Бидэнтэй нэгдэх

Тод индэр

Байнгын хорооны гишүүдэд боловсролын салбарын бодлого, төлөвлөлтийн талаар мэдээлэл өглөө

Огноо:

,

Сэтгүүлч:

УИХ-ын Боловсрол, соёл, шинжлэх ухаан, спортын байнгын хороо болон инноваци, цахим бодлогын байнгын хорооны гишүүдэд боловсрол, шинжлэх ухааны салбарын талаар танилцуулах уулзалт зохион байгууллаа.

Боловсрол шинжлэх ухааны салбарын 2020-2024 онд баримтлах бодлого, чиглэл,хэрэгжүүлэх үйл ажиллагааны талаар Боловсрол, шинжлэх ухааны сайд Л.Цэдэвсүрэн, “Боловсрол, шинжлэх ухааны салбарын 2021 оны урсгал зардал ба хөрөнгө оруулалтын төсвийн төсөл”-ийн талаар дэд сайд Г.Ганбаяр танилцуулж, байнгын хорооны дарга гишүүд сонирхсон асуултдаа хариулт авч, өөрсдийн санал бодлыг хуваалцлаа.

Боловсрол, соёл, шинжлэх ухаан, спортын байнгын хорооны дарга Ж.Мөнхбат, Улсын их хурлаар төсвийн тодотгол, Засгийн газрын ирэх 4 жилийн үйл ажиллагааны хөтөлбөрийг хэлэлцэж байгаа энэ үед байнгын хорооны гишүүд салбарын талаар нэлээд сайн ойлголт мэдээлэлтэй болсон нь энэ уулзалтын хамгийн том үр дүн юм. Боловсролын салбарын 4 жилийн бодлого, төлөвлөлтийг боломжийн хэмжээнд тодорхойлсон байна. Төлөвлөснөө ажил хэрэг болгоход байнгын хорооны гишүүд дэмжин хамтран ажиллана гэлээ.

Инноваци цахим бодлогын байнгын хорооны дарга Н.Учрал, Үндэсний инновацийн тогтолцоог хөгжүүлэх, хөрөнгө оруулалтыг нэмэгдүүлэх, эдийн засгийн эргэлтэд оруулах, төсөв болон эдийн засагт эерэг нөлөө үзүүлдэг санхүүжилтийн зөв схемийг бий болгох хэрэгтэйг онцлоод инноваци, цахим бодлогын хүрээнд өөрийн байр суурийг илэрхийллээ.

Салбарын бодлого төлөвлөлтийг тодорхойлохдоо төрийн залгамж чанарыг алдагдуулалгүй, өмнө эхлүүлсэн олон ажлыг илүү өргөн хүрээнд боловсронгуй болгоход анхаарсныг байнгын хороодын гишүүд үнэлж, санал зөвлөмжөө хуваалцлаа.

Боловсрол, шинжлэх ухааны салбарын хөгжлийг хурдасгах, зөв зохион байгуулахад нэгдсэн ойлголт, мэдээлэлтэй байх нь чухал. Байнгын хороодын гишүүдийн дэвшүүлсэн саналыг бодлого төлөвлөлтдөө тусган ажиллах болно яамны удирдлагууд мэдэгдлээ.

Эх сурвалж: БШУЯ

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

Гадаад харилцааны сайд Б.Батцэцэг БНХАУ-д албан ёсны айлчлал хийнэ

Огноо:

,

Гадаад харилцааны сайд Б.Батцэцэг Бүгд Найрамдах Хятад Ард Улсын Төрийн зөвлөлийн гишүүн бөгөөд Гадаад хэргийн сайд Ван И-гийн урилгаар 2021 оны долоодугаар сарын 27-ны өдөр Бүгд Найрамдах Хятад Ард Улсад албан ёсны айлчлал хийнэ гэж Гадаад харилцааны яамнаас мэдээллээ.
Дэлгэрэнгүй унших

Тод индэр

Ерөнхий сайд Л.Оюун-Эрдэнэ Япон Улсын Ерөнхий сайд Ё.Сүгатай албан ёсны уулзалт хийв

Огноо:

,

Монгол Улсын Ерөнхий сайд Л.Оюун-Эрдэнэ Япон Улсад хийж буй ажлын айлчлалынхаа хүрээнд энэ сарын 22-ны өдөр Ерөнхий сайд Ё.Сүгатай Төрийн хүндэтгэлийн ордонд албан ёсны уулзалт хийв.

Энэ нь хоёр улсын Ерөнхий сайд нарын түвшинд сүүлийн 2 жилд хийж буй анхны уулзалт юм. Уулзалт найрсаг дотно, уур амьсгалд болж, талууд Монгол, Японы харилцааны өнөөгийн байдал, цаашдын зорилт, үйл ажиллагааны талаар болон олон улс, бүс нутгийн хүрээн дэх өргөн хүрээтэй асуудлаар дэлгэрэнгүй санал солилцлоо.

