Үйл явдал
Өнөөдөр ихэнх нутгаар цаг агаар тогтуун, дулаан байна
Малчид, иргэд, тээвэрчдэд зориулсан мэдээ: Өнөөдөр ихэнх нутгаар цаг агаар тогтуун, дулаан байна.
2023 оны гуравдугаар сарын 03-ны 08 цагаас 20 цаг хүртэл: Нийт нутгаар багавтар үүлтэй, цас орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс секундэд 3-8 метр, Монгол-Алтайн уулархаг нутгаар секундэд 12-14 метр хүрч ширүүснэ. Увс нуур болон Дархадын хотгор, Завхан голын эх, Тэс голын хөндийгөөр 11-16 хэм, Хангайн уулархаг нутаг, Хүрэнбэлчир орчим, Идэр голын хөндийгөөр 3-8 хэм хүйтэн, Хөвсгөл, Хэнтийн уулархаг нутгаар 3 хэм хүйтнаас 2 хэм дулаан, Их нууруудын хотгор, Хангайн нурууны өвөр бэл, говийн бүс нутгийн хойд хэсэг, цас багатай энгэр ээвэр газраар 6-11 хэм, говийн бүс нутгийн өмнөд хэсгээр 10-15 хэм, бусад нутгаар 1-6 хэм дулаан байна.
УЛААНБААТАР ХОТ ОРЧМООР: Үүл багасна, цас орохгүй. Зөөлөн салхитай. 4-6 хэм дулаан байна.
БАГАНУУР ОРЧМООР: Үүл багасна, цас орохгүй. Зөөлөн салхитай. 0 хэм орчим байна.
ТЭРЭЛЖ ОРЧМООР: Үүл багасна, цас орохгүй. Зөөлөн салхитай. 2-4 хэм дулаан байна.
2023 оны гуравдугаар сарын 04-нөөс гуравдугаар сарын 08-ныг
хүртэлх цаг агаарын урьдчилсан төлөв
Гуравдугаар сарын 4-нд Монгол-Алтай, Хөвсгөлийн уулсаар, 5, 7-нд Хөвсгөл, Хэнтийн уулсаар, 6-нд Монгол-Алтай, Хангай, Хөвсгөлийн уулархаг нутгаар нойтон цас, цас орно. Салхи 4-нд Алтайн салбар уулс болон Арц богдын өвөр хоолойгоор, 5, 6-нд нутгийн зарим газраар, 7-нд говь, талын нутгаар секундэд 14-16 метр хүрч ширүүсэж, шороон шуурга шуурна. Увс нуур болон Дархадын хотгор, Завхан голын эх, Тэс голын хөндийгөөр шөнөдөө 24-29 хэм, өдөртөө 10-15 хэм, Хангай, Хөвсгөл, Хэнтийн уулархаг нутаг, Хүрэнбэлчир орчмоор шөнөдөө 16-21 хэм хүйтэн, өдөртөө 2 хэм хүйтнээс 3 хэм дулаан, Хангайн нурууны өвөр бэл болон говийн бүс нутгийн хойд хэсгээр шөнөдөө 1-6 хэм хүйтэн, өдөртөө 8-13 хэм дулаан, говийн бүс нутгийн өмнөд хэсгээр шөнөдөө 3 хэм дулаанаас 2 хэм хүйтэн, өдөртөө 13-18 хэм дулаан, бусад нутгаар шөнөдөө 6-11 хэм хүйтэн, өдөртөө 3-8 хэм дулаан байна.
Үйл явдал
Сүхбаатар боомтоор тав хоногт 10 мянга гаруй тонн АИ-92 автобензин импортолжээ
Энэ оны наймдугаар сарын 5-нд Сүхбаатар боомтоор 43 вагон буюу 2,580 тонн АИ-92 автобензин орж иржээ. Шатахууныг Толгойт, Аршаант, Дархан, Эрдэнэт, Улаанбаатар өртөөнүүдэд хүргэж, өнөөдөр агуулахуудад буулгаж байна.
Мөн наймдугаар сарын 6-ны 02:30 цагт долоон вагон буюу 420 тонн АИ-92 автобензин улсын хилээр орж ирж, буулгах өртөөнүүд рүү илгээжээ. Наймдугаар сарын 1-5-ны хооронд Сүхбаатар боомтоор нийт 10,017 тонн АИ-92 автобензин импортолсон байна.
Үүнээс гадна Ангарскийн газрын тос боловсруулах үйлдвэрээс ачсан 33 вагон буюу 1,980 тонн АИ-92 автобензин өнөөдөр Монгол Улсын хилээр орж ирэхээр болжээ.
Төмөр зам, гааль, холбогдох байгууллага болон шатахуун импортлогч аж ахуйн нэгжүүд хамтран шатахууныг агуулах, түгээх станцуудад хоногийн турш тасралтгүй хүргэж, хангамжийг хэвийн болгохоор ажиллаж байна.
