Бидэнтэй нэгдэх

Тод мэдээ

Мянган оны Чыбигийн хэвийн цай түмэн газрын цайны замд дахин ирэв

Огноо:

,

Сэтгүүлч:

Синьхуа агентлагийн Шанхайн 11-р сарын 7-ны өдрийн цахилгаан мэдээ /Ли Шяоди, Ли Шюемэй/ Монгол Улс 2020 онд Хятадын цар тахлын эсрэг ажилд дэмжлэг үзүүлэх зорилгоор тус оны 10-р сарын 22-ноос 11-р сарын 13-ны өдрийн хооронд 14 ээлж хувааж 30,000 хонийг Хятадын талд хандивласан билээ.

Хятад улсын цар тахлын эсрэг тэмцэлд тууштай дэмжлэг үзүүлсэн Монгол Улсад талархал илэрхийлж, мөн оны 12-р сарын 8-ны өдөр, Хубэй муж Монгол Улсад цар тахлын эсрэг бөөн бараа бүтээгдэхүүн болон тусгай бэлэг 20 мянган ширхэг хэвийн цайг хандивласан байна.

Энэ бол гүн нөхөрлөлийн бэлэг юм: Хэвийн цай нь малжих нутгийн малчдын өвлийн улиралд зайлшгүй шаардлагатай бүтээгдэхүүн болох бөгөөд мөн Монгол улсын ард түмний дуртай сүүтэй цайны түүхий эд болно.
2021 оны 11-р сарын 6-ны өдөр, Хятадын олон улсын импортын IV экспод оролцогчид Чыбигийн хэвийн цайг харуулж байгаа нь. Синьхуа сайт нийтлэв
 
2021 оны Хятадын олон улсын импортын экспогоор энэхүү бэлгийг үйлдвэрлэсэн газар болох Хубэй мужийн Чыби хот дэлхийн өнцөг булан бүрээс ирж оролцогчдод энэхүү хэвийн цайн бэлгийг хүргэж ирсэн байна.
Чыбигийн хэвийн цай нь хар цайны төрөлд багтдаг бөгөөд дөрвөлжин хэлбэртэй, тоосготой төстэй, нэг ширхэг нь 1,7 кг жинтэй байдаг. Энэ "Том бэлэг"-ийг түүж авахаас эхлээд эцсийн бүтээгдэхүүн болтол хагсаах, бөөмлөх, исгэх, хатаах зэрэг 100 шахам дамжлагыг дамждаг байна. Үүнд зөвхөн исгэх дамжлага гэхэд л 6 сараас доошгүй хугацаа зарцуулж 10 гаруй дамжлага дамждаг байна.
 
2021 оны 11-р сарын 6-ны өдөр, Хятадын олон улсын импортын IV экспогийн Чыбигийн хэвийн цайны олон улсын мэдрэмжийн ордны хэвийн цайны хана. Синьхуа сайт нийтлэв.

Хубэй мужийн Чыбигийн хэвийн цай судлалын академийн гүйцэтгэх захирал Фэн Шяогуангийн танилцуулснаар, Чыбигийн хэвийн цай нь өнө эртний түүхтэй. Манай эриний 1006 онд /Умард Сүн улсын Жиндэгийн 3-р он/ хэвийн цайны гүйлгээ Чуулалт хаалгын зах зээлээс умардын малжих нутагт хүрч, Чин улсынй үед хэвийн цай нь Үхань хотын Ханькөүг гараа болгож түмэн газрын цайны замаар Орост хүрч тухайн үеийн “Од бүтээгдэхүүн” болж байжээ.

Өнөөдөр, Хятадын олон улсын импортын экспогийн худалдааны шинэ супермаркетад Чыбигийн хэвийн цай нь дэлхийн өнцөг булан бүрээс үзэсгэлэн худалдаанд оролцогчдод "Дээр үеийн брэнд" гэдгээрээ өөрийгөө танилцуулж байна.

