Бидэнтэй нэгдэх

Тод мэдээ

“Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” УИХ-ын тогтоолын төслийг хэлэлцэв

Огноо:

,

Сэтгүүлч:

УИХ-ын чуулганы өчигдрийн нэгдсэн хуралдаанаар Монгол УИХ-ын тухай хуульд хэсэгчлэн тавьсан Ерөнхийлөгчийн хоригийг хүлээн авахаар шийдвэрлэж, “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” УИХ-ын тогтоолын төслийн хэлэлцэх эсэхийг шийдвэрлэсэн юм.

Нэгдсэн хуралдаанаар дараа нь “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” УИХ-ын тогтоолын төслийн хэлэлцэх эсэхийг хэлэлцсэн. Төслийн талаар УИХ-ын гишүүн, Монгол Улсын сайд Л.Оюун-Эрдэнэ, Төрийн байгуулалтын байнгын хорооны санал, дүгнэлтийг УИХ-ын гишүүн Л.Ганболд танилцууллаа.

Засгийн газрын 2020-2024 оны үйл ажиллагааны хөтөлбөрийг “КОВИД-19 цар тахлын үеийн хөтөлбөр” гэж хэлж болно. Тийм ч учраас боловсруулахдаа халдварт цар тахлаас хүн амаа хамгаалж, нийгэм, эдийн засгийн хүндрэлийг амжилттай даван туулахад илүүтэй анхаарал хандуулсан гэв. Тус хөтөлбөр нь 6 бүлэг, 23 тэргүүлэх зорилт, 213 дэд зорилттой гэлээ.

  1. Дэлхий нийтийг хамарсан КОВИД-19 халдварт цар тахлаас үүдэлтэй нийгэм, эдийн засгийн хүндрэлийг богино хугацаанд даван туулахын тулд иргэд, аж ахуйн нэгжийг дэмжиж, хүүхдийн мөнгөн тэтгэмжийн нэмэгдлийг он дуустал үргэлжлүүлэн олгох, нийгмийн даатгалын шимтгэлийн хөнгөлөлт, түрээсийн төлбөрөө бууруулсан аж ахуйн нэгжүүдийг татвараас чөлөөлөх зэрэг арга хэмжээг үргэлжлүүлнэ.

Жижиг, дунд үйлдвэр, бизнес эрхлэгчдэд орчин үеийн санхүүжилтийн хэлбэрүүдийг нэвтрүүлж, худалдаа, борлуулалтыг дэмжих тээвэр, логистикийн дэд бүтцийг бий болгон бизнес эрхлэх нэн таатай орчныг бүрдүүлэх зорилгоор байнгын ажиллагаатай бүтцийг бий болгож байна.

Экспортод гаргах бараа бүтээгдэхүүний хэмжээг нэмэгдүүлж, “Ногоон гарц” түр журам хэрэгжүүлж, худалдааны түнш орнуудтай эдийн засгийн хамтын ажиллагааг идэвхжүүлж, төсвийн орлого бүрдүүлэхэд анхаарч ажиллах зайлшгүй шаардлага тулгарч байна.

Түүнчлэн гадаадад буй иргэдээ татан авчрах асуудлыг үе шаттай зохион байгуулж, эрүүл мэндийн тусламж, үйлчилгээний бэлэн байдлыг хангана.

Нөгөө талаар Засгийн газрын энэхүү үйл ажиллагааны хөтөлбөр бүхэлдээ КОВИД-19 цар тахлаас үүдэлтэй нийгэм, эдийн засгийн хүндрэлийг даван туулах, эдийн засгийг богино хугацаанд сэргээх, нийгмийн суурь үйлчилгээг тэгш, хүртээмжтэй хүргэхэд чиглэж байна.

  1. Иргэдийн амьдралын чанарыг дээшлүүлж, дундаж давхаргаа тэлэх хүний хөгжлийн цогц бодлого хэрэгжүүлнэ.

Засгийн газрын бодлогын гол цөм нь монгол хүн, монгол гэр бүл байж, хуримтлалын нэгдсэн сангаар дамжуулж иргэдийнхээ эрүүл мэнд, боловсрол, тэтгэвэр, орон сууцны асуудлыг цогцоор нь шийдвэрлэж, нийгмийн хамгааллын үйлчилгээ, хөдөлмөрийн дотоод зах зээлийн эрэлт нийлүүлэлтийн удирдлага зохион байгуулалтыг оновчтой болгон халамжаас хөдөлмөр эрхлэлт рүү гэсэн ерөнхий зарчмыг баримтал ажиллах болно.

Иргэдийн эрүүл мэндийн боловсролыг дээшлүүлж, иргэн хүн бүр урьдчилан сэргийлэх, эрт илрүүлэх эрүүл мэндийн үзлэг, оношилгоонд тогтмол хамрагдах нөхцөлийг олон улсын жишигт нийцүүлэн сайжруулна.

Яслийн үндэсний тогтолцоог сэргээж, 5 настай хүүхдийг сургуульд бэлтгэж, боловсролын бүх шатанд сургалтын чанарыг дээшлүүлж, суралцагчдад ээлтэй сургалтын орчин бүрдүүлж, тусгай хэрэгцээт хүүхдийг ердийн сургууль, цэцэрлэгт сурах,боломжийг нэмэгдүүлнэ.

Хөгжлийн тэрүүлэх салбараар гадаад дотоодын тэтгэлэгт хөтөлбөрийг эрчимжүүлнэ. Боловсролын салбарын үнэлгээг олон улсын жишгээр үнэлдэг болох тогтолцооны шинэчлэлийг эхлүүлнэ.

Эрдэм шинжилгээ, судалгааны ажлыг нийгэм, эдийн засгийн хөгжилд өгч буй үр өгөөжийг шалгуур болгон санхүүжүүлдэг өрсөлдөөнт тогтолцоонд шилжүүлж, нэгдсэн, төрөлжсөн, нээлттэй лабораторийг байгуулан салбарын өрсөлдөх чадварыг дээшлүүлнэ.

