Бидэнтэй нэгдэх

Тод индэр

УИХ дахь намын бүлгүүд байгуулагдлаа

Огноо:

,

Сэтгүүлч:

Улсын Их Хурлын найм дахь удаагийн сонгуулийн үр дүнд бүрдсэн Улсын Их Хурлын Анхдугаар чуулганы өнөөдрийн (2020.07.01) нэгдсэн хуралдаан 15 цаг 10 минутад эхлэв. Монгол Улсын Их Хурлын тухай хуульд Улсын Их Хурлын сонгуулийн дүнгээр Улсын Их Хуралд наймаас доошгүй суудал авсан нам, эвсэл бүлэг байгуулахаар  заасан.

Намын бүлэгт зөвхөн тухайн нам, эвслээс албан ёсоор нэр дэвшиж сонгогдсон гишүүд орох бөгөөд  бүлгийн даргаа гишүүдийнхээ дотроос сонгож, энэ тухайгаа Улсын Их Хурлын даргад бичгээр мэдээлнэ. Нам, эвсэл бүлэг байгуулсан тухай шийдвэр, бүлгийн гишүүдийн нэрийн жагсаалтыг Улсын Их Хурлын даргад бичгээр ирүүлэх бөгөөд ийнхүү ирүүлснээр бүлгийн эрх, үүрэг хэрэгжиж эхэлнэ гэж хуульд заасан.

Энэ үндсэн дээр Улсын Их Хурлын сонгуулийн дүнгээр бүлэг байгуулах хэмжээний суудал авсан улс төрийн намууд Улсын Их Хурал дахь Намын бүлэг байгуулж, бүлгийн бүрэлдэхүүн, бүлгийн даргыг сонгосон тухай шийдвэрээ Улсын Их Хурлын даргад бичгээр ирүүлснийг Улсын Их Хурлын дарга Г.Занданшатар Анхдугаар чуулганы өнөөдрийн нэгдсэн хуралдааны эхэнд гишүүдэд уншиж сонсгон, Намын бүлгийн гишүүд, бүлгийн дарга нарт амжилт хүсэв.

Хуулийн дээрх заалтын дагуу Улсын Их Хурлын найм дахь удаагийн сонгуулийн дүнгээр Улсын Их Хуралд 62 суудал авсан Монгол Ардын Намаас Улсын Их Хурал дахь Намын бүлэг байгуулж, бүлгийн даргаар Улсын Их Хурлын гишүүн Д.Тогтохсүрэнг сонгожээ. Тэрбээр өнгөрсөн парламентад Улсын Их Хурал дахь МАН-ын бүлгийн даргаар ажилласан.

Харин ээлжит сонгуулийн дүнгээр Улсын Их Хуралд 11 суудал авсан Ардчилсан Намын бүлгийн даргаар Улсын Их Хурлын гишүүн Д.Ганбатыг сонгосон байна. Тэрбээр 2012-2016 онд Улсын Их Хурлын гишүүн, Хууль зүйн байнгын хорооны даргаар сонгогдон ажиллаж байв.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. TODOTGOL.MN сайтын редакц

Тод индэр

Технологи-Инновацийг хөгжүүлэх чиглэлээр хамтын ажиллагааг өргөжүүлнэ

Огноо:

,

Боловсрол, шинжлэх ухааны сайд Л.Цэдэвсүрэн Америкийн Нэгдсэн Улсаас Монгол Улсад суугаа Онц бөгөөд Бүрэн Эрхт Элчин сайд Майкл С.Клеческитэй уулзлаа. Уулзалтын эхэнд сайд боловсрол, шинжлэх ухааны хамтын ажиллагааны үр өгөөж жилээс жилд нэмэгдэж буйд талархал илэрхийллээ. Номхон Далайн командлал хоорондын байгуулсан хүмүүнлэгийн тусламжийн харилцан ойлголцлын санамж бичгийн хүрээнд баригдан хүлээлгэн өгсөн цэцэрлэгийн бүтээн байгуулалтын ажил, Ирээдүйн манлайлагчдын хөтөлбөр /FLEX/, Монгол Улсын иргэдийг АНУ-ын нэр хүнд бүхий сургуульд сургадаг Фулбрайт тэтгэлэгт хөтөлбөрийг амжилттай хэрэгжүүлэхэд Элчин сайдын үүрэг их байсныг Боловсрол, шинжлэх ухааны сайд дурдлаа.

Цэцэрлэг барих төслийг цаашид өргөжүүлэн хамтран ажиллах, багш солилцооны хөтөлбөрийг хамтарч хэрэгжүүлэх, инноваци, энтрепренершипийг хөгжүүлэх чиглэлээр сургалт явуулах, улмаар АНУ-аас станрт-ап компани үүсгэн байгуулагж амжилттай ажиллаж буй шилдэг залуу бизнесмен, манлайлагч нарыг Монголд урьж туршлага хуваалцах, инновацийн төслийн хамтарсан уралдаан зохион байгуулах зэрэгт хамтран ажиллах саналтай байгаагаа илэрхийллээ. Боловсрол, шинжлэх ухааны салбарын хамтын ажиллагааг өргөжүүлэхэд харилцан дэмжлэг үзүүлэн ажиллахаа талууд илэрхийллээ.
 
