Дэлхий нийтээр..
Имарт халдвар хамгааллын дэглэмийг өндөр төвшинд ханган ажиллаж байна
Бүх нийтийн өндөржүүлсэн бэлэн байдлын үед бүх нийтийг хүнсээр хангах чиг үүрэгтэй ажиллаж байгаа Имарт хайпермаркет нь үйлчлүүлэгчид болон ажилтнуудынхаа халдвар хамгааллын дэглэмийг бүрэн ханган ажиллаж байна. Имартын бүх салбар дэлгүүртээ дэлхийн дэвшилтэт технологи хяналт, халдваргүйжүүлэлт ариутгалын цогц тоног төхөөрөмжийг нэмэлтээр суурилуулж, үйлчлүүлэгч болон ажилтан албан хаагчдынхаа эрүүл мэнд, аюулгүй байдлыг хамгаалахын төлөөх төрөл бүрийн ажлуудыг шуурхай хэрэгжүүлж байна.
Мөн Үйлчлүүлэгчдийн бөөгнөрөл үүсгэхээргүй зохион байгуулсан нэг чигийн чиглэл заасан тэмдэглэлүүд байршуулж худалдааны заланд ачаалал үүссэн үед үйлчлүүлэгчдийг цөөн тоогоор таслан оруулж байна. Үйлчилгээний залыг өдөрт 2 удаа, тэргийг ашиглах бүрийд нь цэвэрлэн, ариутгаж байгаа юм байна. Мөн үйлчилгээний ажилчдынхаа эрүүл ахуйд онцгой анхаарч халдвараас хамгаалах зорилгоор үйлчлүүлэгч кассын ажилтны хамгийн ойр байх хэсгийг шилэн хамгаалалтаар тусгаарлаж, шаардлагатай маск, хамгаалах хэрэгслээр хангажээ. ЭМЯ, УОК-ын зааварчилгаа болон бусад халдвар хамгааллын дэглэм, зааварчилгааг узелээр байнга сануулж байна.
E-mongolia.mn-ийн хэрэгжүүлж эхлээд байгаа хэрэглэгчийн бүртгэлжүүлэлтийн ажлыг дэмжиж QR code-г байршуулахдаа хэрэглэгчийн сагс ашигласан нь үр дүнтэй ажил болсон байна.
Имарт нь ОУ-ын үйлчилгээний стандартад нийцсэн байгууламж тул агаар сэлгэлт маш сайн явагддаг, үйлчлүүлэгчдийн урсгал хөдөлгөөнийг тооцсон байдал нь бөөгнөрөл үүсгэхгүй байхаар төлөвлөгдсөн гэх мэт олон давуу талууд үйлчлүүлэгчдийн тав тух, аюулгүй байдлыг хангахаас гадна өндөржүүлсэн бэлэн байдлын өнөөгийн үед халдвар хамгааллын дүрмийг баримтлахад нэн чухал үүрэг гүйцэтгэж байгаа юм.
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Тод зураг2019/10/29
Өнөөдөр цахилгаан шугам тоноглолд засвар үйлчилгээ хийх хуваарь
-
Үйл явдал2020/08/13
Иргэний шилжилт хөдөлгөөнийг энэ долоо хоногт зогсооно
-
Дэлхий нийтээр..2021/08/09
Энэ оны эхний 7 сард 11 тонн үнэт металл худалдан авлаа
-
Дэлхий нийтээр..2025/04/03
БНСУ-д хөдөлмөрийн гэрээний ажилтан илгээсээр байна