Бидэнтэй нэгдэх

Тод мэдээ

Сүрьеэг илрүүлэх зөөврийн дижитал рентген аппаратыг хүлээлгэн өглөө

Огноо:

,

Сэтгүүлч:

Сүрьеэ өвчний илрүүлэг, оношилгоонд ашиглах хиймэл оюун ухааны технологид суурилсан зөөврийн дижитал рентген аппаратыг гардуулах ёслол ЭМЯ-нд боллоо.

Глобаль сангийн дэмжлэгтэй ДОХ, сүрьеэгийн төслийн санхүүжилтээр эрүүл мэндийн байгууллагуудад сүүлийн үеийн өндөр нягтаршилтай зөөврийн дижитал рентген аппаратыг ханган нийлүүлээд зогсохгүй эдгээр аппаратыг ажиллуулах боловсон хүчнийг сургах ажлыг амжилттай зохион байгуулж буйд талархал илэрхийлж ЭМЯ-ны Төрийн нарийн бичгийн дарга Д.Очирбат үг хэлсэн.

Тэрбээр Дэлхийн эрүүл мэндийн байгууллагаас Монгол Улсыг сүрьеэгийн дарамт өндөртэй 30 орны нэг болохыг зарласан бөгөөд тооцооллоор манай 100 мянган хүн амд тохиолдох сүрьеэгийн өвчлөл 452 буюу тархалт өндөр орнуудын түвшинд байгааг тэмдэглээд “Сүрьеэгийн шинэ тохиолдлын зөвхөн 20 хувийг илрүүлж чадаж байгаа нь Монгол Улсад сүрьеэг эрт оношлох, түүний дотор оношилгооны чадавхийг өргөтгөх, сүрьеэгийн хавьтал болон өндөр эрсдэлтэй бүлгийн хүн амын дунд системтэйгээр идэвхтэй илрүүлэлт хийх хэрэгцээтэй байгааг харуулсаар байна.

Иймд сүрьеэгийн эрт илрүүлгийг эрчимжүүлж, халдвар тархалтыг багасгах, цаашид оношийн хожимдлыг цөөрүүлэх, үйлчлүүлэгчид тусламж үйлчилгээг ойртуулж, чирэгдэл, зардлыг бууруулахын тулд Глобаль сангийн дэмжлэгтэй ДОХ, сүрьеэгийн төслийн санхүүжилтээр эрүүл мэндийн байгууллагуудад сүүлийн үеийн өндөр нягтаршилтай зөөврийн дижитал рентген аппаратыг ханган нийлүүлж байгаа юм. Орчин үеийн бүрэн дижитал зөөврийн рентген аппаратыг улсын хэмжээнд үе шаттай нэвтрүүлж, одоогийн байдлаар сүрьеэгийн 33 нэгжид ашиглаж байна. Эдгээр өндөр өртөгтэй тоног төхөөрөмжийг зөвхөн сүрьеэд ашиглаад зогсохгүй, КОВИД-19 цар тахлын тусламж үйлчилгээнд нэн чухал үүрэг гүйцэтгэсэн” гэсэн юм.

Глобаль сангийн дэмжлэгтэй төслийн хүрээнд 2021-2023 онд Улаанбаатар хотын сүрьеэгийн эмзэг, эрсдэлт бүлгийн хүн амын дунд хоёр явуулын илрүүлэг үзлэгийн багийг ажиллуулсан. Сүрьеэгийн идэвхтэй илрүүлэлтээр 2021 онд 80520 иргэнийг хамруулснаас 210, 2022 онд 79115 иргэнээс 527, 2023 онд 85177 иргэнээс 396 сүрьеэгийн шинэ тохиолдлыг илрүүлж, эмчилгээнд хамруулсан талаар Глобаль сангийн Хөтөлбөр зохицуулах нэгжийн төслийн зохицуулагч Ж.Нарангэрэл танилцуулаад “2024-2026 оны төсөлд Улаанбаатар хот болон орон нутгийн хэмжээнд “Хаалганаас хаалганд” идэвхтэй илрүүлэг үзлэг хийх нэмэлт 6 багийг шинээр байгуулан ажиллуулах гэж байна. Эдгээр баг нь сүрьеэгийн өвчлөл өндөр хөдөөгийн баг, хорооны эмзэг бүлгийн хүн ам, сүрьеэ ихээр бүртгэгдсэн гудамж хэсгийн айл өрхөөр явж үзлэг, шинжилгээг хийнэ.

