Дэлхий нийтээр..
“Үндсэн хууль ба нийгмийн харилцаа” мэтгэлцээний үндэсний аварга шалгаруулах тэмцээний бүртгэл өнөөдөр дуусна
Ерөнхий боловсролын сургуулийн сурагчдын илтгэх урлаг, мэтгэлцээний ур чадварыг нээн хөгжүүлэх, сурагчдад Үндсэн хуулийн талаарх ойлголт, мэдлэгийг түгээн дэлгэрүүлэх зорилгоор УИХ-ын Тамгын газраас Ерөнхий боловсролын сургуулийн сурагчдын мэтгэлцээний үндэсний аварга шалгаруулах тэмцээнийг “Отгонтэнгэр” их сургууль, Монголын Карл Попперын мэтгэлцээний нийгэмлэгтэй хамтран зохион байгуулж байна.
“Үндсэн хууль ба нийгмийн харилцаа” сэдвийн дор зохион байгуулж буй энэ удаагийн тэмцээнд аймаг, нийслэлийн Ерөнхий боловсролын сургуулийн дунд, ахлах ангийн сурагчдаас бүрдсэн 48 баг оролцоно.
Тэмцээний бүртгэл өнөөдөр буюу 2023 оны нэгдүгээр сарын 03-ны өдөр дуусах ба аваргын төлөөх тоглолт энэ сарын 9-ний өдөр Төрийн ордонд зохион байгуулагдана.
Одоогоос 31 жилийн тэртээ буюу 1992 оны нэгдүгээр сарын 13-ны өдөр Монголын нийгмийн харилцааны язгуур үндэс болсон хүний эрх, эрх чөлөөг дээдэлсэн иргэн төвтэй төр улсыг шинэ Үндсэн хуулиараа тунхаглан баталсан.
Монгол Улс түүхэндээ 1924, 1940, 1960, 1992 онд Үндсэн хуулийг дөрвөн удаа хэлэлцэн баталсан. 1992 оны шинэ Үндсэн хууль бол манай орны нийт хүн амыг нийгмийн анги, давхраа, үзэл бодлоор ялгаварлалгүй, нийтлэг ашиг сонирхлыг нь хамгаалж, хүн төрөлхтний хөгжлийн жам ёсыг баримтлан илэрхийлсэн ардчилсан Үндсэн хууль гэж Монголын ард түмэн нийтээр хүлээн зөвшөөрдөг билээ. Тиймээс Нийтээр тэмдэглэх баярын болон тэмдэглэлт өдрүүдийн тухай хуульд жил бүрийн нэгдүгээр сарын 13-ныг Үндсэн хуулийн өдөр буюу нийтээр тэмдэглэх тэмдэглэлт өдөр гэж заасан байдаг хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.
Дэлхий нийтээр..
“Уралдронзавод” компанийн ерөнхий захирлын автомашиныг дэлбэлжээ
ОХУ-ын Свердловск мужид батлан хамгаалахын чиглэлээр үйл ажиллагаа явуулдаг үйлдвэрийн удирдлагын автомашинд дэлбэрэлт болж, нэг хүн амиа алджээ.
Орон нутгийн хэвлэлүүдийн мэдээлснээр дэлбэрэлт Екатеринбург хотын ойролцоо болсон бөгөөд “Уралдронзавод” компанийн ерөнхий захирал Владимир Ткачукийн амь насанд халдах оролдлого байж болзошгүй байна. Тэрбээр хүнд бэртэж, эрчимт эмчилгээний тасагт хүргэгдсэн бол жолооч нь газар дээрээ нас баржээ.
Хууль сахиулах байгууллагууд дэлбэрэлтийн талаар албан ёсны тайлбар хийгээгүй байна. Харин мөрдөн шалгах байгууллага олон нийтэд аюултай аргаар хүний амь насанд халдахыг завдсан гэх үндэслэлээр эрүүгийн хэрэг үүсгэсэн талаар эх сурвалж мэдээлжээ.
“Уралдронзавод” компани 2023 онд Екатеринбург хотод байгуулагдсан бөгөөд нисгэгчгүй нисэх төхөөрөмж үйлдвэрлэдэг аж. Тус компанийн 2025 оны орлого 6.2 тэрбум рубль, цэвэр ашиг нь 1.9 тэрбум рубльд хүрсэн гэж РБК мэдээлсэн байна.
Одоогоор дэлбэрэлтийн шалтгаан, хэрэгт холбоотой этгээдүүдийн талаар дэлгэрэнгүй мэдээлэл гараагүй байна.
Дэлхий нийтээр..
