Тод мэдээ
Тархи угаалтаар технологи бүтдэггүй
Сүүлийн үед оператор компаниудын Дата-ны асуудал хөндөгдөх боллоо. Дата нь цалин, шатахуун, хоол хүнстэй адил бидний өдөр тутмын чухал хэрэглээ болсон тул хүн бүхэнд хамаатай асуудал. Гэхдээ энэ нь нарийн технологи дээр тасралтгүй хөгжүүлэлт хийгдсэний дүнд бидний өргөн хэрэглээ болж чадсан болохоос биш хэн нэгэн “бид хийлээ” гэж гэнэт гарч ирээд тархи угаалтаар өмчлөөд авчихдаг зүйл биш.
Бас хурд удаан интернэт шахаад түүнийгээ дуусдаггүй дата гэх нь залилан юм.
Яагаад дата хурдан эсвэл удаан дуусдаг талаар энгийнээр тайлбарлая.
Та бидний цахим хэрэглээ өдрөөс өдөрт нэмэгдэхийн хэрээр дуу, дүрс, үзүүлэлтүүд чанаржиж, түүнийгээ дагаад интернэтийн хурд ч нэмэгдэж, дата зарцуулалт өссөн.
Харин интернэтийн хурд удаан эсвэл хурдан, бидний интернэтээр хүлээн авч буй мэдээллийн багтаамж их бага гэж байхаас биш чанартай эсвэл чанаргүй дата гэж үгүй.
Доорх жишээгээр тайлбарлая. Та ямар багтаамжтай, ямар үйлчилгээ авч байгаагаас хамаарч дараах байдлаар дата зарцуулагдана.
Хэрэглээ Хурд мегабит/ceкундэд
E-mail, facebook /том зураг, эсвэл видео агуулаагүй бол / – 2MB
Онлайн тоглоом – 2MB
Видео хурал – 3MB
SD видео /360p, 480p/ – 3MB
HD видео /720p/ -5MB
Full HD видео /1080p/ -8MB
2K видео /1440/ -10MB
2K видео /2160/ -25MB ба түүнээс дээш гэх мэтээр та чанартай зураг дүрс, видео мэдээллийг дээрх хурдаар авч байгаа бол тэр хэрээрээ Дата зарцуулалт өндөр байна гэсэн үг.
Харин таны ашиглаж буй интернэтийн хурд удаан бол тэр хэрээрээ датаны хэрэглээ бага, хурдад тохирсон чанаргүй дүрс видео дамжуулагдахаас гадна дата тань хурдтайгаа хамт гацаж, байсаар л байна. Ийм л энгийн.
Энэ салбарт үйл ажиллагаа явуулж буй эрхмүүд, эсвэл энэ чиглэлээр мэргэшсэн инженерүүд үүнийг хэнээр ч заалгахгүй сайн мэднэ. Харин үүний эсрэг ярьж байгаа нь санаатай тархи угаалт, залилан юм.
Тод мэдээ
Сүхбаатар дүүрэгт 37228 ам.метр явган хүний замын засвар, арчлалтыг энэ сарын 20-ноос эхлүүлнэ
Нийслэлээс явган замын арчлалтыг сайжруулах үүднээс байршлууд дээр нь очиж тогтмол ажиллаж байгаа. Тухайлбал, энэ сарын 17-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг болон холбогдох албаныхан хотын гол, гудамж замын зарим байршилд явган замын нөхцөл байдалтай танилцаж, үүрэг чиглэл өглөө.
Сүхбаатар дүүргийн 8 дугаар хороонд ажиллахдаа явган замгүй байршлуудад хэрхэн явган зам гаргах, иргэдийн хөдөлгөөний аюулгүй байдлыг хангах асуудлаар Сүхбаатар дүүргийн Засаг даргын орлогч У.Өнөрцэцэг болон албаны хүмүүстэй ярилцлаа.
