Тод мэдээ
Сонгинохайрхан дүүрэгт МАН-аас нэр дэвшигчдийн иргэд, сонгогчидтой хийх уулзалт үргэлжилж байна
Багш бэлтгэх тогтолцоог чанаржуулснаар дэлхийд өрсөлдөх боловсон хүчнийг бэлтгэнэ
Сонгинохайрхан дүүрэг өнгөрсөн дөрвөн жилийн хугацаанд цэцэрлэг, сургуулийн хүртээмж 90 гаруй хувьд хүрчээ. Цаашид боловсролын чанар, багш мэргэжилтнүүдийн бодит үнэлэмжийг дээшлүүлэх, мэргэжлийн нэр хүндийг өсгөх, хариуцлагажуулах, тэднийг чадавхжуулах бодлогод анхаарч дэлхийд өрсөлдөхүйц хэмжээнд боловсон хүчнийг бэлтгэнэ гэдгийг УИХ-ын сонгуулийн Xl тойрог, СХД-т МАН-аас нэр дэвшигчид онцолж байна. СХД-т МАН-аас Н.Алтаншагай, П.Сайнзориг, Э.Батшугар, Н.Хүрэлбаатар, Ч.Номин нар нэр дэвшиж байгаа билээ.
Өнгөрсөн дөрвөн жилийн хугацаанд Сонгинохайрхан дүүргийн хэмжээнд 25 цэцэрлэг, долоон сургууль шинээр ашиглалтад оржээ. Ингэснээр боловсролын үйлчилгээний хүртээмж 90 хувьд хүрч тэлсэн байна. Өмнө нь сургуулийн хүртээмж тааруу байдлаас болж сурагчид гурван ээлжээр хичээллэдэг байсан бол одоо нэг, хоёр ээлжинд шилжиж суралцах таатай орчин бүрдсэнийг иргэд ярьж байна.
Харин энэ үеэр нэр дэвшигчид боловсролын реформыг улсын хөгжлийн зорилготой уялдуулж үндэсний боловсролын тогтолцоог бий болгох нь чухал бөгөөд энэ хүрээнд англи хэлийг хоёр дахь хэл болгох, шинжлэх ухаанч соёлыг түгээх, боловсрол судлалыг хөгжүүлэх шаардлага байгааг тодотгосон юм.
Одоогийн байдлаар дүүргийн хэмжээнд долоон сургууль, 14 цэцэрлэг шинээр баригдаж байна.
Баянхошуу дэд төвийг түшиглэн гэр хорооллыг орон сууцжуулна
Улаанбаатар хотын гэр хорооллын бүсэд нийгмийн болон инженерийн дэд бүтцийг цогцоор шийдсэн зургаан шинэ дэд төвийг байгуулахаар төлөвлөсний дагуу Баянхошуу дэд төвийг түшиглэн гэр хорооллыг орон сууцжуулах ажил үргэлжилж байна. Энэ хүрээнд СХД-ийн есөн хороонд иргэдийг орон сууцжуулах ажил идэвхитэй явагдаж байна.
Тухайлбал, СХД-ийн 9, 10-р хорооны нутаг дэвсгэрт 3.5 га газрыг чөлөөлж орон сууц баригдахаар төлөвлөгджээ. Барилгын эхний блокын гүйцэтгэл 50 хувьдаа орсон бол өнгөрсөн долоо хоногт хоёр дахь блокны ажил эхэлсэн байна. Орон сууц энэ ондоо багтаж ашиглалтад орохыг УИХ-ын сонгуулийн Xl тойрог, СХД-т МАН-аас нэр дэвшигчид онцоллоо.
Баянхошуу дэд төвийн хүрээнд авто зам, цэцэрлэг, бизнес инкубатор, сургалтын төв, ус хангамж, ариутгах татуурга, дулаан хангамжийн ажлууд хийгдсэн байна. Цаашид Баянхошуу дэд төвийг түшиглэж нийт 146 га газрыг чөлөөлж дахин төлөвлөлт хийгдэх аж. Дэд төвийг түшиглэн төвлөрлийг сааруулж, орлогод нийцсэн орон сууцны хорооллууд баригдаж байгаад иргэд сэтгэл хангалуун байгаагаа МАН-аас нэр дэвшигчид иргэд, сонгогчидтой уулзах үеэр хэлж байлаа.
Дашрамд дурдахад, Баянхошуу дэд төвүүд бий болсноор Улаанбаатар хотын замын түгжрэл 36 хувь, агаарын бохирдол 22 хувиар буурна гэсэн судалгаа гарчээ. Дэд төвийн бүтээн байгуулалтын хүрээнд яндангийн тоо цөөрч, агаар, хөрсний бохирдол буурч иргэд өмчлөлийн газартаа ая тухтай амьдрах орчин нөхцөл эхнээсээ бүрдэж байгааг иргэд олзуурхан хүлээн авлаа.