Чыбигийн хэвийн цайны олон улсын мэдрэмжийн ордонд сэтгүүлчид хэвийн цайны бүх төрлийн бүтээгдэхүүн, тэр ч байтугай бүх төрлийн цайны дагалт бүтээгдэхүүн лаазалсан ургамлын цай, цайны амттай вазелин, цайны полифенол агуулсан нүүрний маск гэх мэтийг олж харсан байна.

“Чыбигийн хэвийн цай нь зөвхөн цайтай төдийгүй цайтай холбоотой нэмэлт бүтээгдэхүүнтэй тул суралцах нь зүйтэй юм!” Шри Ланкаас Хятадад суугаа Элчин сайд доктор Палита Кохона үзэсгэлэнгийн танхимд зочилсны дараа Чыбигийн хэвийн цайг ийнхүү магтсан байна.
 

2021 оны 11-р сарын 6-ны өдөр, Хятадын олон улсын импортын IV экспогийн Чыбигийн хэвийн цайны олон улсын мэдрэмжийн ордны цайны дагалт бүтээгдэхүүн. Синьхуа сайт нийтлэв.
 
2021 оны 11-р сарын 6-ны өдөр, Хятадын олон улсын импортын IV экспогийн Чыбигийн хэвийн цайны олон улсын мэдрэмжийн ордны цайны бүтээгдэхүүн. Синьхуа сайт нийтлэв
 
Чыби хотын намын хорооны нарийн бичгийн дарга Дүн Фанпин зөвхөн цайны бүтээгдэхүүний нэр төрлийг баяжуулаад зогсохгүй Чыбигийн хэвийн цайны бүтээгдэхүүн, соёл урлаг, бүтээлч бүтээгдэхүүн зэрэгт хэрэглэх нийтийн брэнд Чыбигийн хэвийн цайг зохион бүтээснээ танилцууллаа. Мөн гадаад сурталчилгаа, маркетинг гэх мэт зүйлд ашигладаг бөгөөд хүн бүхний сэтгэлд хүрсэн байдаг.

Хубэй мужийн Цайны аж үйлдвэрийн группын ерөнхий захирал Жинь Ли хэлэхдээ “2022 онд Монгол Улсын нийслэл Улаанбаатар хотод Чыбигийн хэвийн цайны бүтээгдэхүүний үзэсгэлэнгийн төв байгуулна” гэжээ. Өдгөө Чыби хотын цайны худалдаачид "Бүс ба зам"-ын дагуу Монгол, Орос, Европын холбооны гишүүн орнуудыг зорьж, энэхүү шинэ "Түмэн газрын цайны зам"-аар дэлхийд дахин гарахыг эрмэлзэж байна.
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод мэдээ

Энхтайваны өргөн чөлөө дагуух автобусны буудлуудыг халаас зогсоолгүй болгоно

Огноо:

,

Энэ онд нийслэлийн хэмжээнд 10 байршилд шинээр зам барих бол 41 байршилд авто замыг шинэчилнэ. Тодруулбал, Саппорогийн уулзвараас Офицеруудын ордон хүртэлх авто замыг бүрэн шинэчлэх юм. Энэ хүрээнд Энхтайваны өргөн чөлөө дагуу автобусны буудлуудыг халаас зогсоолгүй болгоно. Ингэснээр нийтийн тээврийн автобус нэгдүгээр эгнээгээр чөлөөтэй зорчих боломж бүрдэх юм. 

Замын хөдөлгөөний аюулгүй байдлыг хангах, зохиомол түгжрэлийн шалтгааныг арилгах, нийтийн тээвэр хоорондын зайг алдагдуулахгүй байх зорилгоор 2022 оноос эхлэн зам дагуух зогсоолуудыг үе шаттай хааж байгааг нийслэлийн Замын хөгжлийн газрын дарга Б.Одбаяр онцолж байлаа. 

