Дэлхий нийтээр..
БГД-ийн шилдэгүүд төрийн дээд шагнал хүртлээ
Хүндэтгэлийн арга хэмжээг нээж дүүргийн ИТХ-ын дарга хатагтай Б.Сэмжидмаа: “Төр түмнээрээ хийсэн бүтээснээ үнэлүүлж, өнөөдрийн түүхт баярын өдөр төрийн дээд одон медалиар шагнагдаж байгаа эрхэм иргэд та бүхэндээ эрүүл энх хамгийн сайн сайхныг хүсэн ерөөе” хэмээн хэлсэн.
Ёслолын эхэнд БГД-ийн Засаг дарга Ө.Сумъяабаатар хэлсэн үгэндээ: “Монгол Улсын төрийн дээд одон медаль, салбарын яамны дээд шагналаар шагнагдсан та бүхэндээ баяр хүргэж, нийслэл хот үүсч хөгжсөний түүхт өдрийн мэнд дэвшүүлье. Баянгол дүүрэг 2021 онд чамгүй ололт амжилттай ажиллаж байгааг онцгойлон дуулгая. Бид дүүргийн иргэдийнхээ ая тухтай ажиллаж амьдрах орчин нөхцөлийг сайжруулах, хүүхдүүдийн сурч боловсрох орчныг хангах, зам дэд бүтцийн бүтээн байгуулалтын чиглэлээр улс, нийслэл, дүүргийн хөрөнгө оруулалтаар чамгүй ажлууд амжууллаа. Мөн хэдхэн хоногийн өмнө Нийслэл хотын ойг угтсан “Манай хороо-Миний гудамж” аянд амжилттай оролцож “ШИЛДЭГ ДҮҮРЭГ” номинацад хоёрдугаар байранд орлоо.Энэ мэтчилэн салбар бүрдээ амжилтаа ахиулсаар байгаа та бид энэ сайхан өдөр мөн л салбар салбарын шилдэг ажилтнуудынхаа ажил үйлс, амжилт бүтээлээр бахархаж байна. Төрдөө үнэлэгдэн эрхэм хүндтэй шагнал хүртсэн та бүхэндээ дүүргийн ЗДТГ-ын хамт олныхоо нэрийн өмнөөс баяр хүргэж, сайн сайхан бүхнийг хүсэн ерөөе” гэв.
Энэ өдөр төрийн дээд шагналаар дөрвөн иргэн, салбарын дээд шагналаар 6 иргэн шагнагдсан юм. Шагналыг дүүргийн удирдлагууд гардууллаа.
-Баянгол дүүргийн 17 дугаар хорооны ахмад настан Норов овогтой Өлзийдэлгэр Хөдөлмөрийн гавьяаны улаан тугийн одон
-"Хүрд" ХК-ийн ажилтан Цэцэнжаргал овогтой Эрдэнэбаатар Алтан гадас одон
-18-р хорооны ахмад настан Дамчийбадгар овогтой Чимэдцэен Алтан гадас” одон
-Гурван гал группийн Ерөнхий менежер Лувсанцэрэн овогтой Сонинхүү Алтан гадас одонгоор
-“Эм Жи Партнерс” ХХК-ийн борлуулалтын менежер Дэлгэрсайхан овогтой Оюунбаатар Үйлдвэр, худалдаа, үйлчилгээний тэргүүний ажилтан цол тэмдэгээр
-“Эбо холдинг” ХХК-ийн бичиг хэрэг, бэлэн мөнгөний нярав Оросоо овогтой Ариунтуяа Хүнс, хөдөө аж ахуй, хөнгөн үйлдвэрийн яамны Жуух бичиг
-“Техник импорт” ХХК-ийн ачигч Жавзмаа овогтой Буяндэлгэр Хүнс, хөдөө аж ахуй, хөнгөн үйлдвэрийн яамны Жуух бичиг
-“Техник импорт” ХХК-ийн үйлчлэгч Баатар овогтой Баярсайхан Хүнс, хөдөө аж ахуй, хөнгөн үйлдвэрийн яамны Жуух бичиг
-“Смарт салон” ХХК-ийн үсчин Төмөр овогтой Ганцэцэг Хүнс, хөдөө аж ахуй, хөнгөн үйлдвэрийн яамны Жуух бичиг
-Хувиараа бизнес эрхлэгч Нарантуяа овогтой Мөнгөнчимэг Хүнс, хөдөө аж ахуй, хөнгөн үйлдвэрийн яамны Жуух бичгээр тус тус шагнагдлаа.