Тод мэдээ
Тээвэр логистикийн нэгдсэн төв байгуулах ажлын хүрээнд ААН-үүдийн үйлдвэртэй танилцаж, туршлага судлав
Хөшигийн хөндийн нисэх онгоцны буудлыг түшиглэсэн анхны дагуул хот Хүннү хотод тээвэр логистикийн нэгдсэн төвийг нийт 1019 га талбайд барина.
Үүнээс 400 га талбайд тээвэр логистикийн бүсийг байгуулах юм.
Уг төлөвлөлтийн хүрээнд нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяраар ахлуулсан ажлын хэсэг нийслэлд үйл ажиллагаа явуулж буй ААН-үүдийн үйлдвэр, терминалтай танилцлаа.
Энэ үeэр "Ти Ай Ложистик" XXK-ийн Тээврийн газрын захирал П.Ариунзаяа “Манай компани үүсгэн байгуулагдаад 14 жил болж байна. Импорт, экспортын бараа, бүтээгдэхүүнийг боловсруулах, гаалийн хяналтын бүс болон олон улсын тээвэр зуучлалын чиглэлээр үйл ажиллагаа явуулдаг. Өнөөдрийн хувьд НЗДТГ-ын ажлын хэсгийн зүгээс Хүннү хотод шинээр байгуулах логистик, ХАБЭА-н талаар бидэнтэй уулзаж, манай үйл ажиллагаатай танилцлаа.
Хүннү хотын логистик төвийг олон улсын стандартад нийцүүлсэн жишиг төв болгож хөгжүүлнэ гэдэгт итгэлтэй байна. Иймд, одоогийн үйл ажиллагаагаа илүү сайжруулж, хамтран ажиллахад бэлэн байна” гэв.
"Ландбридж" ХХК-ийн захирал Д.Энхтүвшин “Миний хувьд тээвэр, логистикийн салбарт 27 жил ажиллаж байна. Манай компани нь 22-ын товчоо буюу СХД-ийн 36 дугаар хороонд бараа бүтээгдэхүүнийг суурьшлын бүс рүү задалж оруулах, орон нутагт түгээх агуулахын чиглэлээр үйл ажиллагаа явуулдаг. НЗДТГ-ын Хүннү хотыг хөгжүүлэх ажлын хэсгээс логистикийн дэд бүтэц, агуулахын чанар зэргийг цаашдын төлөвлөлтдөө оруулах зорилгоор туршлага судалж, ирж үзлээ. Энэ салбарт олон жил ажиллаж, амьдарч буй хүний хувьд Хүннү хот болон нийслэлийн захын дүүргүүдэд түгээлт, ачаа бараа боловсруулах дэд бүтэц сайжраасай гэж хүсдэг. Энэ талаараа бид өөрсдийн хийсэн бүтээснийг үзүүлж, мэддэг чаддаг бүхнээ зөвлөлдөж байгаадаа баяртай байна” гэв.
Нийслэлийн Санхүү, эдийн засаг, хөгжлийн бүтээн байгуулалтыг эрчимжүүлэх төсөл, хөтөлбөрийн зохицуулагч Л.Хосбаяр “Тээвэр логистикийн төвийг Хүннү хотод нүүлгэн шилжүүлэхтэй холбоотойгоор ажлын хэсэг байгуулагдсан. Хоёр өдрийн өмнө энэхүү үйлчилгээг үзүүлдэг ААН-үүдтэй хэлэлцүүлэг хийсэн. Хэлэлцүүлгийн хүрээнд тодорхой саналууд гарсан учраас энэ төрлийн үйлчилгээ үзүүлдэг ААН-үүд дээр ирж, үйл ажиллагаатай нь танилцлаа.
Хотод төвлөрсөн логистикийн хөдөлгөөнийг сааруулахад аж ахуй эрхэлж байгаа компанийн захирлууд болон үйлчилгээ үзүүлж байгаа хүмүүс хүлээн зөвшөөрч буйгаа илэрхийллээ. Хамгийн чухал нь Хүннү хотод төлөвлөж байгаа байршил дээр ямар үйлчилгээг нэвтрүүлэх, терминалаа хаана үлдээх зэрэг олон бодитой ажил хэрэгч саналуудыг гаргаж байна. Тиймд, логистикийн төвийг шинээр байгуулахдаа үйлчилгээ эрхэлдэг ААНБ-ын бүх саналыг аль болох тусгаж, олон улсын стандартад нийцсэн ажил төлөвлөж гүйцэтгэнэ” гэлээ.
