Дэлхий нийтээр..
Соёлын сайд Ч.Номин НҮБ-ын Суурин зохицуулагч Тапан Мишра нар уулзлаа
Соёлын сайд Ч.Номин 2022 оны 11 дүгээр сарын 10-ны өдөр Нэгдсэн Үндэстний байгууллага (НҮБ)-ын Суурин зохицуулагч Тапан Мишратай уулзаж, НҮБ-аас 2023-2027 онд хэрэгжүүлэх “Тогтвортой хөгжлийн хамтын ажиллагааны хүрээ” баримт бичгийн хүрээнд санал солилцож, ярилцлаа.
Уулзалтын эхэнд Соёлын сайд Ч.Номин Монгол Улсад НҮБ-аас ирэх таван жилд хэрэгжүүлэх хамтын ажиллагааны хүрээг тодорхойлсон эл баримт бичгийг “Алсын хараа-2050” Монгол Улсын урт хугацааны хөгжлийн бодлоготой уялдуулсанд талархал илэрхийлж, хөгжлийн бодлогод туссан соёл урлагийн чиглэлээрх үйл ажиллагааны хэрэгжилтийг уялдуулах саналтай буйгаа илэрхийлэв.
Тухайлбал, соёл урлагийн байгууллагын хүний нөөцийг хөгжүүлэх, албан ба албан бус боловсролоор дамжуулан соёлын боловсрол олгох, соёлын үйлчилгээний хүртээмжийг нэмэгдүүлэх, соёлын өвийг хадгалан хамгаалах, уламжлуулах зэрэг үйл ажиллагааны хөтөлбөр нь НҮБ-ын тогтвортой хөгжлийн зорилт, хамтын ажиллагааны төлөвлөгөөтэй нийцэж байгаа талаар дурдаж, санал солилцлоо.
Мөн Соёлын яамнаас “Нүүдэлчин” соёлын биет бус өвийн олон улсын наадмыг зохион байгуулж байгаа нь зөвхөн Монгол Улсаар хязгаарлагдахгүй нүүдлийн соёл иргэншлийг илэрхийлэх үнэт зүйлсийг болон улс орнуудын соёлын өвийн асуудлыг хадгалан хамгаалах, түгээн дэлгэрүүлэх асуудал тул НҮБ-ын хамтын ажиллагааны хүрээнд өргөжүүлэх саналтай буйгаа хэллээ.
Түүнчлэн Соёлын бүтээлч үйлдвэрлэлийн бодлого нь НҮБ-ын бүтээлч үйлдвэрлэлийг хөгжүүлэх зорилттой нийцэж байгаа бөгөөд Соёлын бүтээлч үйлдвэрлэлийг дэмжих тухай хуулийн төслийг боловсруулан, хэлэлцүүлэх гэж байгаа талаар мэдээлэл өгөв.
Ноён Тапан Мишра нь Соёлын сайдтай олон талаар санал нийлж байгаагаа илэрхийлж, НҮБ-аас ирэх таван жилд хэрэгжүүлэх “Тогтвортой хөгжлийн хамтын ажиллагааны хүрээ” баримт бичгийн хүрээнд Соёлын яамтай хамтарсан ажлын хэсэг байгуулж, хэрэгжилтийг хангаж ажиллахаар тохиролцов.
Эх сурвалж: Соёлын яам
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Үйл явдал2025/04/29
Улаанбаатарт өдөртөө 10 хэм дулаан
-
Үйл явдал2019/10/10
Монгол Улс “Саарал жагсаалт”-д орох эрсдэл үүссэн асуудлыг хэлэлцэж,...
-
Дэлхий нийтээр..2021/12/28
УИХ-ын чуулганы нэгдсэн хуралдаан болно
-
Дэлхий нийтээр..2022/08/18
ЗГ: Үндэсний цахим шуудангийн системээр дамжуулан иргэдийн өргөдөл, гомдлыг хүлэ...