Бүтээн байгуулалтын томоохон мега төслүүд, Налайх, Багануур, Багахангайн үйлдвэр, технологийн парк, Атрын IV аяны хүрээнд шууд 73,000 ажлын байр шинээр бий болгох тооцоолол хийгдсэн ба төслийн үр дүнд үүсэх дам ажлын байр болон хувийн хэвшил, жижиг дунд үйлдвэрлэл, хөдөлмөр эрхлэлтийг дэмжих замаар нийт 150,000 ажлын байр шинээр бий болгоно.

Бүсчилсэн хөгжлийн үзэл баримтлалд нийцүүлэн орон сууцжуулах хөтөлбөрийг шинэ зохион байгуулалтаар өргөжүүлж, хуримтлалын нэгдсэн сангаар дамжуулан төр, хувийн хэвшлийн түншлэлд тулгуурлан хэрэгжүүлнэ.

  1. Импортлогч улсаас экспортлогч улс болж, эдийн засаг, санхүүгийн хүндрэлийг даван туулж, тогтвортой, хүртээмжтэй өсөлтийг хангах бодлого хэрэгжүүлнэ. 

Эдийн засгаа тэлэх, ажлын байрыг нэмэгдүүлэх хүрээнд Газрын тос боловсруулах үйлдвэр, Оюутолгойн далд уурхайг ашиглалтад оруулах, Эрдэнэт үйлдвэрт үйлдвэрлэл технологийн парк байгуулах, Цагаансуваргын зэс молибденийн ордыг ашиглалтад оруулах, Тавантолгой цахилгаан станц, боловсруулах үйлдвэрүүд байгуулах, Зүүнцагаан дэлийн жоншны далд уурхайг ашиглалтад оруулах, Тавантолгой-Зүүнбаян, Тавантолгой-Гашуунсухайт чиглэлийн төмөр замыг ашиглалтад оруулж, зүүн бүсийн босоо, хэвтээ чиглэлийн төмөр замын ажлыг эхлүүлэн, үндэсний болон олон улс, бүс нутгийн сүлжээнд холбогдсон зам, тээврийн дэд бүтцийг өргөжүүлж, томоохон ордуудыг ашиглалтад оруулж, стратегийн ач холбогдол бүхий ордуудыг эдийн засгийн үр өгөөжийг дээшлүүлэх байдлаар төслүүдийг эрэмбэ дараатай хэрэгжүүлэх болно.

Өсөн нэмэгдэж буй эрчим хүчний хэрэгцээгээ дотоодоосоо хангах нөхцөлийг бүрдүүлж, Тавантолгойн цахилгаан станц, холбогдох дэд бүтцийн бүтээн байгуулалтыг эхлүүлж, Эрдэнэбүрэнгийн усан цахилгаан станцыг шинээр барьж, эрчим хүчний эх үүсвэрийн хүчин чадлыг нэмэгдүүлнэ.

Малын түүхий эдийг боловсруулж, нэмүү өртөг шингээх зорилгоор Дархан, Ховдод арьс ширний боловсруулах үйлдвэрийг барьж байгуулна.

Эдийн засгийн өрөөсгөл бүтэц, тогтворгүй өсөлтийг шийдвэрлэхийн тулд нэмүү өртөг шингээсэн уул уурхай, түүнийг холбосон дэд бүтцийн мега төслүүд, Боловсруулах аж үйлдвэрийн салбар (хүнд, хөнгөн, хүнс гэсэн гурван төрөлжилттэйгээр хөдөө аж ахуйн салбарыг багтаасан), Эрчим хүчний салбар, Тээвэр, логистикийн салбар, Төрөлжсөн аялал жуулчлал, түүнийг дагасан үйлчилгээ, жижиг дунд үйлдвэрлэл, Мэдлэгжсэн, бүтээлч эдийн засгийн салбарыг эдийн засгийн тэргүүлэх салбараар зарлаж, төрөөс бодлогоор онцгойлон дэмжих болно.  

  1. Нийгэмд шударга ёсыг бэхжүүлж, төрийн үйлчилгээг шуурхай, хүнд сурталгүй хүргэх нөхцөлийг бүрдүүлэн, “Цахим Монгол” хөтөлбөрийг бүх салбарт хэрэгжүүлнэ.

Дэвшилтэт технологи бүхий камержуулалтын нэгдсэн системийг нэвтрүүлэн гэмт хэргээс урьдчилан сэргийлэх, илрүүлэх, таслан зогсоох цогц арга хэмжээг үндэсний хэмжээнд зохион байгуулан.

“Цахим Монгол” хөтөлбөрийг хэрэгжүүлснээр хүнд сурталгүй төрийн үйлчилгээг бүрэлдүүлэн төлөвшүүлэх, төрийн албан хаагчдын ажил үүрэг давхцалгүй болж, нэн шаардлагагүй орон тоо шат дараалан буурах, төр засгийн үйлчилгээ хувь хүнээс хараат бус болох томоохон зорилт хангагдна гэж үзэж байна. Энэ жилдээ багтаж, Монгол Улсын төр засгийн дийлэнх үйлчилгээ Цахим Монгол буюу “Е-Mongolia” цонхонд нэгдэж, цаашид энэ үйлчилгээнд аж ахуйн нэгжүүдийг нэгтгэх ажлыг үе шаттай зохион байгуулна. 

Хуулиа дээдэлж, ёс зүйг эрхэмлэн шударгаар ажиллаж буй төрийн мэргэшсэн албан хаагчдаа бүх талаар дэмжинэ. 

Олон улсын хөрөнгө оруулалтын эрхзүйн орчныг сайжруулж, нэг цонхоор хүнд сурталгүй төрийн үйлчилгээ үзүүлж, хөрөнгө оруулалтыг дэмжих бүтцийг тодорхой болгоно.

