Тод мэдээ
Ховд, Баян-Өлгий аймгийн авто зам, тээвэр, нисэх буудлуудад хяналт, шалгалт хийлээ

Зам, тээврийн хөгжлийн яамны Салбарын хяналтын газрын даргаар ахлуулсан ажлын хэсэг Ховд, Баян-Өлгий аймагт ажиллаж, хяналт, шалгалт хийж байна.
Авто замын чиглэлээр: Ховд аймгийн Чандмань сум хүртэлх 56.9 км хатуу хучилттай авто замын барилгын ажлын явцтай танилцаж, гүйцэтгэгч Хотгор зам ХХК-ны үйл ажиллагаанд төлөвлөгөөт хяналт шалгалт хийж, зөрчлийг арилгуулах хугацаатай албан шаардлага өглөө.
Улсын чанартай Ховд-Өлгий чиглэлийн авто замын аймгийн төвийн 1.7 км, Ховд аймгийн төвийн 5.3 км замуудад шалгалт хийж, зам хариуцагч "Ховд АЗЗА" ТӨХК-д, Алтай суманд байрлалтай ТАЦ-ийн барилгын ажлын гүйцэтгэгч Тулгатбагана ХХК-д зөрчлийг арилгуулах хугацаатай албан шаардлага өгч ажиллав.
Авто тээврийн чиглэлээр: "Автотээврийн үндэсний төв" ТӨҮГ-ын харъяа Ховд салбар, “Зорчигч тээврийн Ховд" ХХК, Улс хоорондын ачаа тээврийн "Этуна Сүлд Транс" ХХК, Тээврийн хэрэгслийн улсын дугаарын үйлдвэрлэлийн "Сутайн бүлтгэр булаг" ХХК, "Эм Жи Юу Си" ХХК-уудын үйл ажиллагаанд шалгалт хийж, илэрсэн зөрчлийг арилгуулхаар хугацаатай албан шаардлага өгч, торгуулийн арга хэмжээ авч ажиллалаа.
Нисэх буудлын чиглэлээр: Баян-Өлгий аймаг дахь Өлгий нисэх буудлын үйл ажиллагаа ерөнхий зааварт тусгагдсаны дагуу хэвийн явагдаж байна. Аэродромын элементүүд ашиглалтын бэлэн байдлыг хангаж байгаа юм гэж Зам, тээврийн хөгжлийн яамнаас мэдээллээ.
Тод мэдээ
Мотоцикл болон чанга дуу чимээтэй тээврийн хэрэгсэлд тавих хяналт шалгалт үргэлжилж байна
Мотоцикл болон чанга дуу чимээтэй тээврийн хэрэгсэлд тавих хяналт шалгалт үргэлжилж байна. Одоогоор байдлаар 431 тээврийн хэрэгсэлд шалгасан байна. Үүнээс 191 арга хэмжээ авчээ.
Тодруулбал, жолоодох эрхгүй 24, хамгаалах малгайгүй 6, яндангийн дуу намсгуургүй 18 байсан байна. Мөн авто машин 13, мотоцикл 25, суррон 8, мопед 2 түр саатуулжээ.
Тод мэдээ
АНУ-д оршин суугаа монгол иргэдийн анхааралд!
Монгол Улсаас Америкийн Нэгдсэн Улсад суугаа Элчин сайдын яамнаас тус улсад оршин суугаа иргэдэд хандан дараах зөвлөмжийг гаргажээ.
Тод мэдээ
Төрийн өмчийн ЕБС-ийн элсэлтийн цахим бүртгэл энэ сарын 12-нд эхэлнэ
Ирэх 2025-2026 оны хичээлийн жилд Төрийн өмчийн ерөнхий боловсролын сургуулийн 1 дүгээр ангийн элсэлтийн цахим бүртгэлийг Монгол Улсын хэмжээнд 2025 оны 08 дугаар сарын 12-ны өдрөөс 08 дугаар сарын 26-ны өдрийг дуустал E-Mongolia системээр дамжуулан зохион байгуулна.
Иргэд 1 дүгээр ангийн элсэлтийн цахим бүртгэлийн үйлчилгээг авахдаа дараах зүйлсийг анхаарна уу.
- Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх;
- Шилжилт хөдөлгөөнийг 8 дугаар сарын 05-ны өдрөөс өмнө баталгаажуулсан байх; (хуурамчаар хаягийн бүртгэл, түрээсийн гэрээ хийхийг хориглоно)
2019 оны 01 дүгээр сарын 01-ний өдрөөс 2019 оны 12 дугаар сарын 31-ний өдрийн хооронд төрсөн 6 настай хүүхэд 1 дүгээр ангийн цахим бүртгэлд хамрагдана.
БОЛОВСРОЛЫН ЯАМ