Тод мэдээ
Аялал жуулчлалын хямд тээвэрлэлтийг бий болгохоор судалж байна
БОАЖ-ын сайд Д.Сарангэрэл Унгар улсаас Монгол Улсад суугаа элчин сайдын үүргийг хамаарагч Обрушански Борбалог хүлээн авч уулзлаа. Уулзалтаар хоёр орны хамтын ажиллагаа, тэр дундаа байгаль орчны салбарт хэрэгжиж байгаа төсөл хөтөлбөрүүдийн талаар ярилцаж, санал сэтгэгдэлээ солилцлоо. Түүнчлэн тэд цаашдын хамтын ажиллагааны хүрээг тэлэх, үр дүнтэй ажиллахад анхаарах шаардлагатай хэд хэдэн асуудлыг хөндсөн. Тухайлбал, усны хайгуул хийх, зөөврийн бохир усны байгууламжийг барих, хоёр талын усны мэргэжилтнүүдийн уулзалтыг зохион байгуулах, аялал жуулчлалын хямд тээвэрлэлтийг бий болгох, визний асуудлыг хөнгөвчлөх зэрэг асуудлуудаар санал солилцлоо.
Элчин сайдын үүргийг хамаарагч Обрушански Борбало хэлэхдээ “ Хоёр улсын иргэд бид ахан дүүс би итгэдэг. Учир нь бид ч бас монголчуудтай адил хөх толботой төрдөг. Бидний энэ холбоо цаашдаа аялал жуулчлалын салбарт ахиц гаргана гэж найдаж байна. Аялал жуулчлалын хамгийн чухал зүйл нь хямд үнэтэй тээвэрлэлт байдаг. Манай зүгээс хямд үнэтэй агаарын нислэгийн талаар судалж байгаа. Энэ асуудал шийдэгдвэл зөвхөн Унгар улсаар хязгаарлагдахгүй Европын олон орноос аялагчид зорьж ирэх боломж бүрдэнэ гэж харж байна.” гэсэн юм.
Харин Д.Сарангэрэл сайд: “Хоёр улс усны чиглэлээр олон жилийн хамтын ажиллагааг хэрэгжүүлсээр ирсэн. Түүнийгээ үргэлжлүүлэх таны саналд талархаж байна. Мөн аялал жуулчлалын чиглэлээр дэвшүүлж байгаа таны санал үнэхээр сайхан санагдаж байна. Аялалын хямд тээвэрлэлт болон визтэй холбоотой асуудлууд төвөггүй болчихвол олон боломж нээгдэнэ. Энэ тал дээр бид бүрэн дэмжиж, хамтран ажиллахад бэлэн.” гэсэн юм.
Эх сурвалж: БОАЖЯ
Тод мэдээ
Мэдэгдэл
Тод мэдээ
Хүннү хотын 127.4 км авто замын бүтээн байгуулалт 30 хувьтай үргэлжилж байна
Нийслэл Улаанбаатар хотын хүн амын төвлөрлийг сааруулах, бүс нутгийн тэнцвэртэй хөгжлийг хангах зорилгоор “Хүннү” хотыг Богд хан уулын өвөрт, Хөшигийн хөндийд төлөвлөсөн.
Энэхүү хот нь Улаанбаатар хотоос 53 км, Төв аймгийн Зуунмод хотоос 10 км зайд, “Чингис хаан” олон улсын нисэх буудлын орчимд байрших бөгөөд нийт 150,000 хүн ам, 80,000 орчим ажлын байр, 10.5 сая м.кв барилгажих талбайтай байх юм.
Хүннү хотод төрийн байгууллагуудын цогцолбор, эдийн засгийн чөлөөт бүс, их дээд сургууль, оюутны хотхон, тээвэр ложистикийн нэгдсэн төв зэрэг олон чиг үүрэг бүхий шинэ төв болгохоор төлөвлөсөн бөгөөд олон улсын жишигт нийцсэн, байгаль орчинд ээлтэй “Ногоон” хот болох юм.
Хүннү хотын Хөгжлийн ерөнхий төлөвлөгөө, ажлын зураг төслийн дагуу 2022 оноос хойш хотын дэд бүтцийн эх үүсвэрийн бүтээн байгуулалтын ажлууд хэрэгжиж, цахилгаан хангамж 86%, ус хангамж 80%, үерийн хамгаалалтын суваг 75%, мэдээлэл холбооны сүлжээ 65%, ариутгах татуурга 10%, дулаан хангамж 10 % -ийн гүйцэтгэлтэй үргэлжилж байна.
Төслийн хүрээнд Нийслэлийн төсвийн хөрөнгөөр эхний ээлжинд 127,4 км зам барихаар төлөвлөгдсөн бөгөөд замын ажлын зураг төсвийг “ХЗТ автозам” ХХК гүйцэтгэж байна.
Нийт 127,4 км замаас эдийн засгийн чөлөөт бүсэд 24,6км, олон нийтийн төвд 6,4км, хотын төв засаг захиргааны бүсэд 77,8 км, их сургууль оюутны хотхон өндөр технологийн бүсэд 2,2 км, тээвэр логистикийн бүсэд 16,4 км зам тус тус төлөвлөгдсөн. Ажлын гүйцэтгэл 30 хувьтай хэрэгжиж байна.
Тод мэдээ
Тээврийн хэрэгсэл худалдан авахаар 48 сая 900 мянган төгрөг шилжүүлсэн гэж бусдыг залилжээ
