Тод мэдээ
Арван төрлийн эмнэлгийн хэрэгслийн татан авалтад анхаарч ажиллахыг үүрэг болголоо
УОК-ын Нэгдсэн шуурхай штабын дарга, бригадын генерал Б.Ууганбаяр штабын бие бүрэлдэхүүнд хүнс, шатахуун, эм, эмнэлгийн хэрэгслийн нөөцийг дахин нарийвчлан гаргах, нэн шаардлагатай гэсэн ангиллаар эм, эмнэлгийн хэрэгслийн ачаа тээврийг хилээр дараалалгүй нэвтрүүлсээр байхад үнэ нэмэгдээд байгаа шалтгааныг олж тогтоох, цаашид тасалдаж болзошгүй хүнс болон 18 төрлийн эм, эмийн бүтээгдэхүүн, 10 төрлийн эмнэлгийн хэрэгслийн татан авалтад анхаарч ажиллахыг үүрэг болголоо.
Түүнчлэн иргэдийг вакцины III тунд хамруулах ажлыг эрчимжүүлж, коронавируст халдварын үеийн тандалт, хариу арга хэмжээ, эрүүл ахуй, халдвар хамгааллын дэглэмийн мөрдөлтөд хяналт тавьж, эмнэлгийн тусламж, үйлчилгээг сайжруулах чиглэлээр шаардлагатай арга хэмжээг авч ажиллах чиглэл өгөв.
Эх сурвалж: УОК-ын Шуурхай штаб
Тод мэдээ
Шалбарсан, гэмтэлтэй цахилгааны утас ашиглахгүй байхыг зөвлөж байна
Өнгөрсөн долоо хоногт бүртгэгдсэн гал түймрийн нийт дуудлагын 26 хувийг цахилгаан ашиглалтын аюулгүй байдал хангаагүйн улмаас гарсан гал түймрийн дуудлага эзэлсэн байна. Иймд дараах зөвлөмжийг дагаж галын аюулгүй байдлаа хангаарай.
-Стандартын шаардлага хангасан кабель утас, цахилгаан хэрэгслийг ашиглах
-Цахилгааны хэт ачаалал үүсгэхээс сэргийлэх, цахилгаан хэрэгслийг хүчдэлээс салгах
-Шалбарсан, зарим хэсгээрээ гэмтэлтэй цахилгаан утас ашиглахгүй байхыг Нийслэлийн Онцгой байдлын газраас зөвлөж байна.
Тод мэдээ
Англи хэлний Pearson хөтөлбөрийг өргөжүүлэхэд ИБУИНХУ-ын дэмжлэгийг зарцуулна
Боловсрол, шинжлэх ухааны сайд Л.Энх-Амгалан өнөөдөр /2024.05.14/ Их Британи, Умард Ирландын Нэгдсэн Хаант Улсаас /ИБУИНХУ/ манай улсад суугаа Онц бөгөөд Бүрэн эрхт Элчин сайд хатагтай Фиона Блайтыг хүлээн авч уулзлаа. Өнгөрсөн 4 дүгээр сарын 25-нд тус улсын Гадаад хэрэг, хамтын нөхөрлөл, хөгжлийн сайд Дэвид Камерон манай улсад албан ёсны айлчлал хийх үеэр монгол залуусын англи хэлний боловсролд зориулж 10 сая фунтийн дэмжлэг үзүүлэхээ илэрхийлсэн билээ.
Өнөөдрийн уулзалтаар БШУ-ны сайд Л.Энх-Амгалан дээрх дэмжлэгийг хэрхэн зарцуулах талаар Онц бөгөөд Бүрэн эрхт Элчин сайд хатагтай Фиона Блайттай ярилцсан.
ИБУИНХУ-аас үзүүлэх дэмжлэгийг
- 2024-2025 оны хичээлийн жилээс эхлэн ерөнхий боловсролын сургуулийн 3-7 дугаар ангид суралцаж буй нийт сурагчдыг PEARSON англи хэлний хөтөлбөрт хамруулах,
- Бага ангийн англи хэлний багш нарын мэдлэг чадварыг дээшлүүлэх,
- Орон нутгийн боловсролын газар, Боловсролын судалгааны хүрээлэн, Багшийн хөгжлийг дэмжих төв зэрэг холбогдох байгууллагын мэргэжилтнүүдийг сургах чиглэлд шат дараатайгаар зарцуулахаар тохирлоо хэмээн БШУЯ-аас мэдээллээ.