  1. Байгалийн баялгийг зүй зохистой ашиглаж, хүрээлэн буй орчны бохирдол, доройтлыг бууруулан, иргэдийн эрүүл орчинд амьдрах нөхцөлийг бүрдүүлэх ногоон хөгжлийн бодлогыг хэрэгжүүлнэ.

Улаанбаатар хотын агаарын бохирдлыг 80 хувь хүртэл бууруулж, бусад томоохон хот, суурин газрын агаарын бохирдлыг үе шаттай бууруулах асуудлыг шийдвэрлэнэ. 

Хөвсгөл нуурын эко системийн бохирдлын эрсдэлийн судалгаа хийж, нууранд живсэн машин техникийг татаж гаргах ажлыг олон улсын байгууллагуудтай хамтран зохион байгуулна. 

Уул уурхайн үйл ажиллагааны улмаас эвдэрч, олон жил орхигдсон 8 мянган га талбайг нөхөн сэргээнэ. 

  1. Хот, хөдөөгийн хөгжлийн зохист харьцааг хангаж, Улаанбаатар хотын хүн амын төвлөрлийг сааруулах нэгдсэн тогтолцоонд шилжүүлнэ.

Үндсэн хуулийн нэмэлт, өөрчлөлтийн дагуу холбогдох хуульд нэмэлт, өөрчлөлт оруулах замаар Дархан, Эрдэнэтийг улсын зэрэглэлтэй хот болгох асуудлыг судлан шийдвэрлэнэ.

Төвлөрлийг сааруулах бодлого хэрэгжүүлж, нийслэлийн дагуул хотууд байгуулж, хөдөөгийн хөгжлийг дэмжсэн санхүү, татварын таатай бодлогыг хэрэгжүүлнэ. 

Хот, хөдөөгийн зохист тэнцвэрийг тусгасан, эдийн засгийн жам ёсны хөгжлийн явцтай уялдуулах байдлаар бүсчилсэн хөгжлийн үзэл баримтлалыг шинэчлэн боловсруулж, Улсын Их Хурлаар батлуулна.

Сумын төвийн шинэчлэлийн хөтөлбөрийг үргэлжүүлэн “Нутгийн зам” төслийг хэрэгжүүлнэ.

Малчдынхаа амьдралын чанарыг дээшлүүлж, малын гаралтай түүхий эд, бүтээгдэхүүнийг бэлтгэн нийлүүлэх, худалдан борлуулах сүлжээг хөгжүүлж, хөдөө аж ахуйн бүтээгдэхүүн үйлдвэрлэлийн тоог нэмэгдүүлж, гол нэрийн хүнсний бүтээгдэхүүний хэрэгцээг дотоодоос бүрэн хангах боломжийг судалж, үе шаттай хэрэгжүүлнэ.

Хөтөлбөр хэрэгжих явцад дэлхийн нийтэд тархсан цар тахлын нөлөөлөл, Мазаалай бондын 500 сая ам.доллар, Чингис бондын 1 тэрбум ам.доллар, Гэрэгэ бондын 800 сая ам.доллар, Хуралдай бондын 600 сая ам.долларын өрийг төлөх зэрэг сорилтууд тулгарах юм. Энэ бүх эрсдэлийг тооцож, эрсдлийн менежмент хийсэн гэдгийг тэрбээр танилцуулгын үеэр онцолсон.

Засгийн газраас 2020-2024 онд эдийн засгийн дундаж өсөлтийг урт хугацааны тэнцвэрт өсөлтийн түвшинд буюу 6.0 орчим хувьд барихаар тооцоолжээ. Тус хөтөлбөрт тусгагдсан стратегийн томоохон төслүүдийг хэрэгжүүлснээр эдийн засгийн өсөлтийг дэмжнэ хэмээн тооцсон байна. Үр дүнд нь 2024 онд ДНБ-ий хэмжээ 55 их наяд төгрөг, экспортын орлого 12 тэрбум ам.доллар, нэг хүнд ногдох ДНБ-ий хэмжээ 5,200 ам.долларт хүрэх, инфляц 6 хувиас ихгүй байх зорилтыг дэвшүүлсэн байна.

Төрийн байгуулалтын байнгын хороо 2020 оны 08 дугаар сарын 19-ний өдрийн хуралдаанаараа төслийг хэлэлцээд гишүүдийн олонх дэмжиж, УИХ-ын чуулганы нэгдсэн хуралдаанаар хэлэлцүүлэхээр шийдвэрлэсэн байна.

УИХ-ын тогтоолын төслийн танилцуулга, Байнгын хорооны санал дүгнэлттэй холбогдуулан гишүүд асуулт асууж, Засгийн газрын гишүүд, ажлын хэсгээс хариулт, тайлбар, мэдээлэл авлаа.