Түүнчлэн Энхтайваны өргөн чөлөөний авто замын засвар, шинэчлэлтийн ажлыг өнгөрсөн дөрөвдүгээр сарын 2-ны өдрөөс эхэлсэн. Ингэхдээ иргэдэд саад учруулахгүйгээр шөнийн цагаар буюу 22:00-06:00 цагийн хооронд авто замыг засварлан шинэчилж байна. Харин асфальтбетон хучилтыг амралтын өдрүүдэд хийж байгаа юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

Дэлгэрэнгүй унших

Тод мэдээ

“Зээлийн апплейкешны эрх нэмэгдүүлж өгнө” гэж бусдыг залилжээ

Огноо:

,

Иргэн Б.П нь фэйсбүүк цахим орчинд “Nary Narut, Shimer shimka, Suki Nay, Anujin, Marlaa Marlaa, kimmyya InkIop” гэх нэртэй хуурамч хаяг нээн, түүнийгээ ашиглаж, “Токи.мн, Ленд.мнь Hipay” зэрэг зээлийн аппликейшны эрх нэмэгдүүлнэ" гэх зар оруулж хэрэглэгчийн нэвтрэх нэр, нууц үгийг хууль бусаар авч тухайн мэдээллээр иргэдийн цахим мэдээллийн сүлжээнд зөвшөөрөлгүйгээр нэвтэрч, олон удаагийн үйлдлээр зээл авч залилах, хулгайлах гэмт хэргийг үйлдэн их хэмжээний ашиг олж, амьдралын эх үүсвэрээ болгосон хэргийг илрүүлж, мөрдөн шалгах ажиллагааг үргэлжлүүлж байна.

Шалгалтын явцад гэмт этгээдүүд нь тухайн үйлдлийн аргыг ашиглаж, олон иргэдийг хохироосон байж болзошгүй нөхцөл байдал тогтоогдож байгаа тул дээрх нэр бүхий цахим фэйсбүүк хаягтай холбогдон зээлийн аппликейшны эрхээ нэмэгдүүлэх гэж хувийн мэдээллээ өгч, залилах гэмт хэргийн хохирогч болсон иргэд цагдаагийн байгууллагын 8822-2255 дугаарт холбогдохыг зөвлөлөө.

Хувийн мэдээллээ алдах нь цахим гэмт хэргийн хохирогч болох гол шалтгаан болж таныг санхүүгийн эрсдэлд оруулах аюул дагуулдаг гэдгийг ямагт анхаарч, таатай санал бүхий мэдээллүүдэд хянуур байж, дээр дурдагдсан эрсдэлээс урьдчилан сэргийлэхийг анхааруулж байна.

Дэлгэрэнгүй унших

Тод мэдээ

Хүннү хотын тээвэр логистикийн талаарх мэргэжлийн холбоод, компаниудын саналыг сонсож, ажлын хэсэг байгууллаа

Огноо:

,

Улаанбаатар хотын хүн ам өсөх тусам тээвэр логистикийн цогц, шинэлэг шийдэл хэрэгтэй болсон. Тиймээс Хөшигийн хөндийн нисэх онгоцны буудлыг түшиглэсэн анхны дагуул хот Хүннү хотод тээвэр логистикийн нэгдсэн төвийг нийт 1019 га талбайд барина. Үүнээс 400 га талбайд тээвэр логистикийн бүсийг байгуулах юм.

Тээвэр логистикийн бүс байгуулахтай холбогдуулан мэргэжлийн холбоод, үйл ажиллагаа эрхлэгч компаниуд, экспертүүдтэй өнөөдөр хотын дарга Х.Нямбаатар болон нийслэлийн холбогдох албан тушаалтнууд уулзаж, санал бодлыг нь сонсож, хэлэлцүүлэг хийлээ. “Хүннү хотын тээвэр логистикийн бүсийн хөгжлийн стратеги” хэлэлцүүлгээр оролцогчдын санал хүсэлтийг сонсож, тээвэр логистикийн төвийн төлөвлөлтөд тусгах ажлын хэсгийг байгууллаа. Ажлын хэсгийн ахлагчаар нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр ажиллана.