Тод мэдээ
Соёлын биет өвийн эд зүйлсийг хууль бусаар худалдахыг завдсан хэргийг шүүхэд шилжүүллээ
Прокурорын байгууллага 2024 оны тавдугаар сарын 6-10-ны өдрүүдэд 223 хэрэгт яллах дүгнэлт үйлдэн шүүхэд шилжүүлж шийдвэрлэлээ.
Тодруулбал, Эрүүл мэндийн халдашгүй байдлын эсрэг 94, Өмчлөх эрхийн эсрэг 61, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 39, Хүний бэлгийн эрх чөлөө, халдашгүй байдлын эсрэг 13, Хүний амьд явах эрхийн эсрэг 8, Хүрээлэн байгаа орчны эсрэг болон Авлига, албан тушаалын тус бүр 3, Мансууруулах эм, сэтгэцэд нөлөөт бодисыг хууль бусаар ашиглах 2, Улсын хилээр барааг хууль бусаар нэвтрүүлэх 1 хэргийг шүүхэд шилжүүлсэн байна.
Яллах дүгнэлт үйлдэн шүүхэд шилжүүлсэн зарим хэргээс дурдвал:
Нийслэлийн прокурорын газраас Баянзүрх дүүргийн 26 дугаар хорооны Засаг дарга О.Т нь эрх мэдэл, албан тушаалын байдлаа урвуулан ашиглаж, хэсгийн ахлагчаар Г.Ч-г ажилд томилон цалин олгож, өөртөө авч зарцуулсан гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Баянзүрх дүүргийн эрүүгийн хэргийн анхан шатны шүүхэд;
-Баянгол дүүргийн 309 дүгээр цэцэрлэгийн эрхлэгч Э.А нь эрх мэдэл, албан тушаалын байдлаа урвуулан ашиглаж, ой тогтоолтын сургалтад хамрагдсан хүүхдүүдийн төлбөрийн 20 хувийг цэцэрлэг хөгжүүлэх санд төвлөрүүлэх нэрийдлээр өөртөө шилжүүлэн авсан гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн Баянгол дүүргийн эрүүгийн хэргийн анхан шатны шүүхэд;
-Иргэн Б.Б нь Монгол Улсад ашиглахыг хязгаарласан химийн хорт аюултай бодисын жагсаалтад багтсан мөнгөн усыг зориулалтын бусаар ашигласан гэх хэрэгт Эрүүгийн хуулийн 24.3 дугаар зүйлийн 1 /Химийн хорт, аюултай бодисыг хууль бус эргэлтэд оруулах/-т зааснаар яллах дүгнэлт үйлдэн Баянхонгор аймаг дахь сум дундын эрүүгийн хэргийн анхан шатны шүүхэд,
-Сүхбаатар дүүргийн прокурорын газраас иргэн Т.Э, Э.Г нар нь Хүннүгийн үеийн НТӨ II зуунаас НТ I зуунд хамаарах соёлын биет өв, XVII-XIX зууны үеийн бурхны шашны сүм хийдэд ашиглагдаж байсан эдлэлийг хууль бусаар худалдаалахыг завдсан гэх хэрэгт Эрүүгийн хуулийн 25.5 дугаар зүйлийн 1 /Соёлын биет өвийн хууль бус худалдааг зохион байгуулах/-т зааснаар яллах дүгнэлт үйлдэн тус дүүргийн эрүүгийн хэргийн анхан шатны шүүхэд тус тус шилжүүлжээ.
-
Тод индэр2021/09/07
Ерөнхийлөгч У.Хүрэлсүх шүүх эрх мэдлийн шинэтгэлийг эрчимжүүлнэ
-
Тод мэдээ2020/11/17
Аймгийн Засаг дарга нартай цахимаар хуралдлаа
-
Тод мэдээ2021/06/03
Ажлын хэсгийн хурлаар холбогдох зарим байгууллагын тайлбар, мэдээллийг сонслоо
-
Өнөөдөр2021/09/16
Үс шинээр үргээлгэх буюу засуулбал эрч, хүч нэмнэ
Сэтгэгдэл