Дэлхий нийтээр..
Дарь-Эхийн 3.3 км авто замыг шинэчлэх ажлыг эрчимжүүлэх үүрэг өглөө
Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан өнөөдөр Баянзүрх дүүргийн 2, 27 дугаар хороо "Дарь-Эхийн гудамж"-ны 3.3 км автозамын засвар шинэчлэлтийн ажлыг шалгаж ажиллалаа.
Уг замыг 2020 оны долоодугаар сарын 27-ны өдрөөс эхлэн хааж засвар, шинэчлэлтийн ажил хийж эхэлсэн. Эхний ээлжинд "Ус зайлуулах шугам, хоолой"-г суурилуулахтай холбогдуулан тус хэсгийн автозамыг долоодугаар сарын 27-ны 22:00 цагаас наймдугаар сарын 10-ны 08:00 цаг хүртэл бүрэн хааж, засварын ажлыг гүйцэтгэж байна. Энэ талаар нийслэлийн Авто замын хөгжлийн газрын дарга Б.Индра “2010 оноос хойш Дарь-Эхийн замд их засвар хийгдэж байгаагүй. Урсгал засварын ажил бол хийгдэж байсан. Энэ замд борооны ус их хуримтлагддаг, авто зам эвдрэлтэй байна гэдэг гомдол, санал иргэдээс их ирдэг. Эхний ээлжинд бид 3.3 км авто замын засвар шинэчлэлтийн ажлыг хийж эхэллээ. Шинэчлэхдээ ус зайлуулах хоолойтой, гэрэлтүүлэг, хоёр талаараа явган зам болон бусад тохижилтын ажил хийхээр төлөвлөсөн” гэсэн мэдээллийг өгөв.
Авто замын ажлын ерөнхий гүйцэтгэгчээр “Зэстхөлөг” ХХК ажиллаж байна. 9 дүгээр сарын 30-ны өдөр гэрээ дуусах боловч хүн хүч, техник хэрэгслээ нэмэгдүүлж ажилласнаар зорчих хэсгээ 8 дугаар сарын 25 гэхэд бүрэн хийсэн байхаар зорьж ажиллаж байгаа. Түүнээс хойш гэрэлтүүлэг, тохижилт болон бусад ажлуудаа замын хөдөлгөөнд саад учруулахгүйгээр хийхээр төлөвлөж байна гэдгээ нийслэлийн Авто замын хөгжлийн газрын дарга Б.Индра мөн Хотын Захирагчийн үүрэг гүйцэтгэгч Ж.Батбаясгаланд онцолж хэлсэн юм.
Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан “Замын засвар шинэчлэлтийн ажилд холбогдох газрууд хяналтаа сайн тавьж ажиллах шаардлагатай. Хүн хүчээ нэмэгдүүлж ажиллаарай. Энд амьдарч байгаа оршин суугчдын аюулгүй байдлыг хангаж ажиллах хэрэгтэй. Төлөвлөсөн хугацаандаа замын ажлыг хийх ёстой. Хоног хугацаа алдаж болохгүй” гэдгийг гүйцэтгэгч компанийн удирдлагуудад хандаж хэлээд “Дарь-Эхийн замаар зорчдог иргэд бүтээн байгуулалтын ажилд хүлээцтэй хандаж, заасан хугацаанд энэ замаар зорчихгүй, нийслэлийн Авто замын хөгжлийн газар болон бусад хяналт тавьж ажиллаж байгаа газруудын ажилд хүндэтгэлтэй хандан, өөрсдийн амьдрах орчныг сайжруулах ажилд идэвхтэй оролцоорой” гэлээ.
Дэлхий нийтээр..
БНХАУ-д зорчих иргэдийн анхааралд...
Дэлхий нийтээр..
Ши Жиньпин, Доналд Трамп нар Бээжинд уулзаж, хоёр улсын харилцааны гол асуудлуудыг хэлэлцэж байна
БНХАУ-ын дарга Ши Жиньпин АНУ-ын Ерөнхийлөгч Доналд Трамптай Бээжин хотноо хэлэлцээ хийж байна. Олон улсын хэвлэлүүдийн мэдээлж буйгаар, хоёр улсын төрийн тэргүүн нарын уулзалтаар худалдаа, тариф, Тайванийн асуудал, хиймэл оюун ухаан, мөн Ираны нөхцөл байдал зэрэг олон улсын анхаарал татсан сэдвүүдийг хэлэлцэж байна.
