Тод мэдээ
УИХ: Эмэгтэй парламентчдын санал солилцох уулзалт боллоо
Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүд, Улс төрийн намын тухай хуулийн шинэчилсэн найруулгын төслийг Улсын Их Хурлаар хэлэлцэж эхэлсэнтэй холбогдуулан Эмэгтэй парламентчдын орон тооны бус зөвлөлөөс санал солилцох уулзалтыг 2023 оны дөрөвдүгээр сарын 25-ны өдөр зохион байгууллаа.
Эмэгтэй парламентчдын орон тооны бус зөвлөлийг Монгол Улсын Их Хурлын дарга Г.Занданшатарын 2023 оны 01 дүгээр сарын 09-ний өдрийн 07 дугаар захирамжаар байгуулсан бөгөөд тус Зөвлөл нь Монгол Улсын Их Хурлын хууль тогтоох, сурталчлах, хянан шалгах үйл ажиллагаанд зөвлөх чиг үүргээр ажиллаж буй юм.
Өнөөдрийн санал солилцох уулзалтыг Монгол Улсын Их Хурлын сонгуулийн тухай хуульд нэмэлт, өөрчлөлт оруулах тухай хуулийн төслүүд болон Улс төрийн намын тухай хуулийн шинэчилсэн найруулгын төслийн онцлох зохицуулалтын талаар Зөвлөлийн гишүүдэд мэдээлэл өгөх, Зөвлөлийн санал, санаачилга, хамтын ажиллагаанд тулгуурлан дээрх хуулийн төслүүдийг жендэрийн мэдрэмжтэй болгох зорилгоор зохион байгуулж буйг Зөвлөлийн ахлагч, Улсын Их Хурлын дэд дарга С.Одонтуяа тэмдэглэсэн.
Санал солилцох ээлжилт уулзалтад хүрэлцэн ирсэн үе үеийн эмэгтэй парламентчид сэдвийн хүрээнд тус бүртээ санал санаачилгаа илэрхийлж, уулзалт амжилттай боллоо гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Тод мэдээ
Зэсийн баяжмалын арилжаа зохион байгуулна
Монгол Улсын Засгийн газрын 2024 оны 73 дугаар тогтоолоор зэсийн баяжмалыг биржээр дамжуулан арилжаалах шийдвэр гарч, тус тогтоолын дагуу “Монголын хөрөнгийн бирж” ХК (МХБ) нь 2024 оны 4 дүгээр сарын 29-ний өдрийн 16:00 цагт зэсийн баяжмалын анхны арилжааг зохион байгуулахаар боллоо.
Эхний арилжаагаар 22.35%-ийн зэсийн агуулгатай нийт 3000 нойтон метр тонн зэсийн баяжмалыг тонн тутмыг 2141.83 ам.доллараас эхлэн дуудаж, арилжааг зохион байгуулах бөгөөд арилжигдсан зэсийн баяжмалыг БНХАУ-ын Эрээн боомтод хүргэж өгөх нөхцөлтэй.
Уул уурхайн бүтээгдэхүүний биржээр арилжаалах зэсийн баяжмалын арилжааг зохион байгуулах, бэлтгэл ажлыг хангах хүрээнд МХБ нь уул уухайн бүтээгдэхүүний арилжаа, холбогдох журам, арилжааны системийг танилцуулах сургалтыг хоёр удаа зохион байгуулж, 100 гаруй худалдан авагчийг хамруулсан.
2023 оны 4 дүгээр сарын 29-ний өдрийн арилжааны дэлгэрэнгүй мэдээллийг энд дарж үзэж болон хэмээн Монголын хөрөнгийн биржээс мэдээллээ.
Тод мэдээ
Тэмбүүгийн өвчлөл 154 тохиолдлоор өсжээ
2023 оны жилийн эцсийн байдлаар Монгол Улсын хэмжээнд бэлгийн замаар дамжих халдварт өвчний 10245 тохиолдол бүртгэгдсэн нь нийт халдварт өвчний 25 хувийг эзэлж байна.
Бэлгийн замаар дамжих халдварт өвчний 4206 /41.1 хувь/ тохиолдлыг тэмбүү, 3579 /34.9 хувь/ тохиолдлыг заг хүйтэн, 2437 /23.8 хувь/ тохиолдлыг трихомониаз эзэлж байна.
Өнгөрсөн оны мөн үетэй харьцуулахад тэмбүүгийн өвчлөл 154 тохиолдлоор өссөн байна гэж Нийгмийн эрүүл мэндийн үндэсний төвөөс мэдээллээ.
Тод мэдээ
Сонсголонгийн гүүрийн нэг талын чиглэлийн тээврийн хэрэгслийн зорчих хэсгийн хөдөлгөөнийг хаана
Хан-Уул дүүргийн 8, 9-р хороо Сонсголонгийн 289.4 У/М гүүрийн засвар, арчлалтын ажлын хүрээнд тус гүүрийн зорчих хэсгийн зүүн талын /хойш/ чиглэлийн эгнээг хааж тээврийн хэрэгслийн хөдөлгөөнийг баруун талын /урагш/ чиглэлийн эгнээгээр түр зорчих тээврийн хэрэгслийн хөдөлгөөнийг зохион байгуулж байна.
Тус ажлын хүрээнд Сонсголонгийн 289.4 У/М гүүрийн орох хэсгийн дамжих хавтан болон 2, 4, 6, 7 дугаар алгаслал хооронд зорчих хэсгийн хүчитгэж асфальтбетон хучилтын ажил хийгдэнэ.
Гүүрийн засварын ажил 2024 оны 04 дүгээр сарын 25-ны 23 цагт эхэлж, 04 дүгээр сарын 26-нд дуусахаар төлөвлөж байна.
Иймд иргэд, жолооч та бүхэн дээрх хугацаанд түр замын хөдөлгөөний зураглалын дагуу хөдөлгөөнд оролцоно уу хэмээн Нийслэлийн Замын хөгжлийн газраас мэдээллээ.
-
Өнөөдөр2022/10/26
УИХ: Байнгын болон дэд, түр хороод өнөөдөр хуралдана
-
Тод мэдээ2023/11/09
Төсвийн байнгын хороо өнөөдөр хуралдана
-
Өнөөдөр2020/11/06
Эрчим хүчний зохицуулах хорооноос хэрэглэгчдэд хандан зөвлөмж гаргалаа
-
Тод мэдээ2022/12/01
Агаарын чанарын индексийн мэдээллийг www.agaar.mn вэбсайтаар авах боломжтой
Сэтгэгдэл