Дэлхий нийтээр..
Европын холбооны сан болон сайн засаглалд хүрэх арга зам
Европын холбоонд элссэнээс хойш 10 жилийн дараа ч авлигын асуудал Болгар болон Румын Улсын аль алиных нь Европын холбоон дахь байр суурыг тодорхойлсон хэвээр байна. Авлигын тогтолцооны үр дагавар нь хоёр орны хувьд хамгийн ноцтой асуудал болж хадгалагдсаар байна.
Энэ асуудал нь өргөтгөл хийх замаар засаглалын үр дүнтэй өөрчлөлтийг хэрэгжүүлэхэд Европын холбооны үр өгөөжтэй байдалд эргэлзээ төрүүлж байна. Европын холбоо нь сүүлийн хорин жилийн турш орчин үеийн шинэчлэлд ихээхэн хэмжээний санхүүгийн дэмжлэг үзүүлэхийн зэрэгцээ авлигатай тэмцэх чиглэлээр хоёр улсад хэд хэдэн болзол тавьсан. Европын холбооны сангуудын хөрөнгө авлигатай тэмцэх асуудалд илүү ахиц дэвшил гаргахад хэр чиглэгдэж байгаа эсэх болон бодит үр нөлөө нь юу байсан бэ гэдэг асуулт хэвээр байна.
Европын холбооны санхүүжилт засаглалыг сайжруулсан уу? Ардчилал судлалын төвөөс 2017 оны 2-р сарын 24-ний өдөр зохион байгуулсан дугуй ширээний уулзалтын үеэр хэлэлцсэн гол асуудлын нэг нь энэ байв. Энэхүү арга хэмжээнд Европын холбооны Сангийн асуудал эрхэлсэн Шадар сайд, хатагтай Малина Крумова илтгэл тавьж, Европын холбооны судалгааны хөтөлбөрийн түүхэн дэх хамгийн том судалгааны ажил болох нийгэм, хүмүүнлэгийн ухааны авлигатай холбоотой “ANTICORRP”-ийн хүрээнд судалгаа хийсэн Болгар, Румын, Унгар, Украин зэрэг орнуудын жишээнүүдийг ярьсан юм. Дугуй ширээний уулзалтад Болгар Улсын дэд ерөнхийлөгч асан, хатагтай Маргарита Попова, дипломат корпусын гишүүд, хэвлэл мэдээллийн төлөөлөл, эрдэмтэн судлаачид, үндэсний болон олон улсын байгууллагын төлөөлөгчид оролцов.
1998 оноос хойших авлигатай холбоотой үйл ажиллагаанд зарцуулсан Европын холбооны санхүүгийн дэмжлэгийг тоймлон үзэхэд Европын холбооны нийт санхүүгийн дэмжлэгийн бодит хэмжээнээс үл хамааран Болгар Улс нь авлигатай тэмцэх амлалтдаа анхаарлаа хандуулж, нөөц бололцоогоо зориулсаар ирсэн байна. Авлигатай тэмцэхэд үзүүлэх тусламжийн хэмжээ гурван удаа нэмэгдсэн бөгөөд энэ нь 1999 онд буюу хэлэлцээрийн эхэн үед, 2005 онд буюу Европын холбоонд нэгдэн орох гэрээнд гарын үсэг зурахын өмнөхөн, 2010 оны эхээр буюу Хамтын ажиллагаа ба баталгаажуулалтын механизмын заалтуудын хүчинтэй хугацаа дуусгавар болох үеүдэд юм. Болгар Улс Европын холбоонд нэгдэн орох, гишүүнчлэлийн хүчин чармайлтад ихээхэн ач холбогдол өгч байснаас ялгаатай нь ерөнхийдөө авлигатай тэмцэхэд маш хязгаарлагдмал нөөцийг хуваарилсан байна. Гэсэн хэдий ч Европын холбооны сангууд эерэг үлгэр жишээ үзүүлж, төрийн худалдан авалтын захиргааны чадавхыг бэхжүүлэхэд дэмжлэг үзүүлсэн. Учир нь Болгар болон Румын Улсад Европын холбооны санхүүжилттэй төрийн худалдан авалтын авлигын эрсдэл нь үндэсний санг ашиглахтай холбоотой авлигын эрсдэлээс доогуур үнэлэгдсэн байдаг.