Үйл явдал
Эм, вакцины нэгдсэн худалдан авалтаар 3.15 тэрбум төгрөг хэмнэжээ
“Эм, эмнэлгийн хэрэглэгдэхүүн, биобэлдмэл, вакциныг нэг эх үүсвэрээс худалдан авах” журмыг Засгийн газраас баталлаа. Уг журмын хүрээнд олон улсын байгууллага болон Дэлхийн эрүүл мэндийн байгууллагаас хүлээн зөвшөөрсөн гадаадын үйлдвэрлэгчээс зайлшгүй шаардлагатай стратегийн 16 төрлийн эм, гемофилийн эсрэг рекомбинант VIII, IX факторын дөрвөн нэрийн бүтээгдэхүүнийг худалдан авчээ.
Ингэснээр улсын төсвөөс 3.15 тэрбум төгрөг хэмнэж, 10+1 хувийн нөхцөлтэй худалдан авалт хийсэн байна. Нэгдсэн худалдан авалтын тогтолцоог БНСУ, Япон, Сингапур, Шинэ Зеланд зэрэг улс улсын хэмжээнд хэрэгжүүлдэг аж.
Нэг эх үүсвэрээс худалдан авах тогтолцоо нь бөөний үнийн хөнгөлөлт эдлэх, улсын төсвийн зардлыг бууруулах, ДЭМБ-ын хатуу зохицуулалттай үйлдвэрээс эмийг боломжийн үнээр авах, зах зээлд ховорддог эмийн хангамжийг тасалдуулахгүй байх давуу талтай.
Мөн чанаргүй болон хуурамч эмийн эрсдэлийг бууруулж, эмийн үнийн өсөлтийг сааруулснаар иргэдийн санхүүгийн дарамтыг багасгах боломж бүрдэнэ гэж үзжээ.
Үйл явдал
Нэгдүгээр ангийн элсэлтийг E-Mongolia-аар зохион байгуулна
2026 оны 8 дугаар сарын 17-28-ны өдрүүдэд Улаанбаатар хотод НҮБ-ын Цөлжилттэй тэмцэх тухай конвенцын Талуудын 17 дугаар бага хурал (COP17) болно. Энэ хурал нь дэлхийн 197 улсын Засгийн газрын гишүүд, эрдэмтэн судлаач, хувийн хэвшил, иргэний нийгмийн байгууллага нэгдэж цөлжилт, газрын доройтол, ган гачигтай тэмцэх хамгийн том Олон Улсын арга хэмжээ юм.
Хурал болохтой холбоотой нийслэлийн замын хөдөлгөөн, аюулгүй байдал, төрийн үйлчилгээний хэвийн ажиллагааг хангах зорилгоор боловсролын байгууллагуудын үйл ажиллагаанд дараах зохицуулалт хэрэгжүүлэхээр болжээ .
Цэцэрлэгийн бүртгэл
- 2026 оны 8 дугаар сарын 10–23-ны өдрүүдэд E-Mongolia системээр бүртгэнэ.
Нэгдүгээр ангийн элсэлт
- 2026 оны 8 дугаар сарын 17–28-ны өдрүүдэд E-Mongolia системээр бүртгэнэ.
- Энэ хугацаанд хүүхэд бүртгэх дэмжлэгийн баг сургуулиуд дээр ажиллахгүй.
Их, дээд сургуулийн хичээл
- 2026 оны 9 дүгээр сарын 1-нээс цахимаар эхэлнэ.
- 2026 оны 9 дүгээр сарын 14-нөөс танхимаар үргэлжилнэ.
Оюутны дотуур байр
- 2026 оны 9 дүгээр сарын 13-наас оюутнуудыг дотуур байранд оруулж эхэлнэ.
Сургууль, цэцэрлэгийн үйл ажиллагааны зохицуулалт
- 2026 оны 8 дугаар сарын 17–28-ны өдрүүдэд нийслэлийн бүх сургууль, цэцэрлэгт ажлын байранд элсэлт, бүртгэл болон бусад аливаа арга хэмжээ зохион байгуулахгүй болно.
-
Хэн юу хэлэв...2021/08/20
Хятад улс дархан цаазтай газрууддаа аялал жуучлалыг хөгжүүлж байна
-
Дэлхий нийтээр..2022/09/15
ЗГ: Импортын цементийн гаалийн албан татварыг “тэглэлээ”
-
Дэлхий нийтээр..2024/11/25
Бүгд Найрамдах улсаа тунхаглаж, анхдугаар Үндсэн хууль баталсны 100 жилийн ойд з...
-
Дэлхий нийтээр..2019/06/04
Герман Улсын Элчин сайдын яамнаас талархал илэрхийллээ