“Reuters” агентлагийн мэдээлснээр, энэ удаагийн уулзалт АНУ, БНХАУ-ын худалдааны түр тохиролцоог баталгаажуулах, хоёр талын эдийн засаг, технологийн салбар дахь маргаантай асуудлуудыг хэлэлцэх өндөр ач холбогдолтой уулзалт болж байна. АНУ-ын тал Хятадтай худалдаа, хиймэл оюун ухаан, чип үйлдвэрлэл, нисэхийн салбар дахь хамтын ажиллагаа болон Америкийн компаниудын Хятадын зах зээлд нэвтрэх боломжийг хөндөж байгаа талаар мэдээлжээ.
Уулзалтын бас нэг гол сэдэв нь Тайванийн асуудал байна. Бээжин АНУ-ын Тайваньд үзүүлж буй дэмжлэг, зэвсгийн худалдаанд эсэргүүцэл илэрхийлсээр байгаа бол Вашингтон Тайванийн асуудлаарх бодлогодоо өөрчлөлт ороогүй гэж өмнө нь мэдэгдсэн байна. Тайвань нь АНУ, БНХАУ-ын харилцааны хамгийн эмзэг сэдвүүдийн нэг хэвээр байгааг ажиглагчид онцолж байна.
Мөн АНУ-ын тал Ираны нөхцөл байдалтай холбоотойгоор Хятад улс Тегеранд үзүүлэх нөлөөгөө ашиглан хурцадмал байдлыг намжаахад дэмжлэг үзүүлэхийг хүсэж байгаа талаар “Reuters” мэдээлэв. Гэхдээ шинжээчид Бээжин Ираны эсрэг хатуу байр суурь баримтлах магадлал бага гэж үзэж байна.
АНУ-ын Ерөнхийлөгч Доналд Трамп уулзалтын эхэнд Ши Жиньпинийг “агуу удирдагч” хэмээн тодорхойлж, энэ уулзалтыг томоохон ач холбогдолтой гэж үнэлсэн талаар олон улсын хэвлэлүүд мэдээлж байна. Харин БНХАУ-ын тал хоёр улсын харилцааны тогтвортой байдал нь дэлхийн эдийн засаг, олон улсын аюулгүй байдалд чухал нөлөөтэйг онцолжээ.
Уулзалтын хүрээнд хоёр талын албан ёсны хэлэлцээ, төрийн хүндэтгэлийн арга хэмжээ болон бизнесийн хүрээний уулзалтууд болох төлөвтэй байна. АНУ-ын төлөөлөгчдийн бүрэлдэхүүнд технологи, санхүү, үйлдвэрлэлийн салбарын томоохон компанийн удирдлагууд багтсан нь энэ удаагийн айлчлал эдийн засаг, технологийн хамтын ажиллагаанд онцгой ач холбогдол өгч байгааг харуулж байна.
Дэлхий нийтээр..
Хятад, АНУ-ын төрийн тэргүүнүүд дахин нүүр тулан уулзана
Хятад улсын дарга Ши Жиньпиний урилгаар АНУ-ын ерөнхийлөгч Дональд Трамп 5-р сарын 13-15-ны хооронд БНХАУ-д төрийн айлчлал хийж байна.
Энэ нь Хятад, АНУ-ын төрийн тэргүүнүүдийн өнгөрсөн оны 10-р сард Пусан хотод уулзсаны дараа хоёр дахь удаагаа нүүр тулан уулзах бөгөөд АНУ-ын Ерөнхийлөгчийн есөн жилийн хугацаанд Хятадад хийсэн анхны айлчлал юм. Хоёр орны тэргүүн Хятад, Америкийн харилцаа, дэлхийн энх тайван, хөгжлийн гол асуудлаар гүнзгий санал солилцох болно.
-
Тод зураг2020/05/06
Дадлага сургуулилтын үеэр Чингэлтэй дүүрэгт хөдөлгөөн хязгаарлана
-
Үйл явдал2025/11/24
УИХ: Өнөөдөр хуралдах намын бүлэг, ажлын хэсгүүд
-
Хэн юу хэлэв...2020/08/08
Аюулгүй, зөрчилгүй, соёлтой жолооч нарыг энэ оны эцэст тодруулна
-
Дэлхий нийтээр..2022/01/11
УИХ: Ажлын хэсгүүдийн хуралдаан өнөөдөр болно