Бидэнтэй нэгдэх

Тод индэр

Үнэн төрхөө нуусан шөнийн ангууч

Огноо:

,

Сэтгүүлч:

Хүүхүүдээ эрүүл, энх тунх өсгөж хүмүүжүүлэх нь эцэг эх, асран хамгаалагчдын үүрэг. Хүүхдийг дунд ангид ороход эцэг, эхчүүд гараас гарчихлаа хэмээн хараа хяналтаа сулруулдаг. Яг энэ үед хүүхэд ирээдүйд ямар хүн болохоо тодорхойлох хүмүүжлийн оргил үе ирдэг байна. Гэсэн ч томчуул анхаарал хандуулахаа болих үед хүүхэд өөр өөрийн гэсэн хүмүүжилтэй болж төлөвшдөг. Зарим нь агуу их хүсэл мөрөөдөлтэй байхад, зарим нв өдөр хоногийг аргацааж, зарим нь буруу замаар орж, зарим нь эгэл даруу ээж аавын хүүхэд хэвээрэй үлддэг.

Энэ үеийн хүмүүжлээрээ хүн насан туршынхаа амьдралыг олж авдаг байна. Яагаад гэхээр тэд өсвөр насныхан. Тэднийг энэ л насанд нь хайрлаж, энхрийлж, анхаарал халамж тавих нь зүйтэй. Өсвөр насанд нь анхаарал хандуулаагүйгээс болоод таны хүүхэд хэн нэгэнтэй удирдлагаар буруу замруу орох вий. Бусдыг хууран мэхэлж, хулгай хийж, хэн нэгнийг дарамталж, дээрэмдэж, өөрийнхөө хэрэглээг хангаж байгаа юм биш биз. Үүнээс болж таны хүүхдийг хэний ч төсөөлөөгүй ирээдүй хүлээж байх вий...

Сүүлийн жилүүдэд дээрэмдэх гэмт хэргийн гаралт ихэссээр байгаа нь бид үр хүүхдээ хэрхэн хүмүүжүүлснийг илтгэнэ. 2019 оны эхний найман сарын байдлаар 600 гаруй гэмт хэрэг бүртгэгдсэн гэх тоон мэдээлэл байна.
Үүнээс харахад бидний ирээдүй өөрсдийн хэрэгцээ, шаардлагыг яагаад хялбар аргаар олж, бусдын хөдөлмөрийг үнэлэхгүй байгаад сэтгэл эмзэглэмээр. Хүнийг айлган сүрдүүлж, хууран мэхэлж, илээр, хүч хэрэглэхгүйгээр, хууль бусаар авсан бол энэ нь дээрэмдэх төрлийн гэмт хэрэг юм.

Дээрэмдэх гэмт хэргийг ихэвчлэн 17-30 насны эд залуу, идэр насандаа яваа хүмүүс үйлддэг нь эмзэглэмээр, харамсмаар бас аймаар. Харин тэдний гарт охид бүсгүйчүүд, өсвөр насныхан өртдөг нь эдгээр хүмүүсийн боловсрол, хүмүүжлийг илтгэнэ. Өөрийнхөө эгч шиг, дүү шиг тэднийг өрөвдөх сэтгэлгүй тэд хэрхэн хүмүүжсэн байна вэ?

Дээрэмдэх гэмт хэргийг үйлдсэн болон үйлдэхээр завдсан бол зургаагаас найман жил хүртэл хорих ял эдэлдэг гэх. Хуулиа мэддэггүйдээ ийм үйлдэл гаргадаг байх. Хуулиа мэддэг бол ийм үйлдэл гаргаж, хэн нэгнийг сэтгэлзүй болон мөнгө хөрөнгөөр хохироохгүй байх даа.

Иймэрхүү араатан нь ч мэдэгдэхгүй, хүн нь ч мэдэгдэхгүй хүмүүсийн гаргаж байгаа үйлдлийг харахаар тэднийг их л өрөвдөх юм. Өөрийн хөдөлмөрөөр амьдралаа босгоогүй тэд алаг дэлхийг ариун цагаан хөдөлмөрөөрөө үргэлжлүүлэн яваа иргэдийн үнэт зүйлсийг хормын дотор үгүй хийдэг гэдгээ мэддэг ч болоосой.

