Бидэнтэй нэгдэх

Чөлөөт бүс

Цэрэгжсэн улсын хүчирхэг зэвсэгт хүчин...

Огноо:

,

Сэтгүүлч:

Бид та бүхэнд  бусад улс орнуудын зэвсэгт хүчний талаарх зарим сонирхолтой мэдээллүүдийг цувралаар хүргэж эхлээд байгаа. Өнөөдөр Зүүн өмнө Азид орших бас нэгэн хүчирхэг зэвсэгт хүчний талаарх мэдээллийг бэлтгэлээ.

Бүгд Найрамдах Ардчилсан Солонгос Ард Улс /БНАСАУ буюу Хойд Солонгос/ нь 120,540 км/квд нутаг дэвсгэртэй бөгөөд энэ оны байдлаар 25 сая 381 мянга гаруй гаруй хүн амтай гэж тоологджээ. Хүн амын 40 орчим хувь нь цэргийн насны эрчүүд гэсэн тоо баримт бий. Нийслэл Пхеньян. Тус улсын иргэд таван жилээр цэргийн үүрэгт албыг хашдаг. Харин тэнгисийн болон агаарын цэргийн хүчинд 3-4 жил алба хаших үүрэгтэй.

БНАСАУ-ын ардын арми 1932 онд үүсгэн байгуулагдсан гэх бөгөөд өдгөө тус зэвсэгт хүчинд нийт 7 сая 580 мянган хүн бүртгэлтэй байдгаас энэ оны байдлаар 1 сая 280 мянган хүн алба хааж байгаа талаар globalfirepower.com сайтад мэдээлсэн байдаг. Солонгос Ардын арми нь хуурай замын цэрэг, тэнгисийн цэрэг, агаарын, тусгай ажиллагааны, пуужингийн цэрэг гээд 5 салбарладаг байна. Умард Солонгосын зэвсэгт хүчинд өдгөө танк 6075, хуягт машин 10 000, өөрөө явагч артиллер 2250, их буу 4300, пуужин харвагч болон пуужингаас хамгаалах техник 5000, нисэх хүчин нь 949 онгоцтойгоос 458 сөнөөгч, 498 дайрагч, цэргийн тээврийн 4, 204 гаруй нисдэг тэрэг, дайрагч  20 нисдэг тэрэг, сургалтын 169 нисэх онгоцтой. Мөн тэнгисийн цэргийн флот нь 1061 хөлөг онгоцтой. Үүнээс байлдааны том хөлөг онгоц 4, байлдааны үед агаарын хүчнийг дэмжих том хөлөг онгоц 8, шумбагч онгоц 86, мина тээгч 23, тэнгисийн эргүүлийн  416 жижиг хөлөг онгоцтой гэж цэргийн мэргэжилтнүүд тооцоолдог.

Умард Солонгосын арми нь холын болон дунд тусгалын Скад, Нодонг зэрэг пуужингуудаар зэвсэглэсэн. Гэхдээ пуужингийн тоо нь тодорхойгүй байна. БНАСАУ нь  энэ онд цэргийн салбарт 10 тэрбум доллар төсөвлөсөн байна.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Чөлөөт бүс

50 жилийн дараах “Зуурдын сэтгэл”

Огноо:

,

1970-аад оны эхээр Монголд хит болсон "Зуурдын сэтгэл" киноны дуу нь 1968 Японд анх худалдаанд гарснаас хойш маш их алдаршиж 2 сая 700 мянган ширхэг пянз зарагдсан аж. Энэ дууг дуулсан Пинки буюу Кон Ёоко хатагтай 2021 онд Монголд тоглолтоо хийхээр төлөвлөж байсан ч цар тахлын улмаас хойшилсон юм.

