Тод индэр

Шадар сайд С.Амарсайхан Монголын Улаан Загалмайн нийгэмлэгт ажиллалаа

Огноо:

3 жил 9 сар.өмнө

2021/08/13

Сэтгүүлч:

Тодотгол

Монгол Улсын Шадар сайд, Төр-Улаан Загалмайн хамтын ажиллагааны үндэсний зөвлөлийн дарга С.Амарсайхан өнөөдөр Монголын Улаан Загалмайн нийгэмлэгт ажиллалаа.

Коронавируст халдвараас урьдчилан сэргийлэх, гамшгийн үеийн хариу арга хэмжээ авах хөтөлбөрийн хүрээнд Монголын Улаан Загалмайн нийгэмлэгээс авч хэрэгжүүлсэн арга хэмжээний талаар Ерөнхий нарийн бичгийн дарга Н.Болормаа мэдээлэл өглөө.

Монголын Улаан Загалмайн нийгэмлэг цар тахлын нөхцөл байдалд эрүүл мэндийн салбарын хүчин чадлыг нэмэгдүүлэх, нийгэм-эдийн засгийн сөрөг нөлөөллийг бууруулах болон Үндэсний нийгэмлэгийн хариу арга хэмжээ авах чадамжийг дээшлүүлж сайн дурын идэвхтэний оролцоог нэмэгдүүлэх гэсэн 3 үндсэн зорилгын дор үйл ажиллагаагаа явуулж байна.

Цар тахлын үед эрүүл мэнд, онцгой байдлын албанд хандив тусламжийн шугамаар техник тоног төхөөрөмж, нэг удаагийн хамгаалах хувцас хэрэгсэл, ариутгалын бодис олгож буйгаас гадна сайн дурын идэвхтэнүүдийг бэлтгэж бүх аймаг, дүүргийн Онцгой Комиссын Шуурхай Штабт дэмжлэг үзүүлж байгаа аж.

Өнгөрсөн жил 600 сайн дурын идэвхтэн бэлтгэн гэрийн тусгаарлалтад байгаа иргэдэд хяналт тавих, хүмүүнлэгийн тусламжийн багцыг түгээх болон коронавирусын үед иргэдэд зөв мэдээ мэдээлэл хүргэх чиглэлээр хамтран ажилласан бол өдгөө 400 сайн дурын ажилтан вакцинжуулалт, халдварын ойрын болон дам хавьтлын судалгаа хийж, цугласан мэдээллийг нэгдсэн санд бүртгэн, ХӨСҮТ-ийн Тархвар судлалын албанд дэмжлэг үзүүлэн ажиллаж байна.

2019-2021 онд МУЗН байгалийн гамшигт өртсөн 7,750 өрхийн 27,000 гаруй иргэнд хүмүүнлэгийн тусламж үзүүлэхдээ хороо, дүүргээс айл өрх бүрийн нарийн судалгааг гаргуулдаг бөгөөд эргээд төсөл хөтөлбөрийн үр дүнг тооцоолсон үнэлгээг улирал тутам гаргадаг аж. Цаашид онцгой байдлын үед ажиллах 1800 сайн дурын идэвхтэнг бэлтгэж, төр засгаас хэрэгжүүлж буй хөтөл хөтөлбөрүүдэд дэмжлэг үзүүлэн хамтын зүтгэлээр гар нэгдэн ажиллахаа Н.Болормаа дарга илэрхийлэв.

Цар тахлын амаргүй цаг үед онцгой нөхцөлд ажиллаж байгаа албан хаагчдыг дэмжиж, иргэд олон нийтийг манлайлан хүмүүнлэгийн тусламж үйлчилгээг цаг алдалгүй хүргэж буй Монголын Улаан Загалмайн нийгэмлэгийн хамт олонд Шадар сайд талархал илэрхийлээд, гамшгийн үед төр засгийн бодлого шийдвэрийг шуурхай хэрэгжүүлэхэд сайн дурын идэвхтнүүд чухал үүрэгтэй учраас онцгой үеийн боловсон хүчнийг бэлтгэж байгаа нь нийгмийн чухал нөлөөтэй ажил гэдгийг онцоллоо.

Цаашид Үндэсний нийгэмлэгийн нөөц чадавхыг бэхжүүлэх, гамшигтай тэмцэх бааз суурийг өргөжүүлэн олон улсын түвшинд хүргэхэд Шадар сайдын зүгээс шаардлагатай бүх дэмжлэгийг үзүүлэх болно хэмээлээ гэж Шадар сайдын Ажлын албанаас мэдээллээ.

