Тод мэдээ
“Соёлын элч” нарт бодлого, үйл ажиллагааны чиглэлээ танилцууллаа
Соёлын яам байгуулагдаад удаагүй ч дөрвөн жилийн үйл ажиллагааны хөтөлбөрөө батлуулж, нийгэмд чиглэн ажиллаж байна. Соён гэгээрэл, урлаг, уран бүтээл, соёлын өвийн асуудлаар үндсэн бодлого үйл ажиллагаагаа чиглүүлж байгаа тус яаманд энэ сарын 18-ны өдөр Монгол Улсын Соёлын элч нар зочиллоо.
Соёлын сайд С.Чулуун тэдэнд бодлого, үйл ажиллагааны чиглэлээ танилцуулж, эх орныхоо нэрийг өргөж яваа элч нартайгаа хамтран ажиллахад бэлэн байгаагаа илэрхийллээ. Өдгөө дэлхийн 18 улсад 57 соёлын элч үйл ажиллагаа явуулж буй. Тэднийг төлөөлөн эрдэмтэн судлаач Ч.Эрдэнэ, Хөдөлмөрийн баатар, гавьяат тамирчин Н.Түвшинбаяр, гавьяат жүжигчин, продюсер Б.Дашдондог, төгөлдөр хуурч С.Саянцэцэг, туульч Э.Баатаржав, “Саунд оф Монголиа” ХХК-ий захирал Х.Дамдинсүрэн нар уулзалтад оролцсон юм.
Тэд бодлого, үйл ажиллагааны товч танилцуулгыг сонсоод, юун түрүүнд Соёлын яамтай болсондоо баяртай байгаагаа илэрхийлсэн юм. Цаашлаад олон талаар хамтран ажиллаж, санал бодлоо солилцох хүсэлтэйгээ мөн уламжиллаа.
Зөв монгол хүнийг бий болгохын төлөө хамтран ажиллах урт зам хүлээж буйг ч сайд С.Чулуун хэлсэн юм. Харин эрдэмтэн, судлаач Ч.Эрдэнэ урлаг уран сайхны соёлоос гадна, оюун санааны соёл маш чухлыг онцлоод эн тэнцүү анхаарч ажиллахыг санууллаа.
Соёлын яамны хувьд ч энэ чиглэлд анхаарч ажиллахын тулд Соёл, гэгээрлийн газрыг байгуулж, олон төрлийн хөтөлбөр хэрэгжүүлэхээр төлөвлөөд байна гэж Соёлын яамнаас мэдээллээ.
Тод мэдээ
Эрүүл мэндийн салбарт хүний эрхийн магадлан шинжилгээ хийх төсөл хэрэгжинэ
НҮБ-ын Хөгжлийн хөтөлбөрөөс Улсын хоёрдугаар төв эмнэлэгт хүний эрхийн магадлан шинжилгээ хийх төслийг хэрэгжүүлнэ.
НҮБ-ын “Бизнес ба хүний эрхийн удирдах зарчмууд”-ыг хэрэгжүүлэх зорилгоор Монгол Улсын Засгийн газрын 2023 оны зургаадугаар сарын 14-ний 231 тоот тогтоолоор “Бизнесийн үйл ажиллагаанд хүний эрхийг хамгаалах, хүний эрх зөрчигдөхөөс урьдчилан сэргийлэх, зөрчигдсөн эрхийг сэргээх үйл ажиллагааны төлөвлөгөө (2023-2027)”-г баталсан.
Төлөвлөгөөний хэрэгжилтийг дэмжих зорилгоор НҮБ-ын Хөгжлийн хөтөлбөрөөс Монгол Улсын холбогдох яам, агентлаг, төрийн байгууллагуудад НҮБ-ын “Бизнес ба хүний эрхийн удирдах зарчмууд”-ыг сурталчлан таниулах, Засгийн газраас баталсан үндэсний төлөвлөгөөг танилцуулах, түүнийг хэрэгжүүлэх үйл ажиллагааг дэмжин ажиллаж байгаа юм.
Энэ хүрээнд Улсын хоёрдугаар төв эмнэлгийн жишээн дээр эрүүл мэндийн салбарын ажилтнуудын эрхэд хүний эрхийн магадлан шинжилгээ хийх төслийг хэрэгжүүлэх юм.
Тод мэдээ
Үндэсний аудитын газар нам, эвслийн мөрийн хөтөлбөрт хийсэн дүгнэлтээ ирүүллээ
Сонгуулийн ерөнхий хороонд Үндэсний аудитын газар улс төрийн 27 нам, 2 эвслийн мөрийн хөтөлбөрт хийсэн дүгнэлтийг өчигдөр (2024.04.25) хүлээлгэн өглөө.
Монгол Улсын Их Хурлын 2024 оны ээлжит сонгуульд оролцох улс төрийн 27 нам, 2 эвсэл мөрийн хөтөлбөртөө дүгнэлт гаргуулахаар Үндэсний аудитын газарт 2024 оны гуравдугаар сарын 22-24-ний өдөр хүргүүлсэн юм. Монгол Улсын Их Хурлын сонгуулийн тухай хуулийн 38 дугаар зүйлийн 38.10 дахь хэсэгт “Төрийн аудитын дээд байгууллага нам, эвслийн мөрийн хөтөлбөр болон хандивын тайланд хийсэн дүгнэлтийг санал авах өдрөөс 60-аас доошгүй хоногийн өмнө гаргаж, Сонгуулийн ерөнхий хороонд ирүүлнэ.” гэж заасан.
Монгол Улсын Их Хурлын 2024 оны ээлжит сонгуулийн үйл ажиллагааг зохион байгуулах цаг хугацааны хуваарийн дагуу нам, эвсэл сонгуульд оролцох хүсэлтээ 2024 оны 4 дүгээр сарын 26, 27, 28-ны өдөр Сонгуулийн ерөнхий хороонд ирүүлнэ.
Тод мэдээ
Б.Мөнх-Эрдэнэ, Б.Бадамдорж нар сонгомол бөхийн төрлөөр олимпын эрхийн тэмцээнд оролцоно
-
Тод индэр2021/06/23
Д.Ихбаяр: Нийслэлийн харьяа байгууллагуудын 20 үйлчилгээг Emongolia системд нэмж...
-
Тод мэдээ2020/08/04
Улаангом-Наранбулаг-Сонгино-Нөмрөг чиглэлийн авто замыг засварлаж дуусгалаа
-
Тод зураг2020/06/04
Улаанбаатарт өдөртөө 24 хэм дулаан
-
Өнөөдөр2023/02/15
Монгол Улсыг сурталчилж, хөрөнгө оруулалт татах “Welcome to Mongolia&rdquo...
Сэтгэгдэл