“Хаалганаас хаалганд” сүрьеэгийн илрүүлэг үзлэгт хэрэглэгдэх нийт 1,3 тэрбум гаруй төгрөгийн үнэ бүхий 6 ширхэг зөөврийн дижитал рентген аппаратыг нийлүүлж байна” гэв.

Эдгээр зургаан аппаратын гурвыг Хөвсгөл аймгийн Тосонцэнгэл, Хэнтий аймгийн Жаргалтхаан, Төв аймгийн Эрдэнэсант сумын Эрүүл мэндийн төвд, үлдэх гурвыг ХӨСҮТ-д хуваарилж нийслэлийн өрхийн эмнэлгүүдэд гэрээгээр ашиглана.

Глобаль сангийн дэмжлэгтэйгээр нийлүүлж буй эдгээр зөөврийн рентген аппарат нь хиймэл оюун ухааны технологид суурилсан бөгөөд батерейг цахилгаанаас гадна нарны эрчим хүчийг ашиглан цэнэглэх боломжтой, хөнгөн, авсаархан, угсарч суурилуулахад хялбар бөгөөд Монгол Улсад ашиглагдаж байгаагүй шинэ тоног төхөөрөмж юм.

Тиймээс оношилгооны шинэ тоног төхөөрөмжийн хэвийн үйл ажиллагааг тогтмол хангах, эвдрэл гэмтэл гарсан үед гэмтлийг оношлох, үйлчилгээг гүйцэтгэх, авч буй зургийн чанарыг хангах зорилгоор “Хаалганаас хаалганд” илрүүлэг үзлэгийн багийн рентген техникч, сүрьеэгийн эмч, эмнэлгийн тоног төхөөрөмжийн инженерүүдийг дадлага сургалтанд хамруулсан.

Сургалтыг зөөврийн дижитал рентген аппаратыг үйлдвэрлэгч Голланд улсын “Delfh” компанийн инженерүүд биечлэн удирдаж, рентген аппарат болон хиймэл оюун ухааны технологийн суурилуулалт, тохиргоог хийх, өдөр тутмын хэвийн үйл ажиллагааг хангах, ашиглах, цацрагийн аюулгүй байдлыг хангах талаар дадлага хэлбэрээр зохион байгуулсан байна.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

Монгол Ардын намаас Сонгинохайрхан дүүрэгт нэр дэвшигчид “Улаанбаатар төмөр зам” ХНН-ийн ажилчидтай уулзлаа

Огноо:

,

УИХ-ын сонгуулийн XI тойрог Сонгинохайрхан дүүрэгт Монгол Ардын намаас Ч.Номин, Н.Алтаншагай, П.Сайнзориг, Э.Батшугар,  Н.Хүрэлбаатар нар нэр дэвшиж байна. Тэд “Улаанбаатар төмөр зам” хувь нийлүүлсэн нийгэмлэгийн ажилчдын төлөөлөлтэй уулзлаа. 

Уулзалтаар нэр дэвшигчид Засгийн газраас авч хэрэгжүүлж буй ажил арга хэмжээ болоод төмөр замын ачаа тээвэр, транзит тээврийг хөгжүүлэх замаар эдийн засгийг сайжруулах бодлого мөрийн хөтөлбөрөө танилцууллаа.

Монгол Улсын Засгийн газраас Боомтын сэргэлтийн бодлогын хүрээнд авч хэрэгжүүлсэн ажил арга хэмжээний үр дүнд манай улсаар дамжин өнгөрөх чиглэлийн галт тэрэгний тоо өсөж экспорт, импорт, сайжирч ашиг орлого нэмэгдэж дээд хэмжээ тогтоосон. Энэ хэрээр улс орны эдийн засагт эерэг нөлөөллийг үзүүлж байгаа. Ашиг орлого нэмэгдэхийн хэрээр “УБТЗ” ХНН техникийн шинэчлэлт хийх, төмөр замчдынхаа нийгмийн асуудлыг шийдэх боломж улам нэмэгдэж байгааг холбогдох хүмүүс хэлж байгаа. Цаашид төмөр замын ачаа тээврээс олох эдийн засгийн үр ашгийг нэмэгдүүлэх боломжтой гэдгийг нэр дэвшигчид онцолж байна.

