Дэлхий нийтээр..
Авлига болон чанаргүй Донгфенг автомашин цэргийн албан хаагчдыг үхэлд хүргэсэн...
Энэ талаар chinamail.com цахим сайтад нийтэлжээ. Уучлалт гуйсан уг захидалд “согтууруулах ундаа хэрэглэсэн үедээ энэ талаар пост хийсэн тул хүлцэл өчье” гэжээ. Энэ нь хятадын Засгийн газрын Галваны хөндийд болсон үйл явдлын талаарх худал мэдээллийг ч илчилж буй юм. Үүнээс харахад БНХАУ-ын Засгийн газар бодит мэдээллийг өгөхгүй байгаа ч хүмүүс энэ үйл явдлын талаар мэдсэн гэж ойлгогдож байна. Энэтхэг Улс болон БНХАУ-ын хоорондох хилийн зурвас дахь хурцадмал байдлын талаарх бичлэг саяхан цахим орчимд вирус мэт тарсан. Энэхүү бичлэгт энэтхэгийн цэргүүд байшингийн цонх хагалан, Хамви нэртэй хятад хүнийг зодож байдаг. Хилийн зурвас дахь маргаантай асуудалд Энэтхэгийн арми ямар нэгэн хамааралгүй гэдгээ илэрхийлсэн. Гэвч энэхүү бичлэгт хятадын цэргийн автомашины чанар маш тод харагддаг. Хятадууд өөрсдөө ч иймэрхүү чанартай автомашин цэргүүдийн амийг аварч чадахгүйг тодорхой харагдах ба үүнд авлигыг буруутгаж байна.
Эдгээр автомашин үйлдвэрлэгч Донгфенг компанийг Хятадын армиас урвасан хэмээн хэвлэл, мэдээллийн хэрэгслүүдэд нийтлэл гарсаар байна. Авлигатай тэмцэж буй БНХАУ-ын хувьд энэ асуудал бол чухал юм. Батлан хамгаалах салбарын худалдан авалтын үйл ажиллагаанд авлига байгаагийн улмаас чанаргүй гангаар үйлдвэрлэсэн автомашин цэргийн албан хаагчдын аминд хүрсэн гэж үзэж байгаа юм.
Санхүүгийн зөрчил гаргасан асуудлаар тус компанийн нэгэн ажилтанг шалгаж буй талаар нэгэн цахим сайт мэдээлсэн. Гэвч тус мэдээлэлд Энэтхэг Улс болон БНХАУ-ын хоорондын маргааны асуудлаар дурьдаагүй юм. Донгфенг компанийн 2 удирдах албан хаагчийг авлигын асуудалд буруутган шалгаж буй талаар Соху (Sohu) цахим сайт нийтэлсэн ба мөн л Энэтхэг, Хятадын маргаантай асуудлын талаар дурдаагүй байна.
Донгфенг мотор групп нь Хятадын төрийн оролцоотой компани юм. Тус компанитай холбоотой энэ удаагийн авлигын асуудал бол анхных бус юм. 2015 онд тус компанийн албан хаагчтай холбоотой авлигын асуудал мөн дэгдэж байсан. БНХАУ-ын төрийн эрхэнд Ши Жинпин ирснээр авлигатай тэмцэхээ амлаж сая гаруй албан хаагчийг ажлаас нь халсан. Хэдийгээр халсан хүмүүсийн оронд тэрээр өөрийн хүмүүсийг томилсон ч энэ нь авлигыг бүрэн устгаж чадсангүй.
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Дэлхий нийтээр..2023/11/16
Улаанбуудай, төмсний хэрэгцээг 100, хүнсний ногооны 85 хувийг дотоодын ургацаас ...
-
Тод зураг2020/04/17
“COVID-19” вирусээр овоглосон кибер халдлага
-
Дэлхий нийтээр..2022/10/06
Сэлэнгэ, Дорнод, Дорноговь, Өмнөговь аймагт Хилийн боомтын захиргаа ажиллана
-
Дэлхий нийтээр..2023/04/14
Хүнсний ногооны салбарынхны тулгамдсан асуудлыг хэлэлцэв