Хэн юу хэлэв...
“Ардчилал бидэнд юу авчирсан бэ” сэдэвт уралдаан зарлалаа
УРАЛДААНЫ УДИРДАМЖ
Ардчилсан намаас “Ардчилсан хувьсгалын 30 жил”-ийн ойг тохиолдуулан “Олон Улсын Ардчиллын өдөр”-ийг тэмдэглэн өнгөрүүлэх ажлын хүрээнд “Ардчилал бидэнд юу авчирсан бэ” сэдэвт телевизийн нэвтрүүлэг болон нийтлэлийн уралдааныг сэтгүүлчдийн дунд зарлаж байна. Энэхүү уралдаанд телевиз, уран бүтээлийн студиуд болон өдөр тутмын сонин, сайтын сэтгүүлчид оролцох боломжтой.
Нэг. ЗОРИЛГО:
Монгол Улсад өрнөсөн Ардчилсан хувьсгалын үр нөлөө, ардчиллын үнэт зүйлийн талаарх ойлголтыг бататгах, ардчиллын үр дүнд нийгмийн болон хувь хүний хөгжилд нөлөөлсөн эерэг нөлөөллийг түгээхэд оршино.
Хоёр. СЭДВИЙН АГУУЛГА:
Бүтээл нь ардчиллын үнэ цэнэ, хүний эрх, эрх чөлөө, шударга ёс, эдийн засаг, үндэсний эрх чөлөө, нийгмийн өөрчлөлтийг харьцуулан түүхэн сургамж, ололт амжилтыг гаргасан байна. Ардчилал, эрх чөлөөнд тулгарч буй сорилт бэрхшээлийг даван туулах, ирээдүйд хийх өөрчлөлтийн талаар санал дэвшүүлсэн, үнэн зөв, бодит мэдээлэл, баримтад тулгуурласан байна.
Гурав. ТАВИГДАХ ШААРДЛАГА:
- Нийтлэл, нэвтрүүлэг нь сэдвийн агуулгад бүрэн нийцсэн байх.
- Олон нийтийн ойлголт хандлагыг нэмэгдүүлэхэд нэмэр болохуйц, таниулан сурталчилсан байх.
- Асуудал хөндсөн, шинэлэг, олон нийтийн анхаарлыг татахуйц сонирхолтой хэлбэрээр хийгдсэн, мэдээллийн эх сурвалж нь тодорхой, асуудлыг шийдвэрлэх арга замыг эрэлхийлсэн байх.
- Телевизийн нэвтрүүлгийн нэг удаагийн үргэлжлэх хугацаа 15-20 минут байна. Цуврал нэвтрүүлэг байж болно.
- Сонин сайтын нийтлэл нь олон нийтийн хэвлэл мэдээллийн хэрэгслээр /сонин, сайт, фм радио, youtube/ түгээсэн байх.
- Нийтлэл, нэвтрүүлэгтээ mn хаягаар орж дээрх хоёр логог татаж, тавьсан байх.
Дөрөв. БҮТЭЭЛ ИРҮҮЛЭХ
- Нийтлэлийг хэвлэгдсэн сонины дугаар, цахим холбоосын хамт файлаар PDF хэлбэрээр, телевизийн нэвтрүүлгийг Full HD форматаар MP4 файл хэлбэрээр, нэвтрүүлэг гарсныг нотлох байгууллагын тодорхойлолтын хамт tengis1010@gmail.com хаягаар ирүүлнэ.
- Бүтээлийг дээрх хаягаар ирүүлэхдээ өөрийн овог нэр, албан тушаал, утасны дугаар, электрон шуудангийн хаягийг бичсэн байна.
- Уралдаанд ирүүлэх нийтлэл, нэвтрүүлгийн хүртээмж, олон нийтийн сүлжээг ашиглан түгээсэн байдал нь давуу тал болно.
Тав. ХУГАЦАА
Бүтээлийг 2019 оны 9-р сарын 30-ны өдрийн 18:00 цагаас өмнө tengis1010@gmail.com хаягаар хүлээн авна. Шалгаруулалтыг 2019 оны 10-р сарын 5-ны өдөр тодруулж, шагналыг 13:00 цагт Ардчилсан намын төв байранд гардуулна.