Уулзалтын үр дүнд бүх шатны сургалтын байгууллагын англи хэлний багшийг чадавхжуулах, Флбрайт хөтөлбөрийг өргөжүүлэн үргэлжлүүлэх, цэцэрлэгийн барилгын төслийг үргэлжлүүлэх, инновацийн гарааны компанийн чиглэлээр хамтран ажиллахаар талууд санал солилцлоо.
Дэлгэрэнгүй унших

Тод индэр

Н.Тавинбэх: Томоохон хөрөнгө оруулалтуудыг технологийн хөгжлийн хурдтай уялдуулна

Огноо:

,

Эрчим хүчний яамны удирдлагууд “Цахилгаан Дамжуулах Үндэсний Сүлжээ” ТӨХК-ийн үйл ажиллагаа болон өвөлжилтийн бэлтгэл хангах ажилтай танилцлаа. Энэхүү уулзалтад эрчим хүчний сайд Н.Тавинбэх, сайдын зөвлөх П.Товуудорж, Төрийн нарийн бичгийн даргын албан үүргийг түр орлон гүйцэтгэгч Б.Насантогтох болон холбогдох албаны хүмүүс оролцлоо.

“Цахилгаан Дамжуулах Үндэсний сүлжээ” ТӨХК нь 14 эх үүсвэрээс цахилгаан эрчим хүч авч, 17 түгээх тусгай зөвшөөрөл эзэмшигчид дамжуулдаг. Улаанбаатар хот, 18 аймгийн 272 сум, суурин, нийт хүн амын 72% хувьд хүрч ажилладаг. Дотоодын эх үүсвэрээс 4,399 тэрбум кВт.цаг ОХУ-аас импортоос 0,251 тэрбум кВт.цаг, БНХАУ-аас 1,3 тэрбум кВт.цаг, нийт 5,95 тэрбум кВт.цаг цахилгаан эрчим хүч дамжуулж байна.

2020-2021 оны өвлийн их ачааллыг амжилттай давах, шугам, тоноглолын тасралтгүй найдвартай ажиллагааг хангах чиглэлээр нийт 38 заалт бүхий төлөвлөгөөг боловсруулан мөрдөн ажиллаж байна. Төлөвлөгөөний дагуу 28 ажил хэрэгжиж, биелэлт 74%-ийнгүйцэтгэлтэй байна. 220/110 кВ-ын Ил хуваарилах байгууламж 4-ийн Автотрансформатор 1, 2-ыг зэрэгцээ ажиллагаанд оруулж, Монгол Улсын Эрчим хүчний системийн эх үүсвэрийн найдвартай ажиллагааг дээшлүүлэх ажлыг хийгээд байна.

Нийслэлийн агаар орчны бохирдлыг бууруулах, гэр хорооллын цахилгаан хангамжийг сайжруулах ажлын хүрээнд Шахмал түлшний үйлдвэрийн ПРП-110 дэд станцын өргөтгөлийн ажил, 40 МВА чадалтай 110/35/10 кВ-ын “Хүчит шонхор” дэд станцынбарилга угсралт, 110 кВ-ын 107, 108, 109, 110 ЦДАШ-ын дамжуулагч утасны дамжууламжийг сайжруулах ажлуудыг гүйцэтгэсэн.

Оюутолгой уурхайг төвийн эрчим хүчний системээс цахилгаан эрчим хүчээр хангах дамжуулах сүлжээний дэд бүтцийг барьж байгуулах ажлын хүрээнд “Мандал” дэд станцыг шинээр ашиглалтад оруулж, Чойр-Мандалговийн ЦДАШ-ыг 220 кВ-ын хүчдэлийн түвшинд шилжүүлснээр өмнийн говийн цахилгаан эрчим хүчний найдвартай ажиллагааг сайжруулсан.Агаарын шугамын дээд үзлэгийг ДРОН ашиглан гүйцэтгэдэг болсон гэж тус компанийн гүйцэтгэх захирал Б.Нямсамбуу танилцууллаа.

Дэлхийн банкны 630.000 ам.долларын зээлээр олон жил ашигласан засварын зардал өндөртэй 35 кВ-ын 10 иж бүрэн тосон таслуурыг реле хамгаалалтын хамт иж бүрнээр шинэчилж, цахилгаан дамжуулах сүлжээний реле хамгаалалт, автоматикийн байгууламжид техникийн аудит хийхээр төсөл хэрэгжүүлж эхэлжээ.

Эрчим хүчний сайд Н.Тавинбэх импортын цахилгаан эрчим хүчийг бууруулахад санаачлагатай ажиллахыг зөвлөөд өвлийн их ачааллыг давах бэлтгэл ажлыг 10 дугаар сарын 15-ны дотор дуусгах, зүүн бүсийн сайжруулсан шахмал түлшний үйлдвэрийн цахилгаан хангамжийн асуудлыг онцгойлон анхаарч, хэрэглэгчдийг өнтэй өвөлжих бэлтгэлийг базаах хэрэгтэйг онцоллоо. Мөн гадны зээл, буцалтгүй тусламжаар хийгдэж буй төсөл хөтөлбөрүүдийн томоохон хөрөнгө оруулалтыг хугацаанд нь амжилттай хэрэгжүүлж, техникийн шийдэл нь ирээдүйтэй хөл нийлүүлж байхыг чухалчлан захилаа.