Тод мэдээ
“Улаанбаатар марафон 2025” олон улсын гүйлтэд 5000 гаруй хүн бүртгүүлээд байна
“Улаанбаатар Марафон 2025”-ын хамгийн бага зай болох 1.5 км-т гэр бүлээрээ болон тэргэнцэртэй, хараагүй иргэд гүйх боломжтой бөгөөд энэ төрөлд нийт 954 хүн гүйхээр бүртгүүлжээ. 5 км-ийн зайд 2451 иргэн гүйхээр бүртгүүлсэн бол 10 км-ийн зайд 794 хүн бүртгүүлсэн байна.
Хагас марафон буюу 21 км-ийн гүйлтэд 18-34 нас, 35-54 нас, 55-аас дээш насныхан, хөгжлийн бэрхшээлтэй иргэд гэсэн ангиллаар оролцох боломжтой. Энэ төрөлд 700 хүн бүртгүүлээд байна. Бүтэн марафон буюу 42 км-ийн зайд 18 болон түүнээс дээш насныхан, хөгжлийн бэрхшээлтэй иргэд гэсэн ангиллаар гүйх бөгөөд одоогийн байдлаар 135 хүн бүртгүүлжээ.
Бүртгэлийн хураамж нь зай тус бүрээс хамааран 5000 төгрөгөөс 90,000 төгрөгийн хооронд байна. Тусгай олимп төрөл буюу 500, 800 метр зайд гүйгчдээс бүртгэлийн хураамж авахгүй. Та бүхнийг "Улаанбаатар Марафон 2025" олон улсын гүйлтэд найз нөхөд, гэр бүл, хамт олноороо оролцож, нэгэн өдрийг эрүүл мэндийнхээ төлөө үр бүтээлтэй өнгөрүүлэхийг уриалж байна.
Марафонд гүйх хүсэлтэй иргэд https://ulaanbaatar.marathon.mn цахим хаягаар болон “Hipay” аппликейшнээр бүртгүүлэх боломжтой. Бүртгүүлсэн хүмүүст энгэрийн дугаар олголт 2025.05.10-20-ний хооронд үргэлжилнэ.
Тод мэдээ
“Эрүүл мэндийн ажилтны гарын эрүүл ахуй сахих дэлхийн өдөр” өнөөдөр тохиож байна
ДЭМБ-аас жил бүрийн тавдугаар сарын 5-ны өдрийг “Эрүүл мэндийн ажилтны гарын эрүүл ахуй сахих дэлхийн өдөр” болгон тэмдэглэж, эрүүл мэндийн ажилтнуудад гарын эрүүл ахуйг сахихын ач холбогдлыг сурталчлан, мэдлэг, хандлага, дадлыг дээшлүүлэхэд чиглэсэн нөлөөлөл, сурталчилгаа зохион байгуулдаг.
Энэ 2025 онд дэлхий дахинд энэ өдрийг "Бээлийг зохистой хэрэглэе. Гарын эрүүл ахуйг сахья" уриан дор тэмдэглэх бөгөөд дараах үйл ажиллагааг зохион байгуулахыг улс орнуудад зөвлөжээ. Үүнд:
-"Гарын эрүүл ахуй сахих 5 мөч"-ийг хэрэгжүүлж эрүүл мэндийн тусламж үйлчилгээний явцад халдвар тархахаас сэргийлэх, гарын эрүүл ахуйн зөв дадлыг түгээн дэлгэрүүлэх;
-Бээлийг шаардлагатай үед хэрэглэх нь чухал боловч энэ нь гарын эрүүл ахуйг орлохгүй, бээлийг зохистой зөв хэрэглэхийг сурталчлан таниулах;
-Бээлийг зохисгүй, хэт их хэрэглэх нь хог хаягдлыг ихэсгэж хүрээлэн буй орчныг бохирдуулдаг тул зохистой хэрэглээнд уриалах;
-Эрүүл мэндийн ажилтан бүр гарын эрүүл ахуй сахих заавар, журмыг мөрдөхийг зөвлөсөн гэж Халдварт Өвчин Судлалын Үндэсний Төвөөс мэдээллээ.
-
Тод мэдээ2023/05/10
Улаанбаатар хотын хөгжлийн корпораци Чунчин хотын компаниудтай хамтарч ажиллана
-
Тод мэдээ2022/06/08
Соёлын сайд Ч.Номин аймаг, нийслэлийн Соёл урлагийн газрын дарга нарыг хүлээн ав...
-
Өнөөдөр2021/09/09
Өнөөдөр ажиллах дархлаажуулалтын цэгүүд
-
Тод мэдээ2021/07/09
"ДээлтэйМонголChallenge" уралдааныг зарлаж байна