Дэлгэрэнгүй унших
сурталчилгаа
Монгол Улсын Ерөнхийлөгчийн 2021 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

Гадаад харилцааны сайд Б.Батцэцэг БНХАУ-д албан ёсны айлчлал хийнэ

Огноо:

,

Гадаад харилцааны сайд Б.Батцэцэг Бүгд Найрамдах Хятад Ард Улсын Төрийн зөвлөлийн гишүүн бөгөөд Гадаад хэргийн сайд Ван И-гийн урилгаар 2021 оны долоодугаар сарын 27-ны өдөр Бүгд Найрамдах Хятад Ард Улсад албан ёсны айлчлал хийнэ гэж Гадаад харилцааны яамнаас мэдээллээ.
Дэлгэрэнгүй унших

Тод индэр

Ерөнхий сайд Л.Оюун-Эрдэнэ Япон Улсын Ерөнхий сайд Ё.Сүгатай албан ёсны уулзалт хийв

Огноо:

,

Монгол Улсын Ерөнхий сайд Л.Оюун-Эрдэнэ Япон Улсад хийж буй ажлын айлчлалынхаа хүрээнд энэ сарын 22-ны өдөр Ерөнхий сайд Ё.Сүгатай Төрийн хүндэтгэлийн ордонд албан ёсны уулзалт хийв.

Энэ нь хоёр улсын Ерөнхий сайд нарын түвшинд сүүлийн 2 жилд хийж буй анхны уулзалт юм. Уулзалт найрсаг дотно, уур амьсгалд болж, талууд Монгол, Японы харилцааны өнөөгийн байдал, цаашдын зорилт, үйл ажиллагааны талаар болон олон улс, бүс нутгийн хүрээн дэх өргөн хүрээтэй асуудлаар дэлгэрэнгүй санал солилцлоо.

Ерөнхий сайд Л.Оюун-Эрдэнэ манай “гуравдагч хөрш” Япон Улстай Стратегийн түншлэлийн харилцаа, хамтын ажиллагааг бүхий л талаар өргөжүүлэн хөгжүүлэхийн төлөө байгаагаа нотлов. Даян дэлхийн улс орнууд нэг гэр бүл болохыг харуулж байдаг Олимпын наадмыг цар тахлын хүнд нөхцөл байдалд Япон Улсын Засгийн газар амжилттай зохион байгуулж байгаад баяр хүргэж, энэ удаагийн Олимпын наадам хүн төрөлхтөн цар тахлыг амжилттай даван туулсны бэлгэ тэмдэг болон түүхэнд үлдэнэ гэдэгт итгэлтэй байгаагаа илэрхийлэв. Ерөнхий сайд Ё.Сүга  Олимпын наадмыг зохион байгуулах түүхэн сорилттой үед Монгол Улсын Ерөнхий сайд хүрэлцэн ирсэнд, мөн гадаад улс оронд хийж буй анхны айлчлалаа Япон Улсаас эхлүүлсэнд баяртай байгаагаа илэрхийлэв.

Ерөнхий сайд Л.Оюун-Эрдэнэ Япон Улсын Засгийн газар Монгол орны ардчилал, шинэчлэл, тогтвортой хөгжлийг тууштай дэмжиж ирсэнд, мөн энэхүү дэмжлэг туслалцаа  “КОВИД-19” цар тахлын хүндрэл бэрхшээлтэй үед ч үргэлжилж байгаад гүн талархал илэрхийлэв. Нэн ялангуяа, Монголын ирээдүй болсон хүүхэд залуусыг вакцинжуулахад Япон Улсын Засгийн газар дэмжлэг үзүүлж байгааг онцлов.  