Барилга хот байгуулалтын сайд Б.Мөнхбаатар ипотекийн зээл олголтыг нэмэгдүүлэх, хүүг бууруулах талаар авч хэрэгжүүлэх арга хэмжээний талаарх асуултад хариулахдаа, Сангийн яам болон Барилга хот байгуулалтын хамтран хоёр ажлын хэсэг байгуулаад ажиллаж байгаа гэлээ. Ажлын хэсгүүд Монголбанк, МИК-тэй хамтран ипотекийн зээлийн хүүг бууруулан 6 хувь болгох боломжийн талаар судалгаа хийж байгаа гэлээ. Засгийн газрын 2020-2024 оны үйл ажиллагааны хөтөлбөрийн төсөлд олон тулгамдсан асуудлыг шийдвэрлэхээр тусгаж оруулж ирсэн нь сайшаалтай гэдгийг Ё.Баатарбилэг гишүүн тэмдэглээд хэдэн заалтыг онцолж байсан юм. Соёлын өвийг хамгаалах чиглэлээр тусгагдсан зорилт, арга хэмжээний талаар Г.Мөнхцэцэг гишүүн тодруулахад С.Чулуун сайд “Ирэх дөрвөн жилд бүх өвийг бүртгэлжүүлэх, соёлын өвтэй холбоотой хууль бус үйл ажиллагааг бүрэн таслан зогсоох чиглэлээр зорилт, арга хэмжээг тусгасан байгаа” гэв. Түүнчлэн үндэсний соёлын өвийг олон улсад бүртгүүлэх, соёлын салбарын барилгын сэргээн засварлалтын талаар авч хэрэгжүүлэх арга хэмжээний талаар дэлгэрэнгүй мэдээлэл өгсөн. УИХ-ын гишүүн С.Батболд орон нутгийн хөгжлийн тэгш байдлыг хангах, аймаг бүрд дэд бүтцийн бүтээн байгуулалтын ажлыг жигд гүйцэтгэх, хөрөнгө оруулалтыг жигд хуваарилах асуудлыг хөндөж, Засгийн газрын 2020-2024 оны үйл ажиллагааны хөтөлбөрт тусгах санал хэлсэн. УИХ-ын гишүүн О.Цогтгэрэл, хөтөлбөрийн төсөл дэх 213 дэд зорилтын 161 буюу 76 хувь нь ерөнхий томъёлолтой байна гэж шүүмжлээд “Эдийн засгийн бодлого” гэсэн III бүлэгт чөлөөт бүсүүдийн дэд бүцтийн бүтээн байгуулалтын талаарх дэд зорилтыг цохож тодруулга хийв. Түүний асуултад Засийн газрын гишүүн, Монгол Улсын шадар сайд Я.Содбаатар хариулахдаа “Замын-Үүдийн чөлөөт бүсийн бүтээн байгуулалтыг идэхжүүлэх, БНХАУ-тай хил дагуух эдийн засгийн хамтын ажиллагааны бүс байгуулах хэлэлцээр явагдсан. Улсын Их Хурлаар шийдвэрлэхээр хэлэлцэж байна. Азийн хөгжлийн банкны 30 сая ам.долларын төсөл энэ онд багтаан Замын-Үүдийн чөлөөт бүсэд хэрэгжих юм. Алтанбулагийн чөлөөт бүсийн эрчим хүчний хангамжийг өргөтгөх болон дэд бүтцийн бүтээн байгуулалтын ажлуудыг хийх ёстой. Цагааннуурын чөлөөт бүс дээр ч тодорхой ажлууд хийгдэж байгаа. Гэхдээ энэ хоёр бүс дээр хөрөнгө оруулалт татах, дэд бүтцийн дорвитой шийдлийг бүтээн байгуулах ажлууд хийгдэнэ. Цахим чөлөөт бүсийн асуудлаар судалгаа явуулж байна” гэлээ. Түүнчлэн хууль эрх зүйн орчныг бүрдүүлэх чиглэлийн ажлууд ч багтсан байгааг хэлж байв.

Малчдыг дэмжих төрийн бодлогыг тодорхойлж, ирэх жилүүдэд тодорхой арга хэмжээ авч ажиллах шаардлагын талаар УИХ-ын гишүүн Ш.Адьшаа, Ц.Анандбазар нар байр сууриа илэрхийлж, малын хулгайтай тэмцэх тусгай бүтэц цагдаагийн байгууллагын бүтцэд бий болгох зорилтыг төсөлд тусгах санал гаргаж байлаа. УИХ-ын гишүүн П.Анужин эрүүл, органик хүнсээр хүн амаа хангаж, үүгээр дамжуулан эрүүл мэндийг хамгаалах бодлогын талаар төсөл дэх зохицуулалтуудыг тодруулж Хүнс хөдөө аж ахуй, хөнгөн үйлдвэрийн болон Эрүүл мэндийн сайд нараас хариулт авсан. Т.Доржханд гишүүн намын сонгуулийн мөрийн хөтөлбөр, таван жилийн хөгжлийн үндсэн чиглэлийн төсөл болон Засгийн газрын мөрийн хөтөлбөрийн төсөлд дэх зорилтыг харьцуулан, тайлбар шаардсан юм. Монгол Улсын сайд Л.Оюун-Эрдэнэ “Эдгээр хөтөлбөрийг хэрэгжүүлэх чиглэлд УИХ-ын гишүүдтэй хамтарч ажиллаж болно. Энэ удаагийн Засгийн газрын мөрийн хөтөлбөрийг хамгийн тодорхой зорилттой, цаашдаа жишиг болж тогтох ёстой гэдэг агуулгаар бодож, судалж, боловсруулсан” хэмээн тайлбарласан. Ийнхүү гишүүд асуулт асууж, Засгийн газрын гишүүдээс хариулт, тайлбар, мэдээлэл авсны дараа төслийн хэлэлцэх эсэхтэй холбогдуулан үг хэлж, байр сууриа илэрхийлсэн юм.

УИХ-ын гишүүн, Засгийн газрын гишүүн, Монгол Улсын сайд Л.Оюун-Эрдэнэ, “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” болон “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” УИХ-ын тогтоолын төслүүдийн хэлэлцүүлэгт гишүүд нухацтай хандаж байгаад талархал илэрхийлсэн. Д.Өнөрболор гишүүн, цар тахлын нөлөөлөл хүнсий хангамж, хүртээмжид сөргөөр нөлөөлөх эрсдэл байгааг хэлээд дотоодын хүнсний хэрэгцээг хангах бүс нутгуудын дэд бүтцийн асуудлыг хөндөж, холбогдох талууд анхаарал хандуулахыг хүссэн юм. УИХ-ын гишүүн Ж.Мөнхбат ажлын хэсэгт хандан хэлэлцүүлгийн явцад УИХ-ын гишүүдээс гаргасан санал, санаачилгыг харгалзан үзэж, төсөлд тусгах чиглэлд ажиллах нь зүйтэй гэв. Түүнчлэн зорилт бүрийг хэрэгжүүлэхдээ төсөв, эдийн засгийн бололцоогоо тооцох ёстой. Үүний тулд Улсын Их Хурал, Засгийн газар санаачлан санхүүжилт, хөрөнгө мөнгийг босгох шийдвэр гаргах талаар саналаа хэлж байсан юм.

