Тод зураг
Орчин үеийн "Робинзон"
1987 онд Дэвид Глашин гэгч эр биржийн арилжаагаар 6,5 сая австрали доллар алдсаныхаа дараа эзгүй аралд очиж амьдрахаар шийджээ. 1993 онд тэр өөрийн найз бүсгүйн хамт Австралийн "Restoration Island" буюу Сэргээн босголтын арал дээр нүүн ирсэн ч, арлын амьдрал бүсгүйн санаанд нийцээгүй учир Дэвидийг орхиод хүүгээ авч буцсан байна.
Даяанч эрийн амьдрал түүнийг өөрийгөө болгоод байхад сургажээ. Дэвид ногоо тарьж, тэр ч байтугай өөрийн гэсэн шар айраг хийдэг байна. Түүний эзэмшлийн арал нь интернеттэй бөгөөд тэрээр зэлүүд аралд өөртэй нь хамт аж төрөх эмэгтэйг эрж байгаа зараа тавьсан танилцах сайтыг шалгахаар л голдуу ашигладаг аж. Дэвид өөрийнхөө цөхөрсөн амьдралыг бүсгүйчүүдэд ойлгуулахын тулд өөрийн хийсэн хиймэл загвар өмсөгчийн зургийг ч интернетэд тавьжээ. Олон бүсгүй хариу өгсөн ч, хэн ч түүнтэй хамт байхыг зориглоогүй учир Дэвид аанай л ганц бие хэвээр байгаа гэнэ.
Тод зураг
Хаки, Инга нар дэвжээн дээр өрсөлдөв
“Улаанбаатар-2023” Зүүн Азийн залуучуудын наадмын Таеквондогийн тэмцээний сүүлийн өдрийн өрсөлдөөн “Степпе Арена”-д үргэлжлэн явагдаж байна. Энэхүү наадмын бэлгэдэл Хаки, Инга нар таеквондогоор тулалдав.
Тод зураг
Үс шинээр үргээлгэх буюу засуулахад тохиромжгүй
Аргын тооллын 2023 оны зургаадугаар сарын 19. Даваа гараг. Билгийн тооллын XVII жарны “Үзэсгэлэн болгогч” хэмээх усан туулай жилийн Зуны дунд шар морь сарын шинийн нэгэн. Сумъяа гараг. Хэрцгий охин одтой, найман цагаан мэнгэтэй шар бич өдөр.
Өдрийн наран 4 цаг 53 минутад мандан, 20 цаг 54 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу.
Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд Нас ахар болно хэмээжээ.
Тод зураг
“Монгол орон судлал” хаврын дадлагыг Дорноговь аймагт зохион байгуулжээ
МУИС-ийн Монгол хэл, хэл шинжлэлийн тэнхим, МУИС-ийн Оюутны хөгжлийн төв хамтран МУИС-д суралцаж буй гадаадын оюутнуудын “Монгол орон судлал” хаврын дадлагыг Дорноговь аймагт зохион байгууллаа.
“Монгол орон судлал” хаврын дадлага нь гадаадын оюутнуудад монголчуудын уламжлалт шашин соёл, хоол хүнс, гэр сууц, Монгол орны ан амьтан, цаг уур, хөрс ургамал, малчин хүний ахуй амьдралыг танин мэдүүлэх, тэдний монгол хэл, соёл сурах хүсэл сонирхлыг дэмжих зорилготой, уламжлалт ажил юм.
Энэ удаагийн дадлагыг Дорноговь аймгийн нутагт орших Хамарын хийд, Шамбалын орон, Хүслийн хар уул, Бясалгалын агуй, Хан Баянзүрх хайрхан, Говийн догшин ноён хутагт Данзанравжаагийн музей зэрэг газар зохион байгууллаа.
2022-2023 оны хичээлийн жилд МУИС-ийн монгол хэлний бэлтгэл анги, бакалавр, магистр, докторын түвшний хөтөлбөрт Япон Улс, БНХАУ, ОХУ, ХБНГУ, БНИУ, БНФУ, БНСУ, БНПУ, БНЧУ, БНИУ, БННТУ, БНКУ, БНАЛАУ, БНСВУ, БНСУ, Тайландын хант улс зэрэг улсаас ирж суралцаж буй 100 гаруй оюутан оролцлоо.
Эх сурвалж: МУИС
-
Тод индэр2022/02/24
МҮОНРТ-ийн хураамжид 2005 оноос хойш өөрчлөлт ороогүй
-
Тод мэдээ2022/03/31
УИХ-ын чуулганы нэгдсэн хуралдаанаар энэ долоо хоногт...
-
Тод мэдээ2020/04/10
Зайсан толгойн зүүн талын бэлд барилга барих ажлыг таслан зогсоолоо
-
Тод мэдээ2022/06/03
Хүний эрх, эрх чөлөөг хангахтай холбоотой хяналтын сонсгол болно
Сэтгэгдэл