Монгол, Японы улс төрийн харилцааны бат бэх сууринд тулгуурлан эдийн засаг, худалдаа, хөрөнгө оруулалтын чиглэлд хамтын ажиллагааг дараачийн шатанд дэвшүүлж, төр, хувийн хэвшлийн хамтын ажиллагааг эрчимжүүлэх шаардлагатай байгаад талууд санал нэгдэв. Хамтын ажиллагааны чиглэлд Хөшигийн хөндийд баригдсан “Чингис хаан” олон улсын нисэх буудлыг цогцоор өргөтгөж, эдийн засаг, мэдээлэл технологи, аялал жуулчлалын чөлөөт бүс болгон хөгжүүлэх, нийслэл Улаанбаатар хотын түгжрэлийг бууруулахад чиглэсэн Улаанбаатар хотыг тойрсон хурдны зам, Богдхан төмөр замын асуудал, мэдээлэл технологийн салбарт хувийн хэвшлийн хамтын ажиллагааг идэвхжүүлэх болон тус салбарын инженерүүдийг бэлтгэх, нүүрсний орд газруудыг түшиглэн ус төрөгчийн цахилгаан станц баригдах техник эдийн засгийн үндэслэлд хамтран ажиллах зэрэг эдийн засгийн томоохон хамтын ажиллагааны чиглэлээр санал солилцов.
 
Монгол Улс, Япон Улсын хооронд дипломат харилцаа тогтоосны 50 жилийн ой 2022 онд тохионо. Энэхүү түүхэн ойг хоёр улс ёслол төгөлдөр тэмдэглэн өнгөрүүлэхээр тохиролцлоо. Ойн хүрээнд Япон Улсын Цог Жавхлант Эзэн хаан Нарүхитог Монгол Улсад айлчлахыг урив. Мөн Ерөнхий сайд Ё.Сүга 2022 оныг “Монгол, Японы хүүхэд, залуучуудын найрамдал, солилцооны жил” болгон зарлахыг санал болгосныг Монголын тал талархан хүлээж авав.

Монгол, Японы Стратегийн түншлэлийг 2017-2021 онд хөгжүүлэх Дунд хугацааны хөтөлбөр амжилттай хэрэгжиж дуусгавар болж байгааг талууд сайшааж 2021-2025 онд хэрэгжүүлэх дараагийн Дунд хугацааны хөтөлбөрийн агуулгыг ойрын үед тохирохоор ярилцав.

Талууд олон улс, бүс нутгийн талбарт идэвхтэй хамтран ажиллаж байгааг дурдаад НҮБ болон олон улсын хамтын ажиллагааны бусад байгууллагын хүрээнд цаашид  ч уялдаа холбоотой ажиллахаар болов.

Уулзалтын төгсгөлд Ерөнхий сайд Ё.Сүга сүмогийн шинэ аваргатай болсонд баяр хүргэлээ.

Монгол Улсын Ерөнхий сайд Л.Оюун-Эрдэнийн Япон Улсад хийж буй айлчлал үргэлжилж байна. Тэрбээр маргааш хүндэт зочдын хамт Цог жавхлант Эзэн хаанд бараалхаж, Либерал ардчилсан намын ерөнхий нарийн бичгийн дарга Т.Никай, Япон, Монголын парламентын найрамдлын бүлгийн дарга, гишүүдтэй уулзана. 

Дэлгэрэнгүй унших

Тод индэр

Жилд 22 мянган даатгуулагч ажилгүйдлийн тэтгэмж авах хүсэлтээ цахимаар шийдвэрлүүлэх боломжтой

Огноо:

,

Нийгмийн даатгалын үндэсний зөвлөлийн 2021 оны долоодугаар сарын 21-ний өдрийн хуралдаанаар шинэчлэн боловсруулсан “Ажилгүйдлийн даатгалын сангаас тэтгэмж олгох журам”-ыг хэлэлцэн тогтоолоор баталлаа.

Монгол Улсын Их Хурлын 2020 оны 24 дүгээр тогтоолоор баталсан “Засгийн газрын 2020-2024 онд хэрэгжүүлэх үйл ажиллагааны хөтөлбөр”-ийн 2.5.6-д нийгмийн хамгааллын салбарыг бүхэлд нь цахимжуулж, иргэдэд үзүүлэх үйлчилгээг ил тод, шуурхай, хүртээмжтэй болгох зорилтыг дэвшүүлсэн.

