Тод мэдээ
Киргизийн Эрүүл мэндийн сайд Ковид-19 холбоотой авлигын хэргээр баривчлагджээ
Киргизийн тусгай хүчнийхэн тус улсын Эрүүл мэндийн сайд Алымкадыр Бейшеналиевыг 2.4 сая тун COVID-19 вакцинд төсвийн мөнгийг үр ашиггүй зарцуулсан хэргээр пүрэв гарагт баривчилжээ.
2021 онд тус улс гурван сая гаруй эмтэй байсан бөгөөд Орос, Хятад, Казахстан, Азербайжанаас нийт зургаан сая тунг хүмүүнлэгийн тусламж болгон авах гэрээ байгуулсан үед Эрүүл мэндийн яам вакцинд 1.5 тэрбум сом (18.8 сая ам. доллар) зарцуулсан байна.
Киргизийн хүн ам бараг 6.6 сая гэж тооцогддог бөгөөд вакцинд эргэлзэх хандлага түгээмэл байна. Засгийн газрын статистик мэдээгээр иргэдийн 23 хүрэхгүй хувь нь дор хаяж хоёр тун вакцин хийлгэсэн.
Илүүдэл худалдан авалтын улмаас 240,000 гаруй тунг ашиглаагүй хугацаа нь дууссан гэж прокурор хэлсэн байна.
Вакцины төлбөрийг оффшор банкны дансаар дамжуулан төлсөн байна. Ерөнхий прокурорын газраас Бейшеналиевд холбогдуулан авлигын 1, хээл хахууль авахыг оролдсон 2, мөн албан тушаалын байдлаа урвуулан үр ашиггүй гэрээ байгуулсан гэх 4, нийт 7 эрүүгийн хэрэг үүсгэн шалгаж байгаа талаар 24.kg агентлагаас мэдээллээ.
Тус улсад эрх мэдлийн огцом өөрчлөлт гарч Садыр Жапаров ерөнхийлөгч болсны дараагаар Бейшеналиев нь 2020 оны 10 дугаар сард Киргизийн Эрүүл мэндийн сайдаар томилогдсон байдаг.
Хоёр жил шахам ажиллахдаа тэрээр олон удаа маргаантай мэдэгдэл хийсэн. Хамгийн ноцтой нь тэрээр Киргизийн Иссык-Куль нуурын ойролцоо ургадаг хорт ургамал болох аконитыг COVID-19-ийг эмчлэх боломжит эмчилгээ болгон ашиглахыг зөвлөсөн. Гэвч Дэлхийн эрүүл мэндийн байгууллагын төлөөлөгчид болон орон нутгийн идэвхтнүүд эрүүл мэндийн сайдыг ийм зөвлөмж өгсөнд буруутгасан.
Бейшеналиевын ажилтнууд хүртэл сайддаа сэтгэл хангалуун бус байв. Түүнийг баривчлагдахаас хоёр долоо хоногийн өмнө түүний орлогч нар нь даргаа мэргэжлийн бус авирласан хэргээр огцруулахыг хүссэн байна.
Нэгэн төлөөлөгч "Бейшеналиев хүн бүртэй тохуурхаж харьцдаг байсан ч яамны зүгээс энэ асуудлыг нь тэвчиж ирсэн. Төрийн албан хаагч түүн шиг авирлаж хэрхэвч болохгүй” хэмээн хэвлэлийн бага хурал дээр мэдэгдсэн. Мөн тэрээр үргэлжлүүлэн “Бид сайдын зан байдал ямар байгаа эсэхэд үргэлж санаа зовинолтой байдаг. Түүнд хариулах зэрэг ямар нэг байдлаар харилцахад, биднийг гэрт чинь хариулахгүй гэх мэтээр заналхийлж, сүрдүүлдэг байсан” гэжээ.
Үүний хариуд Бейшеналиев орлогч нараа "чадваргүй" гэж хэлээд "ажлынхаа төлөө тэмцэж байна" гэж мэдэгджээ.
5-р сард Киргизийн хэвлэл мэдээллийн хэрэгслээр тус улсын Эрүүл мэндийн яамны зохицуулагчийг 1250 орчим долларын авлига авсан хэргээр саатуулсны дараа тус улсын төрийн аюулгүй байдлын агентлаг Бейшеналиевыг байцаасан гэж мэдээлсэн. Гэвч Эрүүл мэндийн сайд авлига авсан гэх мэдээллийг үгүйсгэж, сувилагч нарын мэргэжлийн баярыг тэмдэглэх гэж мөнгө цуглуулсан гэж мэдэгдлээ.