Улс орны эдийн засагт төмөр замчдын үзүүлж буй хувь нэмэр өндөр байгааг нэр дэвшигчид тодотгоод цаашид улаанбаатар хотын авто замын түгжрэлийг бууруулах ажлын хүрээнд хотын төвөөр зорчиж буй салаа төмөр замыг хотоос гаргах, төмөр замын нүхэн гарц байгуулах зэргээр тээвэр ложистикыг хөгжүүлэхэд УБТЗ ХНН-ийн хамт олонтой хамтран ажиллах хэрэгцээ бий гэдгийг хэллээ.

Төмөр замын салбарт 16 мянган иргэн ажилладаг. Эдгээр иргэдийн нийгмийн асуудлыг сайжруулах, эрүүл мэндийн тусламж үйлчилгээг цаг алдалгүй үзүүлэхэд ч цогц бодлого шаардлагатай гэдгийг нэр дэвшигч онцоллоо.

Бүсчилсэн хөгжлийн бодлого, шинэ сэргэлтийн бодлого, боомтын сэргэлт зэрэг өнгөрсөн хугацаанд засгийн газраас авч хэрэгжүүлсэн ажил хэмжээ бодит үр дүнгээ огч эдийн засагт эерэг нөлөөллийг үзүүлж байгаа учраас  энэ бодлого үйл ажиллагааг үргэлжлүүлэх нэр дэвшигчдийг дэмжинэ гэдгээ тэд хэллээ. 

 

 

Дэлгэрэнгүй унших

Тод мэдээ

Монгол Ардын намаас Хан-Уул дүүрэгт нэр дэвшигчдэд иргэд итгэл үзүүлэхээ илэрхийллээ

Огноо:

,

Монгол Ардын намаас УИХ-ын сонгуулийн Xll тойрогт нэр дэвшигчид сонгуулийн сурталчилгаагаа Хан-Уул дүүргийн 15 дугаар  хороонд үргэлжлүүлж иргэд, сонгогчидтой уулзан мөрийн хөтөлбөрөө танилцуулж харилцан яриа өрнүүллээ.

Тус хорооны оршин суугчид нэр дэвшигчдээс нийтэд тулгамдаад байгаа хэд хэдэн асуултад хариулт авч, саналаа хэллээ. Тухайлбал, нийгмийн эрүүл мэндийн асуудал болон хүүхдэд ээлтэй эрүүл, аюулгүй орчныг яаж бүрдүүлэх, хүүхдийн тоглоомын талбай болон сургууль, цэцэрлэгийн хүртээмжийг хэрхэн нэмэгдүүлэх талаар асууж, цаашид анхаарах хэд хэдэн асуудал байгааг хөндөв. 

Тухайлбал, Дүүргийн Засаг дарга Ж.Алдаржавхланд хаяглан хүүхдүүдийн эрүүл аюулгүй орчныг бий болгоход анхаарч, барилга байгууламж их баригдаж зам талбайгүй болж байгаа энэ үед дахин нэмж барилга бариулахгүй байх тал дээр анхаарч ажиллахыг хүслээ.

Нэр дэвшигч, хүний их эмч Т.Мөнхсайханы хувьд эрүүл мэндийн салбарт их зүйл хийсэн. Ковидын хүнд үед ЭМЯ-ыг удирдаж, амжилттай ажилласан байдаг. Эмнэлгүүдийн менежментийг сайжруулах, тусламж үйлчилгээг ойртуулах, эрт илрүүлэг, урьдчилан сэргийлэлтийн чиглэлээр нэлээд ажилласан. 

Харин эмэгтэй хүний хувьд нийгмийн асуудалд илүү анхаарахыг нэр дэвшигч Л.Нинжжамцаас иргэд хүсэж байлаа. Олон жил хүлээгдэж байгаа Гэр бүлийн тухай хуулийг батлуулахад анхаараарай гэж захиж байв.

Ийнхүү санал бодлоо хуваалцсан иргэдийн олонх нь Монгол Ардын намаас нэр дэвшигчдийг “Багаараа сонгогдож төрд гарсныхаа дараа эргэх холбоотой байгаарай, иргэдтэйгээ уулзаж ойр байгаарай” хэмээгээд сонгосон ард түмнийхээ төлөө болон улс эх орны хөгжил цэцэглэлтэд илүү их үнэтэй хувь нэмэр оруулахыг захиж байлаа. Саналаа хэлсэн иргэдийн олонх нь "МАН-аас нэр дэвшиж байгаа, улс төрд бэлтгэгдсэн, улсын бодлого тодорхойлох гурван залууг дэмжинэ” гэв.

