Тод мэдээ
Хөгжлийн банкнаас олгосон зээлийг салбарын ангиллаар танилцуулж байна
Нийт зээлийн 54.7% буюу 23 зээлдэгчийн нийт 1.5 их наяд төгрөгийн зээлийг цементийн үйлдвэр, арматурын үйлдвэр, газрын тосны үйлдвэр, барилга барих үйлдвэр, гурилын үйлдвэр, малын гаралтай түүхий эд үйлдвэрлэх үйлдвэр зэрэг Боловсруулах үйлдвэрлэлийн салбарт олгосон зээл эзэлж байна. Тухайлбал,
- “БЭРЭН ГРУПП” ХХК-ийн “Барилгын арматурын үйлдвэр барих төсөл”,
- “ПЕТРОЛЕУМ ПРОДАКШН” ХХК-ийн “Хийн конденсаци боловсруулах үйлдвэрийн өргөтгөл”,
- “МАК ЦЕМЕНТ” ХХК-ийн “Хөх цавын цементийн үйлдвэрийн төсөл”,
- МОНПОЛИМЕТ ХХК-ийн “Цементийн үйлдвэрийн төсөл”,
- “МОНГОЛ ГАЗРЫН ТОС БОЛОВСРУУЛАХ ҮЙЛДВЭР” ТӨХХК-ийн “Газрын тос боловсруулах үйлдвэр”,
- “ХӨТӨЛ” ХХК-ийн “Цемент шохойн үйлдвэр”,
- “ЭРЭЛ” ХХК-ийн “Барилга үйлдвэрлэх төсөл”,
- НВЦ ХХК-ийн “Хөдөө аж ахуй, шувууны гаралтай бүтээгдэхүүн үйлдвэрлэл”,
- “ВЕСТЕРН ХОЛД” ХХК-ийн “Ховд эко цементийн үйлдвэр байгуулах төсөл” зэрэг төслүүд багтаж байна.
Барилга, дэд бүтцийн салбарт 12 зээлдэгчид нийт 580 тэрбум төгрөгийн зээл олгосон. Тухайлбал,
- ТОСК-ийн 2910 айлын орон сууц, 1100 авто зогсоолын “Буянт Ухаа -1,2” төсөл, Шинэ яармаг хороолол төсөл,
- “ПИРАМИД ОРД” ХХК-ийн 296 айлын “Буман залуус” орон сууцны төсөл,
- “БАРМОН” ХХК-ийн 468 айлын “Шинэчлэл хороолол төсөл”,
- “ЭРДЭНЭС МОНГОЛ” ТӨХК-ийн “Тавантолгой-Гашуунсухайт чиглэлийн авто замын төсөл”,
- “ШАНХ МАЙНИНГ” ХХК-ийн “Тээвэрчдийн хотхон барих төсөл”,
- “ТҮГЭЭМЭЛ ТҮМЭН ХИШИГ” ХХК-ийн “Тайван зогсоол барих төсөл” зэрэг төслүүд багтаж байна.
Эрчим хүчний салбарт 4 зээлдэгчид нийт 385.2 тэрбум төгрөгийн зээл олгосон. Тодруулбал,
- “Эгийн голын усан цахилгаан станц” ТӨХХК-ийн “Эгийн голын усан цахилгаан станц байгуулах төсөл”,
- ЭХЯ-ны “Таван толгой дулааны цахилгаан станцын төсөл”,
- ДЦС-4 ТӨХК-ийн “Суурилагдсан хүчин чадал цахилгаанаар 86 МВт нэмэгдүүлэх төсөл”,
- “Чойбалсангийн дулааны цахилгаан станц өргөтгөх төсөл” зэрэг төслүүд багтаж байна.
