Дэлхий нийтээр..
Энэтхэг-Монголын найрамдлын ерөнхий боловсролын сургуулийн шав тавилаа
Боловсрол, шинжлэх ухааны сайд Л.Энх-Амгалан, Бүгд Найрамдах Энэтхэг улсын Батлан хамгаалахын Ражат Сингх нар өнөөдөр “Энэтхэг-Монголын найрамдлын ерөнхий боловсролын сургууль”-ийн шав тавилаа.
Шав тавих ёслолын үйл ажиллагаанд БНЭУ-аас Монгол Улсад суугаа Онц бөгөөд Бүрэн Эрхт Элчин сайд М.П.Сингх, Боловсрол, шинжлэх ухааны дэд сайд Г.Ганбаяр, Хууль зүй, дотоод хэргийн дэд сайд Б.Солонгоо, Батлан хамгаалахын яамны Төрийн нарийн бичгийн дарга, Бригадын генерал Д.Ганхуяг болон бусад албаны төлөөлөл байлцлаа.
Энэтхэг-Монголын найрамдлын ерөнхий боловсролын сургуулийг Хан-Уул дүүргийн 11 дүгээр хороонд байгуулах юм. Тус хороонд төрийн өмчийн нэг сургууль үйл ажиллагаа явуулдаг. Энэхүү шинэ сургууль ашиглалтад орсноор 1200 хүүхдийг хүлээн авах юм. Сургууль нь орчин үеийн дэвшилтэт технологиор тоноглогдох бөгөөд Бүгд Найрамдах Энэтхэг улсын Засгийн газрын буцалтгүй тусламжийн хүрээнд баригдана.
Шав тавих ёслолын үеэр Боловсрол, шинжлэх ухааны сайд Л.Энх-Амгалан БНЭУ-ын Ерөнхий сайд ноён Нарендра Модигийн 2015 онд хийсэн төрийн айлчлалын хүрээнд “Энэтхэг-Монголын найрамдалт дунд сургууль байгуулах тухай Монгол Улсын Засгийн газар, Энэтхэг улсын Засгийн газар хоорондын харилцан ойлголцлын санамж бичиг”-ийг байгуулсан нь өнөөдөр ажил хэрэг болж байгаад талархал илэрхийллээ. Мөн Монгол Улсын Засгийн газрын зүгээс энэхүү сургуулийг мэдээлэл, технологийн гүнзгийрүүлсэн сургалттай ерөнхий боловсролын сургууль болгохоор төлөвлөж байна. Энэтхэг улсаас ирж ажиллах багш, албан хаагчдын байрын асуудлыг ойрын хугацаанд шийдвэрлэнэ гэдгээ уламжилж, 2023-2024 оны хичээлийн жилд сургуулийн шинэ барилга ашиглалтад орно гэдэгт итгэлтэй байгаагаа хэлсэн үгэндээ дурдлаа гэж Боловсрол, шинжлэх ухааны яамнаас мэдээллээ.
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Дэлхий нийтээр..2025/08/28
"Аялал жуулчлалын хөгжлийн төв"-ийг татан буулгалаа
-
Дэлхий нийтээр..2023/04/07
Хүүхдийн хөгжлийг дэмжих үйлчилгээний арга зүйн хэлэлцүүлэг зохион байгууллаа
-
Дэлхий нийтээр..2021/11/12
Зам тээврийн дэд бүтцийг хөгжүүлэх суурь судалгааг Хотын даргад танилцууллаа
-
Дэлхий нийтээр..2020/06/26
СОНГУУЛЬ 2020: 6-р тойрог /Дундговь, Говьсүмбэр аймаг/