Ерөнхий сайд Л.Оюун-Эрдэнэ манай “гуравдагч хөрш” Япон Улстай Стратегийн түншлэлийн харилцаа, хамтын ажиллагааг бүхий л талаар өргөжүүлэн хөгжүүлэхийн төлөө байгаагаа нотлов. Даян дэлхийн улс орнууд нэг гэр бүл болохыг харуулж байдаг Олимпын наадмыг цар тахлын хүнд нөхцөл байдалд Япон Улсын Засгийн газар амжилттай зохион байгуулж байгаад баяр хүргэж, энэ удаагийн Олимпын наадам хүн төрөлхтөн цар тахлыг амжилттай даван туулсны бэлгэ тэмдэг болон түүхэнд үлдэнэ гэдэгт итгэлтэй байгаагаа илэрхийлэв. Ерөнхий сайд Ё.Сүга  Олимпын наадмыг зохион байгуулах түүхэн сорилттой үед Монгол Улсын Ерөнхий сайд хүрэлцэн ирсэнд, мөн гадаад улс оронд хийж буй анхны айлчлалаа Япон Улсаас эхлүүлсэнд баяртай байгаагаа илэрхийлэв.

Ерөнхий сайд Л.Оюун-Эрдэнэ Япон Улсын Засгийн газар Монгол орны ардчилал, шинэчлэл, тогтвортой хөгжлийг тууштай дэмжиж ирсэнд, мөн энэхүү дэмжлэг туслалцаа  “КОВИД-19” цар тахлын хүндрэл бэрхшээлтэй үед ч үргэлжилж байгаад гүн талархал илэрхийлэв. Нэн ялангуяа, Монголын ирээдүй болсон хүүхэд залуусыг вакцинжуулахад Япон Улсын Засгийн газар дэмжлэг үзүүлж байгааг онцлов.  


Монгол, Японы улс төрийн харилцааны бат бэх сууринд тулгуурлан эдийн засаг, худалдаа, хөрөнгө оруулалтын чиглэлд хамтын ажиллагааг дараачийн шатанд дэвшүүлж, төр, хувийн хэвшлийн хамтын ажиллагааг эрчимжүүлэх шаардлагатай байгаад талууд санал нэгдэв. Хамтын ажиллагааны чиглэлд Хөшигийн хөндийд баригдсан “Чингис хаан” олон улсын нисэх буудлыг цогцоор өргөтгөж, эдийн засаг, мэдээлэл технологи, аялал жуулчлалын чөлөөт бүс болгон хөгжүүлэх, нийслэл Улаанбаатар хотын түгжрэлийг бууруулахад чиглэсэн Улаанбаатар хотыг тойрсон хурдны зам, Богдхан төмөр замын асуудал, мэдээлэл технологийн салбарт хувийн хэвшлийн хамтын ажиллагааг идэвхжүүлэх болон тус салбарын инженерүүдийг бэлтгэх, нүүрсний орд газруудыг түшиглэн ус төрөгчийн цахилгаан станц баригдах техник эдийн засгийн үндэслэлд хамтран ажиллах зэрэг эдийн засгийн томоохон хамтын ажиллагааны чиглэлээр санал солилцов.
 
Монгол Улс, Япон Улсын хооронд дипломат харилцаа тогтоосны 50 жилийн ой 2022 онд тохионо. Энэхүү түүхэн ойг хоёр улс ёслол төгөлдөр тэмдэглэн өнгөрүүлэхээр тохиролцлоо. Ойн хүрээнд Япон Улсын Цог Жавхлант Эзэн хаан Нарүхитог Монгол Улсад айлчлахыг урив. Мөн Ерөнхий сайд Ё.Сүга 2022 оныг “Монгол, Японы хүүхэд, залуучуудын найрамдал, солилцооны жил” болгон зарлахыг санал болгосныг Монголын тал талархан хүлээж авав.

Монгол, Японы Стратегийн түншлэлийг 2017-2021 онд хөгжүүлэх Дунд хугацааны хөтөлбөр амжилттай хэрэгжиж дуусгавар болж байгааг талууд сайшааж 2021-2025 онд хэрэгжүүлэх дараагийн Дунд хугацааны хөтөлбөрийн агуулгыг ойрын үед тохирохоор ярилцав.

Талууд олон улс, бүс нутгийн талбарт идэвхтэй хамтран ажиллаж байгааг дурдаад НҮБ болон олон улсын хамтын ажиллагааны бусад байгууллагын хүрээнд цаашид  ч уялдаа холбоотой ажиллахаар болов.

Уулзалтын төгсгөлд Ерөнхий сайд Ё.Сүга сүмогийн шинэ аваргатай болсонд баяр хүргэлээ.

Монгол Улсын Ерөнхий сайд Л.Оюун-Эрдэнийн Япон Улсад хийж буй айлчлал үргэлжилж байна. Тэрбээр маргааш хүндэт зочдын хамт Цог жавхлант Эзэн хаанд бараалхаж, Либерал ардчилсан намын ерөнхий нарийн бичгийн дарга Т.Никай, Япон, Монголын парламентын найрамдлын бүлгийн дарга, гишүүдтэй уулзана. 

