Үйл явдал
Улсын дээд шүүхийн шүүгчийн болон анхан шатны шүүхийн шүүгчийн албан тушаалд зарим хүнийг томиллоо
Монгол Улсын Ерөнхийлөгч Х.Баттулга Улсын дээд шүүхийн шүүгчийн албан тушаалд томилох тухай, Шүүгчийн албан тушаалд шилжүүлэн томилох тухай, Зарим хүмүүсийг анхан шатны шүүхийн шүүгчийн албан тушаалд томилох тухай зарлиг гаргалаа. Зарлиг гаргасантай холбогдуулан 2019 оны 12 дугаар сарын 30-ны өдөр Төрийн ордны Ёслол хүндэтгэлийн Их танхимд Монгол Улсын Ерөнхийлөгч Х.Баттулга шүүгч нарт шүүгчийн үнэмлэхийг нь гардуулж өгөв.
Улсын дээд шүүхийн шүүгчийн албан тушаалд томилох тухай зарлигт:
“Монгол Улсын Үндсэн хуулийн Тавин нэгдүгээр зүйлийн 2, Монгол Улсын Ерөнхийлөгчийн тухай хуулийн 9 дүгээр зүйлийн 1, 12 дугаар зүйлийн 16, Шүүгчийн эрх зүйн байдлын тухай хуулийн 15 дугаар зүйлийн 15.1 дэх хэсгийг тус тус үндэслэн ЗАРЛИГ БОЛГОХ нь:
Болдын Амарбаясгаланг Улсын дээд шүүхийн шүүгчийн албан тушаалд томилсугай” гэжээ.
Зарим хүмүүсийг анхан шатны шүүхийн шүүгчийн албан тушаалд томилох тухай зарлигт:
“Монгол Улсын Ерөнхийлөгчийн тухай хуулийн 9 дүгээр зүйлийн 1, Шүүгчийн эрх зүйн байдлын тухай хуулийн 15 дугаар зүйлийн 15.1, 15.5 дахь хэсгийг тус тус үндэслэн ЗАРЛИГ БОЛГОХ нь:
Дашдэлэгийн Элбэгзаяаг Архангай аймаг дахь сум дундын иргэний хэргийн анхан шатны шүүхийн шүүгчийн, Энхтөрийн Оюун-Эрдэнийг Завхан аймаг дахь сум дундын иргэний хэргийн анхан шатны шүүхийн шүүгчийн, Заяндүүгийн Ганчимэгийг Дундговь аймаг дахь сум дундын иргэний хэргийн анхан шатны шүүхийн шүүгчийн, Дашнамжилын Дарьсүрэнг Сүхбаатар дүүргийн Эрүүгийн хэргийн анхан шатны шүүхийн шүүгчийн, Пүрэвийн Пагмыг Өмнөговь аймаг дахь сум дундын эрүүгийн хэргийн анхан шатны шүүхийн шүүгчийн, Цэвээний Эрдэнэчимэгийг Баянгол дүүргийн Эрүүгийн хэргийн анхан шатны шүүхийн шүүгчийн албан тушаалд тус тус томилсугай” гэжээ.
Шүүгчийн албан тушаалд шилжүүлэн томилох тухай зарлигт:
“Монгол Улсын Ерөнхийлөгчийн тухай хуулийн 9 дүгээр зүйлийн 1, Шүүгчийн эрх зүйн байдлын тухай хуулийн 15 дугаар зүйлийн 15.5 дахь хэсэг, 18 дугаар зүйлийн 18.3.3 дахь заалтыг тус тус үндэслэн ЗАРЛИГ БОЛГОХ нь:
- Архангай аймаг дахь Захиргааны хэргийн анхан шатны шүүхийн шүүгч Сарантуяагийн Ганбат, Хэнтий аймаг дахь Захиргааны хэргийн анхан шатны шүүхийн шүүгч Бямбаагийн Мөнх-Эрдэнэ нарыг Нийслэл дэх Захиргааны хэргийн анхан шатны шүүхийн шүүгчийн, Увс аймаг дахь сум дундын эрүүгийн хэргийн анхан шатны шүүхийн шүүгч Сугарын Болортуяаг Баянгол дүүргийн Эрүүгийн хэргийн анхан шатны шүүхийн шүүгчийн, Баян-Өлгий аймаг дахь сум дундын эрүүгийн хэргийн анхан шатны шүүхийн шүүгч Пүрэвцэрэнгийн Доржбалыг Завхан аймаг дахь сум дундын эрүүгийн хэргийн анхан шатны шүүхийн шүүгчийн, Ховд аймаг дахь сум дундын иргэний хэргийн анхан шатны шүүхийн шүүгч Бадарчийн Маринаг Хэнтий аймаг дахь сум дундын иргэний хэргийн анхан шатны шүүхийн шүүгчийн албан тушаалд тус тус шилжүүлэн томилсугай.