Ийнхүү гишүүд “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” УИХ-ын тогтоолын төслийн хэлэлцэх эсэхтэй холбогдуулан үг хэлж, байр сууриа илэрхийлснээр чуулганы өнөөдрийн нэгдсэн хуралдаан өндөрлөлөө гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Дэлгэрэнгүй унших

Сэтгэгдэл

Тод мэдээ

АТГ: Иргэн, хуулийн этгээдээс 57 өргөдөл, гомдол хүлээн авав

Огноо:

,

Авлигатай тэмцэх газрын Судалгаа шинжилгээний алба нь 2024 оны 3 дугаар сарын 18-22-ны өдрүүдэд иргэн, хуулийн этгээдээс ирүүлсэн 57 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 64.9 хувь нь авлигын гэмт хэргийн шинжтэй байх бөгөөд тендер, худалдан авах ажиллагаатай холбоотой гомдол давамгайлж байна. Өнгөрсөн долоо хоногт авлигыг мэдээлэх 110 тусгай дугаараар 284 дуудлага хүлээн авчээ.

Дэлгэрэнгүй унших

Тод мэдээ

Хөгжлийн банкны гэх хэргийн талаарх шийдвэрийг нээлттэй байршуулна

Огноо:

,

Нийслэлийн Эрүүгийн хэргийн давж заалдах шатны шүүх Хөгжлийн банкны гэх тодотголтой 80 хүн 4 хуулийн этгээдэд холбогдох эрүүгийн хэргийг 2024 оны 3 дугаар сарын 7-ны өдрөөс 2024 оны 3 дугаар сарын 22-ны өдрүүдэд хянан хэлэлцэж шийдвэрээ танилцуулсан, улмаар шийдвэрийн тоймыг товч бэлтгэн тус шүүхийн сайтад байршуулсан.
 
Давж заалдах шатны шүүхийн хувьд: Анхан шатны шүүхийн шийтгэх тогтоолыг эс зөвшөөрч гаргасан прокурорын эсэргүүцэл болон хэргийн оролцогч нарын гаргасан нийт 36 давж заалдах гомдлуудаар прокурор, өмгөөлөгч, хохирогч байгууллагын төлөөлөгч, шүүгдэгч, иргэний нэхэмжлэгч, хариуцагч зэрэг нийт 134 оролцогчийг оролцуулан хэргийг хянан хэлэлцсэн төдийгүй нийт 534 хавтаст хэргийн материалд авагдсан үйл баримтын хүрээнд талуудын гомдол, эсэргүүцэл, тайлбар зэрэгт хууль ёсны ба үндэслэл бүхий дүгнэлт хийж, шүүхийн шийдвэрээ албан ёсоор хэвлэж, түгээхэд тодорхой хугацаа шаардагдах нь эргэлзээгүй асуудал билээ.
 
Тус шүүхээс, Хөгжлийн банкны гэх тодотголтой 80 хүн 4 хуулийн этгээдэд холбогдох эрүүгийн хэргийг хянан шийдвэрлэсэн давж заалдах шатны шүүхийн магадлалыг албан ёсоор бичгээр гаргаж, нийт оролцогч нарт гардуулах, улмаар олон нийтэд нээлттэй байршуулах тул хүлээцтэй, судалгаа мэдээлэлтэйгээр асуудалд хандахыг, мөн худал ташаа мэдээлэл түгээхгүй байхад анхаарахыг сонирхогч иргэн, сэтгүүлч зэрэг олон нийтэд хандан мэдэгдэж байна.
 
Зарим зарим худал ташаа мэдээлэл гарч байгаатай холбогдуулсан дараах мэдээллийг тодруулан хүргэж байна. Тухайлбал,
 
1. Анхан шатны шүүхээс цагаатгасан нийт 48 хүнээс шүүгдэгч Д.Уянга, Т.Оюунчимэг, Б.Чинзориг, Ч.Цоожсүрэн, А.Хүчитбаатар, Г.Гантогтох,Б.Амгалан, О.Батбаатар, Ч.Отгочулуу, Ч.Нэргүй, М.Баянмөнх, Б.Найдалаа, Б.Лхагвасүрэн, Р.Батбаяр, М.Золжаргал, Г.Дашзэвгэ, Г.Одонтуул, Б.Батзаяа, Б.Цэрэндаваа, Г.Санжмятав, М.Цэлмэг, Ц.Содхүү, Н.Батбаяр, Б.Цолмон, Х.Ганхуяг, Г.Амартүвшин, Н.Алтанхуяг нарын 27 хүнд холбогдох хэргийг цагаатгасныг хэвээр үлдээж,
харин шүүгдэгч Ц.Билгүүн, Т.Мөнхтулга, Т.Пүрэвсүрэн, С.Батзориг, Д.Бат-Очир, Ж.Үхэртар, Ж.Бат-Эрдэнэ, Ж.Оюунчимэг, С.Магнайсүрэн, М.Баярмагнай, Д.Батбаяр, Ё.Доржсумъяа, Ц.Цэвэгмэд, Н.Баярчимэг, О.Хуягцогт, О.Баяр, Д.Даваасамбуу, Б.Баттөр, Ц.Ууганбаяр, Г.Галсанням нарт холбогдох 20 хүнд холбогдох хэргийг цагаатгаж шийдвэрлэснийг хүчингүй болгож, гэм буруугийн асуудлыг хэрэгт авагдсан үйл баримтын хүрээнд хууль ёсны ба үндэслэл бүхий дүгнэлт хийж дахин хянан шийдвэрлүүлэх үндэслэлтэй гэж үзсэн байх ба мөн шүүгдэгч Б.Баттөрт /21 дэх хүн/ холбогдох худал мэдээлэл өгөх гэмт хэрэг, шүүгдэгч Ж.Бат-Эрдэнэд холбогдох нийт хэргээс зөвхөн хахууль авах гэмт хэргийг тусгаарлан прокурорт буцааж шийдвэрлэсэн.
Шүүгдэгч Б.Баттөр, Ж.Бат-Эрдэнэ нарт холбогдох тухайн хэргийн хувьд хахууль өгсөн гэх өөр гэмт хэрэгтэй нэгтгэж эсхүл хахууль өгсөн гэмт хэргийг шүүхээр хянан шийдвэрлэсний дараа шийдвэрлэх шаардлагатай гэж үзсэн учраас тусгаарласан.
 