Хэлэлцүүлгийн үеэр хотын дарга Х.Нямбаатар үг хэлэхдээ Улаанбаатар хотыг 2040 он хүртэл хөгжүүлэх хөгжлийн ерөнхий төлөвлөгөөнд одоогийн суурьшлыг задлах дагуул хотын төлөвлөлтийг тусгасан. Хөшигийн хөндийн олон улсын нисэх онгоцны буудлыг түшиглэсэн анхны дагуул хотод тээвэр логистикийн бүсийг бий болгох нь олон давуу талтайг онцоллоо.

Өнөөгийн Улаанбаатар тээвэр логистикийн хувьд үр ашиг, бүтээмж багатай, ажиллагаа ихтэй. Төмөр замын өртөөн дээр ирсэн чингэлгүүдийг гар аргаар ангилан ялгаж, 10 терминал руу цөөн тооны вагоноор түгээдэг. Нэг чингэлэгт ногдох зардал өндөр. 10 терминал бүрийн тоног төхөөрөмжийг бүрэн хүчин чадлаар ашигладаггүй. Терминалууд дээр буусан ачааны 40 орчим хувийг эргэж орон нутагт түгээдэг. Логистик компани бүр өөрийн талбайтай болох хүсэлтэй боловч нийслэлд зай талбай байхгүй. Хүннү хотын тээвэр логистикийн нэгдсэн төв байгуулагдсанаар эдгээр асуудлыг бүрэн шийдвэрлэх боломжтойг хэлэлцүүлэгт оролцогчид хэлж байлаа.

Хэлэлцүүлэгт Хүннү хотын Захирагчийн чиг үүргийг хэрэгжүүлэгч, Засгийн газрын бүрэн эрхт төлөөлөгч М.Батбаяр “Хүннү хотын тээвэр, логистикийн бүсийн төлөвлөлт”,  Улаанбаатар хотын Ерөнхий архитектор Ч.Төгсдэлгэр “Улаанбаатар хотын 2040 он хүртэлх хөгжлийн ерөнхий төлөвлөгөөний тээвэр, логистикийн төлөвлөлт”, Монголын тээвэр логистикийн түншлэл мэргэжлийн холбооны ерөнхийлөгч А.Мөнхболд “Төр-хувийн хэвшлийн түншлэлийн эрх зүйн орчин: Боломж ба сорилтууд” сэдвээр илтгэл хэлэлцүүлэв.

Хүннү хотын тээвэр логистикийн нэгдсэн төв байгуулагдсанаар дараах ач холбогдолтой.

  • Монгол Улсын худалдаа, тээврийн дэд бүтцийг сайжруулж, өрсөлдөх чадварыг нэмэгдүүлэх,
  • Тээвэр логистикийн зардлыг бууруулж, эдийн засаг, бизнесийн өсөлтөд эерэг нөлөө үзүүлэх,
  • Олон улсын техник, технологийг нутагшуулан, хотын доторхи ачаа урсгалыг зохион байгуулах,
  • Улаанбаатар хотын түгжрэлийг бууруулах, төмөр замын эрчмийг зохицуулах,
  • Логистик төвүүдийн агуулахуудыг хотоос гаргаж, хадгалалтын зардлыг бууруулах,
  • Орон нутаг руу чиглэсэн барааны урсгалыг хотын гадна талд төвлөрүүлэх давуу талтай.

Дэлгэрэнгүй унших
сурталчилгаа
Тод мэдээ2025/05/02

Энхтайваны өргөн чөлөө дагуух автобусны буудлуудыг халаас зогсоолгүй...

