Дэлхий нийтээр..
"Кью Эс Си” компани Хөгжлийн банкинд төлөх зээлийн төлбөрөө барагдуулжээ
Хөгжлийн банкны хамгийн том зээлдэгчийн нэг нь “Кью Эс Си” ХХК. Тус компанийн хувьд зээлээ цаг хугацаанд нь төлөхгүй, хамгийн их чирэгдэл учруулсан. Түүх сөхөж үзвэл, 2014 онд Төмөртэйн ордоос Баянголын төмөр зам хүртэл 33.4 км төмөр зам барихаар 71.3 сая ам.долларын зээл авсан байдаг юм. Гэвч зээлийн эргэн төлөлтөө 2018 оны 6 дугаар сараас эхлэн тасалдуулж, төлбөрийн зөрчил нь 3.8 жилийн өмнөөс бий болжээ. Энэ үеэс эхлэн чанаргүй зээлд тооцогдож, Хөгжлийн банкны ашигт ажиллагаанд сөргөөр шууд нөлөөлөх болсон байна.
Тэгвэл Хөгжлийн банкны зүгээс энэ оны 1 дүгээр сарын 20-нд чанаргүй зээлдэгчдийн мэдээллийг ил тод зарлаж, үүний дотор том зээлдэгч “Кью Эс Си” ХХК байв. Тус компанийн зээлийн асуудал шүүх дээр хүртэл өрнөж, эцсийн мөчид Хөгжлийн банк зээлээ төлүүлж авлаа. Удаан хугацааны турш зээлээ төлөхгүй, хариуцлагаас зугтсан “Кью Эс Си” компани бэлэн мөнгөөр зээлийн төлбөрөө барагдуулж, Хөгжлийн банкны чанаргүй зээлийн актив буурч байна.
Засгийн газар, Хөгжлийн банк, АТГ Прокурорын байгууллага, Хэвлэл мэдээлэл, Олон нийтийн шахалт, шаардлага, шалгалтын үр дүнд чанаргүй зээлүүд эхнээсээ төлөгдөж, гэрээний эрх үүргийг хангуулж эхэллээ.
“Кью Эс Си” компанийн хувьд Дарханы төмөрлөгийн үйлдвэрийг өргөтгөх, уул уурхай, металлургийн цогцолбор байгуулах төслийг хэрэгжүүлэхээр гэрээ байгуулсан ч найман жилийн хугацаа өнгөрөхөд төслөө бүрэн хэрэгжүүлээгүй, үйлдвэрийн үйл ажиллагаа зогсонги байдалд орсон, цаашид төсөл хэрэгжүүлэх боломжгүй болох нь тогтоогдсон юм. Эргэн сануулахад, Худалдаа хөгжлийн банкны ТУЗ-ийн дарга "сахал" хочтой Д.Эрдэнэбилэгийг хууль хүчний байгууллага саатуулах үеэр тус банкны Гүйцэтгэх захирал О.Орхон “Кью Эс Си” компанийн өрийг барагдуулах саналыг Ерөнхий сайд руу хүртэл хүргүүлж байсан билээ.
Дэлхий нийтээр..
Европын хэд хэдэн улсад Палестиныг дэмжсэн жагсаал боллоо
Жагсагчид Их Британийг Израильд зэвсэг нийлүүлэхээ зогсоохыг шаардсан, Палестиныг чөлөөлөхийг уриалсан, Газын зурвас дахь цэргийн ажиллагааг зогсоохыг шаардсан олон төрлийн уриа лоозон барьсан юм. Мөн олон жагсагч эгнэн зогсож, Газын зурвас дахь мөргөлдөөний үеэр амь үрэгдсэн хүмүүсийн нэрсийг цээжиндээ зүүсэн юм. Тэд ийм аргаар дайны харгис хэрцгий байдлыг олон нийтэд илүү тодорхой ойлгуулахыг зорьж байна.
Дэлхий нийтээр..
Балбын үер, нурангийн улмаас амиа алдсан хүний тоо 1451-д хүрчээ
Балбын хойд хэсэгт өнгөрсөн сард болсон гамшгийн улмаас амиа алдсан хүний тоо 1451-д хүрснийг тус улсын цагдаагийн байгууллага мэдээлжээ. Есдүгээр сарын 20-ны 17:00 цагийн байдлаар аврах, эрэн хайх ажиллагаа үргэлжилж, 6000 орчим хүн сураггүй хэвээр байна.