Зургаа. ШАГНАЛЫН САН :
Нийтлэл:
1-р байр: Өргөмжлөл, 2.000.000,00 төгрөг
2-р байр: Өргөмжлөл, 1.500.000,00 төгрөг
3-р байр: Өргөмжлөл, 1.000.000,00 төгрөг
Тусгай байр-2 Өргөмжлөл, 500.000,00 х 2 = 1.000.000,00 төгрөг
Телевизийн нэвтрүүлэг:
1-р байр: Өргөмжлөл, 3.000.000,00 төгрөг
2-р байр: Өргөмжлөл, 2.000.000,00 төгрөг
3-р байр: Өргөмжлөл, 1.000.000,00 төгрөг
Тусгай байр-2 Өргөмжлөл, 500.000,00 х 2 = 1.000.000,00 төгрөг
Шаардлагатай мэдээллийг дараах дугаараас тодруулна уу: 9102-0880
Хэн юу хэлэв...
ТТГ-ын дарга Жон Рэтклифф Москвад нууц айлчлал хийжээ
АНУ-ын Тагнуулын төв газрын дарга Жон Рэтклифф Москвад айлчилж, Оросын тагнуулын байгууллагын удирдлагуудтай уулзсан талаар Кремль мэдээллээ. Хоёр улсын харилцаа хурцадмал хэвээр байгаа үед болсон уг айлчлалыг Ассошиэйтед Пресс агентлаг ховор тохиолддог өндөр түвшний тагнуулын харилцаа гэж тодорхойлжээ.
Кремлийн хэвлэлийн төлөөлөгч Дмитрий Песковын мэдээлснээр Рэтклифф ОХУ-ын Ерөнхийлөгч Владимир Путинтэй уулзаагүй бөгөөд хэлэлцээ хоёр улсын тагнуулын байгууллагын түвшинд болжээ. Путин уулзалтын талаар мэдээлэл авсан ч ямар асуудал хэлэлцсэнийг Кремль задруулаагүй байна.
Оросын төрийн хэвлэлүүдийн мэдээлснээр АНУ-ын цэргийн нисэх онгоц наймдугаар сарын 25-нд Москвагийн Внуково нисэх онгоцны буудалд газардаж, мөн өдөр буцжээ.
АНУ-ын Ерөнхийлөгч Дональд Трамп Рэтклиффийн айлчлалын ач холбогдлыг хэтрүүлэх хэрэггүй гэсэн байр суурь илэрхийлж, үүнийг “хагас энгийн, тогтмол шинжтэй” уулзалт хэмээн тодорхойлсон байна.
Песков хоёр улсын тагнуулын байгууллагуудын шууд харилцаа үргэлжилж буйг эерэг үзэгдэл хэмээн үнэлсэн ч Орос, АНУ-ын харилцаа “гүн хямралын байдалд” хэвээр байгааг онцолжээ. Рэтклиффийн айлчлал хоёр улсын харилцаанд ямар нөлөө үзүүлэхийг хэлэхэд эрт байна гэж тэрбээр мэдэгдсэн байна.
Оросын аюулгүй байдлын байгууллагуудыг судалдаг шинжээч Андрей Солдатов ийм түвшний уулзалт тогтмол болдоггүйг онцолжээ. Москва, Вашингтон хоёр тагнуулын байгууллагын шууд холбооны сувгийг 1980-аад оноос хадгалж ирсэн бөгөөд хоёр улсын иргэд, аюулгүй байдлын ашиг сонирхолтой холбоотой яаралтай асуудал үүсэхэд ашигладаг аж.
Энэ удаагийн хэлэлцээний агуулгыг албан ёсоор зарлаагүй. Солдатовын таамгаар Ойрх Дорнод дахь АНУ-ын цэргийн алба хаагчид, байгууламжийн аюулгүй байдал болон Орос–Ираны харилцаатай холбоотой асуудал хэлэлцсэн байх боломжтой ч энэ нь албан ёсоор баталгаажаагүй байна.
Хэн юу хэлэв...
Г.Дамдинням: Үүргээ биелүүлэхгүй байгаа шатахуун импортлогчдын тусгай зөвшөөрлийг цуцална
Шатахууны хангамж, нийлүүлэлтийг тогтворжуулах Шуурхай штабын шийдвэрийг хэрэгжүүлэхгүй, шатахуун түгээлтэд хязгаарлалт тогтоож буй аж ахуйн нэгжүүдэд торгууль ногдуулж, шаардлагатай тохиолдолд тусгай зөвшөөрлийг нь цуцлах хүртэл арга хэмжээ авна гэж Аж үйлдвэр, эрдэс баялгийн сайд Г.Дамдинням мэдэгдлээ.
Сүүлийн өдрүүдэд Улаанбаатар хотод АИ-92 автобензиний нийлүүлэлт нэмэгдэж байгаа ч зарим шатахуун түгээх станц 24 цагаар ажиллахгүй, боломжтой бүх түгээгүүрээр үйлчлэхгүй, зөвхөн талон болон гэрээт байгууллагад шатахуун олгох зэргээр борлуулалтад хязгаарлалт хийж байгаа асуудал гарчээ.