Уул уурхайн салбарт 9 зээлдэгчийн нийт 291.5 тэрбум төгрөгийн зээл олгосон. Тухайлбал,
- “ГАН ХҮДЭР ОРД” ХХК-ийн “Хорголжин төмөр үйлдвэрлэх”,
- “ИМПЕРИАЛ ГОУЛД МАЙНИНГ” ХХК-ийн “Алт 2 хөтөлбөр – Алтны хүүшийн амны орд”,
- “ЦЭЦЭНС МАЙНИНГ” ХХК-ийн “Бөөрөлжүүтийн нүүрсний уурхайг ашиглах төсөл”,
- “БОЛОР ШҮР” ХХК-ийн “Алт олборлолт-Хужиртын алтны шороон орд” төсөл зэрэг төслүүд багтаж байна.
- “ЗЭСТ-ӨНДӨР” ХХК-ийн “Ширэн-Овоо төмрийн хүдрийн орд зэрэг төслүүд багтаж байна.
Агаарын тээврийн салбарт 2 компанид нийт 42.6 тэрбум төгрөгийн зээл олгосон.
- “ИЗИНИС-ЭЙР ВЭЙЗ” ХХК,
- “ЗОРЧИГЧ ТЭЭВЭР ГУРАВ” ОНӨААТҮГ
Хөдөө аж ахуйн салбарт нийт 8.1 тэрбум төгрөгийн зээл олгосон.
- “СЭЛЭНГИЙН ГЕРЕФОРД” ХХК-ийн “Мах бэлтгэлийн кластерын хүчин чадлыг нэмэгдүүлэх” төсөл,
- “МОНПЕЛЛЕТС” ХХК-ийн “Хонины ноосон органик бордоо” зэрэг төслүүд багтаж байна.
Хөгжлийн банканд энэ оны 1 дүгээр сарын 20-ны өдрөөс 10 дугаар сарын 25-ны өдрийн байдлаар нийт 775.4 тэрбум төгрөгийн зээл эргэн төлөгдсөн байна. Үүнээс бэлэн мөнгөөр 677.4 тэрбум төгрөгийн зээл, өмчлөх бусад үл хөдлөх хөрөнгөөр 98 тэрбум төгрөгийн зээл төлөгджээ. Нийт 14 зээл бүрэн төлөгдөж хаагдсан байна.
Зээлийн эргэн төлөлтөө хийгээгүй томоохон зээлдэгчдийн мэдээллийг ЭНДЭЭС үзнэ үү.
Тод мэдээ
Сүхбаатар дүүрэгт 37228 ам.метр явган хүний замын засвар, арчлалтыг энэ сарын 20-ноос эхлүүлнэ
Нийслэлээс явган замын арчлалтыг сайжруулах үүднээс байршлууд дээр нь очиж тогтмол ажиллаж байгаа. Тухайлбал, энэ сарын 17-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг болон холбогдох албаныхан хотын гол, гудамж замын зарим байршилд явган замын нөхцөл байдалтай танилцаж, үүрэг чиглэл өглөө.
Сүхбаатар дүүргийн 8 дугаар хороонд ажиллахдаа явган замгүй байршлуудад хэрхэн явган зам гаргах, иргэдийн хөдөлгөөний аюулгүй байдлыг хангах асуудлаар Сүхбаатар дүүргийн Засаг даргын орлогч У.Өнөрцэцэг болон албаны хүмүүстэй ярилцлаа.
Энэ үеэр Сүхбаатар дүүргийн Засаг даргын орлогч У.Өнөрцэцэг “Нийслэлийн Засаг даргаас өгсөн үүрэг даалгаврын дагуу өнгөрсөн амралтын өдрүүдээр дүүргийн Тамгын газар, хороодын ажлын албатай хамтарч Сүхбаатар дүүргийн 1-11 дүгээр хорооны 355 байршилд 37228 ам.метр талбайн явган хүний зам талбайн арчлалтыг шалгасан. Явган хүний замын хавтангуудын арчлалтыг сайжруулах, засварлах шаардлагатай хэсгүүдэд ажлыг энэ сарын 20-ноос эхлүүлж, үе шаттай явуулна. Эхний ээлжид Сүхбаатар дүүргийн Бага тойруугаас Их тойруу доторх явган хүний замыг засварлана. Багшийн дээдийн хойно Спортын төв ордны арк дээр иргэдээс гомдол их ирдэг. Автомашин явах хоёр урсгал замтай ч хажуугаар нь явган хүний зам байдаггүй. Тиймээс иргэд, орчмоор нь зорчиж байгаа оюутнуудад зорчиход хүндрэлтэй. Энэ хэсэгт мэргэжлийн байгууллагын дүгнэлт гаргуулж, явган хүний замыг хийхээр төлөвлөж байна” гэлээ.