Нийт шагнуулагсаддаа баяр хүргэе!
Дэлхий нийтээр..
Германы прокурорууд “Умардын урсгал”-ын халдлагыг Украины тал захиалсан гэж үзжээ
Германы прокурорууд 2022 онд “Умардын урсгал” хийн хоолойд гарсан дэлбэрэлттэй холбоотойгоор Украины армийн офицер асан этгээдэд яллах дүгнэлт үйлджээ. Түүнийг Украины төрийн байгууллагын нэрийн өмнөөс ажиллаж, хоолойг дэлбэлэх ажиллагаанд оролцсон гэж буруутгаж байна.
Германы хувийн мэдээлэл хамгаалах журмын дагуу Серхий К. гэж нэрлэгдсэн уг этгээдийг иргэний зориулалттай байгууламжид халдсан, дэлбэрэлт үүсгэсэн, дэд бүтэц сүйтгэсэн, нийтийн үйлчилгээг тасалдуулсан бүлэгт багтсан гэж үзжээ. Харин тэрбээр уг хэрэгт холбоогүй гэдгээ мэдэгдсэн байна.
Киевийн эрх баригчид Германы прокуроруудын мэдэгдэлд дэлгэрэнгүй тайлбар өгөх хангалттай мэдээлэл одоогоор байхгүй гэжээ. Украины Ерөнхийлөгч Владимир Зеленский яллах дүгнэлтийн талаар бүрэн мэдээлэл аваагүй тул одоогоор дүгнэлт хийхэд эрт байна гэж мэдэгдсэн байна.
Прокуроруудын мэдээлснээр Серхий К. нь 2022 оны есдүгээр сард шумбагчид, хөлгийн ахмад, тэсрэх бодисын мэргэжилтнээс бүрдсэн багийг удирдан Герман руу хуурамч бичиг баримтаар нэвтэрч, хөлөг түрээслэсэн гэж үзэж байна. Улмаар багийнхан Балтын тэнгист байрлах хоолойн хэсэгт тэсрэх төхөөрөмж байрлуулсан гэх үндэслэлээр шалгагдаж байна.
“Умардын урсгал”-ын дэлбэрэлт 2022 оны есдүгээр сард буюу Орос Украинд бүрэн хэмжээний довтолгоо эхлүүлснээс долоон сарын дараа болсон. Дэлбэрэлтийн улмаас Оросын байгалийн хийг Европ руу дамжуулах гол шугам болох “Умардын урсгал-1” гэмтэж, ашиглалтад ороогүй байсан “Умардын урсгал-2”-ын хэсэг мөн эвдэрсэн юм.
Германы тал уг хэргийг өөрийн харьяалалд хамаарна гэж үзэж байна. Учир нь гэмтсэн хоолойнууд Германы Мекленбург–Өрнөд Померани мужийн Любмин хотод хүрдэг бөгөөд Германы эрчим хүчний аюулгүй байдалд нөлөөлсөн гэж тайлбарлажээ.
Дэлхий нийтээр..
БНСУ-ын Ерөнхийлөгч И Жэ Мён Монгол Улсад төрийн айлчлал хийнэ
Монгол Улсын Ерөнхийлөгч Ухнаагийн Хүрэлсүхийн урилгаар Бүгд Найрамдах Солонгос Улсын Ерөнхийлөгч И Жэ Мён, гэргий Ким Хе Гён-ы хамт 2026 оны 07 дугаар сарын 09-11-ний өдрүүдэд Монгол Улсад төрийн айлчлал хийнэ.