2. Анхан шатны шүүхээс гэм буруутайд тооцсон нийт 32 хүнээс 10 шүүгдэгчид холбогдох буюу шүүгдэгч Л.Аззаяа, Б.Шинэбаатар, Ц.Баярсайхан, Х.Баттулга, Т.Болдмаа, Б.Батбаатар, Ч.Өлзий, Я.Батцэцэг, Л.Ням-Очир нарыг гэм буруутайд тооцож, ял шийтгэл оногдуулсныг хэвээр үлдээж, харин шүүгдэгч Н.Сүхболд /10/-д холбогдох хэрэгт Эрүүгийн хуулийг буцаан хэрэглэх үндэслэлгүй тул хөөн хэлэлцэх хугацаа дууссан үндэслэлээр эрүүгийн хариуцлагаас чөлөөлж шийдвэрлэсэн,
харин бусад нийт 22 шүүгдэгч болох Б.Батбаяр, Ч.Энхбат, Ч.Мөнхбаяр, Д.Цогтбаатар, Б.Будхүү, Л.Мягмаржав, Д.Дэлгэрсайхан, Б.Чойжилжалбуу, Б.Даажамба, Ж.Ганхуяг, Г.Батдорж, Н.Мөнхбат, Э.Эрдэнэ, Ц.Баатарбилэг, Б.Мөнхтөр, Г.Байгалмаа, Э.Эрдэнэбилэг, Х.Бат-Эрдэнэ, Ё.Баатарбилэг, Г.Цолмон, Ш.Бүтэд, П.Мягмардорж /нийт 22/ нарыг гэм буруутайд тооцсоны хүчингүй болгож, тэдэнд холбогдох бүхий л хэргийг хэрэгт авагдсан үйл баримтын хүрээнд хууль ёсны ба үндэслэл бүхий байдлаар дахин дүгнүүлж, зарим шүүгдэгч нарт холбогдох нийт хэргийг нэг мөр шийдвэрлүүлэх үндэслэлтэй гэж үзсэн, харин цагаатгасан шийдвэр огт гаргаагүй болно.
Үндэслэлийн талаар тодотгосон товч мэдээлэл:
Анхан шатны шүүхээс “Модун” ХХК-ний захирал Д.Батбаяр, “Комплант” ХХК-ийн захирал О.Баяр нарт холбогдох гэмт хэргийг цагаатгаж шийдвэрлэсэн нь хэргийн бодит байдалд нийцээгүй, үндэслэлгүй гэж Давж заалдах шатны шүүхээс шийдвэрлэсэнтэйгээр холбоотойгоор “Модун” ХХК, “Комплант” ХХК-иудад Хөгжлийн банкны хууль тогтоомжийг зөрчин их хэмжээний зээл олгож, давуу байдал олгосон гэмт хэрэгт хамтран оролцсон гэх шүүгдэгч Б.Батбаяр, Ч.Энхбат, Ч.Мөнхбаяр, Д.Цогтбаатар, Б.Чойжилжалбуу, Б.Будхүү, Л.Мягмаржав, Д.Дэлгэрсайхан нарт холбогдох тухайн гэмт хэргийг дахин шийдвэрлүүлэх үндэслэл үүссэн учраас тухайн шүүгдэгч нарт холбогдох бүх гэмт хэрэг, тэдний гэм бурууг нэг мөр дахин хэлэлцүүлэхээр шийдвэрлэсэн.
 
Шүүгдэгч Ё.Баатарбилэгийн хувьд : Анхан шатны шүүхээс шүүгдэгч Ё.Доржсумъяа, Ц.Цэвэгмэд нарт холбогдох гэмт хэргийг хууль ёсны ба үндэслэл бүхий дүгнэлт хийхгүйгээр хийсвэрлэн таамаглах байдлаар цагаатгаж шийдвэрлэснийг хүчингүй болгосон байх бөгөөд шүүгдэгч Ё.Доржсумъяа, Ц.Цэвэгмэд нарт холбогдох хэргийг үндэслэлгүйгээр цагаатгасан нь Ё.Баатарбилэгт холбогдох хэргийн үйл баримт, нотолгооны стандарт, бусад асуудлыг шалгах, тогтооход зөрүү, зөрчил үүсгэжээ. Мөн анхан шатны шүүх, прокурорын хувьд хэрэгт авагдсан бүхий л үйл баримтыг шалгаагүй, хууль ёсны ба үндэслэл бүхий дүгнэлт хийгээгүй, нотлох баримтыг үгүйсгэсэн, баталсан үндэслэлээ тодорхой заагаагүй, шийдвэрлэвэл зохих зарим асуудлыг орхигдуулсан гэж үзсэн учраас дахин хэлэлцүүлэхээр шийдвэрлэсэн.
 