Наймдугаар сарын 14-нөөс хойш нийслэлд хоногт 2000-3000 тонн АИ-92 автобензин буулгаж байгаа бөгөөд нийлүүлэлтийг хэвийн болгохын тулд импортлогч компаниуд болон шатахуун түгээх станцууд түгээлтээ нэмэгдүүлэх шаардлагатай байгааг Шуурхай штабаас анхааруулсан байна.
Иймд шатахуун түгээх станцуудыг 24 цагаар ажиллуулах, боломжтой бүх түгээгүүрээр иргэдэд үйлчлэх, талон болон гэрээт байгууллага гэсэн шалтгаанаар жижиглэнгийн борлуулалтыг дур мэдэн хязгаарлахгүй байх чиглэл өгчээ.
Шуурхай штабын өгсөн үүргийг хэрэгжүүлээгүй аж ахуйн нэгжүүдэд эхний ээлжид холбогдох хууль, журмын дагуу торгууль ногдуулж, зөрчил үргэлжилсэн тохиолдолд тусгай зөвшөөрлийг цуцлах хүртэл арга хэмжээ авахыг холбогдох албаныханд үүрэг болгосон байна.
Г.Дамдинням шатахууны нийлүүлэлтийг нэмэгдүүлэхийн зэрэгцээ ирсэн бүтээгдэхүүнийг хэрэглэгчдэд саадгүй хүргэх нь импортлогч, борлуулагч аж ахуйн нэгжүүдийн хүлээсэн үүрэг гэдгийг онцолжээ.
Хэн юу хэлэв...
COP17-ийн үеэр зарим замаар аюултай ачаа тээвэрлэлтийг хязгаарлана
Цөлжилттэй тэмцэх тухай НҮБ-ын конвенцын Талуудын 17 дугаар бага хурал буюу COP17 арга хэмжээ энэ сарын 17-28-ны өдрүүдэд болно. Энэ үеэр аюултай ачаа тээвэрлэлтийн талаар Ачаа тээврийн төлөвлөлт, логистик хариуцсан, ахлах мэргэжилтэн Ц.Бямбасүрэн мэдээлэл өглөө.
Уг арга хэмжээ Улаанбаатар хотод зохион байгуулагдах гэж байгаатай холбоотой Нийслэлийн Засаг даргын А/1067 дугаар захирамжаар бэлтгэл ажлын төлөвлөгөөг баталсан. Энэхүү төлөвлөгөөнд хэд хэдэн байршил зорчих хөдөлгөөнийг хязгаарласан.
Үүнд:
Нарны зам Өгөөмөр захын зүүн урд уулзвараас Нарантуул ОУХТөвийн баруун урд уулзвар, Нарантуул ОУХТөвийн баруун урд уулзвараас Дүнжингарав худалдааны төвийн баруун урд уулзвар, Дүнжингаравын гудамж Дүнжингарав худалдааны төвийн баруун урд уулзвараас Зүүн жанжингийн уулзвар хүртэлх авто замын зорчих хэсгийн хөдөлгөөнийг 07:00–21:00 цаг хүртэл хязгаарлана.
Уулзалтад оролцож байгаа зочид төлөөлөгчдийн аюулгүй байдлыг хангах үүднээс хүний амь нас, эргүүл мэндэд хор хохирол учруулж болзошгүй аюултай ачаа тээвэрлэж байгаа тээврийн хэрэгслийг наймдугаар сарын 15-ны өдрөөс хориглосон замуудаар 24 цагаар хөдөлгөөнд оролцуулахгүй тул бусад зам талбайг сонгон зорчихыг зөвлөж байна.
COP17 олон улсын хуралд оролцогсдын аюулгүй байдлыг хангах үүднээс аюултай ачаа тээвэрлэгч 19 аж ахуйн нэгжид мэдээлэл хүргүүлж хамтран ажиллаж байна.
-
Дэлхий нийтээр..2023/12/26
Эрүүл мэндийн байгууллагууд уртасгасан цагаар ажиллаж байна
-
Дэлхий нийтээр..2024/03/01
Улаанбаатар хотод метро байгуулах олон улсын нээлттэй тендер зарлалаа
-
Дэлхий нийтээр..2021/01/25
Олон Улсын сэтгүүлчдийн холбооны гишүүнчлэлээ баталгаажууллаа
-
Дэлхий нийтээр..2024/02/22
Дэлхийн банкны Хятад, Монгол болон Солонгос Улс хариуцсан захирлыг хүлээн авч уу...