Дараах мэдээ

Виртуал хөрөнгийн үйлчилгээ үзүүлэгчийн тухай хуулийн төслийн талаарх хэлэлцүүлэг боллоо

Өмнөх мэдээ

Улаанбаатарт өдөртөө 23 хэм дулаан

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Тод индэр

Н.Мөнхбаяр: Сэлбэ дэд төвийн газар чөлөөлөлтөөс татгалзсан 30 орчим иргэн байна

Огноо:

4 өдрийн өмнө

2025/04/30

Сэлбэ дэд төвийн гэр хорооллыг орон сууцжуулах төслийг Чингэлтэй дүүргийн 14, 18 дугаар хороо, Сүхбаатар дүүргийн 14 дүгээр хорооны нутаг дэвсгэрийн 158 га талбайд хэрэгжүүлж буй.

Энэ хүрээнд 2206 нэгж талбарыг чөлөөлөхөөс 1736 иргэнтэй нөхөн олговрын гэрээ байгуулж, нөхөх олговрыг олгоод байна.

Энэ талаар нийслэлийн Газар зохион байгуулалтын албаны Газар чөлөөлөх хэлтсийн дарга Мөнхбаяр “Сэлбэ дэд төвийн 158 га газрын нөлөөлөлд 2206 иргэний газар өртсөн. Өнгөрсөн оны гуравдугаар сарын 18-нд иргэдээс нийгэм, эдийн засгийн судалгаа болон санал асуулга авч, 70-аас дээш хувийн дэмжлэг авсан тул төслийн газар чөлөөлөлтийн ажлыг эхлүүлсэн. Өнөөдрийн байдлаар 1736 иргэнтэй нөхөн олговрын гэрээ байгуулж, иргэдийн мөнгийг дансанд нь шилжүүлсэн. Үүнээс 1562 айл байсан газрыг чөлөөлж цэвэрлээд байна” гэлээ.

Мөн газар чөлөөлөөгүй 280 орчим нэгж талбар үлдсэн бөгөөд үүний 30 орчим нь уг төслийг огт дэмжээгүй байна. Иймээс эдгээр иргэдтэй өдөр бүр уулзаж, сонсох ажиллагаа хийж байгааг хэллээ.

Дэлгэрэнгүй унших

Тод индэр

Я.Чулуунхүү: Эзэнгүй нохой, муурыг барьж, иргэдийн аюулгүй орчинд амьдрах орчныг бүрдүүлж байна

Огноо:

6 өдрийн өмнө

2025/04/28

Нийслэлийн иргэдийн эрүүл, аюулгүй орчинд амьдрах нөхцөлийг бүрдүүлэх зорилгоор эзэнгүй нохой, муур, мал амьтныг барьж, асрамжлах газарт байрлуулах ажлыг дөрөвдүгээр сарын 24-28-ны өдрүүдэд зохион байгуулж байна. Энэ талаар УБЗАА-ны Захиргаа, санхүүгийн удирдлагын газрын дарга Н.Отгонбаяраас тодрууллаа.

Тэрбээр “2025 онд НЗДТГ болон Улаанбаатар хотын Захирагчийн ажлын албанд эзэнгүй нохой, мууртай холбоотой гомдол олноороо ирсэн. Тиймээс нийслэлийн Засаг даргын захирамжаар эзэнгүй нохой, муурыг эзэнжүүлэх, түр асрах байранд хүргэх, анхан шатны вакцин хийх, туулга өгөх, үржлийг хязгаарлах үйлчилгээ үзүүлж байна. Нохой, муур барих ажилд нийслэлийн зургаан дүүргийн онцгой, цагдаагийн албан хаагчид болон УБЗАА, нийслэлээс холбогдох албаныхан 1000 гаруй хүн ажиллаж байна. Энэ удаагийн байршил СХД-ийн 20 дугаар хорооноос эхэлж, Туулын бургаснаас хойш самнах ажиллагаа явуулж байна” гэлээ.

Сонгинохайрхан дүүргийн 20 дугаар хорооны Засаг дарга Я.Чулуунхүү “Нийслэлийн Засаг даргын захирамжаар нохой, муур барих, эзэнжүүлэх арга хэмжээ 20 дугаар хороонд хоёр дахь өдрөө үргэлжилж байна. Манай хороо гэр хороолол, байшин хороолол, үйлдвэрлэлийн бүс ихтэй. Үйлдвэрлэлийн бүсэд эзэнгүй нохой, муур олон байдаг. Бага насны хүүхдүүдийг хичээл сургуульдаа явахад айлгадаг. Тиймээс нохой, муур барих ажил иргэдийн аюулгүй орчинд амьдрах нөхцөлийг бүрдүүлэх чухал ач холбогдолтой” гэв.