Э.Эрдэнэ, Ж.Ганхуяг нарын хувьд : Шүүгдэгч Э.Эрдэнийн гэмт хэрэг үйлдэх үедээ эрхэлж байсан албан тушаалыг зөв тодорхойлон дүгнээгүй, тухайн шүүгдэгч нараас хураасан гэх гадаад валютыг төгрөгт шилжүүлээгүй буюу тооцсон баримтгүй, ямар хувь хэмжээгээр хариуцахыг таамаглах, дахин тооцох боломжгүй, Эрүүгийн хуулийг зөв хэрэглээгүйг зөвтгөх үндэслэлгүй гэж үзсэн.
 
Шүүгдэгч Н.Мөнхбатын хувьд : Анхан шатны шүүхээс Н.Мөнхбатад холбогдох албан тушаалын байдлаа урвуулан ашиглаж “Нью яармаг хаусинг прожект” ХХК-нд эдийн засгийн давуу байдал бий болгосон гэмт хэргийг хууль ёсны ба үндэслэл бүхий дүгнэлт хийхгүйгээр цагаатгаж шийдвэрлэснийг хүчингүй болгосон байх тул түүнд холбогдох бусад гэмт хэргийн гэм бурууг нэг мөр дахин хэлэлцүүлэхээр шийдвэрлэсэн.
 
Шүүгдэгч Б.Даажамбын хувьд : Анхан шатны шүүхээс “Хөгжлийн банкны төлөөлөн удирдах зөвлөлийн зарим дарга, гишүүд”-д холбогдох хэргийг бүхэлд нь хууль ёсны ба үндэслэл бүхий дүгнэлт хийхгүйгээр, таамаглан байдлаар цагаатгаж шийдвэрлэснийг хүчингүй болгосон байх тул түүнд холбогдох нийт гэмт хэрэг, гэм бурууг нэг мөр дахин хэлэлцүүлэхээр шийдвэрлэсэн.
 
Шүүгдэгч Г.Байгалмаагийн хувьд : Анхан шатны шүүхээс шүүгдэгч Г.Байгалмаад холбогдох “Монгол Улсын Ерөнхийлөгч асан Х.Баттулгын гарын үсгийг хуурамчаар” зурсан буюу хуулийн этгээдийн эрх мэдлийг урвуулан ашигласан гэх гэмт хэргийг хууль ёсны ба үндэслэлгүйгээр, таамаглан байдлаар цагаатгаж шийдвэрлэснийг хүчингүй болгосон байх тул түүнд холбогдох нийт гэмт хэрэг, гэм бурууг нэг мөр дахин хэлэлцүүлэхээр шийдвэрлэсэн.
 
Шүүгдэгч Г.Батдорж, Ц.Баатарбилэг, Б.Мөнхтөр, Э.Эрдэнэбилэг, Х.Бат-Эрдэнэ, Г.Цолмон, Ш.Бүтэд, П.Мягмардорж нарын хувьд : Хөгжлийн банкны зээлийн хорооны болон төлөөлөн удирдах зөвлөлийн гишүүдэд холбогдох бүх гэмт хэргийг дахин хэлэлцүүлэхээр дээр дурдсан байдлаар шийдвэрлэсэн учраас Хөгжлийн банкны зээлийн хорооны болон төлөөлөн удирдах зөвлөлийн гишүүдийг хатгаж болон бусад хэлбэрээр хамтран оролцсон гэх тухайн шүүгдэгч нарт холбогдох хэргийг хүчингүй болгохгүйгээр хууль зүйн дүгнэлт хийх бодит үндэслэлгүй гэж үзсэн. Учир нь Эрүүгийн хэрэг хянан шийдвэрлэх тухай хуулийн 1.7 дугаар зүйлийн 1, 3, 4, 7.2 дугаар зүйлийн 1 дэх хэсэгт зааснаар гэм бурууг урьдчилан тогтоох, гэм буруутай эсэх талаар хөдөлбөргүй үнэн гэж урьдчилан тогтоосон ямар ч нотлох баримт байж болохгүй гэх хуулийн заалтын хүрээнд шийдвэр гаргасан болно.
 
Иймд анхан шатны шүүхээс гэм буруутай тооцсон шүүгдэгч нарт холбогдох хэргийг дахин хэлэлцүүлэхээр буцаасан нь тэдэнд холбогдох хэргийг цагаатгасан буюу хэрэгсэхгүй болгосон гэх үндэслэл, утга агуулга огт илэрхийлэхгүй бөгөөд Давж заалдах шатны шүүх нь аливаа хэргийг урьдчилан таамаглаж шийдвэрлэх, хэргийн зүйлчлэлийг хүндрүүлэх, гэм буруутайд тооцоогүй этгээдийг шууд тооцох, эсхүл эрүүгийн хариуцлагыг хүндрүүлэх зэрэг эрх хэмжээг хэрэгжүүлдэггүй буюу тийм эрх хэмжээ эдлэхийг хууль, зарчмаар хориглосон болохыг тодотгон тэмдэглэж байна.
 
НИЙСЛЭЛИЙН ЭРҮҮГИЙН ХЭРГИЙН ДАВЖ ЗААЛДАХ ШАТНЫ ШҮҮХ
Дэлгэрэнгүй унших

Тод мэдээ

Улаанбаатарын 976 барилгын 206 нь газар хөдлөлтөд тэсвэртэй

Огноо:

,

Газар хөдлөлтийн аюул нь олон хүний амь нас, хүн төрөлхтний барьж байгуулсан бүтээн байгуулалтыг хоморголон устгадаг байгалийн гамшиг юм.

Газар хөдлөлтийн хүч, давтамж сүүлийн жилүүдэд Монгол Улсад төдийгүй дэлхий дахинаа нэмэгдэж байна.

Зөвхөн 2024 он гарсаар манай улсад болон хил орчмын бүс нутагт 3.5, түүнээс дээш магнитудын хүчтэй газар хөдлөлт 20 удаа болжээ.

Гэтэл Улаанбаатарын 976 барилгад газар хөдлөлтийн тэсвэртэй байдлын үнэлгээ хийхэд ердөө 206 нь тэсвэртэй гэсэн дүгнэлт гарсан байна.