Вашингтон мужийн ой хээрийн түймрийг хяналтад авах ажил ахицтай байна
АНУ-ын Вашингтон мужийн Спокан хот орчимд дэгдсэн ой, хээрийн түймрийг унтраах ажиллагаа ахицтай үргэлжилж байна. Гал сөнөөгчид хот руу ойртсон гурван том түймрийн эргэн тойронд хамгаалалтын зурвас байгуулж чадсан ч цаг агаар дахин халж, хуурайшилт нэмэгдэх төлөвтэй байгаа тул нөхцөл байдал бүрэн тогтворжоогүй байгаа аж.
Өнгөрсөн бямба гарагаас эхэлсэн түймрийн улмаас 10 мянга гаруй акр газар шатаж, 700 гаруй барилга бүрэн сүйдэж, 400 орчим барилга эвдэрч гэмтжээ. Мөн хэдэн арван мянган иргэн орон гэрээ орхин нүүлгэн шилжсэн байна. Одоогоор хүний амь нас эрсэдсэн тохиолдол бүртгэгдээгүй бөгөөд сураггүй байсан бүх хүнийг олжээ.
Албаныхны мэдээлснээр түймрийн нэг голомтыг санаатайгаар тавьсан байж болзошгүй хэрэгт 37 настай Аарон Фариначчиг баривчилж, галдан шатаасан гэх үндэслэлээр эрүүгийн хэрэг үүсгэн шалгаж байна. Харин бусад хоёр түймрийн шалтгааныг үргэлжлүүлэн тогтоож байгаа бөгөөд аянгын улмаас үүсээгүй гэж үзэж байгаа аж.
Одоогоор АНУ даяар 13 мужид 90 гаруй томоохон ой, хээрийн түймэр идэвхтэй үргэлжилж байгаагийн талаас илүү нь Орегон болон Вашингтон мужид бүртгэгдсэн байна. Цаг уурын байгууллагууд ойрын өдрүүдэд агаарын температур дахин огцом нэмэгдэж, хуурайшилт эрчимжих төлөвтэй байгааг анхааруулсан бөгөөд энэ нь гал унтраах ажиллагаанд шинэ сорилт учруулж болзошгүйг онцолжээ.
Дэлхий нийтээр..
АНУ, Иран Ормузын хоолойг нээх тохиролцоонд ойртож байна
АНУ, Иран болон Оман улс дэлхийн газрын тосны тээврийн хамгийн чухал усан замын нэг болох Ормузын хоолойг дахин нээх тохиролцоонд ойртож байгаа талаар албаныхан мэдэгдлээ. Ерөнхийлөгч Дональд Трамп тохиролцоог ойрын хугацаанд зарлаж магадгүй гэж мэдэгдсэн бол Иран хэлэлцээ эцсийн шатандаа орсныг мэдээлжээ.
Гэвч талуудын хооронд хэд хэдэн гол асуудлаар санал зөрүү хэвээр байна. Иран АНУ Ираны боомтуудад тавьсан тэнгисийн хоригийг цуцлахыг шаардаж байгаа бол АНУ үүнийг хүлээн зөвшөөрөөгүй байна. Мөн усан замаар зорчих хөлөг онгоцны зохицуулалт, үйлчилгээний төлбөрийн асуудал хэлэлцээний гол сэдэв хэвээр байгаа аж.
Хэлэлцээрийн төсөлд Персийн булан руу нэвтрэх хөлөг онгоцыг Ираны тал, булангаас гарах хөдөлгөөнийг Оманы тал зохицуулах хувилбар тусгагдсан талаар мэдээлжээ. Харин үйлчилгээний төлбөр авах асуудал дээр талууд нэгдсэн байр сууринд хүрээгүй байна.
Ормузын хоолой дахин нээгдсэнээр дэлхийн газрын тосны нийлүүлэлт хэвийн болж, эрчим хүчний зах зээлд үүсээд буй дарамт буурах боломжтой гэж шинжээчид үзэж байна. Гэвч бүс нутгийн аюулгүй байдлын нөхцөл байдал тогтворжоогүй бөгөөд хэлэлцээр эцэслэн батлагдах хүртэл тодорхойгүй байдал үргэлжилсээр байгаа юм.
-
Үйл явдал2022/06/27
Үерийн аюулаас сэрэмжтэй байхыг онцгойлон анхааруулж байна
-
Үйл явдал2021/09/06
Улаанбаатарт өдөртөө 18 хэм дулаан
-
Дэлхий нийтээр..2021/06/02
Нийслэлийн иргэд өглөө төрийн үйлчилгээ авдаг гудамжтай болно
-
Дэлхий нийтээр..2023/12/13
Зээлийн хэлэлцээрийг соёрхон батлах тухай хуулийн төслүүдийг хэлэлцлээ