Тод мэдээ
Монгол, Тайландын Худалдааны хамтарсан хорооны анхдугаар хуралдаан болов
Монгол Улсын Гадаад харилцааны сайд Б.Батцэцэгийн урилгаар Тайландын Хаант Улсын Шадар сайд бөгөөд Худалдааны сайд Журин Лаксанависит 2022 оны 9 дүгээр сарын 5-7-ны өдрүүдэд Монгол Улсад албан ёсны айлчлал хийж байна.
Айлчлалын хүрээнд Монгол Улсын Гадаад харилцааны сайд Б.Батцэцэг, Тайландын Хаант Улсын Шадар сайд бөгөөд Худалдааны сайд Журин Лаксанависит “Монгол Улсын Гадаад харилцааны яам, Тайландын Хаант Улсын Худалдааны яам хооронд Худалдааны хамтарсан хороо байгуулах тухай Харилцан ойлголцлын санамж бичиг”-т гарын үсэг зурж, тус хорооны анхдугаар хуралдааныг энэ сарын 05-ны өдөр зохион байгуулав.
Хуралдааны үеэр хоёр талын хамтын ажиллагааны цаашдын зорилт, үйл ажиллагааны талаар өргөн хүрээнд санал солилцож, харилцааг эдийн засаг, хөдөө аж ахуй, аялал жуулчлал, техникийн хамтын ажиллагаа, логистик зэрэг салбарт өргөжүүлэх талаар хэлэлцүүлэг өрнүүлэв.
Хоёр орны худалдааны эргэлт сүүлийн жилүүдэд нэмэгдэж байгаа, түүнийг эрчимжүүлэхэд чухал үүрэгтэй “Орлого ба хөрөнгийн татварыг давхардуулан ногдуулахгүй байх, татвар төлөхөөс зайлсхийх явдлаас урьдчилан сэргийлэх тухай Засгийн газар хоорондын хэлэлцээр”, “Хөрөнгө оруулалтыг хөхиүлэн дэмжих, харилцан хамгаалах тухай хэлэлцээр” байгуулах ажлыг эрчимжүүлэх талаар хэлэлцээ хийв.
Мөн хоёр орны Гадаад харилцааны яам хооронд байгуулсан “Монгол, Тайландын хооронд 2022-2027 онд хамтран ажиллах 5 жилийн төлөвлөгөө”-нд 2027 онд хоёр талын худалдааны эргэлтийг 100 сая ам.долларт хүргэх, хуримтлагдсан буюу нэмэгдсэн хөрөнгө оруулалтыг 1.5 тэрбум ам.долларт тус тус хүргэх зорилтыг тусгасан бөгөөд улс төрийн сайн харилцааны нөөц бололцоондоо түшиглэн харилцан ашигтай худалдаа, эдийн засгийн хамтын ажиллагааг хөгжүүлэх чиглэлээр санал солилцов.
Хоёр улс бүс нутаг, олон улсын талбарт хамтран ажиллаж ирсэн, НҮБ болон олон улсын бусад байгууллагын хүрээнд хамтын ажиллагаагаа цаашид улам гүнзгийрүүлэхийн төлөө нягт хамтран ажиллана гэдгээ нотлов.
Тод мэдээ
Ойн улаан хачгийн тархалтын шинэ цэг илрүүллээ
Зоонозын өвчин судлалын үндэсний төв, Нийслэлийн ЗӨСТ хамтран Төв аймгийн Батсүмбэр, Баянчандмань, Жаргалант сумын нутагт 2024 оны дөрөвдүгээр сарын 29-нөөс тавдугаар сарын 4-ний хооронд хачгаар дамжих халдварын үүсгэгчийн тархалт тогтоох тандалт судалгааг хийлээ.
Төв аймгийн Батсүмбэр сумын Сөгнөгөрийн ам, Жаргалант сумын Хустай амнаас тус тус ойн улаан хачгийн тархалтыг шинээр илрүүлж, тогтоолоо.
Түүнчлэн Батсүмбэр, Баянчандмань, Жаргалант сумын нутгаас "Dermacentor" төрлийн нэг зүйлийн хачиг цуглуулсан.
Тандалт судалгаагаар цуглуулсан хоёр зүйлийн 353 хачигт хачгаар дамжих халдварт өвчний үүсгэгч тодорхойлох молекул биологийн шинжилгээг хийж, Нийгмийн эрүүл мэндийн тусламж, үйлчилгээг төлөвлөнө гэж Зоонозын өвчин судлалын үндэсний төвөөс мэдээллээ.
Тод мэдээ
Хянан шалгах түр хорооны ээлжит сонсголыг 5 дугаар сарын 21, 22-ны өдрүүдэд товлоло
Улсын Их Хурлын 2024 оны 13 дугаар тогтоолоор байгуулагдсан “Нийслэлийн нийтийн тээврийн чанар, хүртээмжийг нэмэгдүүлэх, парк шинэчлэх шаардлагын дагуу 2023 онд худалдан авсан автобусны худалдан авах ажиллагаанд хяналт шалгалт хийх, шалгалтын тайлан, санал, дүгнэлтийг Улсын Их Хуралд танилцуулах үүрэг бүхий” Хянан шалгах түр хорооны хуралдаан өнөөдөр / 2024.05.14 / болж гурван асуудал хэлэлцсэн талаар тус түр хорооны дарга Ж.Бат-Эрдэнэ гишүүдийн хамт мэдээлэл хийлээ. Хэвлэлийн бага хуралд Хянан шалгах түр хорооны гишүүн, Улсын Их Хурлын гишүүн Ж.Батсуурь, Т.Доржханд, С.Одонтуяа, Г.Тэмүүлэн, Н.Ганибал оролцов.