Сүхбаатар дүүргийн хэмжээнд Энхтайваны өргөн чөлөө буюу Арслантай гүүрний баруун талаас Баруун 4 зам хүртэлх явган хүний замыг шинэчлэх ажлыг эхлүүлсэн. Гэрээнд заасан хугацааны дагуу ажлууд хийгдэнэ. МУИС-ийн баруун талаас Засгийн газрын ордны зүүн талд байрлах “Галлериа Улаанбаатар”-ын урд талын хэсэг, СТӨ-ний ард талын хэсгийн явган замын ажлуудыг нийслэлийн Хөрөнгө оруулалтын газраас хяналт тавин гүйцэтгэж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Тод мэдээ
Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ
Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд өнөөдрөөс Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж эхэллээ.
Тодруулбал, нийслэлийн Онцгой байдлын газар, нийслэлийн Цагдаагийн удирдах газар, дүүргүүдийн Хүүхэд, гэр бүлийн хөгжлийн хэлтсийн алба хаагчид Туул, Тэрэлж, Хэрлэн гол дагуу 9 чиглэлд ирэх есдүгээр сарын 21-ний өдрийг дуустал хөдөлгөөнт болон завьт эргүүл ажиллах юм. Энэ жилээс Сэлбэ гол дагуу хөдөлгөөнт эрүүл ажиллана. Нийслэлийн хэмжээнд гол, усны ослоос аврах, урьдчилан сэргийлэх завьт болон хөдөлгөөнт эргүүл 15 дахь жилдээ ажиллаж байна.
НИЙСЛЭЛИЙН ОНЦГОЙ КОМИСС
Тод мэдээ
Сүхбаатарын талбайн хоёр талын явган хүний замыг шинэчлэх ажил үргэлжилж байна
Нийт 15 байршилд явган хүний замыг байгалийн чулуун хавтангаар шинэчлэх ажил үргэлжилж байна. Үүний нэг болох Сүхбаатарын талбайн хоёр талын 5012 ам.метр талбай бүхий явган хүний зам засварын байршилд холбогдох албаныхан ажиллалаа.
Тухайн байршилд ажилласан УБЗАА-ны Тохижилт, хог хаягдлын удирдлагын газрын дарга Г.Билгүүн “Нийслэл хотын хэмжээнд төв магистрал зургаан гудамжинд байгалийн чулуун хавтангаар явган хүний зам хийж байна. Тухайлбал, Төв шуудангийн уулзвараас Сүхбаатарын талбайг тойрсон явган хүний замыг тодорхой хэсгүүдэд хувааж, ажлыг үргэлжлүүлж байгаа юм. Ажил гүйцэтгэхдээ явган зорчигчийн хөдөлгөөнд саад учруулахгүйн тулд иргэд чөлөөтэй зорчих гарцыг гаргасан” гэлээ.
Түүнчлэн явган замыг байгалийн боржин чулуун хавтангаар шинэчлэхдээ галаар шатаах, цохилттой дрилл ашиглан барзгар гадаргуу үүсгэх байдлаар технологийн шинэчлэлтийн ажлыг зарим шаардлагатай хэсэгт оруулж өгч байгааг ажил гүйцэтгэгчид хэллээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
-
Тод мэдээ2020/08/31
Цахим тоглоомын газруудын үйл ажиллагааг үе шаттайгаар нээнэ
-
Өнөөдөр2025/01/06
2025 оны цэргийн бүртгэл өнөөдрөөс эхэллээ
-
Тод мэдээ2020/12/02
Emart дэлгүүр эмх замбараагүй байдлаас сэргийлж байна
-
Тод индэр2020/11/20
З.Мэндсайхан: Хүндрэлийг даваад гарах хэмжээний нөөцийг хангалттай бүрдүүлсэн