Дэлхий нийтээр..
Монгол Улсад нийт 1541 спорт заал бүртгэгджээ
Биеийн тамир, спортын улсын хорооны хурлын танхимд дөрөвдүгээр сарын 18-нд "Биеийн тамир, спортын улсын үзлэг тооллого-2024"-ын тайланг тархаах хурал болов. Биеийн тамир, спортын улсын үзлэг тооллогыг хоёр дахь удаагаа зохион байгуулж буй нь энэ ба нийгмийн хөгжил, иргэдийн хэрэгцээ шаардлагад нийцүүлсэн салбарын бодлого, хөтөлбөрийг боловсруулах, цаашдын төлөвлөлтийг хийхэд энэхүү үзлэг тооллогын үр дүн чухал ач холбогдолтой.
Биеийн тамир, спортын үзлэг, тооллогыг 2024 оны есдүгээр сарын 15-наас 2024 оны арванхоёрдугаар сарын 10-ны өдрийн хугацаанд зохион байгуулахдаа спорт заал, спортын гадаа талбай, спортын клуб гэсэн үндсэн гурван бүлэгт ангилан тооллогыг зохион байгуулжээ.
Үзлэг тооллогоор Монгол улсад нийт 1541 спортын заал бүртгэгдсэн байна. Энэ нь 2017 оны тооллогын дүнтэй харьцуулахад 556 спорт заал нэмэгдсэн гэсэн дүн. Үүний 842 нь орон нутагт, 699 нь Улаанбаатар хотод тоологдлоо. Эдгээрийн 921 нь засвар үйлчилгээ хийгджээ. Харин 620 нь засвар үйлчилгээ хийгдээгүй байна.
Монгол Улсын хэмжээнд сүүлийн нэг жилийн хугацаанд 7145 спортын холбоо болон клубын үйл ажиллагаа зохион байгуулагдсан байна. Үүний 3272 нь нийслэл Улаабаатар хотод, 981 нь баруун бүсийн аймгуудад, 1131 нь хангайн бүсийн аймгуудад, 1213 нь төвийн бүсийн аймгуудад, 548 нь зүүн бүсийн аймгуудад зохион байгуулагдсан байна.
Энэ удаагийн үзлэг тооллогоор спортын клубуудыг анх удаагаа хамруулсан нь онцлог ажил. Монгол Улсын хэмжээнд 2024 оны байдлаар нийт 864 спортын клуб үйл ажиллагаа явуулж байна гэсэн тоо гарсан. Тэдгээрийн 490 нь Улаанбаатар хотод, 374 нь орон нутагт тоологдсон байна.
Тооллогод хамрагдсан биеийн тамир, спортын клубыг үйл ажиллагааны чиглэлээр нь харахад 454 нь идэвхитэй дасгал хөдөлгөөн, спортоор хичээллүүлэх, 154 нь сургалт, дасгалжуулалт явуулдаг. Харин 256 нь дээрх хоёр чиглэлээр хоёулангаар нь үйл ажиллагаа эрхэлдэг гэсэн үр дүн гарсан байна. Тэгвэл спортын клубуудын явуулж буй үйл ажиллагааны төрлөөр орлогын байдлыг нь авч үзвэл сагсан бөмбөгийн чиглэлээр үйл ажиллагаа явуулдаг буй клубүүд хамгийн өндөр орлоготой байлаа.
Дэлхий нийтээр..
Пакистан: Афганы хил орчимд явуулсан ажиллагаагаар 29 зэвсэгт этгээдийг устгасан гэж мэдэгдэв
Пакистаны аюулгүй байдлын хүчнийхэн Афганистантай залгаа хилийн бүсэд явуулсан хуурай замын ажиллагаа болон дараах агаарын цохилтын үеэр 29 зэвсэгт этгээдийг устгасан гэж тус улсын эрх баригчид мэдэгдлээ.
Пакистаны Мэдээллийн сайд Аттаулла Тарарын мэдээлснээр, уг ажиллагааг сүүлийн үед тус улсын нутаг дэвсгэрт гарсан хэд хэдэн зэвсэгт халдлагын хариу арга хэмжээ болгон зохион байгуулжээ. Тэрбээр ажиллагааны үеэр зэвсэгт бүлэглэлүүдийн байрлаж байсан нуугдах газар, баазуудад чиглэсэн цохилт өгсөн гэж мэдэгдсэн байна.
