Тод мэдээ
Гадаад харилцааны сайд Б.Батцэцэг НҮБ-ын Hүүхдийн сан болон НҮБ-ын Hүн амын сангийн үйл ажиллагаатай танилцав
Гадаад харилцааны сайд Б.Батцэцэг 2023 оны дөрөвдүгээр сарын 13-14-ний өдрүүдэд Баянхонгор аймаг дахь НҮБ-ын Хүүхдийн сан (UNICEF) болон НҮБ-ын Хүн, амын сан (UNFPA)-гийн үйл ажиллагаатай танилцав.
Энэ хүрээнд сайд Б.Батцэцэг НҮБ-ын Хүүхдийн сангаас эх, хүүхдийн эрүүл мэндэд агаарын бохирдлын үзүүлэх нөлөөг бууруулах зорилтын хүрээнд хэрэгжүүлж буй Монгол гэрийн уламжлалыг хадгалсан халаалт, дулаалга, агаар сэлгэлтийн (Cooking, heating and insulation products CHIP) ЧИП багцыг Баянхонгор аймагт нэвтрүүлсэн сайн туршлага, үйл ажиллагаатай танилцав.
Түүнчлэн, НҮБ-ын Хүн амын сангаас хэрэгжүүлж буй залуучуудын хөгжлийг дэмжих зорилготой цогц үйлчилгээ үзүүлдэг Залуучуудын хөгжлийн төв, жендэрт суурилсан хүчирхийлэл, ялангуяа гэр бүлийн болон бэлгийн хүчирхийлэлд өртсөн хүмүүст зориулсан эрүүл мэнд, сэтгэл зүй, хууль эрх зүй, нийгмийн болон хамгааллын “Нэг цэгийн үйлчилгээний төв” болон эх нярайн зайн оношилгооны төслийн үйл ажиллагаатай тус тус танилцлаа.
Энэ үеэр Баянхонгор аймгийн Засаг дарга Д.Мөнхсайхан болон нутгийн бусад удирдлага байлцав. НҮБ-ын Хүүхдийн сан болон НҮБ-ын Хүн амын сангаас 2023-2027 онд Монгол Улсад хэрэгжүүлэх Улс орны хөтөлбөрүүд энэ 2023 оноос хэрэгжиж эхэлж байна.
Ирэх 5 жилд Монгол-НҮБ-ын хамтын ажиллагааны хүрээнд хүүхдийн боловсрол, хөгжил, эрх, эх хүүхдийн эрүүл мэндийг хангаж хамгаалах, залуучуудын хөгжил төдийгүй манай улсын нийт хүн ам, түүний дотор хөдөө орон нутгийн иргэдийн боловсрол, эрүүл мэндийг сайжруулах, охид, эмэгтэйчүүдийн эрхийг хамгаалах, хүүхэд залуучуудын хөгжлийг дэмжихэд чухал ач холбогдолтой.
Тод мэдээ
Б.Мөнх-Эрдэнэ, Б.Бадамдорж нар сонгомол бөхийн төрлөөр олимпын эрхийн тэмцээнд оролцоно
Тод мэдээ
ИБУИНХУ-аас манай улсад англи хэлний хөтөлбөр хэрэгжүүлэхэд зориулж 10 сая фунтийн дэмжлэг үзүүлнэ
Их Британи Умард Ирландын Нэгдсэн Хаант Улсын Гадаад хэргийн сайд Дэвид Камерон Монгол Улсад айлчилж байна. Айлчлалын хүрээнд өнөөдөр Боловсрол, шинжлэх ухааны сайд Л.Энх-Амгалантай уулзаж, 23 дугаар сургуулиар зочлон, Pearson англи хэлний хөтөлбөрийн хэрэгжилттэй танилцлаа.
Pearson англи хэлний хөтөлбөрийг манай улс 2022-2023 оны хичээлийн жилд 38 сургуульд туршилтаар хэрэгжүүлсэн бол энэ хичээлийн жилд төрийн өмчийн бүх ерөнхий боловсролын сургуулийн 5-6 дугаар ангийн 140 орчим мянган хүүхэд судалж байна. Ирэх хичээлийн жилд Pearson хөтөлбөрийг судлах сурагчдын тоог нэмэгдүүлнэ.