Эх сурвалж: anticorrp.eu
Дэлхий нийтээр..
Германы прокурорууд “Умардын урсгал”-ын халдлагыг Украины тал захиалсан гэж үзжээ
Германы прокурорууд 2022 онд “Умардын урсгал” хийн хоолойд гарсан дэлбэрэлттэй холбоотойгоор Украины армийн офицер асан этгээдэд яллах дүгнэлт үйлджээ. Түүнийг Украины төрийн байгууллагын нэрийн өмнөөс ажиллаж, хоолойг дэлбэлэх ажиллагаанд оролцсон гэж буруутгаж байна.
Германы хувийн мэдээлэл хамгаалах журмын дагуу Серхий К. гэж нэрлэгдсэн уг этгээдийг иргэний зориулалттай байгууламжид халдсан, дэлбэрэлт үүсгэсэн, дэд бүтэц сүйтгэсэн, нийтийн үйлчилгээг тасалдуулсан бүлэгт багтсан гэж үзжээ. Харин тэрбээр уг хэрэгт холбоогүй гэдгээ мэдэгдсэн байна.
Киевийн эрх баригчид Германы прокуроруудын мэдэгдэлд дэлгэрэнгүй тайлбар өгөх хангалттай мэдээлэл одоогоор байхгүй гэжээ. Украины Ерөнхийлөгч Владимир Зеленский яллах дүгнэлтийн талаар бүрэн мэдээлэл аваагүй тул одоогоор дүгнэлт хийхэд эрт байна гэж мэдэгдсэн байна.
Прокуроруудын мэдээлснээр Серхий К. нь 2022 оны есдүгээр сард шумбагчид, хөлгийн ахмад, тэсрэх бодисын мэргэжилтнээс бүрдсэн багийг удирдан Герман руу хуурамч бичиг баримтаар нэвтэрч, хөлөг түрээслэсэн гэж үзэж байна. Улмаар багийнхан Балтын тэнгист байрлах хоолойн хэсэгт тэсрэх төхөөрөмж байрлуулсан гэх үндэслэлээр шалгагдаж байна.
“Умардын урсгал”-ын дэлбэрэлт 2022 оны есдүгээр сард буюу Орос Украинд бүрэн хэмжээний довтолгоо эхлүүлснээс долоон сарын дараа болсон. Дэлбэрэлтийн улмаас Оросын байгалийн хийг Европ руу дамжуулах гол шугам болох “Умардын урсгал-1” гэмтэж, ашиглалтад ороогүй байсан “Умардын урсгал-2”-ын хэсэг мөн эвдэрсэн юм.
Германы тал уг хэргийг өөрийн харьяалалд хамаарна гэж үзэж байна. Учир нь гэмтсэн хоолойнууд Германы Мекленбург–Өрнөд Померани мужийн Любмин хотод хүрдэг бөгөөд Германы эрчим хүчний аюулгүй байдалд нөлөөлсөн гэж тайлбарлажээ.
Дэлхий нийтээр..
БНСУ-ын Ерөнхийлөгч И Жэ Мён Монгол Улсад төрийн айлчлал хийнэ
Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Солонгос Улсын Ерөнхийлөгч И Жэ Мён, гэргий Ким Хе Гён-ы хамт 2026 оны 07 дугаар сарын 09-11-ний өдрүүдэд Монгол Улсад төрийн айлчлал хийнэ.
Энэ айлчлал БНСУ-ын төрийн тэргүүн 2011 онд манай улсад айлчилснаас хойш 15 жилийн дараа болох юм.
Айлчлалын хүрээнд Ерөнхийлөгч У.Хүрэлсүх, И Жэ Мён нар албан ёсны хэлэлцээ хийж, “Стратегийн түншлэл”-ийн харилцааг өргөжүүлэн бэхжүүлэх, хамтын ажиллагааг эдийн засгийн агуулгаар баяжуулах болон олон улс, бүс нутгийн тавцан дахь хамтын ажиллагаа зэрэг чиглэлээр санал солилцоно.
