Тод зураг
Гараа хэзээ угаах вэ

Бохир гараа ам, хамар, нүдэндээ хүргэх, бусадтай гар барих, биед нь хүрэх зэрэг нь халдварт өртөх эрсдэлийг үүсгэдэг. Гарын ариун цэврийг сахиснаар олон төрлийн халдварт өвчнөөс сэргийлнэ. Тиймээс гараа сайтар савандаж угаах эсвэл спиртэн суурьтай гар халдваргүйжүүлэгч хэрэглээрэй.
Дараах зүйлсэд хүрсний дараа гараа сайтар угаахыг зөвлөж байна.
Бохирдол ихтэй зүйлс:
• Хаалганы бариул
• Шат, урсдаг шатны бариул
• Автобусны бариул
• Лифтний товчлуур
• Зурагтын удирдлага
• Компьютерийн гар, хулгана
• Гар утас
• Мөнгөн дэвсгэрт
• Дэлгүүрийн сагс, тэрэг
• Суултуур
Гараа хэзээ угаах вэ?
• Гаднаас орж ирээд
• Хоол хийхийн өмнө
• Хоол идэхийн өмнө
• Хүүхдээ хооллох, хөхүүлэхийн өмнө
• Хүүхдээ хуурайлсны дараа
• Бие зассаны дараа
• Амьтанд хүрсний дараа
• Нусаа нийсний дараа
• Амны хаалт зүүхийн өмнө, тайлсны дараа
• Бохирдох бүрт
Гараа хэрхэн угаах вэ?
• Гараа усаар норгож, савандах
• Сайтар үрж хөөсрүүлээд гарын алга, ар тал, хурууны салаа, хумсны завсар зэргийг сайтар үрэх
• Усаар сайтар зайлах
• Цэвэр алчуур, эсвэл хатаагчаар хатаах
• Өрх гэрийн гишүүд тус тусдаа гар нүүрийн алчууртай байх
Тод зураг
Иргэн та гэрээ...Харин бид хотоо
Иргэн та гэрээсээ гаралгүй гэртээ байнга цэвэрлэгээ хийж цэвэр агаар оруулан ариутгал хийнэ үү. Харин бид хотоо цэвэрлэе. Дэм дэмэндээ...Цэвэр хотын төлөө өдөр бүр сэтгэл гарган ажиллаж байгаа Нийслэлийн “Хот тохижилтын газар” ОНӨААТҮГ-ынхандаа баярлалаа.
Тод зураг
Богд уул болон Туул гол дагуух тохижилт
Нийслэлийн иргэдийн амралт, чөлөөт цагаа өнгөрүүлэх орчныг бүрдүүлэх, дотоодын аялал жуулчлалыг хөгжүүлэх чиглэлээр Богд уул болон Туул гол дагуух тохижилт, бүтээн байгуулалтын ажлыг сайжруулахаар Нийслэлийн удирдах ажилтнуудын шуурхай зөвлөгөөнөөр чиглэл болгосон. Хотын дарга холбогдох албаны хүмүүсийн хамт Богд уул, Туул голын эрэг орчмоор хийгдэх тохижилтын ажилтай танилцлаа.
Тухайлбал, Сонсголонгийн гүүрнээс Баянзүрхийн гүүр хүртэлх Туул голын эрэг дагуух 27 км газарт нийт 15 байршилд тохижилт хийхээр төлөвлөжээ. Ингэхдээ зуны цагт хамгийн их устай үед голын эргийн аюулгүй байдлыг хангасан байршлуудыг сонгосон байна. Хот байгуулалт, хөгжлийн газраас “15 байршлаас 11-ийнх нь тохижилтын ажлын даалгавар батлагдсан. Мөн таван байршилд загвар зураг нь батлагдаж, нэг байршилд тохижилтын ажлыг хийсэн.
Богд уулын арын зам буюу Дүнжингаравын зам дагуу 17.8 км дугуйн замын тохижилт хийж байгаа”-г танилцууллаа. Туул голын эрэг дагуух бүтээн байгуулалтын тохижилтыг ихэвчлэн сагс, хөл бөмбөгийн талбай, тоглоомын талбай, машины зогсоол, дугуйн болон явган хүний замтай байхаар төлөвлөжээ.
Тод зураг
Хорвоогийн хамгийн эгдүүтэй "залхуу"
Бид та бүхэнд дэлхийн ан амьтдын ертөнцийн сониноос цувралаар хүргэж байгаа. Энэ удаад хорвоогийн хамгийн залхуу амьтдын нэгээр зүй ёсоор нэрлэгддэг лемур сармагчны тухай товч мэдээллийг хүргэж байна.
Лемур нь Мадагаскарын уугуул амьтдын нэг бөгөөд нутгийн иргэд түүнийг хамгийн ариун шүтээнээ гэж үздэг аж. Тэгээд ч Мадагаскар арлыг Лемурын өлгий нутаг гэж зүй ёсоор нэрлэхээс аргагүй. Энэхүү арал дээр ирсэн хүмүүс нүд нь гэрэлтдэг өвөрмөц амьтныг хараад ихээхэн цочирддог аж. Эрдэмтэн Карл Лини анх энэ амьтны шөнийн амьдралыг судалсан бөгөөд эртний ромчуудын амар амгалангаа олоогүй сүнснүүдийн талаарх домгийг санаж, Лемур гэх нэрийг тэдэнд өгчээ.
Лемурын их бие, сүүл нь тэнцүү шахуу. Нийлээд нэг метр гаруй, жин нь 5-6 кг. Чих шигээ жижигхэн, хар хоншоортой хирнээ нүүрэндээ томдсон дүгрэг нүдтэй.
Нэг удаагийн үсрэлтээрээ 8-10 метр өндөрт гардаг бөгөөд буухдаа шүхрээр буухтай зөөлөн газарддаг хэмээн судлаачид бичсэн байдаг. Урт сүүл нь “нислэгийн” үед төдийлөн хэрэг болохгүй. Харин “гараанаас гарах” үед нь тулгуур болдог байна.
-
Чөлөөт бүс2020/06/19
Өөрийгөө гутранги үзэлтэй болтол нь гаргуунд нь бүү гарга
-
Өнөөдөр2020/08/13
Иргэний шилжилт хөдөлгөөнийг энэ долоо хоногт зогсооно
-
Тод мэдээ2021/01/12
Хятадын банкир асан авлига, хээл хахуулийн хэрэгт холбогдож цаазаар авах ял сонс...
-
Тод мэдээ2019/09/24
Булган аймгийн иргэд хууль бус уул, уурхайн үйл ажиллагааг зогсоож буйг дэмжив