Дэлгэрэнгүй унших

Тод индэр

Жилд 22 мянган даатгуулагч ажилгүйдлийн тэтгэмж авах хүсэлтээ цахимаар шийдвэрлүүлэх боломжтой

Огноо:

,

Нийгмийн даатгалын үндэсний зөвлөлийн 2021 оны долоодугаар сарын 21-ний өдрийн хуралдаанаар шинэчлэн боловсруулсан “Ажилгүйдлийн даатгалын сангаас тэтгэмж олгох журам”-ыг хэлэлцэн тогтоолоор баталлаа.

Монгол Улсын Их Хурлын 2020 оны 24 дүгээр тогтоолоор баталсан “Засгийн газрын 2020-2024 онд хэрэгжүүлэх үйл ажиллагааны хөтөлбөр”-ийн 2.5.6-д нийгмийн хамгааллын салбарыг бүхэлд нь цахимжуулж, иргэдэд үзүүлэх үйлчилгээг ил тод, шуурхай, хүртээмжтэй болгох зорилтыг дэвшүүлсэн.

Энэ ажлын хүрээнд Сангийн сайд, Хөдөлмөр, нийгмийн хамгааллын сайдын 2020 оны 246, А/245 дугаар хамтарсан тушаалаар нийгмийн даатгалын дэвтрийг 2021 оноос цахимжуулсан.

Нийгмийн даатгалын дэвтэр цахим болсонтой холбогдуулан нийгмийн даатгалын сангаас үзүүлдэг зарим үйлчилгээг цахим болгох боломж бүрдлээ.

Тухайлбал, нийгмийн даатгалын сангаас олгох ажилгүйдлийн тэтгэмжийг олгоход өргөдөл, нийгмийн даатгалын дэвтэр, ажлаас халсан тухай шийдвэр, иргэний үнэмлэх, түүний хуулбар, ажилгүй болсноо Хөдөлмөрийн байгууллагад бүртгүүлсэн тухай мэдэгдэх хуудас зэргийг тус тус бүрдүүлж байна.

Даатгуулагчаас тэтгэмж авахаар бүрдүүлж байгаа баримт бичгийг цахимжуулж, хүсэлтийг түргэн шуурхай шийдвэрлэх зорилгоор Нийгмийн даатгалын үндэсний зөвлөлийн 2016 оны 22 дугаар тогтоолоор баталсан “Ажилгүйдлийн даатгалын сангаас тэтгэмж олгох журам”-ыг Хөдөлмөр, нийгмийн хамгааллын яам шинэчлэн боловсруулсан.

Улмаар Нийгмийн даатгалын үндэсний зөвлөлийн 2021 оны долоодугаар сарын 21-ний өдрийн хуралдаанаар шинэчлэн боловсруулсан “Ажилгүйдлийн даатгалын сангаас тэтгэмж олгох журам”-ыг хэлэлцэн тогтоолоор баталлаа.

Энэ тогтоол, журам батлагдсанаар жилд 22 мянган даатгуулагч ажилгүйдлийн тэтгэмж авах хүсэлтээ цахимаар шийдвэрлүүлж, цаг хугацаа, зардал хэмнэх боломж бүрдэнэ.

Эх сурвалж: ХНХЯ

Дэлгэрэнгүй унших
сурталчилгаа
Тод мэдээ13 цаг 12 минут

"Сэтгэлээрээ эмчилье" аяны эмчилгээний багц эздэдээ хүрсээ...

Тод мэдээ14 цаг 36 минут

Ерөнхий боловсролын сургуулийн сурах бичгийг “Цахим дэлгүүр&rd...

Тод индэр14 цаг 40 минут

Гадаад харилцааны сайд Б.Батцэцэг БНХАУ-д албан ёсны айлчлал хийнэ

Тод мэдээ14 цаг 44 минут

Эрүүл мэндийн сайд С.Энхболд БНСУ-ын К2BIO компанийн төлөөллийг хүлэ...

Тод мэдээ15 цаг 20 минут

Хөвсгөл аймгийн цэвэрлэх байгууламж ашиглалтад орлоо

Тод мэдээ15 цаг 24 минут

Дүүрэг бүрт хүчилтөрөгчийн бэсрэг үйлдвэр байгуулж байна

Тод индэр16 цаг 30 минут

Ерөнхий сайд Л.Оюун-Эрдэнэ Япон Улсын Ерөнхий сайд Ё.Сүгатай албан ё...

Тод мэдээ16 цаг 33 минут

Коронавирусний халдвар авч, өвдөөд эдгэсэн хүмүүст нөхөн сэргээх эмч...

Өнөөдөр16 цаг 37 минут

Өнөөдөр Улаанбаатарт дархлаажуулалтын 22 цэг ажиллана

Өнөөдөр16 цаг 39 минут

Улаанбаатарт өдөртөө 27 хэм дулаан

Өнөөдөр17 цаг 28 минут

Үс шинээр үргээлгэх буюу засуулбал эд, мал арвидна

Тод индэр2021/07/22

Жилд 22 мянган даатгуулагч ажилгүйдлийн тэтгэмж авах хүсэлтээ цахима...

Санал болгох