Энэ үеэр Сүхбаатар дүүргийн Засаг даргын орлогч У.Өнөрцэцэг “Нийслэлийн Засаг даргаас өгсөн үүрэг даалгаврын дагуу өнгөрсөн амралтын өдрүүдээр дүүргийн Тамгын газар, хороодын ажлын албатай хамтарч Сүхбаатар дүүргийн 1-11 дүгээр хорооны 355 байршилд 37228 ам.метр талбайн явган хүний зам талбайн арчлалтыг шалгасан. Явган хүний замын хавтангуудын арчлалтыг сайжруулах, засварлах шаардлагатай хэсгүүдэд ажлыг энэ сарын 20-ноос эхлүүлж, үе шаттай явуулна. Эхний ээлжид Сүхбаатар дүүргийн Бага тойруугаас Их тойруу доторх явган хүний замыг засварлана. Багшийн дээдийн хойно Спортын төв ордны арк дээр иргэдээс гомдол их ирдэг. Автомашин явах хоёр урсгал замтай ч хажуугаар нь явган хүний зам байдаггүй. Тиймээс иргэд, орчмоор нь зорчиж байгаа оюутнуудад зорчиход хүндрэлтэй. Энэ хэсэгт мэргэжлийн байгууллагын дүгнэлт гаргуулж, явган хүний замыг хийхээр төлөвлөж байна” гэлээ.
Сүхбаатар дүүргийн хэмжээнд Энхтайваны өргөн чөлөө буюу Арслантай гүүрний баруун талаас Баруун 4 зам хүртэлх явган хүний замыг шинэчлэх ажлыг эхлүүлсэн. Гэрээнд заасан хугацааны дагуу ажлууд хийгдэнэ. МУИС-ийн баруун талаас Засгийн газрын ордны зүүн талд байрлах “Галлериа Улаанбаатар”-ын урд талын хэсэг, СТӨ-ний ард талын хэсгийн явган замын ажлуудыг нийслэлийн Хөрөнгө оруулалтын газраас хяналт тавин гүйцэтгэж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ
Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд өнөөдрөөс Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ.
Тодруулбал, нийслэлийн Онцгой байдлын газар, нийслэлийн Цагдаагийн удирдах газар, дүүргүүдийн Хүүхэд, гэр бүлийн хөгжлийн хэлтсийн алба хаагчид Туул, Тэрэлж, Хэрлэн гол дагуу 9 чиглэлд ирэх есдүгээр сарын 21-ний өдрийг дуустал хөдөлгөөнт болон завьт эргүүл ажиллах юм. Энэ жилээс Сэлбэ гол дагуу хөдөлгөөнт эрүүл ажиллана. Нийслэлийн хэмжээнд гол, усны ослоос аврах, урьдчилан сэргийлэх завьт болон хөдөлгөөнт эргүүл 15 дахь жилдээ ажиллаж байна.
НИЙСЛЭЛИЙН ОНЦГОЙ КОМИСС
Тод мэдээ
Сүхбаатарын талбайн хоёр талын явган хүний замыг шинэчлэх ажил үргэлжилж байна
Нийт 15 байршилд явган хүний замыг байгалийн чулуун хавтангаар шинэчлэх ажил үргэлжилж байна. Үүний нэг болох Сүхбаатарын талбайн хоёр талын 5012 ам.метр талбай бүхий явган хүний зам засварын байршилд холбогдох албаныхан ажиллалаа.
Тухайн байршилд ажилласан УБЗАА-ны Тохижилт, хог хаягдлын удирдлагын газрын дарга Г.Билгүүн “Нийслэл хотын хэмжээнд төв магистрал зургаан гудамжинд байгалийн чулуун хавтангаар явган хүний зам хийж байна. Тухайлбал, Төв шуудангийн уулзвараас Сүхбаатарын талбайг тойрсон явган хүний замыг тодорхой хэсгүүдэд хувааж, ажлыг үргэлжлүүлж байгаа юм. Ажил гүйцэтгэхдээ явган зорчигчийн хөдөлгөөнд саад учруулахгүйн тулд иргэд чөлөөтэй зорчих гарцыг гаргасан” гэлээ.
Түүнчлэн явган замыг байгалийн боржин чулуун хавтангаар шинэчлэхдээ галаар шатаах, цохилттой дрилл ашиглан барзгар гадаргуу үүсгэх байдлаар технологийн шинэчлэлтийн ажлыг зарим шаардлагатай хэсэгт оруулж өгч байгааг ажил гүйцэтгэгчид хэллээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
-
Тод мэдээ2021/03/15
Б.Бямбадорж: Тавдугаар сарын 1 гэхэд нийслэлийн нэг сая иргэнийг дархлаажуулахаа...
-
Өнөөдөр2021/12/13
Томоохон зах, худалдааны төвд 13 түр цэг ажиллана
-
Өнөөдөр2025/06/02
УИХ: Чуулганы нэгсэн хуралдаанаар Ерөнхий сайдад итгэл хүлээлгэх эсэх асуудлыг х...
-
Тод мэдээ2025/01/28
Угаарын хий мэдрэгчгүй 19.296 өрхөд зөвлөгөө, мэдээлэл өглөө