Тод мэдээ
Оюутан цэргүүд цэргийн 11 төрлийн мэргэжил эзэмшиж байна
Монгол Улсын Засгийн газраас хэрэгжүүлж байгаа "Оюутан цэрэг” сургалт нь их, дээд сургуулийн оюутан залуусыг суралцах хугацаанд нь цэргийн мэргэжлийн бэлтгэл сургалтад хамруулан эх оронч, оюунлаг, боловсролтой өв тэгш монгол хүнийг төлөвшүүлэх зорилготой.
Энэ жил урьдын адилаар Улаанбаатар хот болон бүсчилсэн хэлбэрээр хөдөө орон нутаг дахь Зэвсэгт хүчний ангиудыг түшиглэн зохион байгуулагдаж байна. Сургалт оюутан цэргүүдийг цэргийн албанд дасгах сургалт, цэргийн мэргэжлийн бэлтгэл сургалт, цэргийн мэргэжил олгох сургалт, тасаг тоотын жигдрэлтийн сургалт гэсэн 4 үе шаттайгаар явагдаж, 5, 10, 20, 30 км-ийн марш, хоногийн сургуулийг үе шаттайгаар зохион байгуулж байна. Сургалтын төвүүд оюутан цэргүүддээ буудлагын дасгал боловсруулж сурахаас нь эхлээд сургуулийн буудлага, тасгийн байлдааны буудлагыг мөн амжилттай гүйцэтгүүлж, цэргийн 11 төрлийн мэргэжлийг олгож байна.
Сургалтуудыг бодит цагийн байдалд нийцүүлэхийн зэрэгцээ нисгэгчгүй нисэх төхөөрөмжтэй ажиллаж сурахад нь анхаарч, орон нутгаасаа хамаарч уулархаг газар район, говь хээр цөлд үүрэг гүйцэтгүүлж, бие бялдар, сэтгэл зүйн бэлтгэжилтийг нь нэмэгдүүлсээр байна. Дайчдыг биеийн болон сэтгэл зүйн ачаалал бууруулах соёл хүмүүжил, олон нийтийн ажилд ч мөн идэвхтэй хамруулж, бэлтгэл сургууль, амралт чөлөөт цагийн тэнцвэртэй байдлыг хадгалж байгаа билээ.
ЗХЖШ-ын даргын тушаалаар “Оюутан цэрэг-2025” сургалтын дайчдын цэргийн тангараг өргөх ёслол 2025 оны 08 дугаар сарын 10-ны өдөр улс орон даяар тус тус ангийнхаа Сургалтын төвд нэгэн зэрэг зохион байгуулагдана.
Эх сурвалж: Хуурай замын ЦЭРЭГ
Тод мэдээ
Алба хаагчид 614 иргэний амь нас, 116.9 тэрбум төгрөгийн эд хөрөнгийг авран хамгаалжээ
Улсын хэмжээнд он гарсаар хоёрдугаар сарын байдлаар 774 удаагийн гамшиг, аюулт үзэгдэл, ослын дуудлага, мэдээлэл бүртгэгдлээ.
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, 614 хүний амь нас, 116.9 тэрбум төгрөгийн өмч хөрөнгийг авран хамгааллаа.
Тохиолдсон гамшиг, аюулт үзэгдэл, ослын 619 нь гал түймэр, 134 нь хүний үйл ажиллагаатай холбоотой осол /зам тээврийн осол, төөрсөн, сураггүй болсон, өндрөөс унах, мөс цөмрөх/, 14 нь геологийн гаралтай аюулт үзэгдэл, 6 нь биологийн гаралтай аюулт үзэгдэл, 1 нь ус цаг уурын гаралтай аюулт үзэгдэл байна гэж ОБЕГ-аас мэдээллээ.
Тод мэдээ
COP17 бага хурлын бэлтгэл ажлын явцыг хэлэлцэж, холбогдох дэд хороодод чиглэл өглөө
Тод мэдээ
Хууль бусаар мод бэлтгэсэн гэмт хэргийг илрүүлж, шүүхэд шилжүүлжээ
Цагдаагийн байгууллагаас 2025 оны 10 дугаар сарын 11-ний өдөр Өвөрхангай аймгийн Хархорин сумын нутаг дэвсгэрт иргэн Л.Б нь шинэс төрлийн 16 ширхэг, 1.291 шоо метр модыг тээврийн хэрэгсэл ашиглан хууль бусаар бэлтгэж, байгаль орчинд 391,888 төгрөгийн хохирол учруулсан гэмт хэргийг илрүүлж, мөрдөн шалгах ажиллагааг явуулан шүүхэд шилжүүлэх саналтай прокурорын байгууллагад шилжүүлсэн.
Тус гэмт хэргийг үйлдсэн иргэн Л.Б нь Монгол Улсын Эрүүгийн хуулийн 24.6 дугаар зүйлийн 2 дахь хэсгийн 2.3-т зааснаар Өвөрхангай аймгийн Хархорин сум дахь сум дундын шүүхээс 1 жилийн хугацаагаар тэнсэх ял оногдуулж, гэмт хэрэг үйлдэхэд ашигласан техник хэрэгслийг улсын орлого болгосон.
Иймд иргэдийг Хүрээлэн байгаа орчны эсрэг гэмт хэрэг, зөрчлийн талаар Цагдаагийн байгууллагын 102 болон 70191070 тусгай дугаарын утсанд мэдээлж, хамтран ажиллахыг Экологийн цагдаагийн албанаас уриаллаа.
-
Тод мэдээ2025/05/06
Ерөнхийлөгч У.Хүрэлсүх ОХУ-ын Ерөнхийлөгч В.В.Путины урилгаар Ялалтын 80 жилийн ...
-
Өнөөдөр2023/10/06
Өнөөдөр Хэнтийн уулархаг нутгаар бороо, нойтон цас орно
-
Тод мэдээ2022/08/05
Австралид ажиллах болон амрах визийн зохицуулалтын хэрэгжилтийн талаар ярилцав
-
Тод индэр2022/03/22
Шинэ сэргэлтийн бодлогын хүрээнд "Асгат"-ын мөнгөний ордыг эдийн засги...