Дэлхий нийтээр..
Нарийн мэргэжлийн эмч нарыг Франц улсад докторын хөтөлбөрт хамруулна
Боловсрол, шинжлэх ухааны сайд Л.Энх-Амгалан Бүгд Найрамдах Франц Улсаас Монгол Улсад суугаа Онц бөгөөд Бүрэн эрхт Элчин сайд Филипп Мэрлинийг хүлээн авч уулзлаа. Уулзалтын үеэр дараах асуудлаар харилцан санал солилцлоо.
2015 онд Монгол, Франц хоёр улс боловсролын салбарт хамтран ажиллах гэрээ байгуулж, Засгийн газар дундын тэтгэлгээр жил бүр 10 оюутныг магистр, докторын хөтөлбөр хамруулж байна.
Энэ тэтгэлэгт хамрагдах оюутны тоог нэмэгдүүлэх, уул уурхай, хөдөө аж ахуй, шинжлэх ухаан, соёлын бүтээлч үйлдвэрлэл, тээвэр ложистикийн чиглэлээр мэргэжилтэн бэлтгэх хүсэлтийг уламжилж, Элчин сайд судалж хариу өгөхөөр боллоо.
Нэг нэгнийхээ хэл соёлыг сурах, судлах, түгээн дэлгэрүүлэх чиглэлд хамтарч ажиллана. Францад “Иналко” дорно дахины хэл соёлын дээд сургууль байдаг. Энэ дээд сургуульд хоёр монгол багш ажиллаж Монгол хэлийг Францын болон бусад орны иргэдэд заадаг байна. Монголд Франц хэлний багш нарын холбоо байдаг. Энэ холбоогоор дамжуулан Франц хэлийг сурах хүүхэд залуучуудад өргөн боломж нээхэд БШУЯ анхаарч ажиллана.
Цар тахлын үед Монгол, Францын хамтарсан дунд сургуулийн үйл ажиллагааг бүхий л талаар дэмжиж ирсэнд талархаж байгаагаа Элчин сайд Филипп Мэрлин илэрхийллээ.
Францад сурдаг монгол оюутнуудын визийг сунгах, байр сууцны асуудлыг хүндрэлгүйгээр шийдэхэд тус улсын Засгийн газар онцгой анхаарч байгаа гэв.
Мансууруулах бодисын талаар сурагчдад зөв мэдээлэл өгч, тэднийг урьдчилан сэргийлэх чиглэлээр хамтарч ажиллахаар болж Францаас зөвлөх авах, тусгай сургууль, цэцэрлэгийн багш нарыг тус улсад давтан сургах зэрэг өмнөх сайд нарын үед яригдсан хамтын ажиллагааг үргэлжлүүлэхээр тогтов.
Судалгааны их сургууль, ШУА, хүрээлэнгүүдийн үйл ажиллагааг уялдуулан каластер хэлбэрээр хөгжүүлэхэд дэмжлэг үзүүлж ажиллахыг хүслээ.
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Дэлхий нийтээр..2021/10/18
Жирэмсэн эхчүүдийг томуугийн вакцинд идэвхтэй хамрагдахыг уриалж байна
-
Дэлхий нийтээр..2024/12/31
Баяр, амралтын өдрүүдэд Засгийн газрын гишүүд ажиллана
-
Дэлхий нийтээр..2026/02/13
Юань, доллар хэвлэж, иргэдийг залилсан этгээдүүдийг баривчиллаа
-
Дэлхий нийтээр..2025/11/03
Нийт нутгийн 23 хувьд цастай байна