Тод мэдээ
Алслагдсан 129 багт үүрэн холбооны сүлжээ нэвтрүүлнэ
Монгол Улс нийт 1639 багтай. Үүнээс 1448 багт үүрэн холбооны сүлжээ нэвтэрчээ. Цаашид сүлжээнд бүрэн нэвтэрч чадаагүй багуудын сүлжээг өргөтгөхөөс гадна сүлжээнд огт холбогдоогүй багуудад харилцаа холбооны дэд бүтцийг бий болгоно.
Дээрх ажлын хүрээнд Архангай аймгийн Булган, Чулуут, Өндөр-Улаан, Цэцэрлэг, Хайрхан, Хангай сумын 10, Булган аймгийн Тэшиг, Хишиг-Өндөр, Бүрэгхангай, Тэшиг, Баян-Агт сумын 5, Хөвсгөл аймгийн Цагаан-Уул, Улаан-Уул, Арбулаг сумын 4, Баян-Өлгий аймгийн Улаан-Хус, Буянт, Дэлүүн, Толбо сумын 7 багт сүлжээ нэвтрүүлнэ.
Мөн Ховд аймгийн Алтай, Мөнххайрхан, Дуут, Мөст, Булган, Дарви, Үенч, Ховд сумын 10, Баянхонгор аймгийн Баян-Өндөр, Жинст, Баацагаан, Шинэжинст сумын 5, Говь-Алтай аймгийн Төгрөг, Халиун, Тонхил, Баян-Уул, Эрдэнэ, Шарга, Есөнбулаг сумын 7, Говьсүмбэр аймгийн Сүмбэр сум, Дорноговь аймгийн Дэлгэрэх сумын 2, Дундговь аймгийн Эрдэнэдалай, Сайхан-Овоо, Луус, Өлзийт, Өндөршил сумын 8, Дорнод аймгийн Чулуунхороот, Баян-Уул, Халхгол, Сэргэлэн сумын 5 багт мөн дээрх ажлууд хийгдэнэ.
Түүнчлэн Сүхбаатар аймгийн Эрдэнэцагаан, Түмэнцогт, Онгон, Халзан, Баяндэлгэр, Эрдэнэцагаан, Түвшинширээ, Уулбаян сумын 9, Завхан аймгийн Их уул, Тэс, Баянхайрхан, Тосонцэнгэл, Цагаанхайрхан, Дөрвөлжин, Баян-Тэс, Сантмаргац сумын 8, Увс аймгийн Завхан, Зүүнхангай сумын 2, Өвөрхангай аймгийн Баруунбаян-Улаан, Төгрөг, Есөнзүйл, Богд, Хайрхан дулаан, Баянгол, Гучин-Ус, Нарийнтээл, Зүүнбаян-Улаан, Баян-Өндөр сумын 10, Төв аймгийн Мөнгөнморьт, Угтаалцайдам, Эрдэнэ, Цээл, Баян-Өнжүүл, Алтанбулаг, Баяндэлгэр сумын 7 багт нийт 16 аймагт харилцаа холбооны дэд бүтцийг бий болгоно.
Уг төслийн хүрээнд хөдөөгийн алслагдсан багуудад харилцаа холбооны байр, цамхгийн дэд бүтцийг байгуулж, үүрэн холбооны 4G үйлчилгээг нэвтрүүлнэ. Ингэнээр иргэд интернэтийн үйлчилгээг гар утаснаасаа хүлээн авах /мэдээ, мэдээлэл хүлээн авах, цахим сургалтад хамрагдах, эрүүл мэндийн цахим үйлчилгээ/, гамшиг, онцгой байдлын үеийн мэдээ, мэдээллийг цаг алдалгүй шуурхай хүлээж авах, урьдчилан сэргийлэх, төрөөс иргэдэд үзүүлж буй бүх төрлийн цахим үйлчилгээг хүлээн авах боломж бүрдэнэ. Мөн хот, хөдөөгийн тоон хуваагдал буурна гэж Цахим хөгжил, инновац, харилцаа холбооны яамнаас мэдээллээ.
Тод мэдээ
Яармагийн шинэ гүүрээс урагш Богд уулын араар хурдны замтай холбогдох 8.3 км авто замыг шинээр барина
НЗДТГ болон Дэлхийн банк хамтран "Улаанбаатар хотын тогтвортой авто зам, тээвэр" төслийг хэрэгжүүлж байна.
Төслийн хүрээнд Яармагийн шинэ гүүрнээс урагш Богд уулын араар хурдны замтай холбогдох 8.3 км авто замыг шинээр барих бөгөөд 2025 онд бүтээн байгуулалтыг эхлүүлэх юм. Энэ талаар "Улаанбаатар хотын тогтвортой авто зам, тээвэр" төслийн зохицуулагч Х.Булгаагаас тодрууллаа.