Тиймээс Засгийн газраас жил бүрийн гуравдугаар сарын сүүлийн долоо хоногийн пүрэв гарагт 16:00 цагт улс орон даяар гамшгийн зарлан мэдээллийн дуут дохио дуугаргаж, дадлага сургууль зохион байгуулах журам гаргасан. Энэ жилийн хувьд маргааш буюу 2024 оны гуравдугаар сарын 28-нд таарч байна.

Энэхүү дадлага сургууль нь иргэд, аж ахуйн нэгж байгууллагад газар хөдлөлтийн аюулыг таниулах, урьдчилан сэргийлэх аргад сургах дадал олгох, эрсдэлийг бууруулах зорилготой.

Тиймээс маргааш ямар үйл ажиллагаа зохион байгуулах талаар ОБЕГ-ын дэд дарга, бригадын генерал Б.Ууганбаяр олон нийтэд мэдээлэл өглөө.

Мөн тэрбээр энэ дадлага сургуулийг ёс төдий өнгөрүүлэх биш, гамшиг нүүрлэсэн үед мэдлэгтэй дадалтай байж өөрийгөө болон хайртай дотнын хүмүүсээ аврах аргад суралцахыг зорьж, идэвхтэй бөгөөд хариуцлагатай оролцохыг уриаллаа.

Эх сурвалж: ОБЕГ

Дэлгэрэнгүй унших
сурталчилгаа
Тод мэдээ18 цаг 45 минут

АТГ: Иргэн, хуулийн этгээдээс 57 өргөдөл, гомдол хүлээн авав

Тод мэдээ18 цаг 48 минут

Хөгжлийн банкны гэх хэргийн талаарх шийдвэрийг нээлттэй байршуулна

Тод мэдээ18 цаг 52 минут

Улаанбаатарын 976 барилгын 206 нь газар хөдлөлтөд тэсвэртэй

Тод мэдээ18 цаг 54 минут

Замын-Үүд-Эрээн боомтын ачаа тээврийг ирэх сарын 1-нээс 24 цагаар аж...

Тод мэдээ18 цаг 58 минут

Эрүүл мэндийн цахим шилжилтийг эрчимжүүлэхийг үүрэг болголоо

Тод мэдээ19 цаг 1 минут

Гепатитын D вирусийн халдвартай 66 мянган хүн байна

Тод мэдээ19 цаг 4 минут

ЗГ: Үндэсний баялгийн сангийн тухай хуулийн төслийг УИХ-д өргөн мэдү...

Өнөөдөр19 цаг 6 минут

УИХ: Энэ долоо хоногт чуулганы нэгдсэн хуралдаанаар

Өнөөдөр19 цаг 11 минут

Зүүн аймгуудын нутгийн зүүн хэсгээр цас орж, цасан шуурга шуурна

Өнөөдөр19 цаг 13 минут

Үс шинээр үргээлгэх буюу засуулахад тохиромжгүй

Тод индэр2024/03/27

Ерөнхий сайд Л.Оюун-Эрдэнэ: Боомтын сэргэлтийн дараагийн үе шат инно...

Тод мэдээ2024/03/27

Сонгинохайрхан дүүрэг, Баянхошууны авто замд нүхэн эвдрэл засварлах ...

Өнөөдөр2024/03/27

ХХААХҮЯ: 49 үйлдвэрийн үйл ажиллагаа эрхлэх дүгнэлтийг цуцаллаа

Тод мэдээ2024/03/27

Бартаат замын туулах чадвар сайтай 16 автомашиныг хамгаалалтын 7 зах...

Тод мэдээ2024/03/27

Авлигатай тэмцэх үндэсний хөтөлбөрийг хэрэгжүүлэх Үндэсний хорооны а...

Тод мэдээ2024/03/27

С.Чинзориг: Эмчилгээний шинэ технологи нэвтрүүлэхийг бүхий л талаар ...

Тод индэр2024/03/27

Н.Батнасан: МУИС-д гаалийн байгууллагатай хамтран ажиллах өргөн боло...

Өнөөдөр2024/03/27

Үс шинээр үргээлгэх буюу засуулахад тохиромжгүй

Тод мэдээ2024/03/26

Автомашины нүүрсэн янданг улсын хилээр гаргахыг хориглох тухай тогто...

Өнөөдөр2024/03/26

Цаг агаарын аюултай үзэгдлээс сэрэмжлүүлж байна!

Өнөөдөр2024/03/26

Үс шинээр үргээлгэх буюу засуулахад тохиромжгүй

Тод мэдээ2024/03/25

"Улаанбаатар марафон"-ы бүртгэл үргэлжилж байна

Тод мэдээ2024/03/25

Хөлийн гол орчимд шар усны үер бууж, 30 орчим айл үерт автлаа

Тод мэдээ2024/03/25

Ерөнхийлөгч У.Хүрэлсүх ОХУ-ын Ерөнхийлөгч В.В.Путинд эмгэнэл илэрхий...

Өнөөдөр2024/03/25

УИХ: Намын бүлэг, ажлын хэсгүүд өнөөдөр хуралдана

Өнөөдөр2024/03/25

Улаанбаатарт өдөртөө 8 хэм дулаан

Тод мэдээ2024/03/25

Энэ онд Шархад дэд төвд 110 айлын орон сууц ашиглалтад орно

Тод мэдээ2024/03/25

ЦЕГ: АТМ эвдсэн этгээдийг илрүүлжээ

Тод мэдээ2024/03/25

Нийслэлийн 34 хорооны 1306 айл өрхөд нүүн шилжих мэдэгдэх хуудсыг хү...

Тод мэдээ2024/03/25

Ерөнхий сайд Л.Оюун-Эрдэнэ Замын-Үүд хилийн боомтын зорчигч, ачаа тэ...

Санал болгох