Энэ ажлын хүрээнд Сангийн сайд, Хөдөлмөр, нийгмийн хамгааллын сайдын 2020 оны 246, А/245 дугаар хамтарсан тушаалаар нийгмийн даатгалын дэвтрийг 2021 оноос цахимжуулсан.

Нийгмийн даатгалын дэвтэр цахим болсонтой холбогдуулан нийгмийн даатгалын сангаас үзүүлдэг зарим үйлчилгээг цахим болгох боломж бүрдлээ.

Тухайлбал, нийгмийн даатгалын сангаас олгох ажилгүйдлийн тэтгэмжийг олгоход өргөдөл, нийгмийн даатгалын дэвтэр, ажлаас халсан тухай шийдвэр, иргэний үнэмлэх, түүний хуулбар, ажилгүй болсноо Хөдөлмөрийн байгууллагад бүртгүүлсэн тухай мэдэгдэх хуудас зэргийг тус тус бүрдүүлж байна.

Даатгуулагчаас тэтгэмж авахаар бүрдүүлж байгаа баримт бичгийг цахимжуулж, хүсэлтийг түргэн шуурхай шийдвэрлэх зорилгоор Нийгмийн даатгалын үндэсний зөвлөлийн 2016 оны 22 дугаар тогтоолоор баталсан “Ажилгүйдлийн даатгалын сангаас тэтгэмж олгох журам”-ыг Хөдөлмөр, нийгмийн хамгааллын яам шинэчлэн боловсруулсан.

Улмаар Нийгмийн даатгалын үндэсний зөвлөлийн 2021 оны долоодугаар сарын 21-ний өдрийн хуралдаанаар шинэчлэн боловсруулсан “Ажилгүйдлийн даатгалын сангаас тэтгэмж олгох журам”-ыг хэлэлцэн тогтоолоор баталлаа.

Энэ тогтоол, журам батлагдсанаар жилд 22 мянган даатгуулагч ажилгүйдлийн тэтгэмж авах хүсэлтээ цахимаар шийдвэрлүүлж, цаг хугацаа, зардал хэмнэх боломж бүрдэнэ.

Эх сурвалж: ХНХЯ

Дэлгэрэнгүй унших
сурталчилгаа
Тод мэдээ13 цаг 51 минут

"Сэтгэлээрээ эмчилье" аяны эмчилгээний багц эздэдээ хүрсээ...

Тод мэдээ15 цаг 15 минут

Ерөнхий боловсролын сургуулийн сурах бичгийг “Цахим дэлгүүр&rd...

Тод индэр15 цаг 19 минут

Гадаад харилцааны сайд Б.Батцэцэг БНХАУ-д албан ёсны айлчлал хийнэ

Тод мэдээ15 цаг 23 минут

Эрүүл мэндийн сайд С.Энхболд БНСУ-ын К2BIO компанийн төлөөллийг хүлэ...

Тод мэдээ15 цаг 59 минут

Хөвсгөл аймгийн цэвэрлэх байгууламж ашиглалтад орлоо

Тод мэдээ16 цаг 3 минут

Дүүрэг бүрт хүчилтөрөгчийн бэсрэг үйлдвэр байгуулж байна

Тод индэр17 цаг 9 минут

Ерөнхий сайд Л.Оюун-Эрдэнэ Япон Улсын Ерөнхий сайд Ё.Сүгатай албан ё...

Тод мэдээ17 цаг 12 минут

Коронавирусний халдвар авч, өвдөөд эдгэсэн хүмүүст нөхөн сэргээх эмч...

Өнөөдөр17 цаг 16 минут

Өнөөдөр Улаанбаатарт дархлаажуулалтын 22 цэг ажиллана

Өнөөдөр17 цаг 18 минут

Улаанбаатарт өдөртөө 27 хэм дулаан

Өнөөдөр18 цаг 7 минут

Үс шинээр үргээлгэх буюу засуулбал эд, мал арвидна

Тод индэр2021/07/22

Жилд 22 мянган даатгуулагч ажилгүйдлийн тэтгэмж авах хүсэлтээ цахима...

Санал болгох