Энэхүү ажиллагаа нь Карачи хот дахь Пакистаны хилийн цэргийн төв байр руу зэвсэгт халдлага үйлдэгдсэний дараахан болсон юм. Уг халдлагын улмаас гурван цэргийн алба хаагч амь үрэгдэж, хэд хэдэн хүн шархадсан бөгөөд халдлагын хариуцлагыг Пакистаны Талибантай холбоотой Жамаат-ул-Ахрар бүлэглэл хүлээжээ.
Сүүлийн жилүүдэд Пакистаны баруун хойд бүсэд зэвсэгт халдлагын тоо эрс нэмэгдэж, тус улсын эрх баригчид ихэнх халдлагыг Пакистаны Талибан (TTP) болон түүнтэй холбоотой бүлэглэлүүдтэй холбон тайлбарлаж ирсэн. Харин Афганы эрх баригчид өөрийн нутаг дэвсгэрийг ийм зорилгоор ашиглуулахгүй гэсэн байр сууриа удаа дараа илэрхийлж байгаа юм.
Дэлхий нийтээр..
Трамп дижитал үйлчилгээний татвар ногдуулсан орнуудад 100 хувийн импортын татвар ногдуулна гэж мэдэгдэв
АНУ-ын Ерөнхийлөгч Дональд Трамп зургаадугаар сарын 26-ны өдөр өөрийн олон нийтийн сүлжээнд нийтэлсэн мэдэгдэлдээ, Америкийн технологийн компаниудад дижитал үйлчилгээний татвар ногдуулсан улс орнуудаас импортлох бүх бараанд 100 хувийн татвар ногдуулна хэмээн анхаарууллаа.
Тэрбээр Европын хэд хэдэн улс Америкийн технологийн компаниудад дижитал үйлчилгээний татвар ногдуулах асуудлыг хэлэлцэж байгаа бөгөөд зарим нь уг татварыг ойрын хугацаанд хэрэгжүүлж магадгүй байгааг онцолжээ.
Трампын мэдэгдэлд, ийм төрлийн татвар ногдуулсан аливаа улс АНУ-д экспортлох бүх бараандаа 100 хувийн импортын татвар төлөх бөгөөд энэхүү арга хэмжээ нь тухайн улстай байгуулсан худалдааны хэлэлцээрээс үл хамааран хэрэгжинэ гэж дурдсан байна.
Гэхдээ тэрээр дээрх шийдвэрийг ямар хууль, эрх зүйн үндэслэлээр хэрэгжүүлэх талаар тодорхой тайлбар өгөөгүй байна.
Сүүлийн жилүүдэд Франц, Их Британи, Испани, Итали зэрэг Европын хэд хэдэн улс Google, Amazon, Apple, Meta зэрэг Америкийн томоохон технологийн компаниудаас дижитал үйлчилгээний татвар авах бодлого хэрэгжүүлж эхэлсэн. АНУ эдгээр татварыг Америкийн компаниудыг ялгаварлан гадуурхсан арга хэмжээ гэж үзэн эсэргүүцсээр иржээ.
Харин Трампын мэдэгдлийн дараа Европын Комисс Европын Холбоо татварын бодлогоо бие даан тодорхойлох бүрэн эрхтэй бөгөөд нэг талын худалдааны аливаа арга хэмжээний хариуд шаардлагатай тохиолдолд зохих хариу арга хэмжээ авахад бэлэн байгаагаа мэдэгдсэн байна.
Үүнээс өмнө Дональд Трамп Франц, Их Британийн дижитал үйлчилгээний татвартай холбогдуулан хэд хэдэн удаа худалдааны хариу арга хэмжээ авахаар анхааруулж байсан юм. Харин Францын Ерөнхийлөгч Эммануэль Макрон АНУ-ын дарамтад автахгүй бөгөөд Франц улс дижитал үйлчилгээний татварын бодлогоо үргэлжлүүлэн хэрэгжүүлнэ гэдгээ өмнө нь мэдэгдэж байжээ.
Дэлхий нийтээр..
Трампын мэдэгдлийн дараа Ираны төлөөлөгчид хэлэлцээг түр зогсоов
-
Дэлхий нийтээр..2024/10/25
"Шинэ хоршоо" хөдөлгөөний хүрээнд 6500 гаруй хоршоо байгуулагджээ
-
Дэлхий нийтээр..2025/05/19
“Улаанбаатар аялал жуулчлалын үзэсгэлэн-2025” зохион байгуулагдлаа
-
Дэлхий нийтээр..2023/12/01
“Алтай” хотхонд сургууль байгуулж, орц, гарцыг нэмнэ
-
Дэлхий нийтээр..2020/07/13
Монгол Улсын Ерөнхийлөгчийн зарлигаар үндэсний сурын харваачдад улсын цол олгов