Эх сурвалж: ЭХЯ

Дэлгэрэнгүй унших

Тод индэр

Алба хаагчид төмөр замын бүтээн байгуулалтад оролцож байгаадаа сэтгэгдэл хангалуун байна

Огноо:

,

Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга, Зүүнбаян-Тавантолгой чиглэлийн төмөр замын бүтээн байгуулалтын ажилтай танилцсан. Ерөнхийлөгчийг дагалдаж УИХ-ын гишүүн Б.Дэлгэрсайхан, Засгийн газрын гишүүн, Батлан хамгаалахын сайд Г.Сайханбаяр, ЗХЖШ-ын дарга, хошууч генерал Д.Ганзориг, Батлан хамгаалах яамны Бодлогын хэрэгжилтийг зохицуулах газрын дарга, хурандаа Х.Батсайхан болон бусад албаныхан ажиллалаа. Зүүнбаян-Тавантолгой чиглэлийн төмөр замын доод бүтцийн буюу далангийн ажлыг Зэвсэгт хүчний бие бүрэлдэхүүн, дотоодын аж ахуйн нэгжүүдтэй хамтран амжилттай хийж гүйцэтгэснээс гадна өртөө болон зөрлөгийн ажлыг хариуцаж эхнээс нь ашиглалтад оруулаад байгаа юм. Зөрлөгийн болон ажилчдын орон сууцыг байгуулахдаа халуун хүйтэн ус, халаалттай байхаар шийдсэн байна. Энэ нь дараа, дараагийн өртөө зөрлөгт жишиг болсон аж.

Батлан хамгаалахын сайд Г.Сайханбаяр, ЗХЖШ-ын дарга, хошууч генерал Д.Ганзориг нарыг төмөр замтай трассын дагуу танилцах үеэр тус бүтээн байгуулалтад оролцож буй Зэвсэгт хүчний 7781 дүгээр ангийн захирагч, хошууч генерал П.Доржсүрэн болон УБТЗ ХНН-ийн дарга Д.Жигжиднямаа нар ажлын явц, гүйцэтгэлийн талаар танилцуулж, дэлгэрэнгүй мэдээлэл өгөв. Мөн Батлан хамгаалахын сайд Г.Сайханбаярт төмөр замын бүтээн байгуулалтад оролцож буй дотоодын аж ахуй нэгжүүдийн алба хаагчид Зэвсэгт хүчний бие бүрэлдэхүүнтэй хамтран түүхэнд үлдэх бүтээн байгуулалтад гар нийлэн ажиллаж байгаадаа сэтгэл хангалуун байгаагаа илэрхийлсэн юм. Батлан хамгаалахын сайд Г.Сайханбаяр өнгөрсөн долоо хоногт ЗХЖШ, Зэвсэгт хүчний 336 дугаар ангид ажилласан бол амралтын өдрүүдэд ийнхүү төмөр замын бүтээн байгуулалттай танилцлаа.

Эх сурвалж: "Соёмбо" сонин





Дэлгэрэнгүй унших
сурталчилгаа
Тод зураг20 цаг 7 минут

Хачирхалтай загварлаг гутлууд...

Чөлөөт бүс20 цаг 11 минут

Бид төгс бус орчлонд амьдарч байгаа

Чөлөөт бүс20 цаг 15 минут

Нөхөр чинь заавал хэн нэгэнтэй адилхан байх ёстой гэж үү?

Тод мэдээ20 цаг 27 минут

Хичээл эхлүүлэхэд анхаарах асуудлын талаар зөвлөмж, чиглэл өглөө

Тод мэдээ20 цаг 34 минут

Салбарын уламжлалт харилцааг бэхжүүлнэ

Өнөөдөр20 цаг 39 минут

Хотын туурийг хамгаалалтад авч, судалгаа, малтлагын ажлыг төрөөс дэм...

Тод индэр20 цаг 42 минут

Технологи-Инновацийг хөгжүүлэх чиглэлээр хамтын ажиллагааг өргөжүүлн...

Тод мэдээ20 цаг 46 минут

“Мэдээллийн технологийн боловсрол болон аутсорсингийн төв&rdqu...

Тод индэр20 цаг 52 минут

Н.Тавинбэх: Томоохон хөрөнгө оруулалтуудыг технологийн хөгжлийн хурд...

Тод мэдээ20 цаг 56 минут

Зөвшөөрөлгүй барилга барьж буй асуудлыг шалгах ажлын хэсэг байгуулла...

Тод мэдээ21 цагын өмнө

Хууль зөрчсөн үйлдлийг таслан зогсоож, хариуцлага тооцохыг үүрэг бол...

Тод мэдээ21 цаг 3 минут

Төмөр замын гарам дээр ирээд "зогс, хар, сонс"

Санал болгох