- Адил шатны шүүхийн шүүгчийн албан тушаалд шилжүүлэн томилох болсонтой холбогдуулан шүүгч Сарантуяагийн Ганбатыг Архангай аймаг дахь Захиргааны хэргийн анхан шатны шүүхийн шүүгчийн, шүүгч Бямбаагийн Мөнх-Эрдэнийг Хэнтий аймаг дахь Захиргааны хэргийн анхан шатны шүүхийн шүүгчийн, шүүгч Сугарын Болортуяаг Увс аймаг дахь сум дундын эрүүгийн хэргийн анхан шатны шүүхийн шүүгчийн, шүүгч Пүрэвцэрэнгийн Доржбалыг Баян-Өлгий аймаг дахь сум дундын эрүүгийн хэргийн анхан шатны шүүхийн шүүгчийн, шүүгч Бадарчийн Маринаг Ховд аймаг дахь сум дундын иргэний хэргийн анхан шатны шүүхийн шүүгчийн албан тушаалаас тус тус чөлөөлсүгэй” гэжээ.
Үйл явдал
Уламжлалт анагаах ухааны хөгжлийн бодлого, шинэчлэлийг хэлэлцэх үндэсний чуулган Ерөнхий сайдын ивээл дор зохион байгуулагдана
2026 оны зургаадугаар сарын 5-наас 6-ны өдрүүдэд Төрийн ордны их танхимд болох Уламжлалт анагаах ухааны салбарын бодлогын хэрэгжилтийг эрчимжүүлэх, Монгол Улсын Ерөнхийлөгчийн зарлигийг хэрэгжүүлэхэд чиглэсэн нэгдсэн шийдвэр, зөвлөмж боловсруулах зорилготой “МОНГОЛЫН УЛАМЖЛАЛТ АНАГААХ УХААНЫ УДИРДАХ АЖИЛТНЫ ЧУУЛГАН” Монгол Улсын Ерөнхий Сайдын ивээл дор зохион байгуулагдах гэж байна.
Монгол Улсын Ерөнхийлөгч 2026 оны 01 дүгээр сарын 16-ны өдөр “Монголын уламжлалт анагаах ухааныг хөгжүүлэх тухай” 03 дугаар зарлигийг баталж, Засгийн газарт чиглэл хүргүүлсэн. Тус зарлигийг хэрэгжүүлэх хүрээнд 2026 оны 03 дугаар сарын 18-ны өдөр Засгийн газрын 87 дугаар тогтоолоор баталсан төлөвлөгөөнд Уламжлалт анагаах ухааны салбарын бүтэц, тогтолцоо, хүний нөөц, сургалт, судалгаа, инноваци, эмийн үйлдвэрлэл, уламжлалт эмийн зохистой хэрэглээ, эрүүл аж төрөх ёсыг хэвшүүлэх талаар тодорхой зорилтууд тусгасан нь Уламжлалт анагаах ухааны хөгжлийг төрийн бодлогын түвшинд дэмжиж буй алхам болсон юм.
Тус чуулганыг “Манба Дацан” Монголын уламжлалт эмнэлэг, сургалтын төв, Оточ Манрамба Их Сургууль, “Манба дацан-Бодь сэтгэлтэн” эмнэлэг санаачлан, Эрүүл мэндийн яам зохион байгуулагчаар ажиллаж байна.
Хамтран зохион байгуулагчаар:
- Боловсролын яам
• ЭМЯ-ны дэргэдэх “Уламжлалт анагаах ухаан судлалын мэргэжлийн салбар зөвлөл”
• “Тэжээхүй ухаан” төрийн бус байгууллага
• Оточ Манрамба их сургуулийн төгсөгчдийн холбоо тус тус оролцож байна.