Хан-Уул дүүргийн 15 дугаар хороонд дүүргийн хөрөнгөөр шинээр өрхийн эмнэлэг, хорооны байр баригдаж ашиглалтад орсон байна. Харин энэ жил шинэ цэцэрлэг, 130 дугаар сургуулийн баруун талд хүүхдүүдэд зориулсан биеийн тамир, спортын талбай баригдахаар газрын асуудал нь шийдэгдэж, тендер нь долдугаар сарын 3-ны өдөр зарлагдаж, есдүгээр сарын 1 гэхэд энэ ажил нь дуусч, тус сургууль  хөлбөмбөг, тоглоомын талбайтай болох юм. 

Дэлгэрэнгүй унших

Тод мэдээ

Зүүн бүсийг хөгжүүлэх төлөвлөгөө нь бэлэн учраас Ерөнхий сайдаа багаар нь дэмжихээ илэрхийллээ

Огноо:

,

Монгол Ардын намын дарга, Ерөнхий сайд Л.Оюун-Эрдэнээр ахлуулан УИХ-ын сонгуулийн VI тойрог буюу зүүн бүсийн Дорнод, Сүхбаатар, Хэнтий аймагт Монгол Ардын намаас нэр дэвшиж буй Лхагвасүрэнгийн Соронзонболд, Мөнгөнцогийн Ганхүлэг, Пүрэв-Очирын Анужин, Ухнаагийн Отгонбаяр, Мягмарсүрэнгийн Бадамсүрэн, Цагаанхүүгийн Идэрбат нар аймаг, сум, бүс нутгаа хөгжүүлэх 2024-2028 оны мөрийн хөтөлбөрөө иргэдэд танилцуулж, тулгамдаж буй асуудлыг нь сонсож байна. Тэд Дорнод аймгийн Чулуунхороот, Гурванзагал, Сэргэлэн, Чойбалсан сумын иргэдтэй уулзсан юм.

Нэр дэвшигчид энэ удаагийн сонгуулийн онцлог, зүүн бүс нутгийг ирэх дөрвөн жилд хөгжүүлэх шийдэл, Монгол Улсын Засгийн газраас зарлан хэрэгжүүлж буй бүсчилсэн хөгжлийн бодлоготой салшгүй холбоотойг дурдаад гурван аймгийг салангиад байдлаар бус бүс нутгийн хэмжээнд том бодлогоор хөгжүүлэх боломжууд, энэ хүрээнд Дорнод аймагт хийж, хэрэгжүүлэхээр мөрийн хөтөлбөрт тусгасан ажлуудыг танилцуулав.

Чулуунхороот суманд зүүн бүсийн хилийн “0” тоот багана болон Эрээнцав боомт байрладаг. 100 гаруй мянган га нутагт Монгол дагуурын дарцан цаазат газар, нэн ховор шувууд, эртний хэрэгсүүрүүд байдаг. Иймд МАН-ын хөтөлбөрт тусгасан түүхэн аялал жуулчлал, хил орчмын аялал жуулчлалын хүрээнд тус сумыг хөгжүүлэх бүрэн боломжтой юм. “Шинэ сэргэлтийн бодлого”-ын хүрээнд Чойбалсан-Хөөт-Бичигт чиглэлийн төмөр замын төсөл, МАН-ын мөрийн хөтөлбөрт Эрээнцав, Бичигт, Сүмбэр боомтыг өргөжүүлж, нэвтрүүлэх хүчин чадлыг нэмэгдүүлэх заалт тусгагдсан.

Орон нутгийн иргэд  Ерөнхий сайдыг цар тахлын дараах эдийн засгийн хүндрэлийг давахдаа “Шинэ сэргэлтийн бодлого”, тэр дундаа боомтын сэргэлтийг санаачлан эхлүүлсэн нь зоригтой, зөв зүйтэй алхам болсон гэдгийг хэлж байлаа. Энэ талаар УБТЗ-ын Баянтүмэн тасгийн орлогч дарга С.Батбадар “Баянтүмэн тасаг 85 жилийн түүхтэй. Эрээнцав-Баянтүмэн өртөө 238 км гол замыг хариуцан урсгал засвар, их засвар хийж, галт тэрэгний хөдөлгөөний аюулгүй байдлыг хангаснаар Эрээнцав боомтоор экспорт, импортын тээврийн ажлыг зохион байгуулдаг. Таван өртөө, гурван зөрлөгтэй. Босоо чиглэлийн төмөр замтай холбогдохын тулд иж бүрнээр нь хүччүүлж засах шаардлагатай. УБТЗН-ээс ТЭЗҮ боловсруулж хүргүүлсэн” гээд босоо тэнхлэгийн төмөр замтай холбогдож, боомтын үйл ажиллагаа өргөжсөнөөр иргэдийн аж амьдралд цаашлаад улс орон, аймаг, сумды хөгжилд өндөр ач холбогдолтойг хэлэв.