2023 онд батлагдсан Боловсролын ерөнхий хуулиар сурагчдын судлах үндсэн гадаад хэл нь англи хэл байхаар хуульчилсан. Тиймээс хуулийн хэрэгжилтийг хангах зорилгоор ирэх 2024 оны 9 дүгээр сарын 1-нээс 3 дугаар ангийн сурагчид англи хэл үзэж эхэлнэ. Мөн энэ хүрээнд багш нарыг бэлтгэх, давтан сургах юм. Англий хэлний хөтөлбөрийг хэрэгжилтийг ИБУИНХУ-ын Гадаад хэргийг сайд дэмжихээ илэрхийлж 3 жилийн хугацаанд 10 сая фунтийн дэмжлэг үзүүлнэ гэлээ.
Pearson англи хэлний хөтөлбөрөөс гадна тус улсын Кембрижийн их сургуультай манай улс боловсролын салбарт хамтран ажилладаг. Энэ хүрээнд олон улсад хүлээн зөвшөөрөгдсөн ерөнхий боловсролын тогтолцоог бүрдүүлэх, бэхжүүлэх ажлууд үе шаттай хэрэгжиж байна.
Мөн дэлхийн хэмжээнд их дээд сургуулиудын эрэмбэ чансааг тогтоодог Times Higher Education байгууллагатай хамтран 2023 онд Монгол Улсад үйл ажиллагаа явуулж байгаа дээд боловсролын байгууллагуудын үндэсний эрэмбийг анх удаа тогтоосон. Хамтын ажиллагаа цаашид ч үргэлжилж тодорхой давтамжтайгаар эрэмбэ чансааг шинэчилж байх юм. Үндэсний үнэлгээний тогтолцоогоо бэхжүүлэх зорилгоор бид Английн AQA байгууллагатай мөн хамтран ажилладаг.
Чевнингийн хөтөлбөрийн хүрээнд сүүлийн жилүүдэд манай улсаас Англи улсад 200 гаруй оюутан суралцаж төгсөөд байна. Тэтгэлгийн хэмжээ болон хамрагдах оюутны тоог нэмэгдүүлэх чиглэлээр ажиллаж байна. Энэ мэтчилэн ИБУИНХУ болон Монгол Улсын боловсролын салбар дахь хамтын ажиллагаа улам бүр өргөжиж байна гэж БШУЯ-аас мэдээллээ.
Тод мэдээ
Ботаникийн эцсээс Улиастайн гүүр хүртэлх авто замыг хааж, хэсэгчлэн засварлана
Баянзүрх дүүргийн 10 дугаар хороо, Амгалангийн авто замын хэсэгчилсэн засвар, шинэчлэлтийн ажлын нэгдүгээр хэсэг /Ботаникийн эцсээс Төмөр Замын гарам/ хүртэлх авто замыг дөрөвдүгээр сарын 29-ний өдрийн 22:00 цагаас тавдугаар сарын 2-ны өдрийн 06:00 цагийн хооронд хааж, авто замын хэсэгчилсэн засвар, шинэчлэлтийн ажлыг хийж гүйцэтгэнэ.
Тус нэгдүгээр хэсгийн авто замын асфальтбетон хучилт, тэмдэг тэмдэглэгээний ажлыг бүрэн хийж дууссаны дараа хоёрдугаар хэсгийн ажлыг үргэлжлүүлэн хийж эхлэх юм.
Хоёрдугаар хэсэгт /Төмөр замын гармаас Улиастайн гүүр/ хүртэлх авто замыг тавдугаар сарын 2-ны өдрийн 06:00 цагаас тавдугаар сарын 5-ны өдрийн 06:00 цагийн хооронд хааж, хэсэгчилсэн засвар, шинэчлэлтийн ажлыг хийхээр төлөвлөөд байна.
Тус ажлын хүрээнд тэгш байдал алдагдсан, суулт үүссэн авто замын хашлагыг асфальтбетон хучилтын түвшинд тааруулан засварлах, инженерийн шугам сүлжээний худгийн тагийг асфальтбетон хучилтын түвшинд тааруулах, авто замын зорчих хэсгийг хүчитгэх асфальтбетон хучилтын ажил хийнэ.
Иймд иргэд, жолооч та бүхэн бусад замыг сонгон хөдөлгөөнд оролцоно уу.
-
Тод зураг2019/06/11
Улаанбаатарт өдөртөө 23 хэм дулаан байна
-
Тод мэдээ2021/10/04
Төрийн албан хаагчид коронавирусний халдварын үеийн тусламж, үйлчилгээнд дэмжлэг...
-
Өнөөдөр2023/01/31
“Гайхамшиг үзэгдэл” баримтат киноны нээлт өнөөдөр болно
-
Тод мэдээ2020/08/13
"Боловсролын салбар дахь цахим шилжилт" хэлэлцүүлэг боллоо
Сэтгэгдэл