ ажлыг хийх боломжгүй үе бий. Энэ тохиолдолд бид өөрсдийн хүчээр судалгаа хийгээд импортлон оруулж ирж хэрэглэгчиддээ нийлүүлдэг. Жишээ нь Интоор.
Энэ жимсийг Монголчууд компотноос л идэж байсан. Жимсээрээ зардаг хэдий ч маш үнэтэй худалдаалагддаг байсан. Үнийг нь 5 дахин буулгаж зах зээлд гаргаснаар үйлчлүүлэгчид маш ихээр авч хэрэглэж байсан нь саяхан. Бид коконат, манго жимсийг мөн ийм зарчмаар хэрэглэгч, үйлчлүүлэгчдэдээ санал болгосон. Имарт зөвхөн худалдаа үйлчилгээ борлуулалтандаа анхаарахаас гадна ард түмнийхэ хүнсний хэрэглээний боловсролд анхааран МОНГОЛ ХҮН ТА 100 НАСЛАГ гэсэн уриан дор маш олон ажлыг зохион байгуулсан бөгөөд цаашид ч олон аян хөтөлбөрийг зохион байгуулахаар төлөвлөсөн.
Үйл явдал
АНУ, Ираны төлөөлөгчид НҮБ-ын Аюулгүйн зөвлөлийн хурлын үеэр хурц маргалдав
НҮБ-ын Аюулгүйн зөвлөлийн Ойрхи Дорнодын нөхцөл байдлын асуудлаарх хурлын үеэр АНУ болон Ираны төлөөлөгчид хоорондоо хурц маргаан өрнөсөн талаар барууны хэвлэлүүд мэдээлжээ.
Хурлын үеэр Ираны НҮБ дахь төлөөлөгч Амир-Саид Иравани АНУ-ыг бүс нутгийн мөргөлдөөнийг өдөөж, нөхцөл байдлыг хурцатгаж байна гэж буруутгасан байна. Тэрээр АНУ-ын төлөөлөгчид хандан “өөрийгөө барьж, болгоомжтой бай” гэсэн утгатай мэдэгдэл хийсэн гэж мэдээлжээ.
Үүний дараа АНУ-ын төлөөлөгч Майк Уолтз Ираны дэглэмийг хатуу шүүмжилж, бүс нутгийн тогтворгүй байдлын гол эх үүсвэр гэж мэдэгдсэн байна. Тэрээр Ираныг:
- бүс нутгийн мөргөлдөөнийг өдөөсөн
- зэвсэгт бүлэглэлүүдийг дэмжсэн
- хүний эрх зөрчсөн
- иргэдийн эсрэг хүч хэрэглэсэн
гэж буруутгасан талаар мэдээлж байна.
Аюулгүйн зөвлөлийн хурлын үеэр ийм шууд, хурц үг хэллэг ашиглах нь дипломат хэвийн харилцаанаас давсан явдал гэж ажиглагчид үзэж байна. Энэ нь АНУ, Ираны харилцаа улам дордож буйг харуулж буй дохио гэж үнэлж байна.
Ялангуяа Ойрхи Дорнодын хэд хэдэн чиглэлд нөхцөл байдал хурцдаж байгаа энэ үед маргаан өрнөсөн нь анхаарал татаж байна. Тухайлбал:
- Израиль
- Ливан
- Йемен
- Иран
гэсэн бүсүүдэд хурцадмал байдал нэмэгдэж, мөргөлдөөн өргөжих эрсдэл нэмэгдээд байгаа юм.
Шинжээчдийн үзэж буйгаар НҮБ-ын Аюулгүйн зөвлөлийн түвшинд ийм хурц маргаан өрнөх нь дипломат шатнаас цэрэг-улс төрийн хурцадмал байдал руу ойртож буй дохио байх магадлалтай гэж үзэж байна.
Үйл явдал
Далайд гарцгүй орнуудын сайд нар хамтарсан тунхаглал баталлаа
Женевт төвтэй Дэлхийн худалдааны байгууллагын Сайд нарын 14 дүгээр бага хурал энэ сарын 25-29-ний өдрүүдэд Камерун Улсын Яаунде хотноо болж өндөрлөв. Тус бага хурлын хүрээнд Монгол Улс далайд гарцгүй хөгжиж буй 32 улсын сайд нарын хурлыг гуравдугаар сарын 25-ны өдөр даргалан зохион байгууллаа.
Далайд гарцгүй хөгжиж буй орнуудын Женев дэх бүлгийн зохицуулагчаар ажиллаж буй Монгол Улсыг төлөөлж, НҮБ-ын Женев дэх төв, Дэлхийн худалдааны байгууллага болон олон улсын бусад байгууллагын дэргэд суугаа Байнгын төлөөлөгч, Элчин сайд Д.Гэрэлмаа хурлыг нээж үг хэлэв.
Тэрбээр далайд гарцгүй хөгжиж буй орнуудад нийтлэг тулгарч буй худалдааны саад бэрхшээлийг даван туулах, олон улсын худалдаа, эдийн засаг, хөрөнгө оруулалт, цахим шилжилт болон интеграцид нэгдэх боломжийг бүрдүүлэхэд хамтын ажиллагаа чухал болохыг онцоллоо. Мөн далайд гарцгүй хөгжиж буй орнуудын Үйл ажиллагааны Авазагийн хөтөлбөр 2024-2034 оны хэрэгжилтийг эрчимжүүлэх шаардлагатайг тэмдэглэв.
