Тод мэдээ
“Хөгжлөөс хэнийг ч орхигдуулахгүй байх” арга замын тухай туршлага солилцлоо
Швед, Норвеги, БНХАУ, Финлянд, Мексик зэрэг 14 улсын төлөөлөлтэй “Хөгжлөөс хэнийг ч орхигдуулахгүй байх” арга замын тухай туршлага солилцлоо.
НҮБ-ын Тогтвортой хөгжлийн талаарх Улс төрийн дээд хэмжээний чуулга уулзалт Нью-Йорк хотноо үргэлжилж байна.
Манай улсын төлөөлөгчид Швед, Норвеги, Бүгд Найрамдах Хятад Ард Улс, Финлянд, Мексик зэрэг 14 улсын төлөөлөлтэй “Хөгжлөөс хэнийг ч орхигдуулахгүй байх” (Leaving No One Behind) зарчмын хүрээнд авч хэрэгжүүлж буй арга хэмжээ, анализ, аргачлалын талаарх харилцан туршлага хуваалцаж, санал солилцлоо гэж Эдийн засаг, xөгжлийн яамнаас мэдээллээ.
Тод мэдээ
Монгол Улс нэгдүгээр улиралд 17.6 сая тонн нүүрс экспортлов
Монгол Улс нэгдүгээр улиралд 17.6 сая тонн нүүрс экспортолжээ. Тодбуулбал, 2024 оны 1-5 дугаар сарын 1 хүртэл манай улс 17.6 сая тонн нүүрс экспортолсон дүн мэдээ байна.
Үүнээс Гашуунсухайт боомтоор 12.7 сая.тн, Шивээхүрэн боомтоор 7.1 сая.тн, Ханги боомтоор 2.4 сая.тн, Замын-Үүд боомтоор 1 сая.тн, Булган боомтоор 1 сая.тн, Бичигт боомтоор 584 мян.тн, Хавирга боомтоор 7 мян.тн, нийт 25 сая.тн нүүрс экспортолсон байна гэж Боомтын сэргэлтийн үндэсний хорооноос мэдээллээ.
Тод мэдээ
Богдхан уулын ойн сангийн 3000 га талбайд хөнөөлт шавжтай тэмцэнэ
2024 онд Богдхан уулын дархан цаазат газрын ойн сангийн 3000 га-д ойн хөнөөлт, хортон шавжтай тэмцэх ажил хийнэ.
Монгол Улсад хэрэгжиж буй “Эрүүл ой” төслийн хүрээнд Монгол Улсад газраар ойн хөнөөлт шавж, өвчинтэй тэмцэж байгаа арга технологитой газар дээр нь танилцах, гадаадын эрдэмтдээс туршлага судлах сургалтад МУИС-ийн судлаачид, ЗГХА Ойн газар, Богдхан уулын дархан цаазат газрын хамгаалалтын захиргаа, “Ойн хөнөөлт шавжтай тэмцэх үйл ажиллагаа эрхлэгчдийн холбоо” зэрэг байгууллагууд хамтран оролцлоо.
Америк, Канад улсаас ирсэн эрдэмтэд Монгол орон хөнөөлт шавжтай тэмцэхдээ дэвшилтэт технологи ашиглаж байгааг онцоллоо. Цаашид Монгол орны ойн эрүүл байдлыг хамгаалах, хадгалах талаар зөвлөмж боловсруулж хүргүүлнэ.
2024 онд Богдхан уулын ойн сангийн 3000 га талбайд хөнөөлт шавжтай онгоцоор тэмцлийн ажил хийхээр төлөвлөөд байна гэж Богдхан уулын дархан цаазат газрын Хамгаалалтын захиргаанаас мэдээллээ.
Сэтгэгдэл