Тэрбээр “Яармагийн шинэ зам нь Яармагийн шинэ гүүрнээс урагш Богд уулын араар хурдны замтай холбогдоно. Одоогоор ажлын зураг төслийг боловсруулж байна. Зургийн ажил энэ ондоо багтаж дуусаад, 2025 онд авто замын ажлыг эхлүүлж, 2026 онд барьж дуусахаар төлөвлөсөн. Шинэ авто зам иргэдэд тав тухтай, аюулгүй байхаас гадна хүрээлэн буй орчин, уур амьсгалын өөрчлөлтөд тэсвэртэй. Улаанбаатар хотын замын сүлжээг өргөтгөх, Яармаг орчмын замын хэт ачааллыг бууруулахад өндөр үр дүнтэй авто зам болно” гэдгийг онцолж хэлсэн юм.
“Яармагийн шинэ зам”-ын онцлог нь замын хөдөлгөөнд оролцож байгаа бүх төрлийн оролцогчийн аюулгүй байдлыг хангасан цогц гудамж, замын жишиг байдлаар баригдана. Өөрөөр хэлбэл, замын ердийн шинэчлэлээс илүү нийтийн тээвэр, явган зам, унадаг дугуйн зам, ногоон байгууламжийг авто замтай нь иж бүрэн шинэчлэхээр төлөвлөжээ.
Тод мэдээ
Шинэ тойрог замын зөвлөх үйлчилгээний олон улсын нээлттэй тендерийг ирэх 7 хоногт зарлана
Улаанбаатар хотын “Шинэ тойрог зам” нь нийслэлийн төвийн зургаан дүүргийн нутаг дэвсгэрийг дамнаж 88 км үргэлжилнэ.
Уг замыг төр, хувийн хэвшлийн түншлэлээр барих шийдвэрт хүрч, УИХ, Засгийн газрын хуралдаанаар батлаад байсан. Тэгвэл одоогийн байдлаар зөвлөх үйлчилгээний ажлын даалгаврыг боловсруулж дууссан. Ирэх долоо хоногт олон улсын зөвлөх үйлчилгээний нээлттэй тендерийг зарлахаар болсон байна.
Энэ талаар Нийслэл Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал У.Баатараас тодрууллаа.
Тэрбээр “Улаанбаатар хотод түгжрэлийг бууруулах ажлын хүрээнд томоохон төслүүд хэрэгжинэ. Энэ ажлын хүрээнд “Шинэ тойрог зам”-ыг инженерчлэх олон улсын зөвлөх үйлчилгээний ажлын даалгаврыг боловсруулж дууссан. Ирэх долоо хоногт олон улсын нээлттэй тендер зарлахад бэлэн болсон” хэмээн хэллээ.
Уг шинэ тойрог замыг барьснаар нийслэлийн авто замын түгжрэлийг бууруулах, олон улсын транзит тээврийн нэвтрүүлэх чадварыг сайжруулах, замын хөдөлгөөний зорчилтын хурдыг нэмэгдүүлэхэд өндөр ач холбогдолтой. Мөн Улаанбаатар хотын дэд төвүүдийг холбосон, олон улсын түвшний огтлолцол зам болохоороо Монголдоо анхдагч бөгөөд онцлог зам болох юм.
“Шинэ тойрог зам” нь хойд чиглэлдээ Дархан болон баруун аймгуудын чиглэлийн замын уулзвараас Орбит-Найрамдал чиглэлд салах уулзвар болон Баянхошуу, Хайлааст, Чингэлтэй, Долоон буудал, Дарь эх, Цагаандаваа, Улиастайн авто замыг дайран Баянзүрхийн гүүр хүрэх бөгөөд нийт 55 км урт байх юм. Харин урд чиглэлдээ Баянзүрхийн товчооноос Туул голын хойд эргийг дагаж, нийт 33 км үргэлжилнэ.
Түүнчлэн Улаанбаатар хотын түгжрэлийг бууруулах ажлын хүрээнд Туулын хурдны замыг барихаар ажлын зураг төслийг шинэчилж байгаа бөгөөд 2025 онд гүйцэтгэгчийг сонгон шалгаруулж, барилга бүтээн байгуулалтыг эхлүүлэхээр төлөвлөөд байна. Уг Туулын хурдны зам нь мөн 33 км үргэлжилнэ. Анхны зураг төслийг 4 эгнээ замтай байхаар хийсэн бол зураг төслийг шинэчилснээр 6 эгнээ боло
-
Тод мэдээ2022/08/16
Өвөлжилтийн бэлтгэлийг хангуулах ажлын хүрээнд орон нутгийн удирдлагуудад хугаца...
-
Тод мэдээ2021/04/08
Сэрэмжлүүлэг
-
Тод мэдээ2024/09/06
Насжилт тэтгэврийн даатгалын санд ачаалал үзүүлэх хандлагатай байна
-
Тод мэдээ2024/05/13
Төв цэнгэлдэх хүрээлэнгийн гадна, дотор талбайг засварлаж байна