Сайд нарын хуралд Дэлхийн худалдааны байгууллагын дэд захирал Жанг Шиангчен, НҮБ-ын Худалдаа, хөгжлийн байгууллагын Ерөнхий нарийн бичгийн даргын орлогч П.М.Морено, Олон улсын худалдааны төвийн Бүс нутгийн хөгжлийн хөтөлбөрийн газрын дарга Э.Оливериа Гомез, НҮБ-ын Нэн буурай хөгжилтэй, далайд гарцгүй хөгжиж буй болон арлын жижиг орнуудын асуудал эрхэлсэн Дээд төлөөлөгчийн газрын эдийн засгийн зөвлөх Жэми Маклеод, Далайд гарцгүй хөгжиж буй орнуудын Олон улсын судалгааны төвийн гүйцэтгэх захирал Д.Дөлгөөн нар оролцож, байр сууриа илэрхийлэв.
Далайд гарцгүй хөгжиж буй 32 улсын 25 улсын төлөөлөл Дэлхийн худалдааны байгууллагын Сайд нарын 14 дүгээр бага хуралд оролцож байна. Эдгээр улсын төлөөлөгчид Дэлхийн худалдааны байгууллагын хүрээнд нэгдмэл байр суурь илэрхийлэх, худалдаа, хөрөнгө оруулалтыг нэмэгдүүлэх, хүний нөөцийн чадавхыг бэхжүүлэх, хамтын төсөл, хөтөлбөр хэрэгжүүлэх чиглэлээр санал солилцов.
Хурлын үр дүнд далайд гарцгүй хөгжиж буй орнуудын сайд нарын хамтарсан тунхаглал баталж, Дэлхийн худалдааны байгууллагын Сайд нарын 14 дүгээр бага хурлын төгсгөлийн баримт бичигт тусгуулахаар Нарийн бичгийн дарга нарын газарт хүргүүлсэн байна.
Үйл явдал
Монгол Улс шатахууныхаа 90 гаруй хувийг ОХУ-аас импортолдог...
ОХУ бензиний экспортыг түр хугацаанд хязгаарлах шийдвэр гаргасан ч Монгол Улсад нийлүүлэх шатахууны нийлүүлэлт хэвийн үргэлжилнэ гэж ОХУ-ын төрийн мэдээллийн ТАСС агентлаг мэдээллээ.
ОХУ-ын Засгийн газрын шийдвэрээр 2026 оны дөрөвдүгээр сарын 1-нээс долоодугаар сарын 31 хүртэл бензиний экспортыг түр хугацаанд хязгаарлахаар болсон. Энэхүү арга хэмжээ нь дотоодын шатахууны зах зээлийг тогтворжуулах, улирлын эрэлтийг хангах зорилготой гэж албаны эх сурвалжууд тайлбарласан байна.
Гэсэн хэдий ч Монгол Улсад нийлүүлэх шатахууны нийлүүлэлтэд энэ шийдвэр нөлөөлөхгүй гэж ОХУ-ын тал мэдэгджээ. ТАСС агентлагийн мэдээлснээр Монгол Улс болон ОХУ хооронд байгуулсан Засгийн газар хоорондын шатахуун нийлүүлэх гэрээ хүчинтэй хэвээр бөгөөд нийлүүлэлт төлөвлөгөөний дагуу үргэлжилнэ.
Мөн Монгол Улсад нийлүүлэх шатахууны хэмжээг гэрээгээр баталгаажуулсан тул бензиний экспортын түр хязгаарлалт нь Монголын нийлүүлэлтэд шууд нөлөөлөхгүй гэж онцолсон байна. ОХУ-ын шатахуун нийлүүлэлт 2026 оныг дуустал тогтвортой үргэлжилнэ гэсэн мэдээлэл мөн дурдагджээ.
ОХУ бензиний экспортыг түр хязгаарлах шийдвэр гаргасан нь сүүлийн үед дотоодын шатахууны эрэлт нэмэгдэж, нефть боловсруулах зарим үйлдвэрүүдэд засвар үйлчилгээ хийгдэж байгаатай холбоотой гэж албаныхан тайлбарласан байна.
Үүнээс гадна Ойрхи Дорнодын нөхцөл байдал хурцдаж, дэлхийн шатахууны зах зээлд тодорхойгүй байдал нэмэгдсэн нь ОХУ-ын дотоодын шатахууны үнийг тогтворжуулах шаардлага үүсгэсэн гэж шинжээчид үзэж байна.
Олон улсын Reuters агентлаг мөн ОХУ бензиний экспортыг түр хугацаанд хязгаарлах шийдвэр гаргасныг баталж, дотоодын шатахууны үнийг тогтвортой байлгах зорилготой гэж мэдээлсэн байна.
Монгол Улс шатахууныхаа 90 гаруй хувийг ОХУ-аас импортолдог бөгөөд иймд шатахууны нийлүүлэлттэй холбоотой мэдээлэл дотоодын зах зээлд онцгой анхаарал татаж байна. Гэвч энэ удаагийн шийдвэр нь Монгол Улсад нийлүүлэх шатахуунд шууд нөлөөлөхгүй гэж ОХУ-ын тал мэдэгдсэнээр нийлүүлэлт хэвийн үргэлжлэх нөхцөл бүрдэж байна.
-
Дэлхий нийтээр..2023/11/24
Лед гэрлэн гарцуудыг шуурхай хийж дуусгахыг даалгалаа
-
Дэлхий нийтээр..2024/05/09
И МАРТ нь STARLINK компанийн төхөөрөмжүүдийн Монгол дахь АЛБАН ЁСНЫ БОРЛУУЛАГЧ ...
-
Дэлхий нийтээр..2023/06/07
Инфляцын түвшин 2023 оны 5 дугаар сард 11.3 хувьтай гарлаа
-
Үйл явдал2019/07/23
“Харилцан ашигтай хамтын ажиллагааг өргөжүүлэх нь” IV форум болж бай...