Тод мэдээ
УИХ: Аюулгүй байдал, гадаад бодлогын байнгын хорооны гишүүд БХЯ болон ЗХЖШ-т ажиллалаа
УИХ-ын гишүүн, УИХ-ын Аюулгүй байдал, гадаад бодлогын байнгын хорооны дарга Б.Энх-Амгалан, тус Байнгын хорооны гишүүн Н.Энхболд, Э.Бат-Амгалан нар 2023 оны 04 дүгээр сарын 24-ний өдөр Батлан хамгаалахын яам болон Зэвсэгт хүчний жанжин штабт ажиллалаа.
Байнгын хорооны дарга, гишүүд олон улсын геополитик, геостратегийн хувьсал өөрчлөлтийн байдал, түүнтэй уялдан Монгол Улсын аюулгүй байдлын орчинд гарч буй өөрчлөлтөд батлан хамгаалах тогтолцоог хэрхэн бэхжүүлэх талаар болон хэрэгжүүлж буй ажлууд, цаашид төлөвлөсөн зорилт, арга хэмжээ, тулгамдаж байгаа асуудлуудын талаар мэдээлэл сонсож, харилцан санал солилцлоо.
Байнгын хорооны дарга, гишүүдэд Монгол Улсын Ерөнхийлөгчийн мөрийн хөтөлбөр, Засгийн газрын 2020-2024 оны үйл ажиллагааны хөтөлбөрийн хэрэгжилтийн талаар болон цаашид холбогдох хууль тогтоомжийг улам боловсронгуй болгон шинэчлэл хийх, тус салбарын нийт албан хаагч, бие бүрэлдэхүүний цалин хөлс, ажиллах нөхцөл, нийгмийн хамгааллын асуудлыг шийдвэрлэх, зэвсэг, техник хэрэгслийг шинэчилж сайжруулахад шаардлагатай төсөв хөрөнгө оруулалтын хэмжээг нэмэгдүүлэх зэрэг тус салбарын өмнө тулгамдаж байгаа асуудлуудыг Батлан хамгаалах яамны удирдлагууд танилцууллаа.
Аюулгүй байдал, гадаад бодлогын байнгын хорооны дарга Б.Энх-Амгалан тус салбарын ажил байдалтай танилцаад, Байнгын хорооны зүгээс дэмжлэг үзүүлж, хамтран ажиллах болно гэдгийг онцлон тэмдэглэлээ. Тухайлбал, Цэргийн албан хаагчийн тэтгэвэр, тэтгэмжийн тухай хуульд нэмэлт, өөрчлөлт оруулах тухай хуулийн төслийг холбогдох Байнгын хорооны зүгээс Нийгмийн даатгалын багц хуулийн төсөлтэй хамт хэлэлцүүлэхээр бэлтгэл ажил хийгдэж байгааг дурдаад, Зэвсэгт хүчний тухай хуульд нэмэлт, өөрчлөлт оруулах тухай хуулийн төслийг хэлэлцүүлэх, мөн салбарын хууль, эрх зүйн орчныг боловсронгуй болгох, шинэчлэхэд хамтарч ажиллана гэлээ.
Түүнчлэн 2010 онд Улсын Их Хурлаас баталсан Энхийг дэмжих ажиллагаанд оролцох тухай хуульд нэмэлт, өөрчлөлт оруулах тухай хуулийн төслийг яаралтай Улсын Их Хуралд өргөн мэдүүлж батлуулах нь Нэгдсэн Үндэстний Байгууллагын болон бүс нутгийн энхийг дэмжих ажиллагаанд оролцож байгаа Монгол Улсын зэвсэгт хүчний болон холбогдох байгуулагуудын бие бүрэлдэхүүн, алба хаагчдын нийгмийн асуудлыг шийдвэрлэхэд чухал алхам болохыг тэмдэглэв. Мөн дотоодын нийт бүтээгдэхүүнд эзлэх тус салбарын төсөв, хөрөнгө оруулалтын хэмжээг үе шаттайгаар нэмэгдүүлэхэд Байнгын хороо анхаарал хандуулж ажиллана.
Батлан хамгаалах салбарын гадаад харилцаа, хамтын ажиллагааг өргөжүүлэх, хүний нөөцийн хангалтыг сайжруулах, “Кибер аюулгүй байдлын Дата төв”-ийг байгуулах, Барилга- инженерийн цэргийн бүтээн байгуулалтын үйл ажиллагаанд оролцох оролцоог нэмэгдүүлэх, цэргийн эмнэлэгийн техник, тоног төхөөрөмжийг шинэчлэх, Зэвсэгт хүчний хөгжлийн сангийн хөрөнгийг батлан хамгаалах салбарыг бэхжүүлэхэд бүрэн зарцуулдаг байх, хүүхэд, залуучуудад эх оронч үзэл, хүмүүжил төлөвшүүлэхэд дэмжлэг үзүүлэх үүднээс цэрэг, спортын “Дөл” тоглолтыг хөдөө, орон нутагт бүсчилсэн хэлбэрээр зохион байгуулдаг байх нь зүйтэй хэмээн байр сууриа илэрхийлэв гэж УИХ-ын Хэвлэл мэдээлэл, олон нийттэй харилцах газраас мэдээлэв.
