Тод мэдээ
Сурлагын чанар, үндэсний үнэлгээний тогтолцоог бэхжүүлэх чиглэлээр хамтран ажиллана
Боловсрол, шинжлэх ухааны сайд Л.Цэдэвсүрэн Дэлхийн банкны Монгол улс дахь суурин төлөөлөгч Андрей Михневтэй уулзлаа. Уулзалтын эхэнд Дэлхийн банкны санхүүжилтээр хэрэгжиж буй “Боловсролын чанарын шинэчлэл” төслийг 2022 оны 12 дугаар сарын 31-нийг хүртэл сунгасанд талархал илэрхийлэв. Ийнхүү сунгаснаар төслийн зорилгыг бүрэн хангах, шинээр хэрэгжүүлэх үйл ажиллагааг сурагчдын сурлагын амжилтыг ахиулах, багш нарын мэргэжлийн ур чадварыг сайжруулахад чиглүүлэх ач холбогдолтойг онцлон тэмдэглэсэн юм.
Сайд Л.Цэдэвсүрэн боловсролын чанарт анхаарч, Монгол Улс Олон улсын сурлагын амжилтын үнэлгээ PISA-2022-д оролцохтой холбоотой үйл ажиллагааг санхүүжүүлэх, улмаар Үндэсний үнэлгээний тогтолцоог бэхжүүлэх чиглэлд эхлүүлсэн хамтын ажиллагааг улам гүнзгийрүүлэх шаардлагатай байна гэлээ.
Суурин төлөөлөгч Андрей Михнев Монгол Улсын боловсролын салбарын хөгжлийн дунд хугацааны бодлогын баримт бичгийг Засгийн газар дэмжих тохиолдолд түүнийг хэрэгжүүлэх санхүүжилт, төслийн асуудлыг шийдвэрлэх боломжтойг дурдав.
Хөгжлийн бэрхшээлтэй хүүхдийг ерөнхий боловсролын сургуульд тэгш хамран сургах бодлогын хэрэгжилтийг дэмжин 21 аймаг тус бүрд загвар танхим байгуулах, багш нарт тэгш хамран сургах арга зүйг эзэмшүүлэх зэрэг хэд хэдэн чиглэлээр хамтарсан төсөл хэрэгжүүлэх талаар санал солилцов.
Суурин төлөөлөгч Андрей Михнев “Боловсролын чанарын шинэчлэл” төслийн хүрээнд шийдэх боломжтой асуудлуудыг шийдвэрлэхээс гадна зарим саналыг бусад санхүүжүүлэгч байгууллагад уламжилж, тусалж ажиллана гэдгээ илэрхийллээ.
Тод мэдээ
Мотоцикл болон чанга дуу чимээтэй тээврийн хэрэгсэлд тавих хяналт шалгалт үргэлжилж байна
Мотоцикл болон чанга дуу чимээтэй тээврийн хэрэгсэлд тавих хяналт шалгалт үргэлжилж байна. Одоогоор байдлаар 431 тээврийн хэрэгсэлд шалгасан байна. Үүнээс 191 арга хэмжээ авчээ.
Тодруулбал, жолоодох эрхгүй 24, хамгаалах малгайгүй 6, яндангийн дуу намсгуургүй 18 байсан байна. Мөн авто машин 13, мотоцикл 25, суррон 8, мопед 2 түр саатуулжээ.
Тод мэдээ
АНУ-д оршин суугаа монгол иргэдийн анхааралд!
Монгол Улсаас Америкийн Нэгдсэн Улсад суугаа Элчин сайдын яамнаас тус улсад оршин суугаа иргэдэд хандан дараах зөвлөмжийг гаргажээ.
Тод мэдээ
Төрийн өмчийн ЕБС-ийн элсэлтийн цахим бүртгэл энэ сарын 12-нд эхэлнэ
Ирэх 2025-2026 оны хичээлийн жилд Төрийн өмчийн ерөнхий боловсролын сургуулийн 1 дүгээр ангийн элсэлтийн цахим бүртгэлийг Монгол Улсын хэмжээнд 2025 оны 08 дугаар сарын 12-ны өдрөөс 08 дугаар сарын 26-ны өдрийг дуустал E-Mongolia системээр дамжуулан зохион байгуулна.
Иргэд 1 дүгээр ангийн элсэлтийн цахим бүртгэлийн үйлчилгээг авахдаа дараах зүйлсийг анхаарна уу.
- Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;
- Шилжилт хөдөлгөөнийг 8 дугаар сарын 05-ны өдрөөс өмнө баталгаажуулсан байх; (хуурамчаар хаягийн бүртгэл, түрээсийн гэрээ хийхийг хориглоно)
2019 оны 01 дүгээр сарын 01-ний өдрөөс 2019 оны 12 дугаар сарын 31-ний өдрийн хооронд төрсөн 6 настай хүүхэд 1 дүгээр ангийн цахим бүртгэлд хамрагдана.
БОЛОВСРОЛЫН ЯАМ