Айлчлалын үеэр талууд харилцаа, хамтын ажиллагааг өргөжүүлэн хөгжүүлэхтэй холбоотой Засгийн газар болон байгууллага хоорондын баримт бичгүүдэд гарын үсэг зурахаар төлөвлөж байна.
БНСУ-ын Ерөнхийлөгч И Жэ Мён, гэргий Ким Хе Гён нар Үндэсний их баяр наадмын нээлтийн ёслолд хүндэт зочдын хувиар оролцоно.
Хоёр улс:
2006 онд “Сайн хөршийн, найрамдал, хамтын ажиллагааны түншлэл”
2011 онд “Иж бүрэн түншлэл”
2021 онд “Стратегийн түншлэл”-ийн харилцаа тогтоосон.
Монгол Улс, Бүгд Найрамдах Солонгос Улс 1990 оны 03 дугаар сарын 26-ны өдөр дипломат харилцаа тогтоосон. БНСУ 1990 онд Улаанбаатар хотноо, манай улс 1991 онд Сөүл хотноо Элчин сайдын яамаа нээжээ.
Дэлхий нийтээр..
Пакистан: Афганы хил орчимд явуулсан ажиллагаагаар 29 зэвсэгт этгээдийг устгасан гэж мэдэгдэв
Пакистаны аюулгүй байдлын хүчнийхэн Афганистантай залгаа хилийн бүсэд явуулсан хуурай замын ажиллагаа болон дараах агаарын цохилтын үеэр 29 зэвсэгт этгээдийг устгасан гэж тус улсын эрх баригчид мэдэгдлээ.
Пакистаны Мэдээллийн сайд Аттаулла Тарарын мэдээлснээр, уг ажиллагааг сүүлийн үед тус улсын нутаг дэвсгэрт гарсан хэд хэдэн зэвсэгт халдлагын хариу арга хэмжээ болгон зохион байгуулжээ. Тэрбээр ажиллагааны үеэр зэвсэгт бүлэглэлүүдийн байрлаж байсан нуугдах газар, баазуудад чиглэсэн цохилт өгсөн гэж мэдэгдсэн байна.
Энэхүү ажиллагаа нь Карачи хот дахь Пакистаны хилийн цэргийн төв байр руу зэвсэгт халдлага үйлдэгдсэний дараахан болсон юм. Уг халдлагын улмаас гурван цэргийн алба хаагч амь үрэгдэж, хэд хэдэн хүн шархадсан бөгөөд халдлагын хариуцлагыг Пакистаны Талибантай холбоотой Жамаат-ул-Ахрар бүлэглэл хүлээжээ.
Сүүлийн жилүүдэд Пакистаны баруун хойд бүсэд зэвсэгт халдлагын тоо эрс нэмэгдэж, тус улсын эрх баригчид ихэнх халдлагыг Пакистаны Талибан (TTP) болон түүнтэй холбоотой бүлэглэлүүдтэй холбон тайлбарлаж ирсэн. Харин Афганы эрх баригчид өөрийн нутаг дэвсгэрийг ийм зорилгоор ашиглуулахгүй гэсэн байр сууриа удаа дараа илэрхийлж байгаа юм.
-
Үйл явдал2022/08/30
Үс шинээр үргээлгэх буюу засуулбал эд мал баялаг төгөлдөр болно
-
Дэлхий нийтээр..2021/08/20
Зуслангийн 26 амны хэсэгчилсэн ерөнхий төлөвлөгөөнд тодотгол хийнэ
-
Дэлхий нийтээр..2023/10/31
АНУ-ын Потомакийн их сургуультай хамтран ажиллах Санамж бичиг байгууллаа
-
Хэн юу хэлэв...2020/09/01
Хайрын шүлгийн “Цагаан-Уул” наадам Т. Амар-Амгалан тэргүүн байр эзэл...