Тод мэдээ2025/05/02

“Зээлийн апплейкешны эрх нэмэгдүүлж өгнө” гэж бусдыг залилжээ

Тод мэдээ2025/05/02

Хүннү хотын тээвэр логистикийн талаарх мэргэжлийн холбоод, компаниуд...

Тод мэдээ2025/05/02

Ерөнхийлөгчийн ивээл дор Нөмрөгийн дархан цаазат газарт тахь нутагшу...

Тод мэдээ2025/05/02

“Чингис хаан” олон улсын нисэх буудал руу нийтийн тээврийн автоб...

Өнөөдөр2025/05/02

УИХ-ын чуулганы нэгдсэн хуралдаан /2025.05.02/

Өнөөдөр2025/05/02

УИХ: Өнөөдөр чуулганы нэгдсэн хуралдаанаар...

Өнөөдөр2025/05/02

УБЦТС: Өнөөдөр хийгдэх засварын хуваарь

Өнөөдөр2025/05/02

Улаанбаатарт өдөртөө 10 хэм дулаан

Тод мэдээ2025/05/01

Хөх болон уушгиний хорт хавдартай өвчтөнүүдэд өндөр үр дүнтэй Швейца...

Тод мэдээ2025/05/01

“Баруун Сэлбэ” үйлчилгээний төвийн 1222 ам метр талбайг нийслэли...

Тод мэдээ2025/05/01

Тавдугаар сарын 15-наас МҮОНТВ, Гандан, ТБД Андууд орчмын халуун ус ...

Тод мэдээ2025/05/01

“Дугуйтай Улаанбаатар-2025” өдөрлөг тавдугаар сарын 10-ны өдөр т...

Тод мэдээ2025/05/01

ХӨСҮТ: Улаанбурхан өвчний лабораториор батлагдсан тохиолдол 1035 бол...

Тод мэдээ2025/05/01

АТГ: Авлигын эсрэг сургалтад 1099 албан тушаалтныг хамруулав

Өнөөдөр2025/05/01

УБЦТС: Өнөөдөр хийгдэх засварын хуваарь

Өнөөдөр2025/05/01

УИХ: Өнөөдөр чуулганы нэгдсэн хуралдаанаар..

Өнөөдөр2025/05/01

Улаанбаатарт бага зэргийн бороо орно

Тод мэдээ2025/04/30

Л.Оюун-Эрдэнэ: “Эгийн голын УЦС” төслийг богино хугацаанд эхлүүл...

Тод мэдээ2025/04/30

Суррон унаж замын хөдөлгөөнд оролцсон 15 хүүхэд осолд өртжээ

Тод мэдээ2025/04/30

БНСУ-ын Үндэсний Ассамблейн дарга И Тэ Жүний дурсгалын хөшөөнд хүндэ...

Тод мэдээ2025/04/30

Хотын дарга Х.Нямбаатар логистикийн чиглэлээр үйл ажиллагаа явуулдаг...

Тод индэр2025/04/30

Н.Мөнхбаяр: Сэлбэ дэд төвийн газар чөлөөлөлтөөс татгалзсан 30 орчим ...

Өнөөдөр2025/04/30

УИХ: Өнөөдөр хуралдах байнгын хороод

Өнөөдөр2025/04/30

УИХ: Өнөөдөр хуралдах ажлын хэсгүүд

Өнөөдөр2025/04/30

Улаанбаатарт өдөртөө 14 хэм дулаан

Өнөөдөр2025/04/29

УБЦТС: Өнөөдөр хийгдэх засварын хуваарь

Өнөөдөр2025/04/29

УИХ: Өнөөдөр хуралдах байнгын хороод

Өнөөдөр2025/04/29

УИХ: Өнөөдөр хуралдах намын бүлэг, ажлын хэсгүүд

Тод мэдээ2025/04/29

БНСУ-ын Үндэсний Ассамблейн дарга Ү Вон Шиг “Чингис хаан” үндэсн...

Санал болгох