Манлайбаатар Дамдинсүрэнгийн төрсөн нутаг Гурванзагал сумын хувьд буриад, барга, халх, дөрвөд зэрэг олон ястан амьдардаг онцлогтой. Тус суманд улсын төсвийн хөрөнгө оруулалтаар найман айлын орон сууц, 250 хүний суудалтай Соёлын төв ашиглалтад орсон байна. Мөн аймаг, орон нутгийн санхүүжилтээр сургуулийн дотуур байр, эмнэлгийн засвар хийгдэж байна. Цаашид бүсийн хөгжлийн дагуу мал аж ахуйд түшиглэж хөгжих боломжтой. “Шинэ хоршоо” хөдөлгөөний хүрээнд 10 хоршоо байгуулагдсан. Үүнээс дөрөв нь 200-400 сая төгрөгийн санхүүжилт авчээ.

Чойбалсан суманд хилийн Хавирга боомт байрладаг. Эдийн засгийн тэргүүлэх чиглэл нь мал аж ахуй бөгөөд зудын улмаас 33 мянган толгой мал хорогджээ. Иймд иргэд, малчид нэгдэж малынхаа таваарлаг байдлыг нэмэгдүүлэх, аж ахуй эрхлэх, малын хашаа хорооны стандарт, өвс тэжээл бэлтгэх, хоёрдогч түүхий эд боловсруулах чиглэлээр найман хоршоо байгуулжээ. Одоогийн байдлаар 17-57 хүнтэй хоёр хоршоо 360-510 сая төгрөгийн санхүүжилт авсан байна.

Дорнод аймгийн Сэргэлэн сумыг Хонгирад аймгийн нутаг, Бөртэ хатны төрхөм нутаг хэмээн түүхчид тодорхойлдог аж. Манжийн дарлалын эсрэг цогтой тэмцэгч, Гүнсаваа баатрын бэхлэлт, Чингисийн хэрмэн зам, Сэнжит хад, Сэргэлэн Хараат зэрэг түүхэн газруудтай. Иймд “Монголын нууц товчоо”-ны газруудыг мөнхлөх, дэд бүтцээр холбох, жуулчдыг татах маршрутад хамруулах боломжтой. Түүх соёлоо хадгалж, таниулан сурталчлах замаар хөгжих нь маш зөв шийдэл гэдгийг нутгийн ахмадууд хэлж байлаа.

Монгол Улсын Ерөнхий сайдаар ахлуулсан МАН-ын багийнхан хийсэн ажлаа тайлагнаж, хийх ажлаа танилцуулж байгаад дээрх сумдын иргэд талархалтай хандаж байлаа. МАН нэгдсэн бодлоготой, хэрэгжүүлэхэд бэлэн төлөвлөгөөтэй сайн ажиллаж байгааг тодотгоод Ерөнхий сайдаа багаар нь сонгохоо илэрхийлж байв.

Ялангуяа сүүлийн 30 жилийн алдааг засах гэж системийн авлигатай тэмцэж, хөгжлийн тушаа болсон олон зүйлийг өөрчлөхийн төлөө идэвхтэй ажиллаж буй Ерөнхий сайдынхаа эхлүүлсэн ажлын үр дүнг үзэж, үр өгөөжийг хүртэхийн төлөө нэр дэвшигчдийг багаар нь сонгоно гэдгээ Дорнод аймгийн иргэд илэрхийлж байв. Тиймээс Ерөнхий сайдын манлайлал дор МАН-аас нэр дэвшигчид багаараа гар нийлэн ажиллаж, зүүн бүсээ хөгжүүлж чадна хэмээн үзэж байна.

 

 

 

Дэлгэрэнгүй унших
сурталчилгаа
Тод мэдээ8 минутын өмнө

Монгол Ардын намаас Сонгинохайрхан дүүрэгт нэр дэвшигчид “Улаа...