Япон Улс, Монгол Улс хооронд дипломат харилцаа тогтоосны 50 жилийн ойн хүрээнд Кон Ёокогийн тоглолтыг наймдугаар сарын 20-нд Улаанбаатар хотноо зохион байгуулахаар болжээ. "White Rock Center"-д үнэ төлбөргүй болох энэхүү тоглолтод дуучин Д.Оюунтүлхүүр, Увертура хамтлаг, О.Солонго нар оролцоно. 

Дэлгэрэнгүй унших

Чөлөөт бүс

ШӨХТГ: Төмсний үнийн өсөлт нийлүүлэлтийн хомсдол үүссэнтэй холбоотой байна

Огноо:

,

Төмсний үнийн өсөлт нь шатахууны өсөлттэй хамааралгүй, нийлүүлэлтийн хомсдол үүссэнтэй холбоотой байна. Хүнсний ногооноос төмсний үнэ 37.5 хувиар нэмэгдсэн, орос сонгино 5.1 хувиар, монгол лууван дунджаар 14.8 хувиар, монгол шинэ ургацын байцаа дунджаар 45 хувиар, хүрэн манжин 21.3 хувиар тус тус буурсан үзүүлэлттэй байна.

Өнөөдөр "Барс" захад найман тн төмс бууж Улаанбаатар хотын зах дэлгүүрүүдээр нийлүүлэгдэж "Номин" 2 кг нь 8198 төгрөг, И-Март 1 кг нь 1880 төгрөг, "Барс" кг нь 4500, бөөн 3500 төгрөг, "Хүчит шонхор" 4000-4500 төгрөг, "Алтжин бөмбөгөр" 4500-5000 төгрөг, "Амгалан" 4500 төгрөгөөр худалдаалж байна.

Шинэ ургацын төмс гарч нийлүүлэлт нэмэгдэж эхэлж байгаа бөгөөд цаашид үнэ буурах хандлагатай байна. ШӨХТГ-аас Ажлын хэсэг гарч зах зээлийн зарчмаараа өссөн үү, үгсэн хуйвалдаж үнэ тогтоосон уу гэдэгт шалгалт хийж байна.

Мөн дотоодын ногоочдоо дэмжих үүднээс төмсний импортын татварыг 30 хувь болгож өсгөсний улмаас импортын төмс орж ирэхгүй байгаа бөгөөд шинэ ургацын төмс гарч ирээгүй байх 7 сарын дунд үед хомсдол үүсч байна.

Иймд тариалалтыг нэмэгдүүлэх, 7 сард импортын татварыг хөнгөлж уян хатан болгох, зоорь савны нөөцийг нэмэгдүүлэх, хомсдол үүссэн үед борлуулах дотоодын хүнсний ногооны нөөцийг бүрдүүлэх гэх мэт бодлогын зөвлөмжийг ХХААЯ-нд хүргүүлэхээр бэлтгэж байна гэж ШӨХТГ-аас мэдээллээ.   

Дэлгэрэнгүй унших

Чөлөөт бүс

Японы гайхамшгийн нууц нь "хар сувд" байсан уу...

Огноо:

,

Өнгөрсөн зууны эхээр буюу 1904 онд болсон нэгэн сонирхолтой түүхийг та бүхэнд хүргэж байна. Тэр үед Оросын "Аметист" хэрэх онгоц Өмнөд Хятадын тэнгист Данагаас холгүй Японы нэгэн мина зөөгч онгоцыг живүүлжээ. Түүнээс хойш 2 жилийн дараа буюу 1906 оны эхээр Францын "Круле" завь салаар яваа тамирдсан туранхай тэнгисчинг Хойд Аннамагийн эрэг хавиас олжээ. Намайг Имурио Исокава гэдэг. Би №125 мина зөөгч хөлгийн багийн амь мэнд үлдсэн цорын ганц гишүүн юм. Параселийн нэгэн аралд ганцаараа 1,5 жил амьдарсан гэж далайчин өгүүлжээ.