Хянан шалгах түр хорооны 2024 оны 5 дугаар 14-ний өдрийн хуралдаан 09.15 цагт эхлэн 72.7 хувийн ирцтэйгээр хуралдаж,Түр хорооны сонсгол товлон зарлах тухай, Нотлох баримт шинжлэн судлах дараалал тогтоох тухай, Сонсголд гэрч дуудах тухай гэсэн 3 тогтоолын төслийг хэлэлцэж баталсан байна. Энэ дагуу 5 дугаар сарын 21, 22-ны өдрүүдэд Хянан шалгах түр хорооны сонсголын товыг тогтоосон гэж тус түр хорооны дарга, Улсын Их Хурлын гишүүн Ж.Бат-Эрдэнэ мэдээллийнхээ эхэндээ онцоллоо.
Мөн тэрбээр, сонсголоор худалдан авах үйл ажиллагаа ямар хэмжээнд явагдав, хэн гэдэг албан тушаалтан ямар хэлбэрээр оролцов, хууль эрх зүйн хүрээнд хэрхэн дүгнэлт гаргав, орж ирсэн ногоон автобус стандартын шаардлагыг хангасан уу” гэсэн гурван бүлэг сэдвийн хүрээнд нотлох баримтыг шинжлэн судлах болно гэж тодотгов. “Нийслэлийн нийтийн тээврийн чанар, хүртээмжийг нэмэгдүүлэх, парк шинэчлэх шаардлагын дагуу 2023 онд худалдан авсан автобусны худалдан авах ажиллагаанд хяналт шалгалт хийх, шалгалтын тайлан, санал, дүгнэлтийг Улсын Их Хуралд танилцуулах үүрэг бүхий” Хянан шалгах түр хорооноос 8 хянан шалгагч, шинжээч томилогдож, сар гаруйн хугацаанд нотлох баримтыг шинжлэн судалжээ. Сонсголд нийт 98 гэрчийг оролцуулахаар дуудсан байна хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.
Тод мэдээ
Хот, нийтийн аж ахуйн салбарын 13 мэргэжлээр 100 хүүхдийг Германд сургана
Нийслэлийн Засаг даргын захирамжаар хот, нийтийн аж ахуйн чиглэлээр Холбооны Бүгд Найрамдах Герман Улсад суралцах сурагчдыг сонгон шалгаруулах “Нарийн мэргэжлийн мэргэжилтэн бэлтгэх тухай” ажлын хэсгийг байгуулсан.
Нийслэлийн Засаг даргын Тамгын газрын дарга Л.Хосбаяраар ахлуулсан ажлын хэсэг Нийслэлийн Геодези, усны барилга, байгууламжийн газар ОНӨААТҮГ, “Хот тохижилтын газар” ОНӨААТҮГ, Захирагчийн ажлын алба, дүүргүүдийн хот нийтийн аж ахуйн салбарт тогтвор, суурьшилтай ажиллаж буй албан хаагчдын 18-22 насны хүүхдүүдийн судалгааг авч, сонгон шалгаруулалтын хүрээнд ганцаарчилсан ярилцлагыг тавдугаар сарын 13-ны өдрөөс эхлүүлсэн юм.
Сонгогдсон хүүхдүүд эх орондоо 11 сар герман хэлний бэлтгэлд хамрагдах юм.
Хэлний шалгалтдаа тэнцсэн тохиолдолд Герман Улсад дараах нарийн мэргэжлээр 3 жил суралцана.
- Метроны засварчин
- Нийтийн тээврийн инженер, засварчин
- Дулааны слесарь
- Цахилгаанчин
- Агуулах, ложистикийн мэргэжилтэн
- Үйлдвэрийн механикжуулалт, Мехатроник,
- Гүний барилга байгууламжийн инженер, мэргэжилтэн
- Металл
- Хүнсний технологич
- Систем, интеграцчлал мэдээллийн технолгийн мэргэжилтэн
- Бетон ба төмөр бетоны мэргэжилтэн
- Токерчин
- Цэцэрлэгжүүлэлт, ландшафт
-
Тод мэдээ2021/12/07
Нийтийн бие засах газрын загвар зураг боловсруулах уралдаан зарлаж байна
-
Тод мэдээ2020/05/08
Нэмэгдсэн өртгийн албан татвараас чөлөөлөх тухай хуулийн төслийг батлав
-
Тод мэдээ2021/03/30
УОК: Бүх нийтийн бэлэн байдалд шилжүүлэх ЭМЯ-ны саналыг дэмжив
-
Тод зураг2020/09/19
Хорвоогийн хамгийн аймшигтай газрууд
Сэтгэгдэл