Тод мэдээ12 минутын өмнө

Монгол Ардын намаас Хан-Уул дүүрэгт нэр дэвшигчдэд иргэд итгэл үзүүл...

Тод мэдээ26 минутын өмнө

Зүүн бүсийг хөгжүүлэх төлөвлөгөө нь бэлэн учраас Ерөнхий сайдаа бага...

Тод мэдээ30 минутын өмнө

Монгол Ардын намын Ерөнхий Нарийн Бичгийн дарга Д.Амарбаясгалан Завх...

Тод мэдээ33 минутын өмнө

Нийслэлийн Монгол Ардын намын хорооноос орон нутгийн сонгуулийн мөри...

Тод мэдээ2024/06/21

Баянзүрх дүүргийн 8, 38, 39 дүгээр хорооны иргэд Монгол Ардын намаас...

Тод мэдээ2024/06/21

Говийн бүсийн иргэд бүсчилсэн хөгжлийн бодлогыг дэмжиж байна

Тод мэдээ2024/06/21

Баянхонгорчууд Монгол Ардын намыг багаар нь дэмжинэ гэв

Тод мэдээ2024/06/21

Хур хог цэвэрлэх ажлыг эхлүүллээ

Тод мэдээ2024/06/21

Баянзүрх, Сүхбаатар, Хан-Уул дүүрэг үерийн хамгийн өндөр эрсдэлтэй б...

Тод мэдээ2024/06/21

Пусан хотын Эдийн засгийг дэмжих агентлагийн даргыг хүлээн авч уулзл...

Тод мэдээ2024/06/21

Согтуугаар тээврийн хэрэгсэл жолоодсон 51 зөрчил бүртгэгдлээ

Тод мэдээ2024/06/21

Монгол Ардын намын Ерөнхий Нарийн Бичгийн дарга Д.Амарбаясгалан Увс ...

Тод мэдээ2024/06/21

Ерөнхий сайдыг багаар нь дугуйлж, АРД ТҮМНИЙ СОНГОЛТ хийнэ гэв

Тод мэдээ2024/06/21

“Морьтой Аравт” багийнхан Ховд, Завхан, Увс, Говь-Алтай ...

Тод мэдээ2024/06/21

Хөгжлийн бодлогыг нэг цонхоор харж, авлига, хулгайтай тэмцэж байгааг...

Тод мэдээ2024/06/21

Монгол Ардын намын Ерөнхий Нарийн Бичгийн дарга Д.Амарбаясгалан Увс ...

Тод мэдээ2024/06/21

Монгол Ардын Нам мөрийн хөтөлбөрөө “Daisy” форматаар бол...

Тод мэдээ2024/06/21

Авлигын эсрэг үгүй гэж хэлэхийн төлөө Монгол Ардын намыг багаар нь д...

Тод мэдээ2024/06/21

Оргодол этгээдийг баривчилж, мөрдөн шалгах ажиллагаа явуулж байна

Өнөөдөр2024/06/21

Дунд, Сэлбэ гол дагуух үзлэг шалгалтыг тогтмол хийж байна

Өнөөдөр2024/06/21

Дуу цахилгаантай аадар бороо орж, нутгийн зүүн хэсэгт эрс сэрүүснэ

Өнөөдөр2024/06/21

Цаг агаарын аюултай үзэгдлээс сэрэмжлүүлж байна!

Тод мэдээ2024/06/20

Монгол Ардын Намын Ерөнхий Нарийн Бичгийн дарга Д.Амарбаясгалан Ховд...

Тод мэдээ2024/06/20

Ерөнхий сайдын эхлүүлсэн шударга ёсны тэмцлийг Орхончууд дэмжиж байн...

Тод мэдээ2024/06/20

Хан-Уул дүүргийн иргэд төрд бэлтгэгдсэн гурван нэр дэвшигчээ дэмжинэ...

Өнөөдөр2024/06/20

Авлигын эсрэг сургалтад 1898 иргэн, албан тушаалтныг хамруулав

Тод мэдээ2024/06/20

Ерөнхий сайдын багийнхан зүүн бүсийг хөгжүүлэх шийдлээ танилцуулж ба...

Тод мэдээ2024/06/20

Монгол Ардын Намын Ерөнхий Нарийн Бичгийн дарга Д.Амарбаясгалан Говь...

Өнөөдөр2024/06/20

Цаг агаарын аюултай үзэгдлээс сэрэмжлүүлж байна!

Санал болгох