Тэр Япон улсад буцаад гурван жил сэтгэл мэдрэлийн өвчтэй хүмүүсийн эмнэлэгт эмчилгээ хийлгэжээ. Дараа нь цэргийн яамны тэтгэврээр гэр бүлтэйгээ амьдарсан байна. Тэр арал дээр олж илрүүлсэн гайхамшигт дармал эд эрдэнэсийн тухай эмч нар болон төрөл төрөгсдөдөө өгүүлсэн. Гэвч тэд далайчинд итгэхгүй байв. Гэвч 1945 оны эхээр Токиогоос хүмүүс талийгаач Исокавагийн ар гэрт очиж, эрдэнэсийн тухай далайчны яриаг их сонирхов. Тэгэхдээ уулзалт ярианы тухай мэдээлэхгүй байх хүсэлт тавьжээ.

1945 оны 6 дугаар сард Японы "I-409" шумбагч онгоц Параселийн нэгэн аралд ойртов. Түүний ахмад ба багийн гишүүд Японы цэргийн тагнуулын хүмүүст захирагдаж байсан. Тэнгисчид хэдэн торх эрэг хавийн хавцлаас гаргаж онгоцонд ачсаныг агаараас харсан гэж хожим дайсны хөлгийн гэнэтийн дайралтаас хамгаалах усанд буух нисэх онгоцны нисэгч өгүүлжээ. Эдгээр торхонд чухам юу  байсныг далайчдад мэдээлээгүй. Дараа нь бүх далайчныг камиказе хэмээх шумбагч хөлөг онгоцнуудаар хуваарилсан билээ.

1955 онд дээрх нисэх онгоцны нисэгч Нагасаки хотын гудамжинд шумбагч онгоцны багийн даргатай санамсаргүй тааралдсан байна. Нөгөө хэдэн торх сувд түүний дотор их үнэтэй хар сувд дүүрэн байсныг тагнуулын офицеруудээс нууцаар шагайж харснаа тэрээр өгүүлжээ. Хориод торх тус тус бараг 100 кг жинтэй байсан. Тэр үед эдгээр торхонд хийсэн сувд 10-15 тэрбум долларын үнэтэй байжээ.

Гайхалтай нь сувд XVI зууны үед Параселийн нэгэн аралд баазтай байсан Малайн далайн дээрэмчин Бумбгвар Анамбасугийн өмч байсан гэдэг. Имурио Исокава тэр л арлаас энэхүү  эрдэнэсийг олсон байна.  Тэгвэл "I-409" шумбагч хөлөг онгоцонд ачсан сувд хаачсан бэ?

Дайны дараа нэг бүр нь бараг 10 сая долларын өртөг бүхий хэдэн хар сувд Техасын нефтийн үйлдвэрийн эзэн Жон Синкстоны цуглуулгад байсан байна. Тэр Америкийн "Радиотехникс" пүүсийн ерөнхий нягтлан бодогч Рональд Смиттай харилцаа холбоотой байсан аж. Дайны дараагаар хоёр япон хүн дампуурах ирмэгт тулсан пүүсийн ажлын өрөөнд ирж, 1943 онд үндэслэн байгуулагдсанаасаа хойших пүүсийн бүх боловсруулалтыг чемодан сувдаар солих санал тавьсан тухай Рональд Смит өгүүлэв. Америкчууд зөвшөөрч, нэг үе тансаг амьдарч, эцэст үгүйрэн хоосорсон гэдэг. Харин Япон улсад цэргийн ба энгийн янз бүрийн бүтээгдэхүүн үйлдвэрлэх пүүс бий болжээ. 

Энэ мэтээр Европ буюу Америкт байгаа нэлээд үнэтэй хар сувдны түүхийг сонирхвол дайны дараа дэлхий даяар аялж, чемодан дүүрэн сувдаар цоо шинэ техникийн боловсруулалтыг худалдан авч байсан хэдэн япон хүний ул мөр илрэн тодорч болох юм.

Дэлгэрэнгүй унших
сурталчилгаа

Санал болгох