Гамшиг наймдугаар сарын 26-нд Балба, Хятадын Төвөдийн хил орчмын өндөр уулын бүсэд мөсөн гол, хад чулуулгийн их хэмжээний нуранги үүссэнээс эхэлжээ. Нурангиас үүссэн лаг шавар, мөс, чулуулгийн урсгал Бхоте Коши болон Тришули голын сав дагуу бараг 100 км үргэлжилж, суурин газар, зам, гүүр, усан цахилгаан станцуудыг сүйтгэсэн байна.
АНУ-ын Геологийн албаны урьдчилсан дүгнэлтээр энэ үйл явдал нь ердийн газар хөдлөлт бус, мөсөн гол оролцсон уулын хажуугийн асар их нуралтаас эхэлсэн бөгөөд үүний дараа хүчтэй үер, хурдас чулуулгийн урсгал үүсчээ.
Олон мянган хүн сураггүй хэвээр байгаа тул эрэн хайх, цогцос таних ажиллагаа үргэлжилж байна. Эрх баригчид танигдаагүй цогцоснуудын ДНХ-ийн дээжийг авч, ар гэрийнхний сорьцтой тулган тогтоох ажлыг явуулж байгаа юм.
Дэлхий нийтээр..
Герман нисэх буудлын дроны хэрэгт Оросыг буруутгав
Германы эрх баригчид өнгөрсөн наймдугаар сард Лейпциг-Халле нисэх буудлаас тэсрэх бодис бүхий дрон илэрсэн хэрэгт Оросын тал холбоотой гэж дүгнэжээ. Харин Москва уг мэдээллийг няцааж, Германы буруутгалыг үндэслэлгүй хэмээн мэдэгдсэн байна.
Наймдугаар сарын 4-ний орой Украины “Антонов Эйрлайнс” компанийн ачааны онгоц байрлаж байсан хэсгийн ойролцоо тэсрэх бодис тээсэн дрон илэрч, нисэх буудлын үйл ажиллагааг түр хугацаанд зогсоожээ. Тэсрэх бодисыг тусгай робот ашиглан аюулгүй болгосон бол өөр нэг дрон нисэх онгоцтой мөргөлдсөний дараа устсан гэх мэдээлэл байна.
Германы Дотоод хэргийн сайд Александер Добриндтын мэдээлснээр, мөрдөн шалгалтаар дроны хийц, ашигласан эд анги нь Орос-Украины дайнд хэрэглэгдэж буй зарим төхөөрөмжтэй ижил төстэй байсныг тогтоосон байна. Тэрбээр цагдаагийн мөрдөн шалгалт болон тагнуулын байгууллагын мэдээлэл Оросын оролцоог нотолж байна гэж мэдэгджээ. Гэхдээ Германы Засгийн газар Москваг уг хэрэгтэй шууд холбосон бүх нотлох баримтаа олон нийтэд дэлгээгүй байна.
Үүний дараа Герман Бонн хот дахь Оросын консулын газрыг есдүгээр сарын 18-наас хаах, Берлин дэх Оросын соёлын төвийн үйл ажиллагааг зогсоохоор шийдвэрлэжээ. Мөн ОХУ-ын Элчин сайдыг Гадаад хэргийн яамандаа дуудан тайлбар шаардсан бөгөөд Европын холбооны хориг арга хэмжээний жагсаалтыг өргөжүүлэх санал гаргахаар болсон байна.
ОХУ-ын Берлин дэх Элчин сайдын яам Германы буруутгалыг “утгагүй” гэж няцаасан байна. ОХУ-ын Ерөнхийлөгч Владимир Путин мөн Германы Засгийн газар дотоодын улс төрийн асуудлаасаа анхаарал сарниулахын тулд Москваг буруутгаж байна хэмээн мэдэгджээ.
Польш, Их Британи, Итали, Швед, Чех зэрэг НАТО-гийн хэд хэдэн улс Германы байр суурийг дэмжсэн бол Европын холбоо уг асуудлаар нэгдсэн хариу арга хэмжээ хэлэлцэхээр төлөвлөж байна.
-
Дэлхий нийтээр..2024/08/01
ЗГ: Нийслэл Улаанбаатар хотод хэрэгжих төсөл, арга хэмжээний талаар хэлэлцэв
-
Дэлхий нийтээр..2023/05/08
Монголын тэргэнцэртэй иргэдийн үндэсний холбооны гишүүдтэй уулзаж, тулгамдсан ас...
-
Үйл явдал2026/06/16
Биеэ үнэлэхийг зохион байгуулж, хүн худалдаалсан хэргүүдийг шүүхэд шилжүүллээ
-
Дэлхий нийтээр..2021/05/12
Айлын хашаанаас байлдааны зориулалттай тэсрэх бөмбөгийг илрүүлж, устгалаа