Энэ айлчлал БНСУ-ын төрийн тэргүүн 2011 онд манай улсад айлчилснаас хойш 15 жилийн дараа болох юм.
Айлчлалын хүрээнд Ерөнхийлөгч У.Хүрэлсүх, И Жэ Мён нар албан ёсны хэлэлцээ хийж, “Стратегийн түншлэл”-ийн харилцааг өргөжүүлэн бэхжүүлэх, хамтын ажиллагааг эдийн засгийн агуулгаар баяжуулах болон олон улс, бүс нутгийн тавцан дахь хамтын ажиллагаа зэрэг чиглэлээр санал солилцоно.
Айлчлалын үеэр талууд харилцаа, хамтын ажиллагааг өргөжүүлэн хөгжүүлэхтэй холбоотой Засгийн газар болон байгууллага хоорондын баримт бичгүүдэд гарын үсэг зурахаар төлөвлөж байна.
БНСУ-ын Ерөнхийлөгч И Жэ Мён, гэргий Ким Хе Гён нар Үндэсний их баяр наадмын нээлтийн ёслолд хүндэт зочдын хувиар оролцоно.
Хоёр улс:
2006 онд “Сайн хөршийн, найрамдал, хамтын ажиллагааны түншлэл”
2011 онд “Иж бүрэн түншлэл”
2021 онд “Стратегийн түншлэл”-ийн харилцаа тогтоосон.
Монгол Улс, Бүгд Найрамдах Солонгос Улс 1990 оны 03 дугаар сарын 26-ны өдөр дипломат харилцаа тогтоосон. БНСУ 1990 онд Улаанбаатар хотноо, манай улс 1991 онд Сөүл хотноо Элчин сайдын яамаа нээжээ.
Дэлхий нийтээр..
Пакистан: Афганы хил орчимд явуулсан ажиллагаагаар 29 зэвсэгт этгээдийг устгасан гэж мэдэгдэв
Пакистаны аюулгүй байдлын хүчнийхэн Афганистантай залгаа хилийн бүсэд явуулсан хуурай замын ажиллагаа болон дараах агаарын цохилтын үеэр 29 зэвсэгт этгээдийг устгасан гэж тус улсын эрх баригчид мэдэгдлээ.
Пакистаны Мэдээллийн сайд Аттаулла Тарарын мэдээлснээр, уг ажиллагааг сүүлийн үед тус улсын нутаг дэвсгэрт гарсан хэд хэдэн зэвсэгт халдлагын хариу арга хэмжээ болгон зохион байгуулжээ. Тэрбээр ажиллагааны үеэр зэвсэгт бүлэглэлүүдийн байрлаж байсан нуугдах газар, баазуудад чиглэсэн цохилт өгсөн гэж мэдэгдсэн байна.
Энэхүү ажиллагаа нь Карачи хот дахь Пакистаны хилийн цэргийн төв байр руу зэвсэгт халдлага үйлдэгдсэний дараахан болсон юм. Уг халдлагын улмаас гурван цэргийн алба хаагч амь үрэгдэж, хэд хэдэн хүн шархадсан бөгөөд халдлагын хариуцлагыг Пакистаны Талибантай холбоотой Жамаат-ул-Ахрар бүлэглэл хүлээжээ.
Сүүлийн жилүүдэд Пакистаны баруун хойд бүсэд зэвсэгт халдлагын тоо эрс нэмэгдэж, тус улсын эрх баригчид ихэнх халдлагыг Пакистаны Талибан (TTP) болон түүнтэй холбоотой бүлэглэлүүдтэй холбон тайлбарлаж ирсэн. Харин Афганы эрх баригчид өөрийн нутаг дэвсгэрийг ийм зорилгоор ашиглуулахгүй гэсэн байр сууриа удаа дараа илэрхийлж байгаа юм.
