Чөлөөт бүс
Хувцасныхаа шошгыг тайлж уншихын учир...
Хувцасны шошгон дээрх элдэв зургуудад хэрхэн яаж арчлах талаар дэлгэрэнгүй хэлээд өгчихсөн байдаг. Гэхдээ бид тэр зургуудын утга учрыг төдийлөн сайн мэддэггүй. Тэгвэл бид танд учрыг нь хэлж өгье.
Дөрвөлжин доторх дугуй дүрс
Ийм тэмдэгтэй хувцсыг угаалгын машиндаа санаа зоволтгүй хийж болно. Дугуй дотор "Р" гэсэн үсэг байвал цайруулагч болон бусад химийн бодисоор цэвэрлэж болно гэсэн үг.
Индүү
Хэрээсээр хаасан бол индүүдэж болохгүй гэсэн үг. Түүнчлэн индүүний доод хэсэгт нэгээс гурван цэг бий. Гурван цэг бүхий зурагтай бол хувцсаа халуун индүүгээр индүүдэж болно. Хоёр цэгтэй бол дунд зэргийн халуун, харин ганц байвал индүүнийхээ тохируулгыг хамгийн бага дээр нь тавьж индүүд гэсэн заалт.
Цамцны зураг байвал
Дэлгэж хатаана. Дан дугуйг хэрээсээр дарсан бол хатаагчид хийх хэрэггүй. Хэрээсгүй бол угаалгын машиныхаа хатаагчаар хуурай болтол нь сэгсэрч болно. Шошгон дээр "wash dry separately" гэсэн бичиг байх юм бол өөр хувцастай холилгүй, дангаар нь угаагаарай.
Савтай ус
Энэхүү дүрс тэмдэг нь хэд хэдэн янз байдаг. Усыг илтгэсэн долгиотой зураасны дотор 30°С гэх мэт тодорхой тоо байвал тийм хэмийн халуун бүлээн усанд хувцсаа угаах хэрэгтэй. Ус заасан хэмээс халуун байвал хувцас агшиж хэлбэрээ алдах муу талтай. Харин гарын зурагтай бол зөвхөн гараар угаана гэдгийг зааж байгаа хэрэг.
Чөлөөт бүс
Хачиг дайжуулагч, үргээгч бүтээгдэхүүн хэрэглэхийг зөвлөж байна
Чөлөөт бүс
Хачигт халдварын идэвхжилийн үе эхэлсэн тул хазуулахаас сэргийлээрэй
Хаврын улиралд буюу гуравдугаар сарын сүүлээс хачигт халдварын өвчлөл нэмэгддэг. Өнгөрсөн 2003-2024 онд хачигт халдварын нийт 3080 тохиолдол бүртгэгдэж байжээ. Харин 2025 оны гуравдугаар сарын 16-наас буюу хачгийн улирал эхэлснээс хойш хачигт хазуулсан гэх өгүүлэмжтэй 44 хүн ХӨСҮТ-д ханджээ.
Улмаар ХӨСҮТ-ийн нэгдүгээр тасагт хачигт риккетсиоз оношоор таван хүн хэвтэн эмчлүүлж байгаа аж. Эдгээр хүмүүс Төв, Завхан аймаг, Багануур дүүрэгт хачигт хазуулсан гэх өгүүлэмжтэй.
Хачигт хазуулсан тохиолдолд халуурах, толбон гөвдрүүт тууралт гарах, хазуулсан хэсэг хавдаж улайх, нүдний салст улайх зэрэг зовуурь илэрдэг. Иймээс агаар салхинд гарч, аялж зугаалахдаа малгай, тод өнгийн битүү хувцас өмсөж, 1-2 цаг тутамд өөрийнхөө болон хамт яваа хүмүүсийнхээ хувцсанд хачиг наалдсан эсэхийг сайтар шалгаж, хачигт хазуулахаас сэргийлээрэй.
Мөн хачигт хазуулсан тохиолдолд хэрхэн зөв арга хэмжээ авах талаар ХӨСҮТ-ийн цахим хуудаснаас харах боломжтой.
Чөлөөт бүс
10 мянга, 5000 төгрөгийн дэвсгэртийг 30 жилийн өмнө анх хэвлүүлжээ
Металл утас, усан хээ, тасралттай металл утсан болон товгор элемент, холограм дардас бүхий Соёмбо, хэт ягаан туяанд гэрэлтэж харагдах хамгаалалтын элемент, харааны бэрхшээлтэй иргэдэд зориулсан хамгаалалтын элемент бүхий уг мөнгөн тэмдэгтийг гүйлгээнд ашиглаж байна.
Сонирхуулахад, 5000-ын дэвсгэртийг мөн 1995 онд, 1000-ын дэвсгэртийг анх 1993 онд гүйлгээнд гаргасан бөгөөд мянгатын дэвсгэртийг найман удаа шинэчлэн хэвлүүлжээ.
-
Тод мэдээ2019/07/03
“Өргөө” амаржих газарт 150 сая төгрөгийн автоклавтай боллоо
-
Өнөөдөр2022/05/30
УИХ: Намын бүлэг, ажлын хэсгүүд өнөөдөр хуралдана
-
Тод мэдээ2023/12/13
11 аймгийн 40 сум цагаан зудын, 11 аймгийн 48 сум цагаанаар зудархуу байна
-
Тод мэдээ2021/01/15
АНУ-ын Үнэт цаас, валютын хороо нь шүгэл үлээгчдэд 1.1 сая долларын шагнал өгдөг...