Чуулганд Монгол Улсын Ерөнхий Сайд Н.Учрал, Монгол Улсын Их Хурлын гишүүн, Засгийн газрын гишүүн, Эрүүл мэндийн сайд Э.Батшугар, Монгол Улсын Их Хурлын гишүүн, Засгийн газрын гишүүн, Боловсролын сайд Л.Энх-Амгалан, Монгол Улсын Ерөнхийлөгчийн ахлах зөвлөх Н.Хүрэлбаатар, чуулганыг санаачлан зохион байгуулагч Монголын Уламжлалт эмнэлэг, сургалтын “Манба Дацан” төвийн тэргүүн, Хамба лам Оточ Манрамба Их Сургуулийн Ректор Д.Нацагдорж тэргүүтэй төрийн захиргааны төв болон нутгийн захиргааны байгууллагын удирдлага, холбогдох мэргэжилтнүүд, Уламжлалт анагаах ухааны салбарын эрдэмтэн, судлаачид, удирдах ажилтан, хувийн хэвшил, мэргэжлийн холбоод, төрийн бус байгууллагын төлөөллүүд оролцож,
- Уламжлалт анагаах ухааны салбарын бүтэц, зохион байгуулалт, тусламж үйлчилгээ
- Уламжлалт болон орчин үеийн анагаах ухааны уялдаа холбоо, их өгөгдөл, мэдээллийн нэгдсэн сан, санхүүжилтийн тогтолцоо
- Уламжлалт анагаах ухааны эмч, мэргэжилтэн бэлтгэх сургалтын тогтолцоо, хүний нөөцийн бодлого
- Уламжлалт анагаах ухааны эмийн үйлдвэрлэл, бүртгэл, хүртээмж
- Уламжлалт анагаах ухааны мэдлэгт суурилсан эрүүл амьдралын хэв маяг, нийгмийн эрүүл мэндийн асуудал сэдвээр хэлэлцүүлэг өрнөнө.
Чуулганы үр дүнд Монгол Улсын Ерөнхийлөгчийн зарлигийг хэрэгжүүлэх зорилгоор батлагдсан Засгийн газрын 87 дугаар тогтоолын хэрэгжилтийг эрчимжүүлэх, салбар дундын хамтын ажиллагаа, цахим шилжилт, хөгжлийн асуудлыг эрх зүйн баримт бичгүүдэд тусгах санал, зөвлөмж боловсруулахаар зорьж байна.
Дэлхийн эрүүл мэндийн байгууллага Монгол Улсыг уламжлалт анагаах ухааны төрийн бодлоготой, нэгдмэл тогтолцоотой дэлхийн 25 орны нэгээр үнэлдэг. Энэ утгаараа тус чуулган нь уламжлалт анагаах ухааны хөгжлийг шинэ шатанд гаргах, бодлого, хэрэгжилтийн уялдаа холбоог бэхжүүлэх, салбарын хөгжлийн чиг хандлагыг тодорхойлох ач холбогдолтой юм.
“МОНГОЛЫН УЛАМЖЛАЛТ АНАГААХ УХААНЫ УДИРДАХ АЖИЛТНЫ ЧУУЛГАН”
Хэвлэл мэдээллийн албатай холбогдох: 98830330, 94052992, 99040811
Үйл явдал
Шинэ авто замын гэрэлтүүлэг, тохижилтыг зургаадугаар сарын 15-нд бүрэн дуусгана
Баянгол дүүргийн 24, 26 дугаар хороо, ДЭМА эмнэлгийн хойд талаар Нарны хороолол хүрэх авто замыг барьж, зорчих хөдөлгөөнийг зургаадугаар сарын 1-нд нээсэн.
Энэ авто зам 680 метр урт бөгөөд Алтай хотхон, Нарны гүүрний ачааллыг хуваалцаж, Нарны хорооллоос Алтай хотхон руу шууд нэвтрэх боломжийг бүрдүүллээ.
Шинэ авто замын гэрэлтүүлэг, тохижилтын ажлыг зургаадугаар сарын 15-нд бүрэн дуусгах юм.
Үйл явдал
Нийслэлийн нэг цэгийн үйлчилгээний төв болон 21 аймагт 1072 хувьцааг өвлүүлнэ
-
Дэлхий нийтээр..2023/06/14
УИХ: Өнөөдөр хуралдах ажлын хэсгүүд
-
Дэлхий нийтээр..2025/05/06
Жижиг, дунд үйлдвэрлэл эрхлэгчдэд дэмжлэг үзүүлэхийг хүсэв
-
Дэлхий нийтээр..2021/03/11
Төрийн албаны ерөнхий шалгалтын сорилд сэтгүүлчид оролцлоо
-
Дэлхий нийтээр..2022/11/10
“Зөрчлийн бүртгэл, мэдээллийн нэгдсэн систем”-ийн үйл ажиллагаа ирэх...