Тод мэдээ
Монголын хэл хуурчдын анхдугаар чуулган боллоо
Монгол угсаатан Хэл хуурчдын холбооноос санаачлан Соёлын яам болон Засгийн газрын хэрэгжүүлэгч агентлаг Соёл Урлагийн Газар / Culture and Arts Authority, Соёлын Өвийн Үндэсний Төв, Tumen Ekh ensemble/official page/, Монголын Үндэсний Соёл, Амралтын хүрээлэн дэмжин Монголд анх удаа Хэл хуурчдын анхдугаар чуулганыг зохион байгууллаа.
Чуулга уулзалтаар хэл хуур тоглооч, өвлөн уламжлагч, судлаач, урлаачдыг бүртгэлжүүлэх, нэгдсэн мэдээллийн сан бүрдүүлэхийн зэрэгцээ хэл хуурыг түгээн дэлгэрүүлэх, олон нийтэд сурталчлах, хэл хуур хөгжмийн хэрэглээг нэмэгдүүлж, шинжлэх ухааны үндэслэлтэй судлан, хэл хуур хөгжмийн үйлдвэрлэл болон тоглолтын стандартыг бий болгох Монгол Угсаатан Хэл Хуурчдын Холбооны хэтийн зорилго, зорилтыг хэлэлцэж, Монголын Хэл хуурчдын Үндэсний наадмыг жил бүр Соёлын яамны ажлын хүрээнд зохион байгуулж байх боллоо гэж Соёлын яамнаас мэдээллээ.
Тод мэдээ
И МАРТ нь STARLINK компанийн төхөөрөмжүүдийн Монгол дахь АЛБАН ЁСНЫ БОРЛУУЛАГЧ боллоо
Тун удахгүй STARLINK компаниас иргэд, бизнесийн байгууллагуудад зориулсан төхөөрөмжүүдийг үйлдвэрлэгчийн баталгаат хугацаатай, олон нийтэд зарласан үнээр буюу ямар нэгэн нэмэгдэлгүйгээр Имартын салбар дэлгүүрүүдээс болон Emartmall.mn-c худалдан авах боломжтой болж буйг дуулгахад таатай байна.
Та төхөөрөмжийн урьдчилсан захиалга өгөх болон мэдээлэл авахыг хүсвэл. 91063933 starlink@e-mart.mn хаягаар холбогдоно уу.
Тод мэдээ
“Сонгуулийн боловсрол” клубийн ээлжит уулзалт болов
“Сонгуулийн боловсрол” сэтгүүлч, судлаачдын клубийн ээлжит уулзалт, мэдээлэл 2024 оны 5 дугаар сарын 7-ны өдөр боллоо.
Уулзалтаар Монгол Улсын Их Хурлын 2024 оны ээлжит сонгуулийн бэлтгэл ажил болон цаг үеийн асуудлаар Сонгуулийн ерөнхий хорооны Нарийн бичгийн дарга Д.Даваа-Очир, Тамгын газрын дарга Д.Бат-Эрдэнэ нар мэдээлэл хийлээ. Тодруулбал, Монгол Улсын Их Хурлын сонгуулийн тухай хуулийн хэрэгжилтийг хангах талаар Сонгуулийн ерөнхий хорооноос гаргасан мэдэгдлийг танилцуулж, зөрчил гарахаас урьдчилан сэргийлэх, гаргуулахгүй байх, шийдвэрлэх асуудлаар бүх шатны цагдаагийн байгууллагатай хамтран ажиллаж байгаагаа мэдэгдсэн. Мөн сонгуулийн үйл ажиллагаатай холбоотой гомдлын дагуу шалгаж байгаа хэргийн тоон мэдээллийг Цагдаагийн ерөнхий газрын Зөрчлийн хэрэг бүртгэх албаны чиглэлийн ахлах байцаагч, цагдаагийн хошууч Э.Саруул өгсөн.
Монгол Улсын Их Хурлын 2024 оны ээлжит сонгуулийн саналын хуудасны загварын талаар сонгуульд оролцож бүх талаас нээлттэй санал авсны үндсэн дээр Сонгуулийн ерөнхий хороо баталсныг мэдээллээ. Саналын хуудас нь 48 гишүүнийг сонгох пропорционал системээр сонгох хэсэг, нөгөө нь 78 гишүүнийг сонгох мажоритар тогтолцооны хэсэг гэсэн хоёр хэсгээс бүрдэхийг танилцуулав. Энэ сарын 17-19-ний өдөр Сүхбаатарын талбайд зохион байгуулах “Номын баяр”-ын үеэр саналын хуудасны загварыг сонгогчдод танилцуулахаа мэдээлсэн юм.
“Сонгуулийн боловсрол” сэтгүүлч, судлаачдын ээлжит уулзалтад 40 гаруй хэвлэл мэдээллийн байгууллагын сэтгүүлч оролцлоо гэж СЕХ-ноос мэдээллээ.
-
Тод индэр2022/04/07
Л.Оюун-Эрдэнэ: Хямралын цаг үе ер бусын шуурхай шийдлийг шаардаж байна
-
Өнөөдөр2020/05/19
Хөрсний бохирдлыг бууруулах чиглэлээр тодорхой ажлуудыг хэрэгжүүлнэ
-
Тод мэдээ2021/07/01
Түймрийн халз зурвасыг сэргээх ажлыг эхлүүллээ
-
Өнөөдөр2021/05/30
Нийслэлд өнөөдөр ажиллах дархлаажуулалтын цэгүүдийн байршил
Сэтгэгдэл